قطتى الشرسة (صغيرتى المغرورة الجزء الثانى)

8

روايه (قطتي الشرسه) 😻

البارت الثامن :

في كليه صيدله :
اسيل بتعب :اووف انا بكره المحاضره دي.
تالين بإرهاق :معلش معلش.. خلاص خلصنا.
اسيل :مش معقوله كميه تناحه ودكتور بارد والمحاضره بتاعته تلات ساعات لا كده كتير ومرارتي متستحملش.
تالين وهي تغمض عيونها :كفايا كلام انا هموت وانام.. يلا نروح.
اسيل :مش هتحضري المحاضرة التانيه؟؟
تالين :لالا عايزه انام.. انا هروح.. هتروحي معايا.
اسيل:وانا كمان.. يلا بينا....... توتي.
تالين :نعم؟؟
اسيل بتوتر :هو.. هو أدهم مجاش ليه النهارده.
تالين بلامبالاه :كعادته ملهوش مزاج يجي.. هو من امتي وادهم بيجي الجامعه؟؟ تعرفي هيجي لما يلاقي بت حلوه جات..
اسيل بخيبه امل :يعني هي الكليه مفيهاش اي بنت حلوه؟
تالين بزهو :لا فيها طبعا.
اسيل بفرحه :مين؟
تالين بخبث :انا طبعا انتي مش واخده بالك اني احلي بنت في الكامعه.
اسيل بحزن :اولا اسمها الجامعه مش الكامعه.. ثانيا انتي اخته.. عايزين بنت حلوه غيرك.
تالين وهي تحتضنها :اولا خليكي زييي كده اسمها كامعه مش جامعه 😂 ثانيا لوكان علي بنت حلوه ف انتي احلي بنت في حياتي اصلا.
اسيل بمرح :اعتبر دي معاكسه.
تالين بغمز :اينعم.. ياحلو ياابيض انت ياجميل.
اسيل بمرح :عيب كده يا حضرت انت ازي تعاكس بنت بالطريقه دي!
تالين بغمز :طب مممكن رقم الوالد عشان نقروا الفاتحه ونبلوا الشربات.
اسيل بخجل مصتنع :حضرتك فاجأتني اوي.. اديني فرصه افكر.
تالين بغمز :وماله ياجميل.. فكر علي مهلك بس متتأخرش اصلي علي نااار 🔥
شهد وقد سمعت كلامهم :انا عارفه ان علاقتكم قزره اوي.. بس متوصلش للدرجندي.
اسيل وهي تحتضن شهد :شوشي وحشتيني.
شهد بابتسامه :وانتي كمان يا سولي.. بس بس ابعدي يابنت انتي انتوا الواحد يخاف علي نفسه لو وقف معاكم.
تالين بغيرة مصتنعه :جرااا اي احنا قلبناها أحضان.. ثم جذبت اسيل من يدها.. وبعدين راعي اني دمي حامي وبغير.
اسيل بضحكه رنانه :اسفه.
تالين بغيرة وهيام مرح :طب اعمل اي في ضحكتك دي اللي دوبتني دوب... بغير عليكي أبت محدش يسمع ضحكتك غير مفهوم.
اسيل بضحك ومرح :مفهوم.
شهد بضحك :لالالالا انتوا الحاله ضربت عندكم خالص مالص.
تالين وه تحتضن شهد :شوشي وحشتيني.
شهد وهي ترفع حاجبها :حضرتك لسه واخده بالك انا بقالي ساعه هنا.
تالين بضحك :سوري بقا اصلي كنت تقمصت الشخصيه.
شهد بضحك :طب وربنا اي حد يسمع كلامكم ده هيقول عليكم حاجه عيب.
تالين بضحك :عندك حق.. بس احنا بنضحك ونهزر مع بعضينا.. وبعدين احنا لقينا حد يقولنا الكلام ده وقولنا لا.. ف بنواسي بعض.
شهد بضحك :وحشوتنيي يا كلاب السكك ووحشني هزاركم.
اسيل :انتي رجعتي امتي؟
شهد :من اسبوع.. وطبعا ارقامكم ضاعت مني وانتوا عارفين مليش غيركم ف اول ما جبت موبايل جديد جيت الجامعه اشوفكم.
تالين :طب وبالنسبه للمحاضرات اللي فاتتك يا هانم؟
شهد بمرح :هراجعها علي السلالم.😌
اسيل :طب وبالنسبه لدكاترتنا اللذاذ؟
شهد :هعورهم بشويه ازاز.😌
تالين :يلا يا سولي البت دي جايه تهزر.
شهد بضحك :خلاص خلاص.. يلا بقا نروح.
تالين بضحك :طب انتي جيتي لي؟
شهد :جيت العب باليه 😌
ترك تالين واسيل شهد وذهبا وهي تركض ورائهم وهكذا اجتمع مثلث المشاكل مع بعضهم من جديد 😂
*******************************
في منزل وائل وريم :
وائل :ريمو.. هي مرام قالتلك انها هتقعد في المعسكر ده شهر؟
ريم بقله حيله :قالتلي.. وقولتلها لا.. بس هي دماغها ناشفه وفضلت تزن لحد ما وافقت انها تروح.
وائل وهو يحتضنها :متخافيش عليها هي قويه.
ريم بتنهيده :ياريتها مكانت قويه.. مين قالك اني فرحانه انها كده.. انا راضيه بمرام القديمه... راضيه بمرام المستهتره المدلعه الشقيه.. راضيه بمرام البنت .. اللي كانت مصدر لسعاده الكل.. انا راضيه والله بمرام اللي الضحك كانت مش بتفارق وشها... راضيه بمرام اللي بتخاف من الظلمه والدم وتخاف من العروسه اللعبه عشان شافتها في فيلم رعب ... راضيه بيها... لكن دي... دي واحده تاني غير بنتي... دي واحده قلبها فقد احساسه.. واحده مبقتش بتخاف.. قلبها قسي اوي... عارفه انها تعبت اوي.. واتحملت حمل تقيل عشان تتحول كده.. اوقات كتير بنسي انها بنت.. تعرف مره شوفتها داخله البيت ولابسه السويتشيرت ومغطيه شعرها افتكرتها ولد مش بنت... ولا شعرها.. هو فين شعرها ده... فين مرام اللس كان شعرها طويل... دلوقتي مخلتش فيه حاجه... انا عارفه ان اللي حصل أثر عليها.. بس والله نفسي ترجع زي الاول.
وائل بحب :متخافيش يا ريمو هترجع ان شاء الله.. هي بس عايزه حد يحيي حياتها من تاني.. زي ما موت اسر موت حياتها.. هي محتاجه حد يحيها.
ريم بدعاء :يارب أهديها وريح قلبها واكرمها ونجيها وارزقها باللي يخلي حياتها ترجع زي الاول تاني.
قبل وائل ريم في وجنتها :امين يا حبيبي.
ابتسمت له ريم بحب فهو حبيبها وزوجها وكل حياتها واغلي ماقد تملك في هذه الحياة ♥️
********************************
في المعسكر :
بعد مرور الساعه.. تجمع الجميع في غرفه الطعام. وجلست كل فرقه علي طاوله بعدما اخذ كل فرد وجبته والتي هي مثل وجبات الجيش (بصوا انا معرف اللي في الجيش بياكله اي بس اكيد اكل غريب ف محدش يسألني اي 😂) المهم جلست فرقه مرام علي طاوله.
رامي وهو ينظر للطعام :احنا هناكل ده لمده شهر!!
مرام :احمدربنا في ناس مش طايله نص الاكل ده في حياتها العاديه.. وانت زعلان انك هتاكله لمده شهر.
رامي باستغراب :هو انتي مش بنت المفروض تقولي يعع ومش عارف اي وميعجبكيش الاكل وتتبطري علي النعمه زي ما كل البنات بتعمل؟
مرام بتنهيده وشرود :كنت... كنت كده زمان.. بس مفيش حاجه بتفضل علي حالها يا صاحبي.
حمزه وهو يحاول تغيير مجري الحديث :خلاص يا جدعان.. يلا ناكل عشان نقدر نكمل اليوم.
بدا الجميع في تناول الطعام ومرام أيضا ولكنها كانت شارده في ذكري اخري لها مع حبيبها الراحل 😭💔:

مرام بطفوله :قولي بقا هتأكلني في مطعم اي؟؟ انا عايزه اكل بيتزا.. او شاورما.. او كريب.... او.. او... اسور ممكن تجيبلي كل دول.. وكمان شوكليت.
ابتسم اسر علي طفولتها :معلش خليها مفاجأه.
قاد اسر سيارته حتي توقف في احدي المناطق الشعبيه ونزل هو مرام التي كانت في غايه الدهشه من وجودهم في مكان مثل هذا.
مرام بفضول :انت جايبنا هنا لي؟
لم يجاوبها اسر.. ولكنه وقف أمام احد المطاعم الشعبيه وطلب لهم بعض الأكلات الشعبيه مثل (فول وطعميه وسلطه ومخلل بقا وعيش طازه كمان ياللهوووي بقا هيجوعونا معاهم الناس دي 😋)
مرام وهي تنظر للأكل :اي ده؟
اسر وهو يعرفها علي الأصناف :فول وطعميه وسلطه ومخلل وعيش.. بس كده.
مرام :بس انا مش باكل الاكل ده.
اسر باستغراب :ليه مش بتعملوه في البيت؟
مرام :لا ماما بتعمله بس انا مش باكل من الاكل ده.
اسر بابتسامه :المفروض دي نعمه ربنا تاكلي منها.
مرام بقرف :بس انا مش باكل الاكل الغريب ده.
اسر بجديه :بصي يا مرام.. مش معني ان ربنا اداكي نعمه انك عايشه في مستوي اجتماعي كويس وبتاكلي اكل كويس.. يبقي تتبطري وتقرفي من اي اكل يتحط قدامك... بصي يا حبيبتي لازم لما تاكلي او تشربي اي حاجه تحمدي ربنا عليها.. لان في ناس مش قادره حتي انها ناكل الاكل اللي مش عاجبك ده... لازم تحمدي ربنا علي كل حاجه... علي اكلك وشربك ولبسك وحياتك... واوعي في يوم تكرهي نعمه ربنا.. اوي تشوفي نفسك علي حد لان مستواكي الاجتماعي احسن منه... فهماني يا حبيتي.
مرام بابتسامه :فهماك.. شكرا اوي يا اسر علي كلامك ده ❤️.
اسر بحب :متشكرنيش ياحياتي.. لوانا منصحتش بنتي مين ينصحها؟؟
مرام بخبث :هو وانا بنتك؟؟ طيب يابابا
اسر بحب :طبعا انتي بنتي وحبيبتي وخطيبتي وحياتي ومراتي وكل حاجه في حياتي. بس مش لدرجه بابا يعني.
مرام بضحك :الله هي بابا تزعلك.. ما انا فعلا بعتبرك احلي اب في الدنيا.
اسر بخبث :طب انا راضي زمتك هو في اب يتجوز بنته؟
مرام بتفكير :تصدق لا 🤔
اسر :يعني انتي مش عايزه تتجوزيني كده؟
مرام بسرعه :لالا طبعا عايزه.
اسر بمكر :للدرجه دي انتي دايبه فيا وكش قادره تعيشي من غيري.
مرام بحنق :تصدق انك رخم... وخلاص غيرت رأيي ومش هتجوزك.
اسر بتملك :قولي اللي تقوليه المهم اللي انا اقوله.
مرام باستهزاء :واي بقا اللي انت بتقوله؟
اسر بتملك :بقول انك ملكي ومش لحد غيري وبقول انك هتتجوزيني برضاكي او غصب عنك.
مرام بضحك :اهدي ياحج انا امزح فقط.
اسر بابتسامه تزيده وسامه علي وسامته :يخربيت جمال ضحكة امك.
مرام بخجل :بس بقا.
اسر بضحك :نفسي اعرف مين اللي نشر بقا دي في العيله كلها.. انا طول اليوم بسمعها من الكل.. انتي وماما وتالين وكل الناس تقول بقا.
(اسوري يا حياتي.. بقا دي بتاعتي انا 😌❤️ولو مش عاجبك طلقني طلقني 😂)

افاقت مرام من زكرياتها وانهت طعامها وأخذت تنظر اللي الجميع بتفكير.
سامر :ميرو بتفكري في اي؟
مرام بتفكير :عايزه اعرف اي التمرين الجديد؟
رامي وهو ياكل بلامبالاه :دلوقتي يجي الكابتن ويقول طريقه التعذيب التاليه.
مرام بنقض :هو المفروض غبي ولا اي؟؟ ازاي يبدأ اول تمرين جري بكل المسافه دي وكمان في كده محدده.. المفروض يبدأ براحه عشان يبقي تسخين لينا.. لكن هو داخل حامي اوي. ده افتري زي ماقولت يا رامي.. هو شكله ميعرفش يدرب ولا نيله واختاروه غلط.
سمع اسر كلماتها وابتسم بسخريه وهمس لنفسه :انا هوريكي الافتري كويس 😈.
****************
*اسر هيعمل اي؟ 😈
*مرام ممكن ترجع طبيعيه تاني؟؟ 🤔
*اسر خطيب مرام مات ازاي؟ 🙄🤔
كل ده هنعرفه الحلقه الجايه 😻♥️

تأليف :تغريد محمد ♥️