البارت الثالث
ريتاج الموسوي .......
نزلت والدمعه بطرف عيني لكيت امي وابوي بالصاله وخواتي هم
صرت كبال بابا من شافني رفع راسه
...هاا شبيج
افنان...بابا راح اترك المدرسه
امير كام من مكانه...اتركين الدراسه شنو هذا الحجي جديد امس تبجين ماتردين تبطلين واليوم اتركينها
افنان..لا بابا اني مااريد مشاكل هاهيه الدراسه مولازم مااريدها
سكت شويه وكال...امي اليوم حاجتج
افنان..بيبي تريدكم متصافين بينكم وماتتعاركون ودراستي تخربكم
واني الخاطرها وافقت اترك المدرسه
عافني وطلع
التفتت عليه امي...عزه ليش كتيله بيبي كالتلي راح يتعارك وياهم ويسويلنه مشكله
افنان...بس لا يسويها اني عبالي من اكله يفرح لان اخو مقابل بدراستي
مريم...صدك بيبيتج محاجيتج ليش ماكتيلي انه مو امج
أفنان...ماما امس من كالتلي اني بس ابجي وماالي خلك افتح الموضوع
بس هسه احس اخذت القرار الصحيح
مريم...بنيتي اذا ماتردين تبطلين لا تبطلين انتي مومجبوره تضحين بمستقبلج علمود عمامج
افنان...مو بكيفي بيبي هيج تريد ونتي تعرفين معزتها بكلبي لو تشوفينها امس شلون مقهوره وعيونها مغوركه بالدموع
معقوله افشلها
...بكيفج بعد هاي حياتج انه العليه كتلج
..............................................................
مازن...هلا امير تفضل خويه
امير...انه ماجاي اتضيف عندك هيه حجايه وحده
امس انته وديت امي
حته تقنع افنان تترك مدرستها
مازن...عيب نحجي بالباب تعال طب جوه وافهمك
دخلو للبيت
امير..يالله احجي تره موفارغلك انه
مازن..شوف انه من كتلك خلي افنان تترك المدرسه مو معناها
انه معقد واشوف دراسة البنيه غلط ولأن بطلت بناتي ابطلها لا
انه سمعت يحجي بصوت قريب للهمس..القائد صدام يدز مسؤلين كبار للمدارس
ويخلون المدرسات والطالبات ينضمون للحزب اجباري غصبن عليهم
والدليل التدريب بداخل المدارس على حمل السلاح
لأن العراق على وجه حرب
ماتكلي اذا اخذو بنتك شسوي هاي حكومه واحنه مانكدرلها الله وكيلك ماتوكف بوجوهم طلقه وحده براسك يكتلونك بدون مايرفلهم جفن
ليش نجيب المشاكل لرواحنه
يكولون ابعد عن الشر وغنيله يخوي هاي السوالف احنه موكدها
اذا نوكف بوجوهم يجونه بليله ضلمه احنه وعوايلنه ويدفنونه بمقابر جماعيه
امير. يصفن....والله ماادري شكلك
صدك شغله تخوف وانه هم سمعت بهالخبر علمود الحرب تريد تكوم
بس ماصدكت مادام هيج مولازم دراستها خليها تبطل دامها وافقت
..........................................
مريم...يمه ذوله جيرانه استوهم دايرين البيتهم
واشوف المريه الجبيره تشيل وتحط خطيه
اكيدمامسويه غده
طبختلهم اكل هاج حطيلج حجاب على راسج و اخذيه الهم بس
ديري بالج بسرعه لايجي ابوج ويشوفج مايقبل اطلعين
