قيود بين سلاسل الماضي
البارت ٣٤
بنات فدوه اريد من كل وحده خمس تعليقات ع الفقرات فدوه اعتبرو طلب 🌺
افنان
اصعب شعور ممكن وأقصى حد للاالم انك تنتظر وكل يوم يمر تحسه جبل ويهدك هد الفراق اه يالفراق نار
هادئة لكن شكو شعور وصبر وقرة تحمل عندك تصهرها وتذوبها سألوا الامام علي ع ياامير المؤمنين ما أصعب من الموت قال اصعب من الموت فراق الاحبه
أفنان ،،،اليوم الثالث
على غياب عماد دمار تام ونفسيه زفت اخذت محمد وطلعت البيت مابقه اي حيل اباوع الكل شي بالبيت احسه يريد يخنكني هنا كعد هنا نام هنا اكل وهيج شرب وهيج ضحك وهيج حجه
اسمع دقات كلبه واتخيله بين أحضاني أغمض عيني واكول الله يا صوتك الي افتقده احط ايدي على حلكي وادهك لحد ما احس العالم حولي بده يدور كل شي اختلف وكل شي تغير حتى النفس الهوى مو هوى والنفس يصعد بسهوله ارجع احضن مخدته واذكر حجايته الهادءه وأفعاله الي
مايوم شفت احد بهدوءه حتى وهو بقمة نشاطه هاديء كان بكل شي صرت احس البيت غابه واني بوسطها ومنقذي ماكو واه ياوحشة الليل شكد اذت روحي عماد جرحني جرح حتى اكبر من جرح الخيانه بفقده كنت كل لوعه الوعها احس الصخر يبجي على حالي هواي تمنيت بغيابه
لو بس اعرف مكانه حتى لو ميرجع المهم اعرف عايش وموجود وبعده يتنفس مثلنه اني وابنه ساءت حالتي حيل وقررت اهج من البيت واتركه واروح ابحث عن حبيبي وخل احد يمنعني الا انسف بيهم الكاع نسف دخلت بيت اهلي ودموعي تشرح حالي واول مدخلت
ام سيف هلا باام حمودي عاش من شافج
أفنان مرديت لان بوضع الي يكولي شلونج انفجر
ام سيف اخذت محمد من ايد امه وبقيت ابوس بي عرفت أفنان مدااتتحمل فراق عماد بس شكدر اسوي إلها
أفنان رحت نمت بجربايتي وبقيت ابجي وكل ذكرى تمر بي تخليني اشب للسماء وانزل للاارض
ام سيف عفتها براحتها خلي تبرد واحجي وياها
أفنان بقيت بحدود الساعتين بعدها سمعت صوت أبويه وكمت بسرعه طلعت ولكيته دايغير ملابسه مال العمل
أفنان هلا بابا
الاب اهلا اشو ماكو صار كم يوم
أفنان عبالك داس على جرحي وحط ملح دنكت وبقت بس الدمعات تلالي بعيوني
الوالد عماد متصل
أفنان لا
الوالد محاولوا عيالج يسألون اهالي الي راح وياهم
أفنان من يوم السافر عماد ومحد اجه ولا شفت احد
الوالد حتى عمج عمتج
أفنان ابد
الوالد صار يومين اسالج ولكيت واحد مسافر وياه منا من اهل المنطقه كومي غسلي وروحي على امه وتأكدي منها بلكي محصلين خبر عن ابنهم اقلها عماد وياه روحي بنفسج حتى تطمنين بنفسج
أفنان،،، سمعت هيج وطلعت بكل لهفه وخليت حمودي بيد أبويه وامي اخذت العنوان وطرت والطريق كله ادعي ربي كل شي ما اريد اريده عايش والباقي كله سهل
وصلت البابهم وأكثر من مره احاول ادكها بس ايدي ترجف حيل آخر شي جراءت ودكيتها
صاحوا منو لو ردت اخرب
أفنان اني
انفتحت الباب
أفنان مرحبه
هدى اهلا مراحب تفضلي عيني
أفنان اني جايتكم بشغله
هدى تفضلي
