((((((((((السكة شمال )))))))))
#لولو_محمد
الحلقه المئه و خمسه
نورا / على لو سمحت انا مش زى مانت فاكر انا مينفعش افتح بيت مينفعش اكون زوجه و لا ام
على / ليه بتقولى كدا انا اللى احكم انا ليا حق انى احكم
نورا / انا بحب واحد تانى
على / سعيد
نورا / لا مش سعيد واحد فمصر
على / بيحبك
نورا / لا مبيحبنيش هو كتب كتابه دلوقت على بنت زى العسل ربنا يسعدهم
على / امال ليه لسه معلقه نفسك بيه
نورا / مش بايدى صدقنى حاولت حاولت كتير تعرف انا حتى اتخطبت .. سعيد مانت قابلته بس مقدرتش حسيت انى بخونه بخون الاتنين الاتنين و بخون نفسى لانى بعيشها فى كدبه كبيره انا مش قدها
...................
على / تعرفى انا كنت مالاوائل عالدفعه بس للاسف التعيين خد كل اللى قبلى و جه عندى ووقف كنت فاكر الدنيا هتقف و الدنيا اسودت فوشى و اكتابت و مكنتش عارف اعمل ايه و لا اروح فين و طبعا دخت على وظيفه و طبعا انتى عارفه مصر اللى ملوش واسطه بيحصل فيه ايه طبعا الدنيا بالنسبالى وقفت بس اكتشفت ان الدنيا مكمله عادى موقفتش عليا و لا حتى بصت ورها تشوف انا وقعت منها فين فقررت انى اكمل دورت عالنت و قدمت فكل حاجه و بدات اصمم و اشتغل و اطبق اللى اتعلمته و ابعته لكل الشركات لحد مواحده ردت عليا و بدات اتراسل معاهم و ادينى قدامك اهو
نورا / صدقنى الوضع بالنسبالى مختلف
على / هو حياته ماشه و اتجوز انتى موقفه حياتك ليه بتحبيه و ماله بس مش يمكن لو اديتى لنفسك فرصه تحبى غيره
نورا / لو كان ممكن مكنت حبيت سعيد
على / مش يمكن نصيبك اسمه على مش سعيد
نورا تبتسم و تبص الناحيه التانيه
على / جربى هتخسرى ايه
نورا / انت متعرفش عنى حاجه مش يمكن لما تعرف تغير رايك
على / جربى تحكيلى مش يمكن اتمسك بيكى اكتر
نورا / ارجوك متضغطش عليا ارجوك بص البريك خلص و لازم ارجع على انسانى و ياريت تبعد عنى خالص عن اذنك
نورا تحط الخاتم فايد على و تسيبه و تمشى
...........................
فى الكليه
مرام قاعده فى السيكشن و مازن قاعد جنبها و كل شويه يبص فى الساعه
المعيد / اشوفكوا المره الجايه
مازن / اخيرا اوووف
مازن يقفل الكشكول و مرام تلم حاجتها و تحطها فى الشنطه
مازن / يوم طويل و مقرف يلا بقى عشان نروح
مرام / ممكن تيجى معايا مشوار صغير قبل منروح
مازن / فين
مرام / مشوار صغنن
محمود / انا مروح هتعوزوا حاجه
مرام / استنى عوزاك ثوانى يا مازن
مرام تروح ناحيه محمود
مرام / ممكن اطلب منك طلب
محمود / خير اؤمرى
مرام / تيته كنت عاوزانى اجيبلها الحاجات اللى فالورقه دى قبل مروح بس مازن مش فاضى وراه مشوار مهم تبع الشغل ممكن تجيبهالها فطريقك و انت مروح
محمود / طبعا هاتى
محمود ياخد الورقه و يمشى مرام ترجع لمازن
مازن / حاجات ايه و كان ممكن اجيبها عادى
مرام / بصراحه دى حاجات عبيطه بس كل حته منها فمكان بوزعه شويه
مازن / مش فاهم
مرام / النهرده عيد ميلاده و عاملينله حفله مفاجاه و انا و انت دلوقت هنروح نجيبله هديه فى السريع ممكن
مازن / النهرده
مرام تبتسم
مازن / عيد ميلاد محمود النهرده
مرام تهز راسها اه
مازن / و عاملينله حفله مفاجاه النهرده
مرام / اه و طبعا كل سنه كنت بعمله تورته بنفسى بس مفيش وقت اعمل ايه فطلبت من شريف يجيبله تورتايه كبيره و عزمت صافى و مروه اخواتها و المعلم اسعد و مامتها و زمانهم فالبيت كلهم بيجهزوا للحفله
مازن / كل دول فالبيت عندكوا النهرده
مرام / اه يا مازن فى ايه
مازن / و طبعا هنسهر بقى و نعمل لمحمود حفله مش كدا
مرام / اخويا بقى و عيد ميلاده بقى و كدا و بعدين انا قولت فرصه بقى ايه نظبط الجو بقى بين شريف و صافى و كدا بقى
مازن / شريف و صافى النهرده
مرام / النهرده النهرده النهرده اه النهرده انا والله كنت ناويه اقولك امبارح بس نسيت
مازن / طب مش ناسيه حاجه تانيه اهم المفروض كانت تحصل النهرده
مرام / لا ايه
مازن / والله العظيم كنت عارف
مرام / قصدك عالكاش مانا لبساه اهو حتى شوف
مرام تبص يمين و شمال و تطلع حماله الكاش مالجنب خالص و ترجع تدخلها تانى و هى مبتسمه
مرام / يلا بقى هنتاخر كدا
مازن / انا مش طايقك
مرام / كداب انت بتحبنى يلا بقى
مازن / لا حقيقى مش طايقك انتى بتتعاملى معايا كانى عيل صغير عماله تلعبى بيا لما بجد اتخنقت
مرام / مازن انت بتتكلم جد و لا بتهزر
مازن / لا بتكلم جد و لا بهزر اهو لحظه انفعال و راحت لحالها يلا بينا
مرام / لا مش يلا فى ايه
مازن / مفيش يا مرام خلاص انا غلطان انى صدقتك اصلا
مرام / ماشى مش لازم اصلا عن اذنك
مرام تيجى تمشى مازن يمسك ايدها
مازن / انت بجد شايفه ان انتى اللى تتقمصى
مرام / انا مش مقموصه بس انا لازم اللحق اشترى هديه لمحمود قبل ميروح عشان مبقاش عملت كل ده و مروحش
مازن / محمود عندك اهم منى
مرام / مفيش مخلوق فى الدنيا عندى دلوقت اهم منك بس انا كنت بهزر معاك انا مكنتش اعرف انك هتدايق اوى كدا كانك عيل صغير وعدته بحاجه و شبط
مازن يقعد عالكرسى و يبص الناحيه التانيه مرام تقعد جنبه و هما الاتنين زعلانين
مازن / هتجيبيله ايه
مرام / معرفش انا عمرى مجبتله هديه علاطول كنت بعمله التورته و خلاص
مازن / تعالى انا عارف هجيبله ايه
مازن يقوم و مرام قاعده بصاله
مازن / انتى قولتيها عيل صغير و شبط متبقيش تشبطينى تانى بقى عشان انا على اخرى اقسم بالله و كان يوم ميعلم بيه الا ربنا يوم موعدتك الوعد المنيل ده ماشى
مرام / ههههههههههههههههههه
مازن / بتدحكى انا بغلى و انتى بتدحكى
مرام / على فكره انا عندى هدوم كتير احلى مالكاش اللى انت شبطان فيه ده
مازن / تعرفى تتكتمى بدل وربنا شوفى وربنا
مرام / خلاص خلاص انا اسفه انا اسفه يلا اتحرك هتجيبله ايه
مازن / قدامى يا ... يا حوبى
مرام / ههههههههههههههههههه
............................
فى شقه مديحه
صافى و مروه بيعلقوا الزينه
مروه / دى كانت فكرتى اتصلت بمرام و اتفقت معاها
صافى / حلوه اوى منك
مروه / و جبتله زرار بدله عليه اسمه عملته مخصوص فالصفحه اللى مرام عملت عندها دبله مازن تفتكرى هيعجبه
صافى / اكيد المهم انك افتكرتيه هما اتاخروا كدا ليه
جرس الباب يضرب
مروه / يا خبر دا جه
مروه تروح تفتح تلاقى شريف شايل علب توسعله يدخل ووراه عيل صغير شايل علب تانيه يحطها و يتنح فى صافى
شريف / التورته و الجاتوه و هروح اجيب الكانز و باقى الحاجات مالعربيه
صافى / اجى اساعدك
شريف / لا رتبى انتى الحاجه هنا ... يلا يابنى يلا يا حبيبى
الولد / انتى مزه اوى يا طنط
شريف يجيب الواد من قفاه و يسحبه و صافى واقفه تدحك و تبص عليهم و هما نازلين عالسلم
شريف / انجر قدامى اما اشوف اخرتها معاك عيال اخر زمن دانت لو ابنى كنت دبحتك انزل
الولد / هههههههههههههههههههههه
..................................
فى محل فخم
مرام / الحاجات دى حلوه اوى بس برده غاليه اوى
مازن / و فيها ايه
مرام / انت هتصرف عليا ماشى لكن كمان هتجيب هديه محمود من معاك كدا اوفر على فكره
مازن / لا مش اوفر و لا حاجه اخوكى يبقى اخويا يلا ايه رايك فى الساعه دى
مرام / حلوه اوى زى بتاعتك على فكره بس مش اللى انت لابسها التانيه
مازن / اه عندى زيها المهم ايه رايك فيها حلوه و لا لا
مرام / ايه رايك انت فدى
مازن / لا وحشه كانت عندى و قرفتنى لما رمتها فى الزباله
مرام / خساره مع ان شكلها حلو خلاص اللى معاك حلوه
مازن / تمام هناخد دى
مازن يطلع الكريدت بتاعته و يديها للراجل
مازن / حاجه تانيه
مرام / لا
مازن / ماشى يلا عشان نلحق
مرام / يلا
......................
فى البيت
جرس الباب يضرب شريف يقوم يقف و يبصلهم و يروح يفتح يلاقى مازن و مرام
مرام / جه
صافى / لا
مرام / الحمد لله
مرام تدخل و مازن و راها و مش مبسوط بس بيحاول ميبينش يبص لشريف و يدخل
مرام / برافو عليكوا جهزتوا كل حاجه
مروه / انا هكلمه اشوفه وصل فين
مرام / اوعى ياخد باله
مروه / لا متخافيش
مروه تدخل اوضه و تتكلم
مروه / الو ازيك يا قلبى فينك
محمود / جاى فالطريق
مروه / انا مستنياك من بدرى
محمود / معلش انا عارف انى اخرتك بس معلش الست هانم و الباشا راحو يتفسحوا و بعتوا خدام ابوهم يجيبلهم طلباتهم
مروه / ايه
محمود / اقفلى يا مروه انا داخل عليكى اهو عالناصيه سلام عشان مش عارف اشيل الموبايل و انا شايل
مروه / خلاص ماشى سلام
مروه تطلع من جوه تلاقى مرام مستنياها بحماس
مرام / قالك فين
مروه / على اول الشارع
مرام / تمام تعالوا ندخل كلنا نستخبى و انتى اجهزى
صافى تفتح شنطتها و تحط الرتوش الاخيره لمروه مروه تبتسم و الكل يدخل يستخبى فى الاوض و كل حاجه مرصوصه ثوانى و الباب يتفتح و محمود يرزع الاكياس فى الارض و هو بينفخ
محمود / يا ساتر دى حاجه ... ايه ده
مروه تدى لمحمود علبه
مروه / كل سنه و انت طيب
محمود / و انتى طيبه انتى عملتى كل ده عشانى
مروه تبتسم
محمود / انا بجد عمر محد عمل معايا كدا
مروه تبتسم اكتر بخجل
مروه / بصراحه مش لوحدى
محمود يستغرب يطلعوا كلهم مالاوض و يخضوه
مرام / مفاجاااااااه
محمود يبص يلاقى مازن جنبها
محمود / يعنى هو عشان توزعينى تلففينى كل المشاوير دى على رجلى مصعبتش عليكى يعنى
مازن / فى ايه يا محمود
محمود / مفيش هو يعنى انت حاسس بحاجه مانت العربيه تحت رجلك لكن انا لفتها كعب داير عشان خاطر عيونها
سميحه / معاك حق يا محمود حقك علينا اكيد مخدتش بالها و هى بتخطط لكل ده مع مروه انك هتيجى تعبان و عصبى حقك عليا انا يابنى
محمود / حقك عليا انا يا تيته انفعلت من تعبى
مرام / انا اسفه
محمود / حصل خير
مرام / كل سنه و انت طيب
مرام تدى لمحمود علبه ياخدها
محمود / شكرا
مرام / دى منى انا و مازن
مازن / لا منك انتى بس انا مكنتش اعرف الا من كام ساعه بس كنت جبتلك هديه تليق بيك بس ملحوقه بكره تنزل مع شريف تنقى العربيه اللى تعجبك و تخلصوا ورقها
محمود / انت بتتنطت عليا
مديحه / عيب يا محمود كتر خيرك يابنى و انت طيب عقبال منهاديكوا يوم فرحكوا يارب
مديحه تزغد محمود و هو باصصلها
مروه / انا هتصل ببابا و ماما يجو بقى عشان نطفى الشمع
مروه تروح تتصل فى البلكونه و محمود يحط العلب اللى فايده عالبوفيه و هو مخنوق شريف يروحله معاه علبه
شريف / كل سنه و انت طيب
محمود يبصله
محمود / و انت طيب يا شريف
شريف / تعرف ان مرام صحتنى الفجر عشان اللحق ارتب كل ده
محمود / كنت قليل الزوق اوى معاها صح
شريف / متخافش هتسامحك هما الاهل كدا دايما بيسامحوا
محمود يبص عليها قاعده فجنب و باصه فى الارض و حزينه و مازن قاعد جنبها و ماسك ايدها و بيوشوشها تدحك بس دحكه مكسوره علامات الحزن تملا وش محمود صافى تدخل
صافى / هابى بيرث داى انا مكنتش اعرف زوقك بس البيرفيوم ده حلو اوى و هيعجبك
محمود / تعبتى نفسك
صافى / تعبك راحه هخطف منك انا بقى شريف و افضيلك الجو للعروسه اللى فالبلكونه دى روحلها متخليهاش لوحدها لحسن تتخطف
محمود و شريف يبتسموا و محمود يمشى و شريف يقف جنب صافى
صافى / مسكينه مرام
شريف / واضح انهم قافشين اصلا مازن جاى ضارب بوز
صافى / حسيت برده بس قولت يمكن عشان نسيت تقوله و احنا كمان محدش فينا قاله دلوقت يزعل مننا
شريف / و انا اعرف منين انها نسيت تقوله يعنى افتكرت كل ده و نسيت مازن مهى بترغى معاه بالساعات جت على دى و لسانها وقف
صافى / وطى صوتك عيب كدا طبيعى تنسى طبعا هما فى ايه و لا فى ايه هيسيبوا كل الكلام الحلو و يتكلموا عن محمود
شريف / شوف ازاى
صافى / تخيل
..................
الناحيه التانيه
مرام قاعده جنب مازن و هو ماسك ايدها
مرام / بص
مازن يبص على شريف و صافى
مازن / مختلفين بس لايقين على بعض
مرام / ماحنا كمان مختلفين .. مازن
مازن / قلب مازن
مرام / متزعلش منى
مازن / عمرى
مرام / لا زعلت
مازن / ممكن تقولى غيرت
مرام تبتسم و تبص الناحيه التانيه
مازن / انا اصلا كنت عارف ان ده هيحصل مش ده ده العيد ميلاد يعنى لا اقصد انك هتدحكى عليا باى حجه تيته بقى اى بتنجان بس كنت عارف انى مش هشوفك لبساه و طبعا ده لمصلحتك لانى ساعتها مش هضمن هعمل فيكى ايه
مرام / ههههههههههههه بطل بقى
مازن / بحبك اوى يا مرام
مرام / و انا كمان بموت فيك .. انت ليه هتدى لمحمود عربيه مكنتش مضطر تعمل كدا
مازن / و فيها ايه انا لولا انى عاوزك محتجانى اوديكى و اجيبك كنت جبتلك انتى كمان عربيه بس انا عن نفسى معنديش اى مانع اكون سواق الهانم
مرام / كلامه دايقك صح
مازن / هحاول اقتنع انكوا اخوات بجد و مدخلش بنكوا و ربنا يصبرنى عليكى و عليه
مرام / هههههههههههههههههه
.......................
فى البلكونه
محمود واقف مع مروه و عينه على مرام و ماسك ماسك ايدها و بيلعب فيها و عماله تدحك كل شويه
مروه / بس والله مكنت اعرف انك هتدايق اوى كد
محمود مش معاها
مروه / محمود محمود خلاص بقى عشان خاطرى
محمود / هاه
مروه / انا عملت كل ده عشان اشوفك مبسوط متكسرش خاطرى بقى
محمود / معاش و لا كان اللى يكسر خاطرك يا ست البنات
مروه / ربنا يخليك ليا مش هتفتح هديتى بقى
محمود / بينى و بينك لما الكل يمشى
مروه / ماشى
جرس الباب يضرب مروه تجرى تفتح تلاقى اهلها
اسعد / السلام عليكم
محمود / و عليكم السلام يا معلم ايه المفاجات الحلوه دى
اسعد / كل سنه و انت طيب هديه صغيره يارب تعجبك
محمود / هو فى بعد مروه هديه اجمل يا معلم
مروه وشها يحمر
مرام / ايوه بقى
محمود / اتفضلوا اتفضلوا
مروه / يلا بقى نطفى الشمع
الكل يقوم و يروحوا ناحيه التورته و يغنوا و مازن حاطت ايده على وسط مرام و محمود عينه عليهم و عمالين يغنوا و فرحانين الا محمود اللى مركز مع مازن اوى
مروه / هاااااايه اتمنى امنيه و بعدين انفخ
محمود / اتمنيت
محمود ينفخ يطفى الشمع كله
محمود / قال يعنى كدا هتتحقق ههههههههه
مروه / انا اللى هقطع التورته يلا كلو يقعد
مرام / انا هساعدك
محمود / الله يرحم اما كنتى بتعمليلى التورته باديكى دلوقت اخرك تساعدى فتقطيعها
مازن / البركه فمروه بقى بكره مرام تعلمها و تعملك احلى تورت و تعزمنا كلنا
محمود / البركه فيك انت انت اللى خدتها مننا
مازن / سنه الحياه مانت خدت مروه من اهلها و لا ايه يا معلم
اسعد / ههههههههههههههههههه و احنا بنخلف و نكبر ليه مش عشان نجوزهم و نفرح بيهم هنخليهم جنبنا يخللوا يعنى يلا كل العصافير لما بتكبر بتسيب العش
مازن / على رايك يا معلم كل العصافير لازم تسيب العش
محمود / يا مفرقين الجاتوه انا مخدتش
مروه تجرى على محمود بطبق
محمود / تسلم ايدك ... متجيبى طبق لمازن يا مرام دا برده من خيره
مرام / ثوانى حاضر
مازن يبص لمحمود و يبتسم و يبص الناحيه التانيه على مرام و هى عماله ترص فى الاطباق و تدى للناس ترفع عينها تلاقيه متابعها تبتسمله يبتسم لا ارادى و يقوم يروح يقف جنب مرام و يساعدها و محمود عينه معاه
مرام / حالا كنت هجيبلك
مازن / هناك الجو حر اوى هنا تراوه
مرام / ههههههههههههههههههه
مازن / هو احنا هنبات هنا مش هنروح هناك
مرام / و نسيب الناس دى كلها
مازن / الناس دى احنا مش فارقين معاهم صدقينى وجودنا زى قلته
مرام تاخد طبق و تقطع حته بالشوكه و تاكلها لمازن فبقه
مازن / حاضر هسكت
مرام / ههههههههههههههههه
مازن يبص يلاقى محمود باصصله و بيغلى ينفخ
مرام / مالك
مازن / كارهنى
..............................
KAMU SEDANG MEMBACA
السكه شمال بقلم / لولو_محمد ( كامله )
Romansaشاب ثرى متعدد العلاقات يقع فى حب فتاه ملتزمه فقيره و يرفض محيطه هذه العلاقه و يحاولون التفريق بينهما
