السكه شمال بقلم / لولو_محمد ( كامله )

الحلقه ٤٨

(((((((((السكة شمال )))))))))))
#لولو_محمد
الحلقه الثامنه و الاربعون
مرام / ايوه يا عمتى بس كدا الموضوع بقى اوفر اوى انا اصلا طول اليوم امبارح بفكر قلبى معدش مرتاح و كمان فى كام موقف كدا بحاول اقنع نفسى انهم مش مقصودين
مديحه / مش فاهمه فى ايه
مرام / معرفش مستر احمد بيتعامل معايا باسلوب معرفش بس .. بس بحس انه بيحاول يشيل الحدود او هو شايلها اصلا بيتعامل كان .. مش عارفه اوصفلك
مديحه / لا فهمينى اكتر
...................................
مرام / مش عارفه يا عمتى الاول قالى نبقى صحاب و لما حس انى ادايقت قالى انه يقصد اصدقاء و لما بيجى يقعد بحس انه بيقرب منى اوى و امبارح حط ايده على ضهرى بحاول اقول لنفسى ان دى طبيعته يعنى هو مش فاهم ان ده مينفعش بس الساعه دى كدا قلقتنى ايه اللى يخليه يدينى هديه غاليه اوى كدا
مديحه / تعرفى واحده غيرى كانت تقولك دا راجل اهبل احلبيه و انتى مجبرتيهوش على حاجه و لا هيعرف ياخد منك حاجه و حلال عليكى الساعه و مبروك الشغل بس احنا مش كدا و متربيناش على كدا ان كان فى حاجه واحده حيلتنا و عايشين عليها هى سمعتنا يا مرام
مرام / اه بس فعلا ممكن يكون ميقصدش كل ده و بيتصرف بعشم او بطبيعته يعنى هو هيجيب ايه من دبى مثلا طرحه او هو يفهم فى الهدايا يعنى غير الحاجات دى مش عارفه برده مش عاوزه اظلمه اعمل ايه
مديحه / رجعيله الساعه و اتكلمى معاه
مرام / اقوله ايه يعنى
مديحه / قوليله كل حاجه زى مقولتيلى كدا شوفى ميته ايه يمكن شارى يا بنتى
مرام / انتى بتقولى ايه يا عمتى
مديحه / و ليه لا هو هيلاقى احلى و لا احسن منك دانتى الف من يتمنوكى
مرام / اكيد لا طبعا
مديحه / طب رجعيله الساعه و ربنا يحلها من عنده
مرام / ربنا يسهل ادعيلى سلام
مرام تمشى
.........................................
فى المطعم
مرام تدخل تلاقى شاب يجرى عليها
الشاب / انسه مرام اخيرا
مرام / فى ايه خير
الشاب / اصل الاستاذ ده هنا من الصبح و عاوز حد يستلم منه و مفيش حد هنا
مرام / يستلم منه ايه و بعدين هو مستر احمد مش هنا و لا مستر اشرف و لا الشيف
الشاب / كانوا هنا و مشيوا قالوا رايحين مشوار بسرعه و راجعين بس مرجعوش و لما كلمتهم قالوا استلمى انتى
مرام / ماشى استلم ايه
شاب تانى يدخل و معاه ظرف اصفر منفوخ يديه لمرام و يمضيها على وصل
شاب 2/ شكرا
مرام / العفو
شاب 2 يمشى
مرام / و المفروض اعمل ايه بالظرف ده
شاب / معرفش والله خليه معاكى لحد ممستر احمد يجى
مرام / ماشى
مرام تحط الظرف فشنطتها و احمد و الشيف يدخلوا
الشاب /سبحان الله اهم جم اهم
الشيف يروح عالمطبخ منغير ميسلم
احمد / ازيك يا مرام
مرام / هو الشيف زعلان منى و لا ايه
احمد / سيبك منه اصله قفش مع اشرف عشان حوار تغير المنيوهات
مرام / طب لو الموضوع ............
احمد / تعالى نكمل كلامنا فى المكتب
مرام / خير
احمد / خير عادى يعنى اكيد مش هنقف كدا و الناس بتتفرج علينا تعالى عاوزك
مرام و احمد يدخلوا المكتب و احمد يقفل الباب
احمد / انا عاملك مفاجاه بقى مقولكيش
مرام / الاول الظرف ده جه و انا استلمته
مرام تدى لاحمد الظرف
احمد / شكرا يا ستى تعبناكى
مرام / على ايه ثانيا انا عاوزه اعتزر لحضرتك على الساعه انا فعلا مش هقدر اخدها
احمد / هو احنا مش كنا خلصنا مالموضوع ده
مرام / انا مش عارفه اقول ايه بس انا كنت فكراها اكسسورى يعنى عادى بس عمتى قالتلى انها غاليه و راحت اتاكدت بنفسها و انا زى مقولت لحضرتك
احمد / قولتيلى انك مبتقبليش هدايا متقدريش ترديها و انا احترمت ده عشان كدا انا جايبلك النهرده هديه عمرك مهترفضيها
مرام / خير
احمد / اولا الساعه مكنتش هديه انتى اشترتيها
مرام / مستر احمد لو سمحت
احمد / ثانيا انا متاكد انك لما هتسمعينى هتغيرى رايك خالص ممكن بقى تقعدى بدل مانتى خيلانى كدا اقعدى خلينى اعرف اتكلم
مرام تقعد
احمد / الهديه اللى جبتهالك جديد بقى عشان خاطرك هى انى كتبت اسم تيته فى الشركه فى ملف الحج تيته هتدخل قرعه الحج اللى هتطلعها الشركه السنادى
مرام / بجد ؟؟ ازاى دا اللى هو ايه مش فاهمه يعنى تيته هتحج
احمد / احتمال ... الا لو كان عندها واسطه تلعب فى القرعه دى لصالحها يبقى ساعتها اكيد
احمد يغمزلها
مرام / انا مش فاهمه
احمد / الشركه عندى بتبعت كل سنه مجموعه للحج على مستوى الجمهوريه غالبا بيبقى واحد او اتنين من كل فرع يعنى حاجه زى كدا طبعا مبيبقاش مجانا بالكامل حاجه زى دعم كدا او حافز سنوى معرفش ممكن تتوصف ازاى بس اهو شغال
مرام / كل مكنت اقول لتيته ان البلد بقت وحشه او الناس بقوا وحشين كانت تقولى و سيبقى الخير فى امتى اللى يوم يبعثون واضح ان تيته مش غلط فكل حاجه
احمد / لا لا على فكره دى مكنتش فكرتى دى كانت فكره اتعرضت على والدى لما كان ماسك الشركه من الموظفين و هما بيعملوا زى صندوق كدا بيحطوا فيه مبلغ اهبل من مرتباتهم كل شهر بيتخصم اوتوماتيك لصندوق الحج بحيث يطلعوا واحد منهم يحج كل سنه بس والدى بقى عشان يكافاهم عالموضوع عممه فكل الفروع و بقى يحط قصاد كل جنيه بيتحط فالصندوق عشره جنيه يعنى انا مليش اى فضل فى الموضوع ده للاسف
مرام / بس سبته يستمر كان ممكن توقفه لما مسكت مش كدا
احمد / و ليه اعمل كدا
مرام / معرفش
احمد / تجاريا انا مش خسران حاجه كل جنيه بيندفع بيتخصم مالضرايب
مرام / و تجاريا مع ربنا انت كسبان برضه لو اخلصت النيه بس حاجه فقلبك كدا
احمد يبتسم
احمد / احنا سبنا الموضوع الاصلى انا كتبت اسم تيته و هخليها تطلع مع الوفد بتاع الشركه اقامه كامله فول بورد شامله الانتقالات من مصر لمصر و السكن فندق خمس نجوم جنب الحرم ايه رايك بقى فى الهديه دى بزمتك تقدرى ترفضيها
مرام / لا مقدرش بس
احمد / بتحلمى بايه تانى
مرام / انت بتعمل معايا كدا ليه
احمد / سؤال غبى من واحده جميله زيك
مرام / ايه ؟؟؟
احمد / الساعه و الفيلا و المطعم كلهم هيبقوا بتوعك دا غير تيته اللى هتطلع تحج بزمتك هديه زى دى مش المفروض تكافئينى عليها و لو حتى ببوسه مؤقتا
مرام ساكته و بصاله باستغراب مش مستوعبه
احمد / انا معجب بيكى يا مرام من اول مره شوفتك فيها و صدقينى معايا هتوصلى لكل اللى انتى بتحلمى بيه و اكتر انتى بس فتحى مخك
مرام تقوم عشان تفتح الباب احمد يسبقها و يقفله
مرام / انا اسفه اوى عن اذنك
احمد / خلاص خلاص متتقمصيش اوى كدا عوزاها رسمى نمشيها رسمى عشر دقايق اتصل بالمحامى يجهزلنا ورقتين عرفى
مرام / قسما بالله لو مسبتنى امشى
احمد / هتفضلى تشحتى لحد امتى انا مش هقولك كلى عيش انا هاكلك كافيار
مرام / مش جعانه وسع
احمد / افتكرى ان زى مقولتلك اقدر احط الجنه تحت رجليكى انا كمان اقدر احول حياتك جحيم
احمد يحط ايده على مرام تضربه ببطن ايدها فمناخيره زى ممازن قالها يقع فى الارض مناخيره بتنزف تتف عليه و تمشى
.............................
فى شقه سميحه
سميحه / طب والله قمر
مازن/ طلعالى ههههههههههههه
سميحه / هههههههههههههههههه و نعم التواضع المهم ناوى تعمل ايه بقى
مازن / فى ايه بالظبط
سميحه / الله انت مش قولت لما ترجع من الفرح هتروح الشركه و تمسك حالك و مالك
مازن / اه مانا رجعت بس مش عاوز اقولك بطه لا افقه شئ فالبتنجان
سميحه / بكره تتعلم
مازن / لا و اللى زود الطين بقى خالو حبيبى عاوزنى اعمل بريزنتاشن قدام الموظفين بتوعى تخيلى المهزله
سميحه / ليه بتقول كدا اديك بتتعلم
مازن / انا حر ففلوسى حتى لو هعملها طيارات ورق و احدفها مالشباك محدش له حاجه عندى
سميحه / اه بس خالك خايف عليك و بعدين على قد مفهمت منك ان هو اللى تعبان فى الفلوس دى عشان يحافظلك عليها و يزودهالك
مازن / مقولتش حاجه يا تيته بس يعنى انا مش عيل صغير
سميحه /لو عاوز الناس تشوفك راجل كبير لازم الاول تتصرف على انك راجل كبير
تليفون مازن يرن
مازن / شريف وصل و لازم امشى بقى  نبقى نكمل كلامنا فالزياره الجايه لما تعمليلى البشاميل اللى قولتيلى عليه
سميحه / بس كدا من عنيا خد بالك من نفسك
مازن / سلام
مازن يفتح الباب و يقفله و ينزل عالسلم يلاقى مرام قاعده بتعيط
مازن / مرام
مرام تمسح وشها و تقوم تقف
مازن / انتى بتعيطى ليه
مرام / و انت مالك بتسالنى ليه اصلا بتكلمنى بمناسبه ايه و بعدين انت ايه حكايتك بالظبط رجلك مش بس خدت على بيتنا لا دانت تقريبا معتبر نفسك واحد مننا تكونش من باقى عيلتنا و انا مش واخده بالى
مازن / انا اسف
مرام / على ايه هاه على ايه اسف على ايه متبعدوا عننا بقى يا اخى كان يوم اسود لما دخلتوا حياتنا انتوا ايه جراد ربنا ياخدكوا 
سميحه تفتح الباب جرى هى و مديحه و ينزلوا
مازن / عن اذنكوا
مازن يمشى
مديحه / فى ايه يا مرام بتزعقى كدا ليه
سميحه / انتى معيطه يا مرام فى ايه يا بنتى مالك
مرام ترمى نفسها فى حضن سميحه و تعيط
.................................
فى العربيه
شريف / طب روق بس و ابقى كلم الحجه سميحه فالخباثه افهم منها هى عملت معاك كدا ليه
مازن / و هو انا يعنى مش فاهم
شريف / قصدك احمد ؟؟؟ لا مفتكرش اصل انت مالك تقولك الكلام ده ليه لو احمد السبب
مازن / طب رجعت بدرى ليه و بتعيط عالسلم ليه
شريف / يمكن لبنى او حد راحولها المطعم و احرجوها او اذوها فى الشغل هى حركات لبنى جديده عليك
مازن / قسما بالله مرحمها و اطلع القديم و الجديد كلو على جتتها
شريف / بص اهدى كدا و روق و تعال نروح و شويه و تيته هتفهم منها كل حاجه و انت ابقى افهم
منها و نشوف هتعمل ايه
مازن / عملت ايه فموضوع الزفت توفيق
شريف / فى المخزن من امبارح مانت عارف
مازن / اه نسيت خلاص اكسروله رجله و ارموه فاى خرابه
شريف / ماشى
مازن / سوق امشى من هنا
................................
فى شقه سميحه
مرام عالسرير بتعيط
مديحه / طب اهدى بس و بطلى عياط مانتى ضربتيه و مشيتى
مرام / انا مش بعيط بسبب اللى عمله انا بعيط على غبائى بعيط على نفسى هو ازاى شافنى رخيصه اوى كدا هو انا رخيصه يا تيته
سميحه / دانتى اشرف منه و ماللى جابته الواطى الدون
مرام / انا مش رايحه المطعم تانى مش عاوزه اشوف وشه تانى
سميحه / متروحيش قومى معايا هنروح القسم و نعمله محضر تحرش و نخرب بيته و بيت اللى جابوه
مديحه / محضر ايه و تحرش ايه يا حجه داحنا ولايا و ملناش الا سمعتنا هتجيبى للبت بلوه
سميحه / امال عوزانى اسكتله
مديحه / منه لله حسابه عند ربنا الناس هتقول ايه و بعدين ده مش عيل صايع فالشارع دا واصل و احنا غلابه و يعالم هيعمل فينا ايه نسيتى امل لما زميلتها ضربتها ايه اللى حصل حتى مازن يا حجه معرفش يجيبلها حقها استهدى بالله يا حجه و متفضحيش البت
مرام / بتتكلمى كانى غلطانه و لو اتعرف اللى حصل انا اللى هتفضح
مديحه / لا مش غلطانه بس الناس ميزانها بايظ و كفه العدل عندها معوجه هو انتوا ايه مش عايشين فى البلد دى اللى زينا لازم يمشوا جنب الحيط عشان ميداسوش بالرجول
مرام تعيط
سميحه / حقك هيجيلك و بكره الايام تلف و تشوفى ربنا و هو بياخدلك حقك
مرام / مش فارقه انا عاوزه انام ممكن تسبونى انام
سميحه / انا هبقى بره لو احتاجتى حاجه
مديحه / متناميش مدايقه انا لو منك اقوم اغسل وشى و افتح صفحه الفيس دى و لا الجروب و لا معرفش ايه و اشغلها كدا بكام عرض من بتوعك و نركز فى اكل عيشنا هو ده اللى هينفعنا يا بنتى
مرام / لما اصحى يا عمتى هعمل كدا حاضر
سميحه  / تتمسى بالخير يا ضنايا
مرام / و انتوا من اهله
مديحه و سميحه يطلعوا بره و يقفلوا الباب و مرام تنام عالسرير و تفضل تعيط
............................
تانى يوم الفجر
باب الشقه عند مرام يخبط سميحه تصحى
سميحه / مين اللى جايلنا السعادى
مرام تقوم
سميحه / استنى هنا انا اللى هفتح
سميحه تقوم تفتح تلاقى محمود
سميحه / اهلا حبيب قلب تيته تعال حمد الله عالسلامه
محمود / كنتوا نايمين و لا ايه
سميحه / دا محمود يا مرام
مرام تطلع من جوه
محمود / ايه المنظر ده انتى مطبقه و لا ايه
مرام / حمد الله عالسلامه ايه المفاجاه دى هروح اعمل شاى
مرام تمشى
محمود / هى مالها فى ايه
سميحه / انت طمنى عليك مش المفروض كنت تيجى اخر الاسبوع
محمود / والله معرفش النهرده قالولنا نلم حاجتنا و نمشى و استغنوا عننا
سميحه / و لا يهمك هما الخسرانين
محمود / قولى الكلام ده لسعد دا قلب الدنيا هناك و شتم و زعق و بهدلهم عشان مرضيوش لا يدونا الفلوس اللى وعدونا بيها و لا حتى شهاده اننا اتمرنا هناك الفتره دى
سميحه / مش غريبه عليهم يلا منهم لله
محمود / والله الواحد مش صعبان عليه التعب اللى تعبه عالفاضى على قد الطريقه اللى مشونا بيها بس انا كنت عارف اصلا انهم هيعملوا كدا مهو ده الطبيعى يا تيته يلموا شباب و يستغلوا طموحهم و يعشموهم و يفحتوهم فالشغل و فالاخر يرموهم فالشارع
سميحه / حسبى الله و نعم الوكيل
مرام تطلع بالشاى
مرام / حمد الله عالسلامه
محمود / مالك شكلك مش مظبوط انا قولت لما هتشوفينى هتتنطتى مالفرحه كدا هقدر احضر الافتتاح
مرام / انا سبت الشغل
محمود / ليه خير فى ايه
مرام / عادى مرتاحتش
محمود / مش مستغرب بعد اللى عملوه معانا مش مستغرب بس عادى يعنى مش سبب يعنى انك تزعلى اوى كدا
مرام / مش زعلانه
محمود / واضح ... يابنتى احنا ضيعنا وقت كتير اصلا مع الناس دى انا قولتلك الحدايه مبتحدفش كتاكيت يعنى
سميحه / غلطان يا محمود انتوا مريتوا بتجربه و اتعلمتوا منها مخسرتوش حاجه كسبتو كسبتو خبره
محمود / صح و دلوقت نركز فى شغلنا و بكره تفتحى المطعم بتاعك و يندموا لما يلاقوا الناس عليكى طوابير
مرام تهز راسها بابتسامه مصطنعه
محمود / الفجر هياذن هقوم اغير هدومى عشان انزل اصلى و لما ارجع هفرجك عالحاجات اللى جبتهالك انا متاكد انها هتعدل مزاجك عالاخر
مرام / اكيد تسلم
محمود يقوم
سميحه / جدعه انك مقولتليوش حاجه دا مجنون و منضمنش هيعمل ايه على الله امه متتهبلش و تحكيله
مرام تهز راسها
..........................
تانى يوم فى شقه مازن
مازن / ليه راحت فين دلوقت
سميحه / خرجت مع محمود يشتروا شويه حاجات يمكن نفسيتها تتعدل شويه
مازن / هو رجع امتى ده كمان
سميحه / الفجر مشوه من الشغل هو و سعد
مازن / انا مش عاوز اكون رزل بس انا قولتلك يا تيته انه واطى
سميحه / قدر الله و ما شاء فعل تعرف مرام امبارح بتقولى انها مش زعلانه من اللى الزفت ده عمله على قد مهى مدايقه انها احترمته فوقت من الاوقات
مازن / الاحلام لما تموت صعبه اوى برده اقصد يعنى انها كانت فرحانه اى بالمطعم 
سميحه / مش مرام اللى تتاثر بالحاجات دى اديها يومين بس و هتلاقيها احسن من الاول
مازن / يارب
سميحه / انت بقى اوعى تكون زعلت مالكلام اللى مرام قالته انا كنت فكراها بتكلم توفيق
مازن / توفيق ؟؟؟ تيفا المكيانيكى اشمعن
سميحه / حوار اهبل كدا
مازن / حوار ايه ده
سميحه / متاخدش فبالك المهم انت مش زعلان صح انت عارف انها قالت كدا عشان مدايقه و انت اللى قابلتها بقى جت فيك معلش
مازن / متغيريش الموضوع يا تيته اشمعن توفيق هو عمل حاجه تانى من يوم الخناقه بتاعتى معاه هو مش جه اعتزر
سميحه / اعتزر ههههههههههههههه مين ده اللى يعتزر دا كان جاى يتقدملها
مازن / افندم ايه باماره ايه يعنى
سميحه / استنى هنا انت عرفت منين انه جه يعتزر
مازن / معلش يا تيته لازم اقفل جرس الباب بيضرب هكلمك تانى بعدين
سميحه / ماشى خد بالك من نفسك
مازن / سلام
مازن يقفل
مازن / هو فى ايه فى البلد دى مفيش غير مرام و لا ايه
مازن يتصل بالتليفون
مازن / عملت ايه مع توفيق
شريف / زى مقولت بالظبط كسروله رجله و رموه فى الشارع و زمانه فى المستشفى دلوقت
مازن / يعرف ان احنا لينا دعوه باللى حصل
شريف / و احنا مالنا بيه اصلا
مازن /  لا عاوزه يعرف
شريف / بتهزر
مازن / لا مبهزرش و اقولك اعرفلى هو فين انا هقوله بنفسى
شريف / انت صاحى بتقول يا شر اشتر و لا ايه
مازن / هفهمك فالسكه يلا سلام هقوم اللبس لحد متعرفلى و تعدى عليا
مازن يقفل و يقوم يلبس
............................
فى هايبر ماركت كبير
مرام بتبص على رف البسكوت و تحط فالعربيه محمود ياخد شيكولاتايه و يديهالها 
مرام / لا انا هجيب من الرف اللى هناك عليه عروض حلوه
محمود / بس انتى بتحبى النوع ده عشان بالبندق انا هجيبها ليكى انتى
مرام / اه شكرا
محمود / ايه مش هتفكيها بقى
مرام / افك ايه
محمود / التكشيره دى مش لايقه عليكى تعرفى انك الفتره اللى فاتت كنتى مكشره معظم الوقت
مرام / بجد ؟
محمود / ايوه و علاطول عصبيه انتى مكنتيش كدا ايه جرالك تفتكرى لو عزمتك على ايسكريم مودك هيتعدل
مرام تبتسم
محمود / لا كدا فيها ايسكريم وش بقى
..........................