سأبقى احبك

بارت 14

اسماء:مشيت لكيت فرح واكفة
وية وحدة بكدهة
باوعتلي
فرح:هاا شكو
راحت ذيج البنية
اسماء:وچ كون الزم هذا الجاهل
اگطعة وصل
فرح:هههه ليش شكو
سولفتلهة كلشي
فرح:حبيبتي والله راح تخسري
كون اني الكة هيج واحد يموت علية ويغار عليه
بس حظوظ
ورة شوية خلصت الحفلة
بس فروحة چلبت بيه
حتي راحت لأبوية كالتلة تبات يمنة والصبح تجيكم
وافق بابا ورحنة وياهم لبيت عمي
اسماء:لچ فروح ماجايبة ملابس
فرح:لاتخافين اني انطيچ عندي دشداشة
جديدة
اسماء:يلة خوش
اگلج اهلي راحوا
فرح:بس عمي بابا رايدة بشغلة
اسماء:هاا خوش يلة
تعاي نگعد
فرح:مراح تبدلين
اسماء:مابيه حيل هسة
هو شكو باقر مدري وين دايح
وموسى مو گلتي يم جماعته
والچبير بلديوان بعد عليش مبدلة
ضلينة نسولف ورة شوية ام فرح صاحتهة
راحت ورة شوية اجت تركض
وتلهث وحمرررة
فرح:وچ لحگي
اسماء وهي توگف:شبيج شكوو
فرح:امير وچ اسماء امير
اني انخمش گلبي عبالي بي شي
اسماء بصياح وخوف:شبيچ احجي عدل خل نفتهم
فرح:من طلعت منا وشفت ماما
وراهة جاي امشي اريد اجيج
سمعت امير يگول لابوچ
خل اسماء تشوف حياتهة هي مو الي
اسماء اني هنا رجلي ماتشيلني
گبل گعدت بلگاع ودموعي نزلن بهدوء
ليش من بديت احبه هيج يسوي
فرح:مو كتلج راح تخسرينه
بهاي تصرفاتچ
اسماء وصوتي مبحوح من البچي:و ويننه هسةة
فرح:يمكن راح لغرفته فوگ
اني سندت روحي وگمت
فرح:وين اسماء
اسماء اشرتلها ✋
وطاعت اطوطح حيل مبقى بيه
من سمعت الخبر
بلكوة مشيت وصعد الدرج
وصلت يم باب غرفته
نزلن دموعي
دگيت الباب ✊
اجاني صوتة الرجولي
تفضل
فتحت الباب ودخلت
هو نصدم وگبل گعد
چان لابس بيجاما سودة وفالينة داخلية
وشعره مبلل مبين چان سابح
وگاعد ع چربايتة ومدد رجليه
وحاط ايد وراه راسة والثانية لازم الموبايل
شگد حلوو
امير وهو يوگف مقابيلي:شكوو خير
اسماء:ششگايل لباابا
امير:مدام جاي تسئلين اكيد تعرفين شگايله
اسماء نزلن دموعي
اسماء بصياااح:ليشش
امير:نصي صوتچ لاابتلي بيج وعلي
وبعدين مو هذا الردتيه
مو كلما تشوفيني تسمعيني حچاية
يوم مااتقبلك زوج يوم بأحلامك اكون الك هاا
اسماء:ليشش هيج تسوي بيه
يعني من بديت احبك هيج تسوي
ليش مااخذت هذا القرار قبل لااحبك
نوب كعدت بلگاع واني ابچي واگول ليش
امير وهو مصدوم من اليسمعه:ششنووو
اسماء وهي تگوم:اي امير احبك
وركضت حضنتة هو ضل جامد ومصدوم
اسماء:فدوة امير تراجع عن قرارك
والله مااكدر اعيش من دونك
امير وهو بدة يستوعب الحال:اسماء انتي جاي تعرفين شتحچين
تسماء واني بعدت من حضنة:اي اعرف
شوهذا گبل ضحك وجرني عليه وحضني
امير:حبيبتي ماصدگ
لج تدرين شگد منتضر هاي الكلمة
عشرين سنة انتضرهة
اسماء:همزين مراح تعبك وانتضارك ببلاش
امير:لاهو بكيفچ تاليتج تكوليهة
اسماء:اي باين منتضر عشرين سنة
وبس گلت كلمة ماتحملت ورحت لأبوي
امير:هههه حبيبتي انتي النفس بلنسبة اليه
تد ين اختنكت واني احاچي عمي
سعادتج تهمني اكثر مادام تكرهيني مراح اجبرج
اسماء واني ابعد من حضنة:يلة حبيبي خل انزل
امير:بوووية شو احبك وحبيبي شنو هاي المصطلحات
اسماء:هههه غير فهمنة
امير:لحضة لحضة اجيتي هيج
باوعت ع ملابسي
بعدني ممبدله نفسهن
مال الخطوبة وملابسة حجاب
ورجولي طالعة وايدي وزنودي طالعات
اسماء:اي موهو شبيك وگمت ابلعم
امير وهو يتجتف:اي شنو هو
اسماء:اخوانك ثنينهم طالعين وبس نسوان
امير:حتى لو اني مو ناهيج
وشعندج لحد الان ممبدلة
والعصر موگتلچ وي روحج متلبسين هيج
اسماء:اي شبيك ياحبيبي
بس اجاني الخبر رجلي ماشالتني
مونوب تريدني ابدل والبس حجاب
بعد فد نوب باجر اجيك
امير:هههه هيج لعد
وين جان هذا الحب
شو ماچنت اشوف بعيونج بس الكره والحقد
اسماء:ديلة اريد اروح
امير:لحضة خل اجيب الج عباية
راح نوب اجة لبستهة
وطلعت
امير:تصبحين ع خير حبيبتي
اسماء بأبتسامه:وانته من اهلة
نزلت رحت ع غرفة فرح
واني اضحك ع غيرته
لاگتني فرح
فرح:ها ولج وين چنتي شو رحتي تبجين رجعتي تضحكين شنو السالفة
سولفتلهة كلشي
فرح:اياا حقيرة
اني هنا گاعدة ع جمر
والاخت متونسة
اسماء:هههه ديلة خل ابدل
بدلت ونمنة ثاني
يوم گعدنة
غسلت ولبست حجاب
وطلعت من الغرفة اني وفرح
لگيت بيت عني گلهم گاعدين
وامير همين گاعد ابتسملي نوب غمزلي
ابتسمت
اسماء:صباح الخير
الكل:صباح النور
ام امير:يمة حبيبة ضميتلچن ريوك انتي وفرح بلمطبخ
رحنة للمطبخ صدك تريكنة وغسلنة الماعين
ورجعن بلصالة
ضلينة نسولف نوب دگ تلفون امير
خلص مكالمة
امير:اسماء عمي جايج حضري
روحج
اسماء:ماعندي شي بس البس عباية
ورة شوية اجة بابا
گعد يمنة هم ضل يسولف نوب
امير:عمي نهاية الاسبوع خطبتي من اسماء
الاب:بس...
امير:لا تخاف عمي هي موافقة مو اسماء
اسماء واني خجلانة:ااي موافقة
الاب:هاهية گبع واخذ
شو ندى خزرتني وراحت تمشي سريع وطبت جوة
فرح ندستني:هلة بدة القصف
نوب سلمنة ورحنة
ومروا الايام
وقبل الخطوبة بيومين
رحت للسوگ وشتريت الاحتياجات
وفستان الخطوبة ومكياج ووو
مرو اليومين
واجة وقت الخطوبة
اجت ام الصالون للبيت
ولبست فستان
احمر جوة الركبة
وبلا ردن وشعري شسورته
ولبست تاج طلعت اخبللللل 😍بدون غرور
المهم اني گاعدة ع كرسي
والبنات يرگصن
نوب گالوا اجو
وراهة اجة السيد يعقدلنة
لبسوني احرام الصلاة
ورحت عقدلنة ورجعت
ورة شويه گالوا اجو
گعدن البنات ولبسن شالات وسترن نفسهن
لان كلهة فساتينهن فاضحة ورجليهن لو زنودهن طالعة
دخلوا وهو همين هيبببببة يخبلللل
لابس دشداشة نيلي ولاف غترة نيلي ع ابيض
ونضاره وسبحته بيدة وعطوة وصل قبلة بوووية
اجة وگف يمي باسني من راسي
نوب لبسني الذهب وصورنه شوية نوب گعد يمي
ضلينه شوية
نوب گالي
امير:بوووية لچ شطالعة گمر مدري قشطة
اني ضحكت بخجل
اسماء:عيونك الحلوة حياتي
امير وهو صاك ع اسنونة:بوية لاتدلعين كااافي
اسماء ضحكت
نوب باوعت للبنات راحت ضحكتي
واني اشوفهن ياكلنه بعيونهة
فاكات حلكهن وصافنات عليه
اني بصراحة كلش ضجت
اسماءوهي تهمس لامير:امير شوكت تروح
امير باستغراب:ليش مليتي مني
اسماء:لا حبيبي بس تعبت اريد الحفلة تخلص
اتصنعت هاي الحجة حتي يروح لان ماتحمل واشوفهن هيج اكلنة اكل
امير:دروووحي عشرين سنة انتضر هذا اليوم
وهسة اگعدلي عشر دقايق تگليلي روح
اسماء:هسة تروح لولا
امير:لا
اسماء:متروح خوش عادي
گبل وگفت وگلت
اسماء:شكرا بنات ع فرحتچن وي فرحي
اشكرجن من كل كلبي خلصت الحفلة مشكووورات
امير وگف وهو مصدوم:هاااي ليش شبيج
اسماء:كتلك روح بس ماقبلت طلعتك بطريقتي
امير:بس فهميني ليش
اسماء:بليل خابرني ع تلفون ماما واكلك ليس
امير:سهلة اني اعلمج
باس راسي وطلع
فضت الحفلة
رحت سبحت ولبست دشداشة زيتوني ضيقة
مشطت شعري وعفته مفتوح
رحت للصالة لگيت
كوووولهم گاعدين
باركولي الجناين همين
محمد:يابة شوكت العرس
الاب:عرسمن اسماء لو علي
محمد:اني قصدي اسماء بس يله حتي علاوي
الاب:بنهاية الشهر عرس اسماء
وبداية الشهر الوراه عرس علي
اسماء:ليش بابا مو بسرعة
الاب:اني معليه امير چلب الا كون بسرعة
محمد:الضاهر الاخ مسعجل ع حبيبت الروح
اسماء بخجل:عابت
الكل:هههههه
ورة شوية دك تلفون ماما
شافته گالت هاي ام امير
بااااااااااااي
👈يتبع