قيود بين سلاسل الماضي
عماد
سمعت هيج كلام كتلهم اكيد هذول مو بوعيهم البيت بيتي واني البنيته بتعبي بياحق يمنعني منه حتى فلوس الأرض ماخذ حقها مني يعني الأرض والبيت من تعب كلبي بياحق يكلون هالكلام هذا
ابو مازن... اهدء ابني وحاول تفكر بالكلام والي تريده احنه بي وياك
عماد... الي عندي كلته اني رايح للبيت واشوف منو اليمنعني منه
ابو مازن,,, استهدي بالرحمن عمي منريد الوضع يتازم أكثر بينكم الف لو كان يبقون اهلك
عماد
اهلي على راسي بس تصرفاتهم غلط بغلط
ابو صبا هذا كلام ابوك
عماد
ماشي انه اروح واشوف زلمه الي يكول لتدخل
ابو صبا عم هي مو شغلة تحدي بس احنه انريدك تهدء ومنريد الأمور تتعده هالصار
عماد,,, انتو مقصرتوا خلص لهنا وبس خلوني اني اصرف
ابو مازن ,,,بعد يومين كعدت زلم تصير ومنربدك تغلط اي غلط لو شمايصير لاتنسى بيوم انو الكدامك ابوك ولازم متوكف بوجهه
عماد
عم مناسي بس هم الضاهر نسوا اني شنو
ابو مازن,,, انت الزين كله بس هم على كيفك
عماد,,, الله كريم سلمت وطلعت من يمهم كتلهم اروح اجيب ملابس الي وللاطفال والامهم
ابو مازن ,,,صار ساعه شحجي لعد
عماد,,, شنو
ابو صبا ,,,ابوك مانع طبتك البيت
عماد
اروح وهاي آخر كلمه خليتهم وطلعت وناوي ع الشر وين متوصل خل توصل الطريق كله افكر بالوضع وافكر شلون هان عليهم يخلوني بين هاي الأمور وشلون يشرطون عليه هيج شرط وصلت المكان عملي القديم لاكاني اخو سرى الجبير
سامي هلا عماد
عماد اهلا
سامي شفت الوضع وين وصل كله بسبب مرتك انت شلون تكولها روحي اشتكي على أخويه ولك هذا اخوك شلون تبدي مرتك عليه وتوكف وي مرتك ضد اهلك
عماد اي والمطلوب
سامي ,,,روح تنازل عن الدعوه وحلها للشغله ترى ابوك حيل معصب والله لو بيدي يحرك الدنيا كلها
عماد,,, كملت حجي
سامي اي
عماد,,, لعد اسمع وهذا الحجي توصله عن لساني
الدعوه باقيه واحمد شوكت ماالكفه طلقه واحطها برأسه اني موعماد اذا منيمته بالنجف وبعدين بيكم خير وخلصوه من ايدي
سامي عماد اشو متخبل انت
عماد
منو الي تخبل اني لو انتوا اريد افهم شنو انتوا لهاي الدرجه سقطتوا ولكم اني بعملي واخويه هو الهاجم على بيتي ومرتي وجهالي وتكلولي اسمع كلام ابوك ولكم انتوا من يامله من يا طينه الله خالقكم
سامي اني حذرتك وبقت يمك
عماد
ههههه بيكم خير الزموا اختكم عن مرتي لو اذبحها فوك رجلها وكولوا مكال
ومشيت وخليته
سامي عماد وين رايح
عماد للبيت
سامي ,,,,ابوك عماد والله الكريم يكول ماله طبه للبيت
عماد رايح واشوف الرجال اليوكف بوجهي
سامي رحت ورى عماد واقنع بي يرجع وميقبل يرجع عماد ترى ابوك يكول اقتله
عماد خل يقتلني
سامي عماد الحديده حاره ارجع واحنه نحاول وياه بلكي يقنع
عماد وكفت وكتله منو انتوا اشو الكل صار لها لسان ولكم من شنو جاي تمنعوني هذا بيتي واشوف منو اليمنعني عنه
سامي ,,,بقيت امشي وراه وشكد حاولت وياه ومفاد ابد
شفته وصل الرأس الشارع ويمشي بكل همه شفت واحد من الأصدقاء القربين على عماد صحته واكتله امشي وياي عماد اجه ومصر يروح البيته واخاف لا يصير شي مشينه وي عماد واول موصلنه الباب البيت
عماد
من بداية الشارع واني امشي شفت أبويه واكف بباب البيت ومرتجي للحايط ومخلي بيده توثيه عرفت ناوي على شر ردت اتقدم لزموني سامي وقتيبه صديقي وكالوا بداعة كل شي عزيز وغالي على كلبك ابقى هنا واحنه نروح نحجي وياه
عماد اخذت نفس وكتلهم روحوا
سامي وقتيبه رحنه وحجينه وي ابو عماد وأكثر من ساعه نحجي ونترجاه وماكو اي فايده
سامي عم بس يدخل يأخذ هدوم اله والاطفاله والزوجته
الحجي ماكو ميدخل واذا يتقدم خطوه بهاي التوثيه اموته وميرفلي جفن
قتيبه,,, عم والله عيب هالحجي ترى عماد جاي من درب بعيد المفروض الكل يشوف راحته خطيه بالبرد والحر وجوع وعطش واكف بدمه بس على مود يعيش جهاله وانتوا هيج تتعاملون وياه
الحجي كلمه ومااثنيها ابد اي طبه للبيت ماكو لو ينفذ كلامي لو ينسه عنده بيت
قتيبه بس كلنه نعرف عماد الي بنه البيت شلون هيج عم ترى عماد عنده حق من السماء للكاع
الحجي البيت بااسمي اروح للمركز اقيم عليه دعوه واكولهم بيتي وهم اشمره سجن
سامي كله من ورى زوجته اكو وحده تشتكي على حماها
قتيبه واكو واحد يضرب عرضه بالشارع
سامي عم عماد يكول شوكت مااشوف احمد اضربه بطلقه اموته
قتيبه
شكد متستحي انت ياسامي وكت هالحجي هذا هاي بدل متهدي النفوس انوب تحط على النار نفط
سامي هو عماد كلي كول الاهلي الحجي هذا
قتيبه وان كلك انت متعرف تسكت ابد استغفر الله من هيج بشر وعالم
سامي يله امشي ناخذ عماد ونروح عمي مصر واني اشوف الحق وي عمي
قتيبه وك سامي ياحق انت شنو ماعندك ضمير وهيج تحجي
سامي خل يعوف مرته هذا احسن حل ويشتري مرضاة ابوه
قتيبه لاطاعة لمخلوق في معصية الخالق انت اكيد تخبلتوا
عماد اجوني قتيبه وسامي وكالوا ابوك مصر مالك دخله للبيت
عماد
خليت وعفتهم وتوجهت للبيت مو شغلة تحدي ولاهاين عليه اكسر كلمة والدي بس لان فعلا ظلم الي دايسووه بي وقمة الظلم انك تشوف اهلك اقرب الناس الك هم الي ياذوك ويمارسون كل شي ممكن حتى ياذوك بي حتى لو كانت الاذيه بروح المقابل
امشي وممهتم للي راح يصير شيريد يصير اكثر من الصار تقربت من والدي وحتى بدون مااباوع فتحت الباب وردت ادخل واسمع قتيبه وسامي يصيحون ورايه عماد لاتدخل ويقسمون عليه بقسم عظيم اصراري على ان ادخل وموقف والدي خلاني ازيد بااصراري واول مفتحت الباب وشفت المنظر
كدامي مال البيت هاي صدمه مستحيل بيوم اكدر اتخطاها او انساها منظر مرعب وكان البيت عباره عن خرابه مخروبه بكل شي بيها تكسير وتحطيم وتمزيق حتى ملابس افنان الداخليه مشككيها وين مااخطي اي خطوه صوت التكسر جوه رجلي
شكد حاولت اسيطر على دموعي مكدرت بقت دموعي تصب بدون شعور اصعب موقف يمر بي الرجل هو لحضة الي يكون الموقف اكبر من طاقة تحمله وتنزل دموعه على مواقف مثل هاي
قتيبه
عماد اطلع بداعة ولدك لاتنقهر والله فدوه الك كل الاثاث والغراض المهم سلامتك عماد تسمعني
عماد اسمع حجيه بس مااكدر ارد عليه معقوله هيج وضعي يصير بسبب اقرب ناسي اهلي هيج يسوون بيه اهلي
عماد,,, صحت سامي هاي افعال اختك مو
سامي بقيت ساكت ومحجيت شي
عماد احجي منو هيج سوه
قتيبه ,,,
حاس بوجعك والله بس هونها عماد وامشي نطلع
عماد
وخرت ايده مني وكتله قتيبه هذا شكه عمري كله ضاع ومنو الضيعه اهلي الحنان اهلي الي يشيلوني وكت وكعتي اهلي الي من اروح الحلك الموت الكاهم اول الناس ينهشون لحمي ويشربون دمي
قتيبه
عماد انعل ابو الغراض المهم انت وعاءلتك بخير وهاي تسوه الدنيا كلها الله يعوضك احجي وروحي لايبه عليه والله ماشفت ظلم كد ماشفت عماد وعيلته تنظلم
عماد طلعت الموبايل وكمت اصور البيت
كله من باب البيت لنهاية البيت صورت ووثقت كل شي صاير بلبيت وخليت قتيبه وسامي الي حتى مسمعت صوته شاهدين على وضع البيت بعدها اطلعت وبدون اي كلام توجهت الافنان والاطفالي الي هم ملجيء الوحيد الي يمهم احس بالامان
افنان دخل عماد شبه منتهي كل ضني متعارك وي اهله محجيت اي شي خفت حيل اسولف وياه
عماد افنان
افنان ها عيني
عماد
دبري حالج انتي والولد هدوم مااكدر اجيبلكم هسه
افنان ماشي ولايهمك فدوه الك كل الهدوم المهم انت مرتاح والهم الي مغطي وجهك زيله عماد احنه ماعدنه غيرك انت امي وابويه واخويه
وانت كل شي حلووو بحياتي اترجاك عماد البيت مااريده ولااريد اي شي من الدنيا عماد اني رايدتك بس الك والله ياعماد انت عندي تسوى البيت والدنيا شمابيها المهم متتالم المهم نتحد ونكون ايد وحده اني وياك عماد احجي لتسكت لتعذبني بسكوتك
عماد حطيتها على صدري وكتلها اصبري ترى الوضع ابد موتمام وهاي حرب لو ننتصر لو نخسر واني مااريد اخسر وبنفس الوقت مااريد انتصر واني غاضب الله وعاق افنان ساعديني
اتخلص من هالحرب الظالمه هاي
افنان رفعة راسي لله وكتله يارب انت فوك الكل ودتشوف بعينك ياالهي الظلم الي اني واطفالي وزوجي دانمر بي ربي ساعدني ماعندي
غيرك اشهك وابجي بسكوت حضنت عماد بكل قوه وغفيت على صدره هو باب الامان الوحيد الي احسه محد بهاي الدنيا يكدر يحتويني او يحس بي غيره ويمكن حتى هو هيج يحس اه ياعماد حبنه شكد خلانه ندفع ثمن الله على الظالم الي دايضلمنه باافعاله
وتصرفاته عدة يومين ومرت مثل الكابوس المظلم عليه هم وقهر واليوم كعدت الزلم والكل حضر
بيت محايد وصار الكلام كدام اكبار
عمي حجه كل الكلام الي اله وعماد حجه كل الكلام
الزلم بيومها عقلها وكف من عرفوا احمد ضربني وضرب حمودي على مود ورده ماخذها من البستان
ابو مازن يعني انت ضربت ابن اخوك وزوجة اخوك على مود ورده
احمد اي هي ليش تدخل وتكول ليش تضرب حمودي شطلعها
ابو مازن يازلم تسمعون الحجي تسمعون رده مره تنضرب بنص الشارع على مود ورده
احمد دنكت للكاع فعلا ماكو سبب حقيقي الي خلاني اضرب حمودي ولاامه بذاك اليوم
ابو عماد اني حجيت كلامي ومصر عليه عماد يريد البيت يأخذه بس بدون زوجته ومن عين باجر ازوجه احسن وحده
عماد كملت حجي كلامك
الحجي اي وهاي آخر كلام
عماد ...وهاي كدام الكل الي كاعدين زوجتي مااعوفها ولاتركها ولااترك أطفالي بياحق تطلب مني أتركها على اي اساس صوج ذنب وهيج تطلب مني والبيت الي تريد تمنعني منه بيتي والكل يعرف هالشي
اني الي بنيته طابوكه طابوكه واذا تبقى مصر ما ادخل اله فمراح احللك ولااوهبك
الحجي وطز بيك وبمرتك وطبه ماالك وشتريد تسوي سوي
الحجي,,, انت تمشي ورى زوجتك مثل الأعمى
عماد هاي لان مراعي الله بيها هيج تحجي
الحجي لا عندي شهود على مرتك شلون تجسر بنص الشارع على حماها وشلون تسبه
عماد مستحيل هذا الكلام
ابو مازن
عماد عوفه خل يجيب الشهود احنه قابلين
عماد صاح أبويه على ولد أخويه الجبير وشهدهم وكلهم احجوا الي شفتوا
امجد أفنان سبت عمو احمد بالاول يله عم احمد ضربها
الحجي وانت مهند احجي
مهند ,,,اني ما ادري اجيت لكيت الزلم متلازمين بيناتهم ورميت بالهوى لفوك حتى بس اخوف الطرفين اني مكنت حاضر بالعركه اجيت على الأخير
الحجي سمعتوا بااذنكم الحجي
عماد,,, امجد تحلف بالقران أفنان سبت وغلطت على احمد
امجد,,, لا عم مااحلف ممجبور احلف اني حجيت بس الي شفته واني مو طرف بالموضوع
ويباوع الجده ويرد يدنك بيومها الكل عرف انو امجد شهد باطل وكلوله لعد ليش قبلت تكون شاهد كلامك هذا سجل عند الله
امجد
خليتهم وابتعدت عنهم بقوا أكثر من ساعه يحجون وموصلوا الاي حل جدي مصر على كلامه وعم عماد ميقبل يترك زوجته وأولاده موقفه هذا خله جدي يتخبل عليه بحيث فقد من العياط عليه والصياح
عماد يعني هذا آخر كلام
الوالد اي واضرب راسك بالحايط
عماد
بسيطه سهله وكمت ونفضت نفسي من الكعده مال الزلم وكتلهم حل ما اريد مرتي واطفالي مااتنازل عنهم والبيت هم مااتنازل عنه وش يصير خل يصير وطلعت منهم
أفنان أحه عماد بليل كلش تعبان والدنيا احسها ضاكت بوجهه حيل حسيت بي من كثر الهم احس حته وجهه تغيرت ملامحه
أفنان عماد
عماد نعم
أفنان اريد احجي وياك بهدوء بس فدوه لاتقاطعني
عماد كولي اسمع
أفنان صح الي سمعته عماد شسمعتي
أفنان صدك ابوك شارط عليك تعوفني مقابل البيت
عماد اي
أفنان وانت شرديت عليه
عماد كتله مااقبل بشرطك والبيت مااتنازل عنه هم
أفنان بس هيج راح يوكع دم عماد فدوه اريدك تسمعني للااخير اروحلك فدوه
عماد دااسمعج
أفنان لا انت بغير عالم مو يمي اصلا
عماد والله تعبان أفنان تعبان
أفنان واني اريد اريحك واريح اهلك بالأخص ابوك
عماد شلون
أفنان
وكفت الحيلي وكلي الم واحس روحي تتكطع تكطع بداخلي الم كنت افكر شلون اخلي حل الهاي المصيبه ومكان يهمني اي بشر حتى روحي المهم عماد ميتاذه ولايحس بضيق ابد اعرف بي
شكد جاي يتعب حتى يوفرلنه حياة نكدر نرتاح من خلالها شكد خطيه ضحه صار اليوم الي اضحي بي اله ولازم ادوس على نفسي خلص هواي تعذبنه وهواي شفنه الم بالأخص هو
عماد احجي اشو اسكتي
أفنان باوعت وكتله احنه لازم ننفصل عن بعض
عماد ههههه هاي شبيج اشو كمتي تخربطين بالحجي
أفنان
لا مااخربط بالعكس اني فكرت بالكلام هذا هواي وشفت انسب حل اليه والك الانفصال
عماد كمت وتركتها وكتلها بعد ما اريد اسمع اي كلام اتحملي الخاطري
أفنان
عافني عماد وطلع واني نار وصارت بكلبي ما اعرف شلون اصرف لو شلون ابرد كلبي وكلبه من الوجع البي باوعت شفت ناسي موبايله شلته وبديت اكلب بي دخلت الاستوديو وبديت افتح صور
ومقاطع واول مقطع شفته بقيت من صدمتي بس فاتحه عيوني واحس دموعي جمر وتنزل على خدودي اخ يانار كلبي هذا بيتي هيج صاير بي هذا حلم عمري وتعب سنين هيج متحطم وممخلين بي اي شي اباوع عباره عن هشيم محطم حتى الي داخل معركه مو هيج يصير حاله
عماد
انتبهت الموبايل مو بجيبي رجعت اخذه واول مدخلت لكيت أفنان تباوع عالمقطع مال البيت وتشهك و تبجي خليتها براحتها قربت إلها حضنتها وكتلها ماكو داعي تنزلين دموعج على كم غرض
والله اعوضج بحيل الله
أفنان عماد مو الغراض الي جرحتني واثر بيه منظرها الي جرحني فعل اهلك شسويت الهم وهيج جازوني ليش هالحقد هذا كله
عماد اريد اواسيها حقها بس حقيقة اني محتاج من يواسيني بقيت حاضنها وهي تبجي واني تنزل دموعي بسكوت
أفنان,,, حسيت بدموع عماد لو احس نار وصارت فوك النار البداخلي اه يا عماد شكد حاولنه نصالح وي الدنيا وشكد الدنيا وناسها اذونه
أفنان عماد اسالك سؤال واحد بداعتي جاوبني
عماد إسألي حبي كل البكلبج
أفنان بداعة ولدي الي وياك صديقك وسامي خوماشافوا ملابسي هاي البلكاع
عماد عرفت قصدت ملابسها الداخليه
أفنان جاوب يرحمك الله ارحمني واحجي الصدك
عماد اول مشافوا البيت هيج لزموني وسحبوني للطرمه
أفنان يعني وصلوا للغرفه مالتنه وشافوا كل شي
عماد درت وجهي عنها وكتلها يمكن
أفنان يعني شافوها
عماد اي
أفنان
وكفت وتركت حضنه وكتله وداعت ربي وحق شرف الزهراء بنت محمد الا ادفع سرى ثمن كل أفعالها لتكول ولتكولون سبب البيت او بسبب المشاكل لا كلها بجف وانوا رجال غربه يشوفون ملابسي بهيج وضع بجف ٢
أفنان خليت عماد وطلعت
رحت الغرفه ابجي واذكر كل لحضه حلوه عشتها بعشنه الصغير وارد أذكر شلون صار الوضع واذكر الملابس وكل ما اذكر احس ينولد بداخلي شعور مميت بيومها ماتت أفنان الطيبه البريءه ونولدت أفنان ٢ حاقده وعدها قساوه ماتت أفنان الي رباها عماد باايده ونولدت أفنان الي ربتها الصدمات والآلام والي كان الناس يحاربها على طيبتها وبراءتها اليوم وتحديدا بعد الصار نولدت أفنان الي قررت بهذا اليوم تنتقم وترد كل الالم الي مرت بي اضعاف مضاعفه
بعد أيام ومحاولات من عماد انو يرجع للبيت ومحد كان واكف بجانبه ابد فقط اني واهلي اما بقية اهله وحتى إخوته وأخواته الباقيات التزموا الصمت القاتل محد بيهم اتصل او حاول يعرف حالنه بعد الي صار ابد الكل اخذ طريق الانحياد وتركوني اني وزوجي نواجه مصيرنا الجاي الوحدنه
دخل عماد بيومها وكال صبي عشه يله عدنه طلعه
أفنان وين
عماد بعدين اكولج
أفنان براحتك
تعشينه وبده عماد يأخذ كم حاجه وياه وكال يله امشي نرجع البيتنه
أفنان ليش وشلون
عماد
لتدخلين مو وكت حجي هسه دخل للغرفه شفته سحب سلاحه وحطه بصفحته رحت وصرحت بوجه عماد على شنو ناوي
عماد مالج دخل اطلعي منها اليوم لو قاتل لو مقتول
أفنان دنكت على رجله ابوس بيها وكتله عماد اترجاك لتسوي شي يغضب الله عماد ما اريد البيت والله مااريده
عماد كومي كومني من يمه وكال اسمعيني كلمه ومتصير ٢ وياي لوعليه
أفنان وياك والله ولو للموت
عماد خلص واني راح للموت امشي شيلي جود وبلا كلام
أفنان
طلعنه وكلبي يعصر عصر الم الطريق كله اباوع الله واكوله ربي ولدي وزوجي امانتك وصلنه واوف ياريت هذا اليوم مكان موجود بحياتي ابد أعظم وأكبر شعور للاالم من تنظلم من ناس قريبين الك وانت الي حاولت جهد امكانك تقربهم وتخليهم يكونون احباب الك بس شاءت الأقدار وكانوا اعدا اعداءك
وللحكايه بقيه انتظروني
