السكه شمال بقلم / لولو_محمد ( كامله )

الحلقه ١٦٢

(((((السكة شمال ))))
#لولو_محمد
الحلقه 162
شريف / فكرنى لما نلاقى ابن الكلب اللى فى الفلاشه ابقى ابوسه قبل منربيه
مازن / هههههههههههههههههه حتى فى حالتك دى طفس يخربيت دمك العسل يا اخى
شريف / اهو اتصفى يا سيدى
مازن / بعد الشر عنك يا ارخم خلق الله
محمود / ايه يا عم مالك متنشف كدا الموضوع مش صعب اوى يعنى عادى هتقوم و هتبقى قرد مانا قدامك اهو
شريف / هههههههههههههههه معاك حق بطل بقى تنطيط
محمود يبص لشريف شريف و مازن يدحكوا محمود يعمل نفسه بيضربه
......................
شريف / حد كلم اهلى
مازن / انا مكلمتهمش خفت يقلقوا
شريف / احسن برده انا هكلمهم و اقولهم انى سافرت ضرورى معاك و هزود الحراسه على البيت محدش ضامن
مازن / تمام و ابعت لمرام و تيته حراسه برضه لحد منشوف القرف ده اخرته ايه
مازن / ادى الفلاشه لمحمود ينسخها بسرعه عاوزين نعرف مين ابن الكلب اللى فيها عاوزين نجيبه و نجيب اللى وراه
شريف يدى الفلاشه لمحمود ياخدها و يمش اول ميفتح الباب يلاقى مرام و سميحه فوشه يشاورلهم و يمشى 
مرام / سلامتك يا شريف
سميحه / عامل ايه يا ضنايا
شريف  / انا زى الفل يا تيته بركه دعاكى تسلمى و تسلم ايدك يا مرام
مرام تبتسم و تروح تحط الكيسه اللى فى ايدها على ترابيزه الاكل
مازن / هما سمحولك بالاكل و لا ايه
شريف / مش عارف مسالتش بس حتى لو مسمحوش يعنى يولعوا
مازن / يابنى اتهد يابنى هو فى كدا
شريف / اكتر من كدا متسيبونى فى حالى بقى
سميحه / لا يتهد ايه قوم كدا الرقده وحشه
مرام / هروح اسال سمحو بالاكل و لا لا
مرام تطلع بره مازن يبص لشريف و يطلع وراها و سميحه و شريف يبصوا لبعض و يبتسموا
...................
فى المقابر
زياد قاعد و قدامه احمد متكمم و عنيه متغطيه ووراه اربع ضرف رجاله واحد يشيل الغمامه من على عين احمد
زياد / اهلا بسيد الرجاله ... الباشا الكبير اللى فاكر نفسه يقدر يقرب من حاجتى و اسكتله ... انت لو كنت قتلت مازن حتى مكنتش هعبرك لكن لبنى يا احمد بتقرب من لبنى ملقتش غير لبنى اللى تستفزنى بيها اديك استفزتنى شوف بقى وشى التانى اتمنى يعجبك عشان غالبا هيبقى اخر حاجه تشوفها يا روح امك ... فسحوه
الرجاله يشيلو احمد و هو بيقاوم و يدخلوه تربه مفتوحه و هو عمال يقاوم باستماته و يبص لزياد و يصرخ بصوت مكتوم و زياد واقف بيدحك
زياد / استنوا استنوا شكله عاوز يقول حاجه
واحد يفك بق احمد
احمد / خلاص يا زياد حقك علي خلاص اوعدك مش هعمل كدا تانى هنسى لبنى خالص هنساها اوعدك
زياد / تنساها و لا متنسهاش ليس على الميت حرج يا حبيبى كملوا يا رجاله
احمد / لاااااا لاااااا استنى استنى هديك اللى انت عاوزه هديك الشركه هديك الفيلا و العربيه هديك كل حاجه بس بلاش يا زياد
زياد / استنوا
احمد / هات الورق و انا امضيلك على تنازل عن كل اللى حلتى دلوقت هات الورق و انا ابييعلك هدومى حتى بس خلاص سماح المرادى
زياد / مسدس مازن فين
احمد / فى خزنتى فى الفيلا فى اوضه نومى الرقم السرى من الشمال لليمين واحد اتنين اتنين تلاته
زياد / تلاته و عشرين اتناشر عيد ميلاد لبنى ... مراتى ههههههههههههههههههه ... احدفوه جوه يا رجاله .... بالشفا يا حبيبى
احمد / استنى استنى يا زياد استنى انا هديك اللى انت عاوزه هديك المسدس و هعملك اللى انت عاوزه هسيب مصر خالص هبعد عن لبنى زياد زياد
الرجاله يدخلوا احمد و يقفلو عليه
زياد / الفاتحه يا رجاله ... تطلعوا على فلته تجيبوا المسدس من الخزنه و تجولى
زياد يمشى و صوت احمد لسه عمال يصرخ و يخبط
زياد / مزيكا
.................................
فى المستشفى
مرام / مين اللى عمل فيه كدا احمد ؟
مازن / معرفش احمد اللى جابه هنا بس الحادثه متصوره بالكاميره هنفرغها و ندور عليه هجيبه لو حتى تحت طقاطيق الارض
مرام / زعلت عشانه اوى عملتوا ايه فى موضوع النائب العام خلصتو عملتوا فى احمد المحضر
مازن / ملحقناش احمد كان اسرع مننا انا اللى كنت غبى اتعصبت و حدفت المسدس و نسيت اخده و انا ماشى احمد معاه مسدس عليه بصماتى مسدسى مترخص باسمى و مطبوع عليه بالدهب اسمى
مرام / و دا ممكن يعمل بيه ايه
مازن / انا عملت محضر انه ضاع و هجيبه منه مهما حصل هجيبه ... مرام انا فى حاجه عاوز اطلبها منك بس صدقينى انا مش بحاول اضغط عليكى و لا حاجه بس لبنى فى المستشفى عندها انهيار عصبى بيقولوا مضغوطه من معاملتنا الوحشه ليها لبنى هى اللى عرفت بحوار المسدس و نبهتنى قبل ما احمد يستخدمه
مرام / بس انا مبعاملهاش وحش هى اللى
مازن / انا عارف ... انا عارف والله بس هى دلوقت عيانه احمد كان بيحاول يبتزها كان بيضغط عليها انا بمجرد مكلمتها انهارت و فضلت تصرخ و راحت المستشفى زياد بيلمنى بيقول ان معاملتنا الوحشه ليها هى السبب خلتها تحس انها انسانه وحشه و انهارت
مرام / طب متحاول تغير من نفسها
مازن / ياريت صدقينى والله افرحلها بس المشكله عندى مش فيها فى زياد انتى مش متخيله قالى ايه كلامه وجعنى اوى يا مرام بجد
مرام / طب انت عاوزنى اعمل ايه و انا هعمله اى كان اللى انت هتطلبه انا هعمله
مازن / انا مش عاوز اطلب منك حاجه تقلل منك او تدايقك انا مش عاوز اطلب منك اى حاجه يا مرام انا شرحتلك الوضع و انا عارف انك هتعرفى تتصرفى
مرام / خلاص خلينا نطمن علي شريف الاول و بعدين نروح نزورها برده زياره المريض صدقه تمام
مازن / قلبى يا ناس
مرام / قلبى انت
...................................
فى شقه على فى امريكا
نورا بترتب حاجات على يطلع من جوه و شايل صينيه بطاطس يحطها على الترابيزه
على / احلى صينيه بطاطس باللحمه بقى تعدى صوابعك وراها
نورا / ههههههههههههههههههه ريحتها حلوه اوى
نورا تروح تقعد
على / تقريبا دى احسن حاجه بعرف اظبطها فى الاكل عشان كدا لما قررت اعزمك هى دى كانت الاقتراح الوحيد قدامى
نورا / الحمد لله هو احنا لاقيين
على / متاخديش على كدا هتتعلمى لما ننزل مصر فى الاجازه امى هتعلمك كل حاجه
نورا / بلاش يا على عشان خاطرى اذا كنت بتهرب انى اكلمها فيديو كول عاوزنى انزل مصر و اقعد معاها
على / مهم دول اهلى يا نورا اكيد هتتعرفى عليهم مش هنعيش عمرنا كله هنا يعنى
نورا / و ماله هنا هنا حلو جدا صدقنى بكل القرف اللى بنشوفه فى الغربه هنا ارحم بكتير من القرف اللى شوفته فى مصر
على / يعنى انتى مش عاوزه تنزلى مصر نهائى
نورا / عاوزه اكيد هننزل مصر بس مش دلوقت على انا خايفه صدقنى والله انا عاوزه اتعرف على اهلك و كل حاجه بس انا خايفه من رد فعلهم محدش هيقبلنى محدش هينسى انا كنت ايه
على / ادى لنفسك فرصه الاول و بعدين دورى عالناس و بعدين انا هبقى معاكى
نورا / و انت هتستحمل لحد امتى
على / دا قرارى
نورا / ميمكن ده قرار غلط ميمكن انت اخترت غلط يمكن يجى عليك يوم و تندم انك حبيت واحده شمال زيي
على / لو سمحتى انا مش عاوز اسمع الكلمه دى تانى والله احرمك مالبطاطس
نورا تدحك و تبص الناحيه التانيه على يحرك وشها ناحيته مليان حزن
على / صدقينى يا نورا انا معجب بيكى جدا و كل يوم بيعدى علينا سوا بحبك اكتر و بعجب بيكى اكتر و بتاكد انك الانسانه المناسبه ليا انسى اللى فات يا نورا
نورا / انت ازاى مستحمل ازاى قابلها على كرامتك ازاى
على / تانى هو انتى كل شويه تقولى الجمله دى ازاى مستحمل ازاى قابل على نفسك ازاى مش مدايق لا يا ستى مش مدايق عاجبنى انا راجل زوقى يقرف ارتاحتى كدا بس انا زوقى مش وحش على فكره بالعكس انا زوقى حلو جدا و بفهم فى الناس كويس و انتى مش وحشه بالعكس انتى انسانه طيبه و جدعه و زى القمر يخربيت جمال امك يا شيخه
نورا تدحك و تبص الناحيه التانيه يلف وشها ناحيته
على / نورا انا بحبك انتى عارفه انتى بالنسبالى ايه
نورا / ايه
على / ممبار انا علاقتى بيكى زى علاقتى بالممبار
نورا / ممبار !!!
على / اه الكرشه و الممبار على فكره انا بعشقهم عارفه ضعيف جدا قدامهم فلو بتقرفى لازم نشوف حل فى الموضوع من دلوقت دانا بنزل مصر امى مبتعمليش غيرهم تقريبا فتعملى حسابك اتعلميهم قبل متتعلمى سليق البيض و دا موضوع مفيهوش نقاش
نورا / انت بتقول ايه
على / بقول انى بحبك نفس حبى للكرشه و الممبار
نورا / هو ده المفروض يعنى يعتبر حوار رومانسي يعنى دا مفهومك عن الرومانسيه
على / طب دا دى الرومانسيه فى ابهى صورها علاقه افلاطونيه مجرده من المصالح
نورا / يا راجل
على / هشرحلك بصى يا نورا انا بحب الحاجات دى مستويه قدامى فى الطبق سخنه و ريحتها تفتح النفس مليش اى علاقه كانت عامله ازاى قبل متوصل فى طبقى و لا حتى المراحل المتعدده اللى مرت بيها لحد موصلت للطبق بالشكل ده هى وصلت فطبقى بستمتع بيها بستمتع بكل قطمه بكل فتفوته بمسح الطبق بيبقى هاين عليا اقرقش الطبق ذات نفسه
نورا / ههههههههههههههههههههههههههه
على / انتى بالنسبالى كدا انا مليش اى علاقه باى حاجه حصلت قبل معرفك انا ليا من يوم مقبلتك اول مره فى الكافيه اول مره عينى جت فى عينك
على يمسك ايد نورا
على / اول مره خطفتى عقلى و مكنتش قادر افكر غير فيكى لدرجه انى فوجئت ان الشخصيه بتاعه اللعبه طلعت نسخه منك مكنتش قاصدها لكن انتى ملكتى عقلى و سيطرتى عليه حبيتك من اول مره شوفتك فيها و محاولتك المستميته انك تبعدينى عنك و احساسك بالذنب و محاولتك انك تصلحى حياتك كل دى كانت البهارات اللى خلتك احلى و صدقينى يا نورا هيجى يوم و اكلك قصدى يعنى اتجوزك يعنى و كدا بس انتى قولى موافقه بقى
نورا / هو انت بتتقدملى يا على
على / انا بتقدملك للمره الخمستلاف و متين اتنين و عشرين يا شيخه و فكل مره بتاجلى لما اتاكد من مشاعرى محتاجه اثبات اكتر من كدا ايه عشان تعرفى انى عاوزك تبقى حلالى الله
نورا / طب خلاص اخر مره هاجل خليها لما ننزل مصر و اهلك يتعرفوا عليا و نشوف لو بجد قبلونى خلاص يا على مفيش تاجيل تانى
على / وعد
نورا / وعد
على / لا كدا ناكل البطاطس بنفس مفتوحه هاتى طبقك اغرفلك
نورا / اتفضل
نورا تناول على الطبق
على / صحيح يا نورا
نورا / نعم
على / انتى كلمتى مازن عزيتيه فى خاله
نورا / و انت عرفت منين
على / مانا عملتله فولو عالفيس
نورا / ليه يا على ليه عملت كدا
على / فالاول كان فضول دخلت صفحته و قلبت فيها شخصيه متناقضه جدا
نورا / لا هو اتغير كتير للاحسن طبعا
على / الحمد لله عقبالنا
نورا / هو فى احسن من كدا يا على
على / و لا حته لحمه زياده متحاوليش
نورا / هههههههههههههههههههههههههههههه
على / كلميه يا نورا عزيه
نورا ملامحها تتغير
على / اعملى الواجب انتوا برده اصدقاء طفوله و اللى مات ده على مفهمت انه كان له دور كبير فى حياتك و اخدك فى بيته فتره طويله
نورا الدموع تملا عنيها و تحاول تداريها
نورا / كان راجل طيب اوى ياريته كان ابويا صدقنى كل حياتى كانت هتتغير كنت هبقى واحده تانيه خالص
على / محدش بيختار اهله و لا بيختار نصيبه هو فمكان احسن دلوقت ... تعرفى انى انسان غبى اوى هو يعنى حبكت السيره دى دلوقت ادينى بعد معملت اراجوز عشان ادحكك خليتك تعيطى بنيادم غبى
على يقوم يجيب منديل و يقعد تحت رجلين نورا
على / دموعك غاليه عليا عشان خاطرى امسحيها
نورا تمسح دموعها
على / ابتسامه حلوه بقى تبين السنان البيضا دى و لا انتى نسيتى تغسليهم قبل ما تيجى
نورا تبتسم
على / هو ده يلا بسم الله الاكل برد
.................................
فى المستشفى عند لبنى
لبنى نايمه موصله محاليل مرام تدخل تسلم على ميار
مرام / سلامتها يا طنط ... سلامتك يا لبنى اول معرفت جيتلك علاطول
لبنى / جايه تشمتى فيا
ميار / لبنى
مرام / سبيها يا طنط مش مشكله ليها حق انا و هى كنا ناقر و نقير لفتره طويله بس انا عندى استعداد ابدء صفحه جديده لو ده هيخليكى تقومى بالسلامه
لبنى / و انتى تعملى كدا ليه
مرام / عشان وضح ان زعلك غالى اوى على مازن هو زعلان عشانك
لبنى / مازن زعلان عشانى ؟؟؟
مرام / ايوه لدرجه انه ساب شريف فى المستشفى و جه عشان يطمن عليكى بره
لبنى / مازن بره ... لحظه ماله شريف
مرام / خد مطوه فى جنبه
لبنى / مين اللى عمل كدا و امتى و فين
مرام / النهرده قدام شركه الزفت اللى اسمه احمد بس لسه معرفوش مين هيعرفوا معاهم صورته و بيدوروا عليه هيلاقوه متقلقيش على فكره شريف كويس الحمد لله و باذن الله بكره هيكتبوله خروج
لبنى / و مامته عملت ايه لما عرفت
مرام / محدش قالها كلمها و قاله انه سافر مع مازن كام يوم عشان متقلقش و لما يقف على رجله و يبقى كويس هيقولها
لبنى / شريف على فكره جدع اوى انا ببقى مطمنه على مازن و هو فحياته
مرام / انتى مش متخيله شريف عمل ايه عشان مازن فى اليومين اللى فاتو مازن مكنش هيستحمل يجراله حاجه
لبنى / عارفه على فكره انا مبسوطه اوى انك هنا
مرام / طب خلاص قومى بقى بالسلامه متقلقيناش عليكى
لبنى / انا مش مصدقه ان مازن زعل عشانى انا بجد مش قادره اصدق
مرام / ليه يا لبنى مش كفايا اللى انتى عملتيه عشانه فى حوار المسدس و بعدين يا ستى دا كفايا اوى انك مرات زياد انتى مش متخيله زياد كان عامل ازاى مازن قالى انه كان منهار لما عرف قد ايه انك تعبانه مازن قالى انه قاله كلام وحش اوى ووجعه لبنى لو انا قولتلك اى كلام دايقك و اثر على نفسيتك انا اسفه انا اكيد مكنتش اعرف انك حساسه اوى كدا اوعدك انى اخد بالى من كلامى معاكى
لبنى / انتى ملكيش اى علاقه باللى حصل و لعلمك انا كويسه يعنى شويه دلع متاخديش على منظرى ده
مرام / قومى بالسلامه و انا انساه خالص
لبنى / انا مجتش زورتك و انت فى المستشفى اليومين اللى فاتو و انتى جيتيلى هتعملى ايه تانى تحاولى تثبتيلى بيه انك احسن منى
مرام / انا مبحاولش اثبتلك حاجه مبحاولش ادخل فى منافسه معاكى اصلا مفيش حاجه انا و انتى نتنافس عليها من الاساس لبنى انا عايشه فى منطقه شعبى يعنى بيت العيله و السلايف و الحركات دى بتحصل قدامى اكتر من الهم عالقلب فان انا و انتى نبقى ناقر و نقير ده عادى جدا بالنسبالى و متوقع لكن اللى اتعلمته برده ان السلايف حتى لو علاطول ناقر و نقير ممكن برده يكونوا سند لبعض و انتى النهرده اثبتى كدا فعلا لما ساعدتى مازن
زياد يدخل بالراحه
زياد / ممكن ادخل
مرام تقوم تقف
زياد / عامله ايه دلوقت يا قلبى انا اسف اوى انى اتاخرت عليكى
لبنى تبتسم
مرام / انا هسيبكوا شويه لوحدكوا عن اذنكوا
مرام تطلع بره و ميار معاها
زياد / ليه كدا يا لبنى من امتى بتخبى عنى ينفع كدا ازاى تحطى نفسك تحت ضغط شديد كدا و متقوليليش كنتى فاكره انى مش هعرف اتصرف ... اتفضلى يا ستى المسدس اللى احمد كان بيبتزك بيه احمد مش هيدايقك تانى يا لبنى مش هيدايق اى حد يخصنى تانى يا لبنى
لبنى تبصله برعب و تبص للكيس اللى اداهولها و تفتحه تلاقى فيه المسدس
لبنى / عملت فيه ايه
زياد / ربيته خليته عبره لاى حد يفكر يقرب منك او يدايقك و كان ممكن اعمل فيه اكتر بس مكنتش فاضى كنت عاوز ارجعلك باقصى سرعه لبنى انتى سبتينى عشان هو كان بيضغط عليكى انا فهمت ده لبنى انا مش هسمح لمخلوق ياذيكى او يفرق بنا متخافيش من اى حاجه طول مانا معاكى
لبنى / زياد انا
زياد / انا بحبك يا لبنى انا عشانك ممكن اعمل حاجات عمرى متصورت انى اعملها فى حياتى عمرى انا مبستحملش عليكى الهوا يا لبنى صدقينى
لبنى / زياد .. انا بفكر اتحجب
زياد يبصلها باستغراب
لبنى / انا عاوزه اتغير
................................
فى شقه شريف
شيماء بتكلم صافى فيديو كول
شيماء / يا بنتى والله ابدا ماما كلمته و كان كويس و قالها هيسافر مع مازن مشوار كدا بس طبعا مفهمناش منه فين بالظبط
صافى / و هو اللى مسافر يقفل موبايله ليه اصلا يعنى مش المفروض يسيبه مفتوح عشان الناس تطمن عليه و لا هى غباوه و خلاص يعنى
شيماء / بصى تقريبا كدا تقريبا يعنى فى حوار بينه و بين مازن
صافى / ايوه مانا عارفه و هو ده اللى مجننى كانوا قافشين جامد
شيماء / لا لا اتصالحوا و بقوا زى السمنه عالعسل تعرفى ممكن اوى يكون ده الحوار انهم يعنى راحو حته و قفلوا موبايلاتهم بيغيروا جو رجاله مع بعض
صافى/ طب و مرام يعنى موقفها ايه حتى هى موبايلها مقفول ايه هتروح معاهم
شيماء / بصى اللى انا عرفاه قولتهولك هما كويسين و كل حاجه و شريف كلمنا و طمنا عليهم قلقانه ليه بقى
صافى / مش قلقانه
شاب انجليزى يدخل من ورا صافى
الشاب / صافى يو ار اب (دورك )
صافى / جست امومنت بليز (ثانيه )... صافى انا لازم اقفل دورى جه و لازم ادخل هتعوزى حاجه
شيماء / هو مين ده
صافى / ادم زميلى هنا بصى هبقى اكلمك تانى لما اخلص تمام
شيماء / اكيد تمام
شيماء تقفل و تقعد تربع رجليها و تفكر تقى تدخل شايله كراسه رسم
تقى / ايه ده لحقتوا تقفلوا انا مكلمتهاش كنت عاوزه اوريها التصميم بتاعى
شيماء / اه قفلت لما تخلص هتبقى تكلمنا انا هقوم اشرب وسعى كدا
شيماء تقوم و تقى قاعده مدايقه
..............................................
فى الزنزانه فى قسم
اميره قاعده فى جنب بتعيط و جنبها واحده
الست /ياختى روقى محدش واخد منها حاجه خديلك سجاره
الست تعزم على اميره بسجاره 
اميره / كتر خيرك مليش فيها
الست / ياختى نفخى اهو حاجه الواحد ينفخ فيها همه بس انتى بردك غلطانه كان من اول مره اقطع عرق و سيح دمه
اميره / غصب عنى هددتنى لو فتحت بقى هتقوله انى كدابه و تطلعنى بفضيحه 
الست / اديكى طلعتى بجنايه 
اميره / مظلومه والله العظيم مظلومه
الست / وليه قادره طول عمرها انتى هتقوليلى عليها مع ان جوزها الله يرحمه كان غلبان و اهبل بس هى من يومها مفتريه هى اللى علمت عيالها البلطجه عشان تتسند عليهم يلا ربنا ينتقم منهم 
اميره / زودت فوق قهرتى قهره مبقتش عارفه اتقهر على جوزى و لا على عيالى اللى فى ايديهم و لا على روحى و حبستى السوده دى الظابط قالى ان كل الادله ضدى و مش لاقيين المطوه حتى زفت الطين جابوه و ملقيوهاش معاه و جه اكد كلام امه ابن الكلب و لبسهانى اكتر
الست / ربنا يتوب علينا من دى اشكال متعمليش فى نفسك كدا يا حبيبتى تبات نار تصبح رماد و بكره ربنا يظهر الحق
اميره / مليش غيره .. افرجها معايا يا رب لجل حبيبك النبى دانا عيالى صغيرين و يتامى يارب و ملهمش غيرى
اميره تعيط الست تاخدها فى حضنها و تطبطب عليها
..................................
فى شقه مديحه
لمه ستات و منهم مروه و امها
مديحه / امال يعنى هيستنوا اما اللى حصل ده يتكرر
ست 1/ ياختى الواحد دخل الحاره و شاف المنظر ركبه بقت بتخبط فى بعض
مروه / لا بس كويس برده امان
ست 1/ مانا مكنتش اعرف مين دول يعنى تبقى ماشيه كدا فى امان الله تلاقى درف رجاله ببدل و نضارات شمس مرشقين فى كل حته جريت عالشقه و الواد حماصه قالى انهم نطوروهم على السطوحه و مداخل الحاره و القهوه
مديحه / يجى ولا خماشر عشرين نفر اصل محمود ابنى اللى متفق معاهم
ست 2/ ربنا يباركله محمود امال يعنى مش هتصلحوا الوجهه اللى باظت دى داحنا مصدقنا الحاره نضفت
مديحه / محمود ابنى ربنا يباركله هيصلحها زى مصلح الحاره هيصلح بيته متشيليش انتى هم بتنا طول عمره انضف بيت فى الحاره و هيفضل انضف بيت فيها
ست 3/ الا متعرفيش يا حجه مديحه هيعملوا ايه فى الفرح الواد على ابنى شاف سى مازن بيه جاى الحاره و شكله كان متكحرت خالص
الست 4 / معزور الله مش خاله مات
ست 1/ و مات امتى منهم لله اللى عملوا كدا مش كان زمانهم دلوقت فى لندن و لا باريس
...............................