سأبقى احبك

بارت 23

خلص الدوام ورجعت للبيت وگبل نمت
حتى مابدلت  گعدت شفت الساعة 10:00ليلا
يااااا صار شگد نايمة
يلة هذا تعب الاسبوع ودراسة
رحت للحمام اخذت شاور
ولبست برمودا سودة وبدي اسود
مشطت شعري وعفته مفتوح
اشو جعت نزلت ملگيت احد جوة
شنو مومن عوايدهم يلة يجوز تعبانين وباچر عطله
رحت فتحت الثلاجة لگيت صحنين مغطيهم
اكيد ماميتي ضامتلياه
فتحته لگيت كم قطعة همبرگر
وصحن برياني 😍
رحت حميتهم خليتهم ع الطاولة البلمطبخ
وأكلت خلصت غسلت الصحون
صعدت فوگ غسلت اسناني
ورحت فتحت نت وضليت اگلب بلمواقع
فجأة اخذتني ايدي لصفحته بعد ماحظرته
فتحت الحظر نوب طلعت من الصفحة
شوي واجة منشور
دخلت علية لگيته ناشر شعر حزين
ع الفراق وبلأخير كاتب
«ها قد بدأت بحياه جديدة لاطوي حياتي الماضية
من ذكريات مؤلمة ووجع لايوجد له دواء
اتمنى من الله ان يسعدني في حياتي الجديدة
دون وجع وألم وخيانه»
دموعي عشرة عشرة واني اقرأها😭
عرفته يقصدني بيها وبلخاينه والوجع
يعني الحمدلله نساني
بقيت افكر شنو يقصد بحياتة الجديدة
يعني نساني وراح يطلعني من حياته لو شنوو
ضليت اگلب بصفحته
واقره بلمنشورات مالته كلهم
حزينات وألم
اوووووف انطيته حظر وخرجت
شفت الساعة 2:30
ضليت افكر بيه وشنو يقصد بحياه الجديدة
محسيت غير صوت الاذان
رحت توضيت وصليت
وبچيت وادعي ربي يطلعة من گلبي وحياتي
مثل مطلعني من گلبة وحياته
شلت السجادة ورحت غسلت ونمت
گعدت ع دكت الباب 🚪
باوعت للساعة عااااا
لكيتهة 12:15 الضهر
گمت فتحت الباب لگيتهة رؤى
رؤى بابتسامه:مساء الخير
ابتسمت ابتسامه متعبة
نور:والله البارحة ضليت لحد صلاه الفجر
وبعدهة نمت ومحسيت ع شي غير هسة
ع دگة الباب
رؤى:هههه لا حبي نوم العوافي
بس اگعدج تصلين حتى نتغدة
نور:اوك بس اريد اتغدة هنا
رؤى:بابا موهنا صديقه عازمة
نور:اوك لعد اصلي وانزل
راحت اني رحت سبحت ولبست تراك
اسود مشطت ذيل حصان
وصليت نزلت لگيتهم محضرين الغدا
ومريم جاية من اهلها
گعدت اكلت شوية وكمت غسلت وگعدت بلمطبخ
وضاربتلي صفنه
نوب سمعتهم خلصوا
واجن رؤى ومريم ينقلن الصحون
اخذتهن وجاي اغسلهم
چان تدخل مريم
مريم:حب عوفيهن اني اغسلهم
نور:لا ان...قاطعتني
مريم:انچبي وامشي منا
ابتسمت ابتسامه خافته
نور:بس انتي اليوم اجيتي گعدي شوية ارتاحي
مريم:لا حبي هناك همين يگولون
خطار ولاتشتغلين
نور:اكول مريم
شنو هلأدب شو حبي وتردين تغسلين الصحون
شكوو شسامعة
مريم:ايا عوبة هو صوجج شو اغلط تكولين
احترمي احجي بأدب تگولين شنو هلأدب
وچه التاير
نور بأبتسامه:يلة يمعودة سكتنه تعاي غسليهم
مو تطفرين
صعدت فوگ وخابرت فطوم وضليت احجي وياها
نوب طلعت من الغرفة ورحت لغرفة رؤى
دگيت الباب 🚪
رؤى:تفضل
دخلت چانت گاعدة ع السرير
رؤى:ها حبيبتي شكو
نور:ارد اگولج شي
ورحت گعدت مقابيلها
رؤى:اسمعج
نور:شوفي ... وسولفتلهة كولشي
بخصوص هذا الاستاذ
رؤى:امداج ولج هذا غير صاك
ينگرط من جماله
نور:ههه دنجبي لاوالله شتشوفين اتصرف
رؤى:اي شكو بيها گوليلة موافقة
نور وهي تشهگ:شنووو وچ اني عبالي
توگفين وياي
رؤى:شنو اوگف وياج
اشو استاذ ويحبج ويتمنى كلمة منج
ع شنو رافضة
شوفي حبي لاتوقفين حياتج من اجل نقطة
وهاي النقطة هي علاوي
انتي وقفتي حياتج وضحكتج وشخصيتج
من اجلة هاهي انسيه اكيد هو نساج
اسمعهة واني دموعي تنزل
نور:اي بس اني مااريد اتزوج
رؤى:شنو متردين تتزوجين
تبقين طول عمرج هيج
نور:اي اني مااريد
وبعدين احنة مو هذا موضوعنه
رؤى:اي موضوعنه عن الاستاذ
والله بعد بكيفج ترديه لا بعد بقت يمج
نور:طبعا مااريده
رؤى:اوك لعد رفضيه بس بأسلوب حلو
مو عصبية او همجية
نور:لا طبعا موهيج
يلة تصبحين ع خير
رؤى:وانتي من اهلة
طلعت ورحت لغرفتي نمت واني افكر
شون راح اگلة وشنو هي ردة فعلة اووووف
نمت گعدت الصبح يمكن الساعه 10
سبحت ومشطت وصليت ونزلت جوة
لگيت بابا وماما واحمد گاعدين
حچيت بلامبالاه
نور:صباح الخير
الكل:صباح النور
رحت للمطبخ لگيت مريم تغسل صحون
نور:صباح الخير
مريم:صباح الورد
تردين اسويلج ريوگ
نور:لا اني اسوي
سويت ريوگ وكعدت بلمطبخ تريگت
نوب غسلتهم وصعدت فوگ
...
اسماء:بعد شهر ع زواجي
بيوم چنت جوة تأخرت بلنومة كعدت الساعة 9:30
رحت اسوي ريوگ گعدت بلمطبخ جاي اكل
ولعبت نفسي
رحت اركض للحمام الجوة
استفرغت غسلت طلعت باوعت للاكل
لعبت نفسي اجت فرح
فرح:ها عمري شبيج
اسماء:لا بس سويت ريوگ
ولعبت نفسي واستفرغت
باوعتلي مستغربه نوب
فرح:هااااا وغمزت
اعرف شنو السبب
اسماء:شن...انقطعت سلسلت افكاري
وكأنوا اعرف شنو السبب
اسماء:وچ لااتكووليها
فرح:هههه وليش مااكوله موبعيدة
اسماء واني اكمز بفرحة:يااااااي
يعني راح اصير ام يااااي
وحضنت فرح
فرح:وج اوكفي فضحتينه خل نتأكد
اسماء:امممم وشون نتأكد
فرح: شنو العصر روحي لدكتورة وتأكدي
اسماء:اي صح✔ بس مااريد امير يعرف
اريدها مفاجأة
فرح:اي ترة العصر امور يطلع
صار العصر وامير راح يم جماعته
رحت لعمتي وگتلها
خطية فرحت وتگول ان شاء الله اكو طفل
رحنة اني وياها للدكتورة
سوينه تحاليل انتضرنه نص ساعة نوب صاحت اسمي
اني رجلي متشيلني رحنة وچان
الدكتورة:الف الف مبروك
عمتي:ياالله الحمدلله والشكر
اني ضليت ابجي من الفرح طلعنه
كلت لعمتي خل نمر للسوگ محتاجة غراض
اخذت نشرات وشموع وهاي السوالف
وصلنه الساعة 6:30العصر
همزين اموري ماهو بعد مجاي
اجت فرح تركض
فرح:هاااا بشري
اسماء: مبروك راح تصيرين عمة
فرح: عاااااااااا
اسماء: وج نصي صوتج انفضحنة والله
فرح:خب دسكتي خل افرح
المهم صعدت فوگ ضميت الغراض ووصيت
فرح تسوينلة كيكه
خابرت امير وكال اليوم اتأخر جوز
ب11يجي اني طرت من الفرح
همزين نزلت جوة ومخلوني اشتغل يگلولي
حامل افرحي بحملج اكلت شوية
وصعدت سبحت ولبست فستان
طويل بلاردن وبيه تاگة للركبة وكلش ضيق
لون احمر مشطت وعفت شعري مفتوح
خليت مكياج خفيف وخليت طاولة
وحطيت النشرات والشموع وفروح جابتلي
الكيكة وتگلي هنيالج ليلة رومانسية
مثل حضي كاعدة جوة مگابلة ابن باقر چنه جبار
والله تضحك هههه(طبعا ابن باقر يخبللل
بس هي جاي تعبر عن الفراغ البيها ههههه)
طفيت الضوة وشغلت ضوة خاااااافت
وانتضرته يجي شوية وسمعت باب الگراج انفتح
رحت اركض من الشباك شفته اجة
رحت وگفت ورة الباب شوية وانفتح الباب
اني گبل حضنته من ورة
امير:ههههه شنو هلرومانسية
قفلت الباب واخذت ايدة ورحنة كعدنة
وگتله
اسماء:قطع الكيكة
امير:شنو المناسبة
تقربت يمة وهمست بأذنة
اسماء:مبروك راح تصير اب
هو فك عيونه وگام شالني وفرني
ويعيط ممصدگ
اسماء:هههههه يمعود نزلني راح يوگع الطفل
امير وهو ممصدك وينزلني:لاعليج الله صدك
اسماء: اي والنبي الصبح شكيت وفرح گالتي
جوز حامل وكلت العمتي وكالت العصر نروح نتأكد
وصدك رحنة وطلعت حااامل
قضينه ليلة رومانسية
وامير يمشي وويوصيني لاتشتغلين هواي
لا تشيلين ثگيل وووو خبلني
خطية فرحان وبيوم عزمونة بيت عمي ابو مهدي
ع الغدة رحنة وهم هاي حنين كل شوية وتذبلها
حجايه وفرح ترزلها اگول لفرح
يمعودة اشو تحبين اخوهة وتتعاركين وياها
تكول خل تولي انتي خط احمررر
ولهنا خلص البارت
بااااي 😊