ترويض الشرسه

البارت الثالث عشر

استيقظت وتوجهت لاسفل كان جالسا على الطاوله هو وألياس
-(قالت وهى تجلس على الكرسى المخصص لها ) صباح الخير (ثم نظرت ل حمزة  بغيظ ف اكملت )ي ألياس
(نظركلا من ألياس وحمزة لبعضهم بأستغراب )
حمزة ل ألين : ممكن تناولينى المربى  لو سمحتى
-(قالت ل ألياس وهى تعطيه طبق المربى )ألياس ادى ل اخوك المربى  لو سمحت
(نظر لها ألياس بأستغراب ...اما هى فكانت تتجاهل النظر له وبدأت فى تناول الطعام  )
ألياس ل ألين  :هو ف ايه ؟ انتِ مبتكلمهوش ليه ؟
ألين : مفيش ...(ثم اكملت )اكلمه ليه اصلا هو يقربلى ايه عشان اكلمه من الاساس (نظر لها بذهول ولم يتحدث بعدها اتت كلا من منة ومنال وجلسوا ليتناولوا الطعام معهم ..اما ألين ف رن هاتفها فتوجهت للجنينه للاجابه عليه )
حمزة ل منة : نمتى كويس  ؟
منة : اهاا
=طيب كويس ...لو كدا قضى معانا اليوم هنا وهبقى اوصلك للسكن على اخر النهار
-لا انا بعد الفطار همشى علطول لان ورايا حاجات محتاجه اعملها
=على راحتك ....بس اوعى تنسى الكلام اللى قولتهولك اعقلى كدا وبطلى هبل
(نظر له ولم تجب عليه ...اكملوا تناول فطارهم )

عند ألين كان المتصل خلف
-يعنى ل متصلتش انا ..متتصليش انتِ ؟
=معلش والله بس امبارح كان يوم صعب مقدرتش اكلمك
-ليه حصل ايه امبارح
=متخدش ف بالك ...المهم انت عامل ايه ف شغلك الجديد
-الحمد لله ...هو ممل شويه بس اهو ماشى حاله
=ليه مش دى الشغلانه اللى بتحبها  ؟
-اوكى بحبها بس الشغلل قليل ...اكمنى لسه جديد وكدا ف العملاء جايين طالبين حد بعينه لكن انا محدش يعرفنى اصلا ف الشغل اللى بيجيلى قليل
=اصبر واكيد هيجيلك فرصه كويسه
-ادينى صابر ...المهم انتِ وراكى حاجه النهارده ؟
=لحد الان لا مفيش غير انى هقعد اذاكر شويه وبعدها هعمل كام حاجه بخصوص الشغل وخلاص
-طيب يعنى على الساعه 4 كدا هتكونى مخلصه ؟
=تقريبا اه
-تمام هعدى عليكى على الساعه 4 نخرج شويه اشطا
=تمام
-يلا خدى بالك من نفسك
=وانت مكان (اغلقت معه وتوجهت الى الداخل لتجد الجميع قد غادر المكان ولم تبقى سوى منال تقوم بتنظيف الطاوله ...فتوجهت ناحيتها وقامت بمساعدتها )
منال:مبسوطه  ف الكليه ؟
-يعنى مش قوى بس مفيش مشكله دا اخر تيرم وهيعدى هيعدى
=(قالت بترقب )طيب وحمزة ؟
-(قالت بضجر )ماله ؟
=عامله معاه ايه وخصوصا بعد اخر تاتش حصل بينكم
-عادى يعنى الامور بينا ماشيه تمام
=طيب كويس يارب ديما
(ثم اكملت وهى تعطيها كوب القهوه ف يدها )بم انه كله تمام بينكم ممكن بعد اذنك تدخليله القهوة دى لان انا هروح اوصل منة وهروح اجيب شويه حاجات من السوبر ماركت (لم تعطيها فرصه للرد تركتها وغاردت )
-(قالت لنفسها) "هطلعه ليه ومش هتكلم ولا هقوله اى حاجه هحطها واخرج علطول " (توجهت الى غرفته كان الباب مفتوح وهو جالس على مكتبه ممسكا بالحاسوب الخاص به دلفت للغرفه ووضعت الكوب على المكتب من دون اى كلامه وكانت على وشك الخروج ولكنه اوقفها )
=(قال بأستنكار )ايه مفيش اتفضل ؟  وكمان ازاى تدخلى الاوضه من غير ما تخبطى ؟ هو محدش قالك ان دى  اوضته شاب
-اولا الباب كان مفتوح وبعدين انا مكنتش عايزة اجى اصلا ...ثانيا : ماما هى اللى اجبرتنى انى اجى واجيبلك القهوة دى
=مالك ف ايه ؟ بتتصرفى بطريقه غريبه كدا ليه من الصبح ؟
-والله ؟ يعنى مش عارف ؟انت اللى قولى مالك ...انا امبارح بحكى معاك وبقولك قد ايه انا خايفه وقولتلك كل حاجه جوايا وفى الاخر سيادتك تسيبنى وتمشى بكل بساطه ...حقيقى عندك نقص ف المشاعر ...انا محكتش الموضوع دا لحد غيرك لانى كنت متوقعه انك هتفهمنى وتحاول تساعدنى وتحمينى منه لكن انت كل اللى عملته انك ادتنى ضهرك وسبتنى ومشيت ...اصلا انا كنت منتظره ايه من واحد زيك
=ااا
-(وضعت يدها على اذنها )مش عايزه اسمع منك حاجه خلاص (تركته وغادرت )
=هى كبرت بس عقلها لسه طفل زى ما هو
-(قالت وهى تعود له وضع يدها على خصرها ) مين دى الى عقلها صغير ...لا علفكره بقى انا عقلى كبير وكبير قوى كمان
=(قال بسخريه ) لا ما هو واضح فعلا انه كبير من تصرفاتك
-انت هتتريق ؟
=ي ستى لا هتريق ولا نيله
-طيب  انا ماشيه
=استنى
-خير؟
=اا ذاكرتى الجزئيه اللى شرحتهالك اخر مره ؟
-اه
=طيب اعملى حسابك ساعه كدا وهنبدأ
-لا شكرا ...انا هذاكر لوحدى مش محتاجه مساعدتك فى حاجه
=ي بنتى بطلى حركات الاطفال دى
-لا يعنى لا خلصت خلاص
=طيب ماشى براحتك ..(ثم قال بعدما تذكر شىء ما)تعالى هنا ؟قوليلى نيلتى ايه امبارح
-(قالت بأستعباط )هااا؟
=جتك اوة ....اخلصى نيلتى ايه
-خلاص حاضر هقول بس لو سمحت من غير عصبيه
=خلصى
-اوكى .. بص ي سيدى انا قولت ايه بدل ما نروح للفروع ندور انهى فرع منهم اللى بيتعامل مع الدار  دى ناخدها من قصيرها واروح الدار واحاول اعرف الفرع منهم او من اى ورق مكتوب عليه اسم الفرع ....عملت نفسى انا رايحه اساعدهم واكون وسطهم واستنيت الفرصه المناسبه اللى اقدر ادخل فيها مكتب المديرة .ولما دخلت فضلت ادور على اى ورقه خاصه بشركه الامن دى واخيرا عرفت اوصلها
=(قال بترقب )انهى واحد فيهم ؟
-الفرع اللى فى اسكندريه (ثم اخرج هاتقها )ودى صورة الورق ومكتوب عليها اسم الفرع والشركه
=(قال وهو ينظر للورقه )كدا تمام
-بس فى حاجه غريبه  لما دخلت على الاطفال اللى فى الدور اللى الحارس وصلنى ليه كانوا الاطفال كويسين وصحتهم تمام وبيلعب ويتنططوا .... بس لما اتحركت فى المكان لقيت اوضه فى مكان بعيد شويه عن الباقى وحتى الباب بتاع الاوضه بتاعتهم كان حديد ...ومعظم الاطفال اللى كانوا هناك معظمهم شكله كان تعبان قوى كانهم شغالين طوال النهار وكانوا نايمين على سرايرهم جيت عشان ادخلهم المديرة منعتنى وقالت ان دى تعتبر زى مستشفى صغيره هما بينقلوا الاطفال فيها لما بيتعبوا عشان مايعدوش  الباقى
=معقوله يكونوا دول الاطفال اللى بيبيعوهم
- تصدق ممكن فعلا ...طيب ايه لازم نتصرف وننقذهم قبل ما يعملوا فيهم حاجه
=اهدأى اكيد الموضوع مايتاخدش كدا ...لازم نفكر الاول هنعمل ايه هما مش اغبيه للدرجه دى انهم يسيبوا اوضه زى دى مفتوحه كدا وهما عارفين ان فى حد غريب ف المكان اكيد الموضوع دا فيه إن
-طيب ماتكلم  إسلام وهو اكيد هقولنا هنعمل ايه
=دا فعلا اللى هعمله  ...بس عايزين نتقابل ف مكان آمن ومينفعش نتقابل هنا لان ماما ممكن تشك ف حاجه
-انا اعرف مكان آمن وكويس كمان وهيخلينا نقعد على تربيزة بعيده عن الباقى
=مكان اي دا
-مطعم  طنط فاطمه
=(قال بعصبيه بسيطه )دى مامت خلف صح
-اه ...يلا بقى اتصل عليه قوله وانا هتصل على خلف اقوله يحجزلنا المكان
=ماشى ماهو المضطر بقى ...بس قوليلى العنوان ايه
(اخبرته بالعنوان واخرج هاتفه وطلب رقم إسلام واخبره بأنه يريد مقابلته وهى ايضا وهاتفت خلف )
-كدا تمام قولتله وقال تعالوا ف اى وقت ...هنروح امتى بقى ؟
=قصدك هروح ...مفيش نروح دى تانى خلاص
-(قالت بتذمر )ليه بقى ؟دا انا اللى جايبة المعلومات دى
=لانك متهورة ...وكفايه قوى اللى حصل امبارح لولا ستر ربنا كان زمان دلوقتى ميته
-اديك ربنا سترها ....ووعد مش هعمل حاجه تانى من غير ما اقولك
=لا يعنى لا خلص الكلام انا هروح اقابله لوحدى وانتِ هتفضلى هنا وتنسى كل الكلام اللى اتقال والمعلومات اللى عرفتيها دى فاهمه ولا لا
-(قالت بعناد ) لا مش فاهمه ولوانت مش هتخلينى اكمل معاكم انا هكمل لوحدى
="ياربى  اعمل معاها ايه الغبيه دى مش قادره تفهم ان الموضوع بقى خطر وانا خايف عليها ليحصلها حاجه ....مفيش غير حل واحد انى اضحك عليها واقولها انى موافق انها تكمل معانا  واكمل انا  من وراها " اوكى ماشى بس اوعى تعملى حاجه من غير ما تقوليلى
-(قالت بفرحه )اوعدك مش هعمل حاجه من غير ما اقولك حاضر ...ها هنروح نقابل إسلام امتى ؟
=الساعه 6 كدا
-اوكى ..6بالدقيقه هكون جاهزة
=اوكى روحى بقى شوفى هتعملى ايه
-اوكى ....(ثم قالت بحرج ) احم كان فى حاجه كنت عايزاك تشرحهالى
=(قال بأستنكار )مش كنتى بتقولى مش عايزة مساعدتك من شويه ؟
-(قالت بحزن ) خلاص مش عايزة
=(قال بأبتسامه خفيفه ) لاخلاص حاضر هشرحهالك كمان ساعه كدا ولا حاجه تمام
-اوكى وانا هروح اذاكر يمكن ألاقى حاجه تانيه تبقى تشرحهالى بالمره
=اه ماهو ابو بلاش كتر منه
-اعمل ايه ما انت شرحك احسن من الدكاتره اللى عندنا دول
=(قال بفخر ) اكيد طبعا احسن مش محتاجه كلام يعنى 
-(قالت بأستنكار )التواضع هيموتك
=ايه عندك مانع ؟
-لا ي عم براحتك "هسكت لحد ما اخد منك اللى انا عايزاه بس "
(تركته وتوجهت لغرفتها ...اما هو فتوجه للخزانه لابدال ملابسه للخروج )
______________________
كانت اصاله جالسه مع والدتها ف المنزل
الام : مبسوطه مع حمزة ؟
-فى اي ي ماما كل ما نقعد مع بعض تسالينى  نفس السؤال دا ؟هو انتِ تعرفى حاجه انا معرفهاش عن حمزة ؟
=لا مفيش حاجه انا  بس حابه اطمن عليكى مش اكتر ...عايزة اعرف اذاكنتِ مبسوطه معاه ولا لا
-اه ي ماما مبسوطه وكله تمام
=بجد ؟ اومال انا ليه مش حاسه بكدا ....مش شايفه فى عيونك  الفرحه اللى بشوفه فى عيون اى واحده مخطوبه .ولا شايفه اللمعه اللى مفروض تكون فيها لما تبصيله
-(قالت بسخريه )هو انتِ بتصدقى ف الكلام دا ؟ دا كلام بيقولوه الناس عشان يضحكوا بيه على نفسهم  لكن مالوش وجود ف الحقيقه
=لا موجود بس أنتِ اللى مش واخده بالك منه
-(قالت بدون فهم )ازاى يعنى ؟
=بكره هتفهمى قصدى ...بس انا عايزة  اقولك  حاجه  عايزاكى تحكمى عقلك فى انك تفهمى الامور والحياة ماشيه حواليكى ازاى ...وتحكمى قلبك وتفهمى هو عايز ايه وتحطى العلاقات اللى فى حياتك ف مكانها الصحيح 
-ما دا اللى انا عملاه فعلا
=معتقدش ...فكرى كويس كدا وانتِ هتعرفى انك غلطانه
-طيب ماتقوليلى اناغلطانه ف ايه وانا هحاول اصلح غلطى دا
=الغلط دا ميمفعش حد يقولك عليه لازم تكتشفيه وتحسى بيه بنفسك ...واتمنى انك تكتشفيه قبل فوات الآوان
-مع انى مش فاهمه حاجه ...بس اوكى ..ان شاء الله اكتشفه قبل فوات الآوان
=(قالت لتغيير الموضوع )طيب ايه مفيش غداء ولا ايه ؟
-لا فى حالا هروح اجيبه
=ماشى وانا مستنيه
(تركتها أصاله وتوجهت لاحضار الطعام ...اما الام ف امسكت هاتفها وهاتفت شخص ما وبعد مده اجاب الطرف الاخر )
-الساعه 3  تكون عندى هنا ....انا هحاول اخرجها من البيت عشان نبقى لوحدنا اياك تتاخر او متجيش فاهم ...(اغلقت الهاتف قبل سماع الاجابه )
"طالما انتوا مش هتتحركوا انا هعرف احركوا بطريقتى "
_________________________
فتحت الكتب امامها وكانت على وشك المذاكره ولكنها تذكرت شىء ما فنهضت على الفور وتوجهت الى غرفته ودفعت باب غرفته من دون طرق الباب
-حمزة انا افتكرت حا.....(توقف عن الكلام عندما وجدته واقف امام خزانته مرتديا بنطاله وعارى الصدر )
=(قال بنرفزة بسيطه ) انتِ محدش قالك ان فى اختراع اسمه باب
-(قالت بتوتر وهى تعطيه ظهرها  ) سووووورى وانا كنت اعرف منين انك هتقلع كدا فجأة انت لحقت دا انا لسه سيباك من دقيقتين
=(قال وهو يرتدى قميصه ويتجه ناحيتها ) عايزة ايه ؟
-(نظرت له لتجده لم يغلق زراير قميصه قالت بتوتر بعدما توردت وجنتيها )احم  ...اقفله
=(قال بعدم فهم ) اقفل ايه ؟
-(قالت وهى تنظر لاسفل وتشير بيدها على قميصه )اقفل الزراير دى
=(قال وهو ينظر لها بذهول ) انتِ بتتكسفى زى البنات العاديين ؟
-(قالت بأستنكار ) اه طبعا  هو انا مش بنت ولا ايه
=بصراحه كنت شاكك ف كدا
-(هتفت بغضب ) هاااى
=خلاص خلاص ..انا بس حبيت اضايقك ...(ثم اكمل بجديه )كنتِ بتقولى انك افتكرتى حاجه ايه هى ؟
-اه صح ...كنت عايزة اقولك ان لما كنت فى الاوضه اللى الراجل بتاع الريسيبشن اخدنى عليها قولتلك ان الاطفال هناك كانوا مبسوطين
=اه وبعدين
-فى ولد كان قاعد على جنب وكان بيبكى ولما سألته مالك ..قالى انهم اخدوا صاحبه  بعيد عنه وانه مش هيشوفه تانى ...وقال ان صاحبه  دا سافر وسابه هنا لوحده  ....انا وقتها قولت انه هيسافر عادى ..حد اتبناه مثلا وهيسافر مع الناس دى  ...بس هو لما  كان بيعيط كان ف ايده صورة لطفل ولما سألته هو دا قالى اه
=وبعدين
-لما روحت الاوضه التانيه اللى قولتلك عليها لمحت واحد شبه الولد اللى كان ف الصورة ...هو اه كان اضعف من لما كان ف الصورة وكان وشه مصفر بس صدقنى هو نفس الولد ...دا معناه ان تفكيرنا صح وان الولاد فى خطر ولازم ننقذهم ف اسرع وقت قبل ما يعملوا فيهم حاجه ...وكمان موضوع الصناديق والحاجات اللى كانوا بيدخلوها الميتم فى وقت متأخر زى امبارح   دى حاجات متطمنش
=خلاص انا هتصرف لما اقابل اسلام هنشوف هنعمل ايه
-تمام ...هو انت بتلبس كدا ورايح فين؟
=(قال بعصبيه )وبتسألى ليه ؟ هو انا لازم اقولك على كل تحركاتى ؟
-خلاص براحه على نفسك متعصب ليه دلوقتى ..براحتك روح مكان  ما انت عايز ....بس متنساش الساعه 6 معادنا مع اسلام
=اه ان شاء الله ...ممكن بقى تخرجى عشان اكمل لبسى
-اوكى (خرجت وكانت فى طريقها للذهاب لغرفتها ولكنها سمعته يتحدث فى الهاتف )
=ايوا ي اسلام انا خارج دلوقتى هقبالك ف العنوان اياه  ....لا ايلينا مش هتيجى ....ي عم هفهمك لما اجيلك .....يلا مسافه الطريق وهكون عندك