ترويض الشرسه

البارت العاشر

بعدما هدأت توجهت للمنزل وكان كلا من اصاله ومنال فى انتظارها بمجرد ان دلفت للمنزل نهضوا وتوجهوا ناحيتها بقلق
اصاله :انتِ كنتى فين قلقتينا عليكى ؟
ألين بهدوء: مفيش داعى للقلق
أصاله وهى تتفقد جرحها : لا طبعاانتِ متعورة هو ايه اللى حصل ؟
ألين وهى تحاول السيطره على عصبيها : قولت مفيش...ممكن بقى تسيبينى اطلع اوضتى
منال وقد تحدثت اخيرا :سيبيها ي اصاله تطلع ترتاح شويه
(تركتهم وتوجهت الى غرفتها ألقت نفسها على الفراش وهى تحاول منع نفس من التفكيرف احداث اليوم ولكن من دون قصدها تذكر شىء ما )

عندما وجدت الداتا الموجوده على اللاب بدأت تنتقل امسكت هاتفها على الفور وفتحت الميدليه المعلقه به وكانت عباره عن فلاشة وضعتها فى اللاب كانت السبب فى منع ارسال البيانات وارسلت بدلا منها فيروس ولكنه دلف للغرفه وحدث ما حدث كانت على وشك اخباره بما حدث ولكنه لم يعطيها فرصة للتحدث (اغمقت عيناها محاولتا منها للنوم )

أصاله وهى تدلف لغرفه حمزة لتخبرهم بعودة ألين
أحمد : الحمد لله انها كويسه وبخير
أصاله : الحمدلله واناكلمت امير وألياس وعرفتهم انها رجعت وامير جه ومستنى حمزة تحت عايز يتكلم معاه
حمزة وهو ينهض : انا نازله وانتِ اجهزى عشان اوصلك البيت
احمد : استنى هنزل معاك (هبطوا لاسفل توجه حمزة الى حيث يوجد أمير وخلفه اصاله ... اما احمد ف جلس بجوار منال الجالسه على الاريكه بمفردها )

أمير ل حمزة : انت كويس ؟
=ايوا
-ايه اللى حصل بقى عشان انا مش فاهم اى حاجه
=مفيش حاجه متقلقش
-لا اقلق حمزة انت مشوفتش نفسك كنت عامل ازاى انت كنت بتبص للبنت وكنت عايز تقتلها
=امير انا دماغى مش حمل ضغط قولت مفيش حاجه ...خلاص بقى متفضلش تضغط عليا لو سمحت
أصاله : خلاص ي امير سيبه على راحته هو لما يهدأ هيتكلم (ثم وجهت حديثها ل حمزة ) مش كدا ؟
=بالظبط كدا ...يلا عشان اوصلك الوقت اتأخر
أصاله : خليك انت تعبت النهارده جامد انا هروح مع امير
حمزة : فاضى توصلها ولا اوصلها انا
أمير :لا هوصلها روح انت ارتاح ولينا كلام بكره
حمزة :ان شاء الله

عند أحمد ومنال
-(قال وهو ينظر لها ) متزعليش من حمزة انتِ عارفه انه لما بيتعصب بيقول كلام مش حاسس بيه
=هو مقاليش حاجه
-هومقالكيش انتِ بس قال ل ألين ووجعها بالكلام انا عارف ان انتِ فضلتى ساكته لان موقفك كان صعب ومكنتيش عارفه توقفى ف صف مين فيهم ..انا عارف ان ابنى غلط ف بنتك وانا بتأسفلك وهخليه يجى يتأسفلك بنفسه
=حمزة ابنى زى ما هى بنتى متفكرش انى زعلانه على أيلينا وهو لا ...بس اللى مش فهماه هو ايه اللى حصل خلاهم يتخانقوا تانى والامور توصل بينهم للدرجه دى
ألين من خلفهم : محصلش حاجه ...انا وقعت اللاب بتاعه غصب عنى وهو اتنرفز زى عادته بس انا اللى كنت خايفه زياده عن اللزوم ووقعت على طرف التربيز رأسى اتعورت (نظر لها احمد بذهول لتكمل هى )
يعنى الغلط من عندى انا
منال : يعنى هو دا اللى حصل ؟ يعنى هو معملكيش حاجه
ألين :لا معمليش حاجه ...(ثم اكملت بحزن )ف انا اسفه انى سببتلكم مشاكل وقلبتلكم اليوم بسبب غبائى واسفه انى مبعملش اى حاجه ف حياتى غير انى اسبب مشاكل ل اللى حوليا
احمد :لا طبعا الكلام دا غلط انتِ مش كدا ...سيبك من الهبل اللى هو قاله ومتفكريش فيه هو قاله من عصبيته مش اكتر
-(قالت وهى تقاطع حديثه ) الكلام اللى بيتقال وقت العصبيه بيكون حقيقى لانه بيتقال من غير تفكير ...بس على العموم انا مش فارقه معايا المهم انى صلحت سوء التفاهم اللى حصل وخلاص ...عند اذنكم انا هطلع اوضتى
أحمد :طيب لو معندكيش مانع تيجى نخرج نتمشى شويه
-اوكى اصلا مجيليش نوم
أحمد بأبتسامه : طيب يلا
(كانوا ف طريقهم للخروج ولكنهم قابلوه يدلف من الباب حاولت الاختباء خلف أحمد والهروب من النظر له ...نظر لهم ولم يتفوه بكلمه توجه للداخل اخذ مفاتيحه وترك المنزل وغادر اما هم فتخرجوا معا وبداوا فى التمشه )
أحمد :ليه عملتى كدا ؟
-عملت ايه
=قولتى ل منال انك وقعتى
-ماهو دا اللى حصل فعلا
=بلاش كذب انا عارف كل حاجه هو قالى اللى حصل وانه زقك وضربك بالقلم كمان ف انتِ ليه خبيتى الحقيقه
-لان الغلط غلطى من الاول انا اللى دخلت ف حاجه متخصنيش ودخلت اوضه من وراه وفتشت ف حاجته وكمان كنت هعمل مصيبه وداتا اللاب كانت هتتبعت للهكر لولا انى لحقتها على اخر لحظه
=(قال وهو ينظر لها ) لحقتيها ازاى ؟
-(قالت وهى تفتح الميدليه )دى فلاشه عليها فيروسات حد كان مديهالى وقالى لو حد هكر جهازك او حاول انه يدخل على حسابك اى ان كان ايه تقدرى تدخلى الفلاشه دى ف جهازك والفيروس دا هيكنسل ارسال البيانات بتاعتى وهيبعتله الفيروس دا مكانه ف انا عملت كدا فعلا
=وانتِ ليه ماقولتلهوش الكلام دا ؟
-هو ادانى فرصه اتكلم ولا اقول حاجه دا اول ما شافنى (نظرت لاسفل بحزن وتوقفت عن الكلام )
=(قال بأسف )انا اسف ي بنتى انا عارف ان ابنى غلط فيكى وجرحك كتير انا بتأسفلك نيابه عنه
-لالا مفيش داعى لان حضرتك تتأسف حضرتك معملتش حاجه ومالكش ذنب فى الموضوع دا ...هو اللى مبيفهمش وبيفكرش بيتصرف زى الطور الهايج من غير تفكي....(وضعت يدها على فمهما عندما تذكرت بأنه تتحدث عنه امام والده ) احم سورى
=(قال بابتسامه )هههه لا عادى ولا يهمك انتِ معاكى حق بصراحه هو اوقات كتيره قوى بيتصرف من غير ما يشغل عقله وخصوصا لو كان الموضوع دا ليه علاقه بالعائله وحمايتها
-ازاى يعنى ؟ (ثم اكملت وقد تذكرت شىء ما لتوها )اه صحيح هوليه اول ما دخل لقانى ماسكه اللاب وقال ضيعتينا وكلام غريب كدا ؟هو اللاب دا كان عليه ايه وليه اصلا ف حد كان عايز ياخد البيانات اللى عليه هو ابن حضرتك جاسوس ولا حاجه
=هههههه لا مش جاسوس ولا حاجه ...بس الموضوع كبير والاحسن ليكى انك متعرفيهوش المهم سيبنا من الموضوع دا (ثم اكمل وهو يتجه ناحيه مكان لبيع الايس كريم ) تحبى الايس كريم بنكهه ايه
-لا شكرا مش عايزة اكل حاجه
=لا هتأكلى ...ي ستى اعتبريه اعتذار بسيط عن اللى ابنى عمله ولا انتِ تكسفينى ؟
-خلاص اوكى اى حاجه
=خلاص هجيبلك فراوله (جلب لها الايس كريم واكملوا طريقهم بالعودة للمنزل )
___________________
فى اليوم التالى دلفت أصاله للمكتب وفى اعتقادها انه خالى ولكنها وجدته نائما على اريكه مكتبه
أصاله وهى تحاول ايقاظة : حمزة !! حمزة قوم
(حاول فتح عيناه ببطء كانت حالته مزريه كان نائما بملابسه و شعره مبعثر وجاكت بدلته وربطه عنقه على الارض ..نهض وجلس بمكانه )
أصاله :انت نايم هنا من امبارح ؟
=(قال وهو ينهض من مكانه ويتجه للمرحاض ) اه...بس هتعبك معايا ممكن تعمليلى قهوة وخلى البن تقيل شويه
-حاضر من عيونى ...بس انت مش هتروح البيت تغير لبسك دا ؟ احنا عندنا احتماع النهارده مهم
=فى بدله هنا انا كنت سايبها للطوارئ هلبسها
-هو ايه اللى حص...
=(قاطع حديثها ) اصاله مش عايز كلام ف اللى حصل امبارح ..اعتبريه محصلش تمام
-تمام زى ما تحب (تركته وتوجهت الى الخارج ..اما هو ف امسك بهاتفه وحادث اسلام واخبره بانه يريد مقابلته فى المساء )
_______________________
استيقظت منال من نومها وتوجه الى غرفته لايقاظه ولكنها لم تجده دلفت للاسفل ولكنها لم تجده امسكت بهاتفها لمحادثته ولكنه لم يجب على هاتفه ...فتوجهت الى غرفه ألين لايقاظها للذهاب لجامعتها وبعدها توجهت لاسفل لتحضير الطعام
بعد ما حضرت نفسها خرج من المنزل وكانت فى طريقها لايقاف تاكسى ولكنها رأت خلف واقفا بسياره على جانب الطريق فتوجهت ناحيته
-صباح الخير
=صباح النور ...عامله ايه دلوقتى
-الحمد لله احسن ..انت واقف كدا بتعمل ايه
=مستنيكى اوصلك لكليتك ..يلا بينا (قام بفتح الباب لها )ومن غير اعتراض (دلفت للسياره وجلست على الكرسى المجاور له وقام بتوصيلها لكليتها ....كانت صامته طوال اليوم لم تتحدث مع اى شخص )
منه وهى تلتف لها : ف ايه مالك ؟
أدم : اه صحيح ي ألين ف ايه ساكته من الصبح ودى مش من عادتك يعنى
-(نظرت له منه بأستنكار )ما انت حلو اهو وبتعرف تلاحظ
أدم : فى ايه ي بنتى انا قولت حاجه ؟
منه:لا ابدا
ألين وهى تنهض من مكانها ؛ انا ماشيه
منه :استنى بس لسه مخلصناش كلامنا
ألين : مره تانيه انا لازم ارجع البيت لان فى حاجه مهمه لازم اعملها
(تركتهم وتوجه للمنزل .. بمجرد ان تركتهم وغادرت نظرت منه ل أدم )
-خير بقى ي سى ادم ايه حكايتك
=انتِ اللى ايه حكايتك كل ما تلاقينى بنتكلم معاها تقلبى وشك وتقلبيها خناق
-انت مبتشوفش نفسك بتعمل ايه اول ما بتشوفها
=بعمل ايه ؟ انا بتصرف عادى علفكره انتِ اللى مأفورة بغيرتك دى وبصراحه انا بدأت اتخنق ... ف الاول كنت بحاول اعدى الموضوع لكن المره دى انتِ زودتيها قوى اعقلى ي منه متجيش قبل فرحنا ب اقل من شهر وتتجننى
-هو انا عشان بحبك وبغير عليك ابقى اتجننت ؟
=اه بطريقتك دى ...دى مش غيرة دى جنون وانا مش حمل جنان اعقلى وارجعى منه البنت اللى حبيتها مش اللى انتِ عليها دلوقتى دى (نهض من مكانه )
-رايح فين ؟
=رايح شغلى ...عن اذنك
(تركها وتوجه الى عمله )
________________________
اما هو فكان اليوم شاق جدا بالنسبه له كان يوما مليئا بالاجتماعات والمقابلات نظر لساعته ليجدها 8 مساءا ف قرر الذهاب للمنزل لتبديل ملابسه ثم يذهب لمقابلة اسلام ....نظر لهاتفه ليجده مغلقا فقد نفذت منه البطاريه تحرك من مكانه وعاد للمنزل