سأبقى احبك

بارت 7

رحت اتمشى عليهة
اسماء:سمعت خطوات انداريت وشفت امير
اوووف شجابة هسة
وكفنة اني وفرح
فرح:ها حبيبي امير رايد شيء
امير بحدة:لا وبعدين شتسون هنا
اسماء:شوفت عينك گاعد نسولف
امير:لا والله صدگ تحچين
بلة طلع واحد وشاف حضرت الاميرات يتمضحكن
اسماء:اول شيء محد يجي لهاي الحديقة
لأن هاي خاصة لعائلتكم
ثانيا ترة ماكو جوة شخص غريب
كلهة ولد عمنة
امير:واني شگايلج مو مانعچ من اي واحد
من ولد عمچ
اسماء:اهاا لعد اذا صار هيج الوضع
فلازم اروح لان انتة همات ابن عمي
امير:لا اني اختلف
اسماء:بشنو تختلف حالك حالهم
ترة بس حچي مال محجوزة الك
لا عاقدين ولا مخطوبين ماشي
ما الك سلطة علي اذا تسمح اوگف
وياك عادي اوگف وياهم
واذا مااوگف وياهم
فما اوگف وياك ماشي
امير:اشو لسانج طولان دخل الگفچ
تحجين وية واحد منهم الا انهيچ
اسماء:گلت انتة ما الك سلطة علي
يلة امشي فرح اجينة نتونس
صارت زقنبوت
دخلنة جوة
فرح:لچ چندوب اگلج ليني وياه ميصير هيج
اسماء:احسن معليج اني اعرف شغلي
فرح:اذا تضل وراج باجر اسمع امير تزوج ندى
اسماء:اسم الله انچبي ماعندج غير هاي المسمومة
........
نور:طلعت من الجامعة لگيت سيارة علاوي
رحت وصلت يم الجامة واشوفة مرجع راسة
للكشن وكانما نايم دگيت الجامة فز نزلهة
علي:هاخير شكو
نور:شبيك حبيبي مو وعدتك اجي من وقت
هياتني اجيت حتى كذبت ع الدكتور لخاطرك
علي:ديلة تعاي صعدي
نور:صعدت بلصدر وانداريتلة
نور:حياتي شنو زعلان مني
علي:بقى ساكت
نور:شبيك ياحبيبي والله ماگدرت يعني محاضرتي
بعدلهة شوي وتبدي وانتة تگلي تعاي
مگدرت والله وهسة گلت للدكتور اجاني الخط
وكذبت عليه تعرف اذا عرف شراح يسوي
يمكن الفصل قليل بحقي
بس يهون لأجل عيونك يا عمري
علي وهو يدورلهة:حبيبتي انتي بس راعيني
شوية ميصير هيج والله
نور:تدلل بس كون بعدك زعلان
علي:امممم اذا هسة ترحين وياي
عازمچ ع عصير هاهية مزعلان
نور:يلة بس بسرعة فدوة
لان بعد20دقيقة يخلص الدوام
واذا اختي مشافتني يضل بالهة علي
رحنة شربنة عصير وساعة يتغزل بية
وساعة اتغزل بي باوعت للساعة شهگت
نور:لك علي گوم گوم بسرعة
علي:وسم شبيچ
نور:لك بعد 5دقايق ويخلص الدوام گوم
علي:ولك التلكلك اضلوعج
نور:شوف هذا اني بيا حال وانتى بيا حال
علي:واذا تأخرتي شوية شنو بس يخلص
الدوام تركضين تطلعين بين ما الدكتور يطلع
بين ما توصلين الخط ثول عبالي صارت القيامة
نور:😳 عابت شبيك
علي:هههه لا مابية شيء
يلة امشي
رحنة صعدنة بلسيارة
وصلنة جاي انزل
نور:يلة باي اشوفك باچر
علي :وهو تقرب باس خدهة
علي:بايات يعمري
نور وجهي صار احمرررر من الخجل نزلت بسرعة
رحت باتجاه الخط وضليت افكر بيه ياالله شگد اعشقة
مر شهر واحنة ع هذا الروتين يومية
اروحلة للسيارة ندردش شوي مرات يعزمني
ع عصير او اي شي
وحبنة لبعض كوووولش جبير عشق
الى ان
نور:رحت للسيارة وصعدت
نور:هلاو شونك حبيبي
علي بفرحة:بخير حياتي
نور:مبين بخير والله شنو سر هلابتسامة ع وجهك
علي:نور عگب باجر يعني الجمعة راح اجيكم
نور:شنووو تجينة شنو مفهمتك
علي:تضلين ثولة يعني راح اجي اخطبچ
نور:بس علي وجامعتي
علي:ماعليهة شيء يعني بس خطوبة
ومن تكملين هاي السنة نتزوج وتكملين
الاربع سنين دراسة يمي
نور واني محاسة ع شي:گبل حضنتة
نور:ياااااااي علوش يعني حنتزوج ياااااي
علي:وسم شبيچ فضحتينة نصي صوتج
نور:اسكت خليني افرح يااااااااي
علي:وثول بطلت بعد مانتزوج
نور:هو بكيفك نزوج يعني نتزوج ياالله ممصدكة
علي:هههه طبعا هو اني شعندي غيرج
وحضنهة
نور وهي بحضنة:اگول علاوي
علي:گولي يروح علاوي
نور:يعمري ,شگد تحبني
علي:وهو يتنهد تنهيدة طويلة اوووف
بگد هذا الكون كلة وچ انتي هذا الهوة
الاتنفسة وبلياج اختنگ واموت
نور:اسم الله عليك حبيبي يومي گبل يومك يگلبي اول مرة هيج شخص يحبني
لهاي درجة حياتي واني احبك واعشقك وانتي گلبي وروحي وانتة اغلة شي صار بحياتي
مرت الايام واليوم جمعة
العصر ندگ الباب رحت اركض لغرفة رؤى
رحت يم الشباك لان ينشاف الباب الرئيسي
باوعت واشوف علي وهو لابس دشداشة ولاف
الغترة وطالع يجنن وهيبة بووووية
رؤى:وچ ثولة مو صار ساعة احچي وياچ وثول
نوربانزعاج:هااااا شكو
رؤى:هو اني الشكو لو انتي دخلتي غرفتي ونوب
رحتي فتحتي الشباك واحجي وياج وانتي مطنشتني
وفوگاها انتي صاحبة الزايد
نور:رحت گعدت وسولفتلهة الصار
رؤى:واوووووو ان شاء الله الله يتممهة ع خير
نور:هسة شون اعرف شصار جوة
رؤى:سهلة يمعودة گومي نتصنت عليهم
نور:هههه اي والله شون راحت من بالي
نزلنة وصلنة باب الاستقبال ونتصنت
فجأة سمعنة صوت علي الخشن
علي:عمي اني گلتلك احب البنية ورايدهة ع سنة
الله ورسولة
الاب:اي غير افتهم وين شايفهة وحبيتهة
علي:عمي اجتني للعيادة حتى اخيطلهة
الجرح ومرة راقبتهة بلجامعة وشفتة بنية
ثگيلة وسألت عليهة وگالوا اخلاق وادب وبت ناس
شريد بعد اكثر من هيج
الاب:اسف ابني البت محجوزة لأبن صديقي
قبل يومين خطبهة مني واني وافقت
علي بصوت عالي:عمي شنو هو خطبهة اني جاي اگلك اعشگهة وراح اخليها اميرة وبعدين انتة گلهة
توافق علية لو ع ذاك ابن صديقك
الاب:كافي ابني جاي اگلك ما موافق وراح تتزوج
حسين ابن صديقي وانتهى الموضوع
علي وهو يوگف:مع احترامي الك عمي نور
مراح تتزوج غيري وهذا اخر كلام عندي
نور ودموعهة عشرة عشرة حطت ايدها ع حلگهة
وصعدت تركض لغرفتهة
لحگتهة اختهة لگتهة قافلة الغرفة دگت الباب
رؤى:نور حبيبتي اهدي
نور:ماكو رد,, بس تسمع صوت شهگاتهة
رؤى:حبيبتي نور انتي سمعتي شگال مراح يخليچ
تتزوجين غيرة صدگي
لا رد
رؤى:هفففف صدگ صعبة عليهة رحت نزلت سويت
روحي ماادري شصاير بس بداخلي كلش مخنوگة
ومقهورة ع اختي نزلت لگيت بابا ماما واحمد
ومريم. نزلت كعدت ع التخم
رؤى:شكو شبيكم كلكم تباعون علية شنو
تلفزيون شصاير
الاب:گومي صيحي اختچ
رؤى:ليش شكو
الاب بصياح:گتلج كومي صيحي اختچ لاتناقشين
رؤى:حاضر بابا گمت
صعدت لغرفتة دگيت الباب ماكو
رؤى:حبيبتي نور فتحي الباب
نور بصوت عالي:شكووو شتردون مني لخاطر ربكم
عوفومي ماارد اشوف احد
رؤى:براحتچ
نزلت جوة كلهم باوعولي
الاب:وينهة مجاي اشوفهة وياج
رؤى:مقبلت تنزل تريد تنام
الاب بصياح:شنو مقبلت تنزل صيحيهة
احمد:بابا عوفهة خليهة ترتاح باچر احچي وياها
راح بابا ع غرفتة وماما راحت وراة
رؤى سويت روحي اطرش بلزفة
رؤى:اگول احمد شكو ليش بابا معصب
احمد:حچالها كلشي
رؤى:اي ووين الغلط اخذوا رأي البنية يجوز توافق
احمد:وچ هو من زمان يريدها لهذا حسين ابن صديقة
وهو يگول قبل يومين خطبهة منة كملت السبحة
رؤى:لا والله شنو يجبرها
احمد:اذا يضطر الامر فيجوز يجبرها
.....
نور:گاعدة ع الجرباية وحاضنة رجلي ودموعي
نشفت مستحيل اتخيل حياتي من دون علاوي
لو هو يكون زوجي لو مااتزوج والله لو اضطر احرگ روحي مستحيل اكون لغيرة ضليت يومين منازلة جوة وبس ابچي الى ان ندگ الباب
نور:خيرررر متخلون شخص يرتاح
رؤى:حبيبتي بس كلمتين
نور:مااريد اشوف احد
رؤى:بس علي الدزاني
نور بس سمعت اسم علي مسحت دموعي وركضت فتحت الباب 😨
شوفوا اذا اشوف تفاعل وتصويت اكمل القصة والا مااكملهة وبعد بكيفكم 😉