سأبقى احبك

بارت 26

»»»»»تسريع الاحداث«««««
اسماء:مرت الاشهر وفروح جابت ولد
وسموه جود
وسيوفي صار عمره 12شهر بس يخبل مدنفش
وامير متخبل علية 24 ساعه مگعدة بحضنه
ومن يروح للدوام هو يروح الصبح ويرجع
بلأربعه العصر
وكل ساعه يخابر شونه سيوفي وانتي شونج
....
نور:مرت الاشهر
وسمعنه حسين يريد يتزوج وبابا واحمد
وماما ورؤى ومريم كلهم راحوا
لان ابوه واهلة اصدقاءنا من زمااااان
ويعني صايرين مثل الاهل
بس اني مارحت مالي خلگ
مرت الاشهر والسنين
واني ذبلانه ع فراگ علاوي
حبيبته حب مصاير ولاراح يصير
مستحيل يجي يوم وهو مو بگلبي
حبيته بكل جوارحي ومراح اتزوج غيرة
رؤى تخرجت واني مرحلة خامسة
ومن معارف بابا واحمد رؤى تعينت بمستشفى
يعني بيها صيدلانية
واني كل السنين اطلع امتياز
خلصت السنه الخامسة وتخرجت واني
طول هلسنين مااحجي وي بابا
تعينت بمستشفى
وحزروا يامستشفى
نفس مستشفى علاوي
اداوم من الصبح لحد الاربعة يخلص الدوام
داومت اسبوع وعلاوي مااشوفه
فبيوم تجرأت وسئلت علية گالوا اخذ اجازة
وبعد ثلاث اشهر تخلص الاجازة
اني هنا احس صاعقة ونزلت علية
شون راح اشوفه وبيا وجه اصلا
يربي شون راح اداوم نفس المستشفى
وكل يوم اشوفه
خلص الدوام ورجعت للبيت دخلت
اشو اشوف الكل فرحان ورؤى خجلانه
نور:شكووو؟
الام:ها حبيبتي الاسبوع الجاي عرس
رؤى وكرار
اني هنا كلش فرحت ورحت اركض حضنتهة
نور:مبروك حبي
رؤى بخجل:الله يبارك بيج يعمري
شوية وتذكرت شون راح افارقهة هي توأم
روحي شون راح يمر يوم واني مااشوفهة
يمي ونتعارك ع الشغل اوووف يلة
هي اول وتالي تتزوج
صعدت فوگ سبحت وصليت ومشطت نزلت تغديت
مرت الايام ورحنه اني ورؤى وماما
نجهزها اشترينا كولشي
من ملابس ومكياج واكسسوارات وعطور
كووووولشي
واني همات اشتريت غراض وفستان للحنه
اصرت اختي اخذ الوان لان اني لبسي كولة اسود
اخذت فستان قصير وردي
من فوگ ضيق للخصر
ومن جوة الخصر كلوشة للركبة وبلاردن
يجنننن 😍
واخذت بنطرون ثلجي ومايل للبياض
وقميص ابيض وستره نيلي للعرس
يوم الحنه رحت للصالون وطبعا اخذت اجازة
رحت للصالون وسويت تعديلات
ومكياج خفيف ورؤى فدوة لعمرهة طلعت تخبللل
رجعنه للبيت لبست الفستان
طلعت اجننننن
طلعت يم النسوان
رؤى:هاا نور شو ساكته
نور:لعد شأحجي
رؤى:موتحجين رگصي
نور:هههه ولا يهمج
ورحت بلنص واني موهوبة بلركص
كلهم ضلوا صافنين علية متعجبين
نوب اجة كرار وسووا طقوس الحنه تعرفوهة
خلصت الحفلة وكلمن راح لبيته
واني ورؤى ضلينه سهرانين بجينه شوية
نوب ضلينه نسولف لحد ب2 بليل رحنه نمنة
ثاني يوم رحنه للصالون اني
ورؤى ومريم
اني برمت شعري للنص
خليت نصة ليكدام ونص ليورة
وميكاج خفيف طلعت گمر
رجعنه للبيت
اني لبست البنطرون والقميص جوة البنطرون
والسترة كفيتهة طلعت اخبشش يمة فدوة
وهم كلهم تعجبوا بيه
وهم دگ ورگص وهاي اول مرة افرح
بعد فراق علاوي
اجوا العريس واهلة
ضلوا شوية نوب كالورا يلة نروح
طلعنه صعدنه بلسيارة
وصلنه هناك تعشينه نوب زفوهم
ورجعنه ثاني يوم
رحنه اني وماما ومريم
ورجعنه
رحت للدوام
مر شهر وبيوم
جنت بلمستشفى
ودا اطلع اروح لغرفة
واتفاجاة بصدمه عمري
واشوف علاوي ووياه مرة شابة
لابسة عباية باوعتلة واني مشتاقة اله
لحنيته لحبة وووو وكلشي بيه
ضليت صافنه ودموعي نزلت بهدوء
هو باوعلي وهو مصدوم 😲😲
ضلينه صافنين
هو ضعفان بس بعدة بجماله وهيبته
باوعلي من فوگ ليجوة وكانوا
مصدوم من لبسي لان لابسة الصدرية
فجاة وحجت المرة الوياة
:شبيك علاوي ليش وگفت
هو كان يباوعلي بنضرة عتب وحقد
علي:هاا يلة امشي
و راحوا
اني ضليت مصدومة يعني خمس سنين
بعيد عني وملامحته ابد وهسة شفته
فدوة يخبل
بس منو هاي البنيه وشتعودله معقوله اخته
رحت لغرفتي ومسويت لمراجعين اثنين
نوب طلعت دورت مالگيته
سئلت عليه وهناكانت صدمت عمري الابد ماتوقعتهة
هذا الدكتور علي ووياه زوجته
وجايين يفحصون لان صار اكثر من اربع سنين
وماعدهم اطفال وهو من البصرة بس
اجة البغداد لان اضبط
اني هنا سودت الدنيا بعيني
وبعدهة محسيت على شيء
بعد فترة مااعرف شگد
كعدت لگيت امي واحمد يمي
فتحت عيني
احمد وماما:الحمدلله ع سلامتج
نوربثقل:الله يسلمكم اني وين
احمد:شبيج نور اشو خابروني گلولي بنتكم تخربطت
ومن اجينة كالوا دخلت غيبوبة
وهاي صارلج 3 ايام بغيبوبة
نور:بغيبوبه ؟؟!
احمد:اي شبيج ليش هيج صار بيج
نور:مااعرف
خاف لان مماكله شي ووكعت
اريد اطلع
احمد:اي هسة رايح اسوي اوراق الخروج
راح وامي گالت اروح اتصل ع رؤى
خطية قلقانه واجت وضلت هنا نوب راحت
هزيت راسي
نوب كعدت وضميت رجلي لصدري
وضليت صافنه معقووله سواها
مانزلت مني دمعه احس بعدني بصدمه
ومااكدر استوعب الصار
معقوله نساني وتزوج ولا فوكاها يريد اطفال
اجة احمد سندني طلعنه وصلنه البيت
دخلت لگيت رؤى وعمتهة وحماتها كلش حبابات
ضلن يتحمدلي ع السلامه واني بالي مويمهن
بس كلت الله يسلمكم وصعدت فوگ
كعدت ع السرير وضميت رجلي لصدري
وضليت صافنه تقريبا ساعة واندك الباب
اني نفس الگعدة ومالي خلك احجي كلمه
دخلت رؤى واجت كعدت مقابيلي
رؤى:ها حبيبتي
شبيج ليش هيج صار بيج
ماحجيت كلمه
رؤى:اني ادري وراج سالفه
ولاتكولين مماكله ومن هاي السوالف
لو مماكله جان تخربطتي ساعه وكعدتي
مو غيبوبه 3 ايام.
ماحجيت
رؤى:اوووف يلة حبيبتي شوكت متردين تحجين
تلكيني موجودة
بوستني وطلعت
اخذت اجازة اسبوع وطول الاسبوع بلغرفة
وماانزل واكل بس شوربة شوية ومرات
نستله وعصير
باقية بلغرفه صافنه ع حضي الماگعد فديوم
قبل من صار عندي امل اتزوج علاوي
بابا رفض ورحت ضحيت بنفسي
علمودة وسويت روحي مااحبة واحب غيرة
وضليت خمس سنين مفارقته
وبقيت احبة واعشقة ومن التقيت بيه
نضراته جانت كره وحقد اتجاهي
وبلاخير طلع متزوج
يربي ارحمني اني موگعد الامتحان التمتحني بيه
وبچيت بجي هسة يلة بجيت
بعد مااستوعبت وصرت امام الامر الواقع
ضليت ابجي من 12الضهر
لحد 4 العصر ضليت اشهك من البجي
رحت توضيت وصليت وقرات قرأن شوية ارتاحيت
دعيت ربي يصبرني
ثاني يوم كعدت سبحت ولبست بنطرون اسود
وبدي اسود جوة البنطرون
وحذاء اسود وجنطة وطلعت بس مبين علي
ضعفت خلال هذا الاسبوع
داومت والكل تحمدلي ع السلامه
بعد مرور ثلاث اشهر
طبعا اخوي اشترالي سيارة من اول متعينت
يكولي ترحين وترجعين بيها لان اني ماموجود
حتى اوديج وخوما تصعدين بسيارة وحدج
فبيوم رحت للدوام وهستوني نزلت من السيارة
طبگت سيارة لخ
باوعت 😲 ولكيت علي نزل باوعلي
وفات من يمي ودخل للمستشفى وكانول مشافني
الهم صبرج ياروح
دخلت للمستشفى رحت لغرفتي لبست الصدرية
وطلعت لاگيت علي باوعلي
علي:متوضفه هنا الاخت
اني هنا انصدمت -الاخت 😦-
نور:اااي
هز ايدة وكمل طريقة
بلة هذا شتسويله
رحت كملت شغلي
--------
علي:من شفتهة لنور
احس انولدت من جديد
انصدمت صدمت عمري
شفتهة لابسة صدرية معقووولة متوضفه بنفس
المستشفى ضليت صافن بعيونها بس
متغيرة هواي ضعفانه بس بعدهي
بجمالها
،،،
انتهى البارت 😊
اشوفكم بلبارت الجاي
وها اريد تصووويت
لان اكو يشاهدون بس ميصوتون عود ليش
يلة صووووتوا حبابين
مو الا اوصيكم الى متى ابقى اعلم هااا
😉😉😉😍😍😍😊😊😊😀😀😀
بااااااااي