قطتى الشرسة (صغيرتى المغرورة الجزء الثانى)

21

روايه "قطتي الشرسه" 😻

الفصل الحادي والعشرون :😉

واخر لحاظاتنا الحلقه اللي فاتت 👇:

واخيرا وجدوا بعض الحجاره مره اخري تسد الطريق.فقام حمزه وسامر في نفس اللحظه بضربها بقدمهم.. فأنزاحت بقوه.
ونظروا وجدوا ضوء الشمس.
رامي بفرحه :اخيرا نور... يلا ننزل.
مرام :مش بالسهوله دي بص.
نظر رامي وجد انهم في نقطه لايمكنهم النزول الا بالقفز.
سامر :محتاجين مظلات.
مرام :احنا مش لابسين مظلات هنعمل اي؟
حمزه بتفكير :مش عارف.
ظلوا يفكروا بسرعه.. وهتف رامي بهلع :فاضل سبع دقايق.
مرام بهدوء :أهدأ.. هنحاول نفكر بسرعه.
سامر :انتوا خايفين ليه؟؟ احنا المفروض نخرج بعد نص ساعه.. بس مش نوصل للمعسكر... يعني اكيد هما هيستنونا في مكان قريب من هنا.
حمزه :صح.. بس فكر.
اخذت مرام تنظر للمكان حولها.. وعلي الجدران علها تجد شئ واحد يساعدهم على النزول وأخير هتفت مرام بفرحه :حبل... لقيت حبل.
أمسكت مرام بذلك الحبل بسرعه وقد كان حبل طويل نوعا ما يكاد يصل قريبا من الأرض.
رامي بتفكير :بس ده هننزل ازاي من عليه لازم حد يمسكه؟ واخر واحد هينزل ازاي؟
مرام وهي تمد رأسها خارج تلك الفتحه لتنظر منها :الخطه روبونزيل.
حمزه :نعم!!!!
مرام :في زي خطاف او حاجه فوق الفتحه دي.. نقدر نعلق عليها الحبل وننزل واحد ورا التاني.
سامر باستفهام :طب واي الخطه روبونزيل دي؟؟
مرام :هقولك لما ننزل مش وقته.
سامر:طب هاتي الحبل انا هعلقه.
اخذ سامر الحبل وربط طرفه في الخطاف وتأكد من انه مثبت جيدا.
سامر :تمام متثبت 👍.
مرام :تمام.. انا هنزل الأول.
حمزه :لا انا الأول عشان اطمن انه تمام تحت.
مرام :طيب انزل يلا.
بدأ حمزه بالامساك بالحبل جيدا والنزول.. حتي وصلت قدمه لجزء انتهي فيه الحبل فحاول مدها والنزول بهدوء ليكتشف المسافه بين انتهاء الحبل والأرض.. فوجدها قليله. فنزل وأشار لهم بالنزول.
سامر في الأعلي :تمام هو نزل.. يلا انا بعدوا.
وبيننا سامر ينزل.. سأل رامي مرام.
رامي :هو احنا وبنطلع الجبل مطلعناش مسافه كبيره.. يبقي ازاي المسافه من هنا للارض بالارتفاع ده.
مرام :بص يا رامي الطريق اللي احنا مشيناه كان طالع لفوق مش ماشي في خط أفقي.. عشان كده النقطه اللي كنا فيها فى اول الطريق.. مش بنفس الارتفاع ده.
رامي : انتي عرفتي ازاي انه كان طالع لفوق مش لنفس الاتجاه؟؟
مرام :انت رايك عرفت ازاي؟
رامي :معرفش.
مرام :رامي بطل غباء.. دلوقتي يا رامي.. لما بترش ميه علي الارض الميه بتجري علي أعلى منطقه في الأرض ولا اوطي منطقه.
رامي :اكيد بتجري علي الجزء المنخفض.
مرام :بس كده هو ده اللي حصل.. الدم بدايته من المكان ده.. لو كان المكان ده نفس مستوى باقي الأرض كان الدم فضل مكانه ومجريش لتحت.. لكن عشان المنطقه دي غاليه بالنسبه للنقطه اللي احنا موجودين فيها.. ف الدم جري لتحت.
رامي :امممم فهمتك.. احبك وانتي ذكيه.
مرام بزهو :طول عمري.. أنجز نط معندناش وقت.
رامي :لا انزلي انتي قبلي.
مرام :تمام.
أمسكت مرام الحبل جيدا وبدأت في النزول وخيرا نزل خلفها رامي.
مرام :كده تمام.. يلا نشوف هنمشي ازاي و...
وفجأه صدح صوت بوق انتهاء المده.
حمزه بسرعه :يلا بينا علي مصدر الصوت.
وبدأو بالجري متوجهين الي مصدر الصوت.
ولكن توقفت مرام وهتفت :استنوا.. ده الطريق الغلط.
رامي :ازاي؟؟
مرام وهي تنظر في ساعتها :فاضل دقيقه وهما اكيد مش اغبيه عشان يضربوا الجرس قبلها بدقيقه. الطريق ده غلط.
رامي :ماعندناش وقت نفكر او نرجع لطريق تاني... لازم نكمل.
مرام :بس...
حمزه :مرام خلينا نكمل علي الطريق ده مفيش وقت.
واكملوا طريقهم حتي وجدوا جميع الواء احمد راضي ومعه مجموعه من الرجال ومجموعه سيارات.. ولم تصل ايا من الفرق.
مرام وهي تتوجهه للواء بالكلام :احنا وصلنا كده صح؟
اللواء احمد بابتسامه :اه وصلتوا تحياتي ليكم يا سياده الرائد.. أثبتوا كفائتكم وذكائكم.توقعت منكم ده
رامي وسامر وهم يضربون كف بعضهم :اخيرا.
حمزه :هو كان في كاميرات؟؟
اللواء احمد :اكيد.
رامي بدهشه :يعني كل ده كان متصور!!
اللواء احمد :اها.. انتوا كنتوا هتغلطوا اكتر من مره بس بتلحقوا نفسكم في اللحظه الاخيره.
مرام :كنا هنغلط ازاي؟؟
اللواء احمد :اصبري.. لما كل الفرق توصل.. هنشغل الكاميرات ونشرح غلط كل واحد.
سامر :طب حضرتك كنت بتشوفنا ازاي؟ .. ومفيش اي وسيله تخليك تشوفنا من هنا.
اللواء احمد :لا فيه.
سامر :تمام فيه بس اكيد في المعسكر مش هنا.. حضرتك هنا في الصحرا ازاي هتشوفنا؟
اللواء احمد بابتسامه وهو يخرج التابلت الذي في الحقيبه :في ده يا سامر كنت بشوفكم منه.
سامر :تمام كده مفهوم.
وبعد لحظات وصلت فرقة آسر التي كانت تلهث من كثرة التعب.
اللواء احمد :اهلا يا وحوش.. وادي تاني فرقه وصلت.
سيف باعجاب :واو ده في حد وصل قبلنا 👏
رامي بزهو :اه طبعا.. نحن الأوائل دائما.
اللواء احمد :هههههههه دائما يا رامي!!
رامي بضحك :مش دائما يعني.. وبعدين يا سياده اللوا انت معانا ولا معاهم..
كان آسر يطالعها بنظرات مبهمه.. لا يدري ما هي ولكن كل ما يشعر به انه يسعد عند رؤيتها.
اللواء احمد :ولا معاكم ولا معاهم.. انا هنا الحكم.. المهم انكم وصلتوا والمفروض الاربع فرق اللي فاضله توصل دلوقتي.
وصلت فرقه اخري الي المكان وتبعتها اخري واخرى.. واخر فرقه وصلت أيضا.
اللواء احمد وقد آمر الجميع بدخول السيارات و آمر الرجال الموجودين معه بأحضار الكاميرات واللحاق بهم اللي المعسكر.
ركبت فرقه مرام وأسر في سياره وفرقتين اخرتين في سياره واخرتان في سياره واللواء كان في مقدمه سيارة مرام.
ادم وقد جلس جوار مرام :طلع في كاميرات بتصورنا. مرام وهي تمسد رأسها الذي يكاد ينفجر : اها.
ادم :يعني كل اللي عملناه أتصور.
رامي :اكيد... انتوا مهمتكم كانت ازاي؟؟
عمرو بتعب :بعيد عنك كانت عباره عن حاجات كتير رخمه.. كلها تعتمد علي القوه البدنيه.. وانتوا؟
حمزه :لا احنا كان اللعب علي الذكاء والتفكير اكتر وكمان التفكير لازم مياخدش وقت ف كانت صعبه شويه.
آسر متدخلا :علي فكره.. هما عارفين كل فرقه هتعمل اي.. وغير كده هما حطوا الاختبارات علي التقرير اللي اخادوه عن كل فرقه.. يعني الفرقه اللي عارفين بتستخدم الذكاء حطولها حاجات تفكير والفرقه اللي بتستخدم القوه حطولهم اللي يناسبهم.
مرام :انت عرفت ازاي؟؟ انت كنت عارف الاختبارات؟؟
آسر :لا وهعرف ازاي؟؟ انا كانت مهمتي ادربكم بس واكتب تقرير عن كل فرقه واققدمه.. وهما اللي حطوا الاختبارات النهائيه.
حمزه بتساؤل :يعني انت اللي قدمت ليهم التقارير؟
آسر :ايوه.
رامي :وانت كتبت التقارير دي بنائا علي اي؟
آسر :التقارير دي كانت عباره عن طريقه كل واحد خلال التدريبات.
ادم لمرام بهمس :مالك شكلك مش مظبوطه؟
مرام :مصدعه بس مش اكتر.
سيف لمرام وقد لاحظ شحوبها :مالك؟
حمزه :مالك يا مرام فيكي حاجه؟؟
رامي وهو يضع يده على رأسها :انتي مصدعه؟؟
مرام :في اي يا بشر وربنا انا كويسه.. مفيش حاجه مجرد صداع.
عمرو :سلامتك.. ومصدعه من اي؟؟
مرام :مفيش عادي.. المهم يلا عشان العربيه وقفت خلينا ننزل.
سامر :هننزل بس خدي بالك وانتي نازله عشان رجلك.
نزل الجميع بينما كان آسر يشتعل من الغيرة.. يشعر بداخله بنيران تندلع في قلبه لتجعل دمائه تغلي وتكاد تفور.. يالها من حمقاء.. ماذا فيها لتنال اهتمام جميع الرجال؟؟ ماذا فيها ل... لتستحوز علي تفكيرهم ويهتموا بها كل بهذا القدر؟ ... لماذا تستحوز علي تفكيره هو أيضا.. لماذا كل تلك النيران في قلبه... لماذا يود لو انه يقتل الجميع عوضا عن أن يحادثها أحدهم ولو بحرف.
آسر لنفسه بصدمه :انا بحبها؟؟؟؟ لالالالالالا مستحيل مستحيل ابدا ابدا.
توجهه الجميع الي الساحه بينما آسر مازال في صدمته مع نفسه.
اللواء احمد :دلوقتي الفرقه الاخيره هي كمان هترجع القاهره لانها للأسف وصلت متأخره عن باقي الفرق بفتره طويله... الفرقه دي تتفضل تروح اوضتها وتجهز عشان هترجع القاهره النهارده.
توجهت تلك الفرقه اللي غرفتها وخيبه الأمل مرسومه علي وجوههم.
اللواء احمد للخمس فرق الموجوده أمامه :دلوقتي انتوا.. كل اللي عملتوه أتصور.. ولاحظنا كل واحد فيكم عمل اي... الفرقه الاخيره خرجت لان ولا واحد فيهم وثق في رأي التاني.. كل واحد فكر واشتغل بدماغه ومحدش سمع كلام التاني.. وده خلاهم خسروا بسرعه.... دلوقتي انا هشرح كل واحد عمل اي.. فرقة مرام وحمزه ورامي وسامر.. انتوا تحياتي ليكم.. اشتغلتوا سوا وفكرتوا صح.. اولا مرام.. عجبني ذكائك لما عرفتي تختاري المدخل.. فعلا اي حد كان هيفكر انه فخ وهيحاول يلاقي مدخل على ارتفاع اكبر.. وعجبني بردو اكتشافك ان كل التعابين كانت ميته... بالنسبه لموضوع الدم.. حمزه انت كان تفكيرك صح.. انه المفروض كنتوا تدخلوا من طريق الصوت لان الدم يدل انه قريب... بس توقع سامر ورامي ان ده اساسا مش حقيقي وان اي حاجه هتكون من اساس الاختبار ده اللي خلاكم تدخلوا طريق الدم.. وفي الجزء ده انتوا استسهلتوا... اللي ماكنتوش تعرفوه ان طريق الدم والصوت كان هيوديكم لنفس الطريق.... مرام ملاحظاتك سريعه جدا وده كويس... رامي بتتوتر بسرعه.. بلاش توتر وخوف لان ده بيزرع القلق في باقي الفريق واي تقدم بتحرزوه القلق بيرجعه لورا... حمزه عندك ثقه في فريقك وده عاجبني.. بتسمع كلام الكل ومش بتعارض تفكير حد... سامر بتحاول تستخدم قوتك بس النهارده مكناش محتاجين القوه... بتحاول تفكر صح.. بس تفكيرك كانت كان منحصر النهارده.. اهم حاجه بقا.. اخر جزء لما البوق انطلق.. مرام كانت ذكيه وعرفت ان اكيد من هيضرب قبل معاده.. بس هي مفكرتش ان ده ممكن يكون فعلا فخ عاملينه يعني بدل ما تقولوا احنا ضربنا الجرس بدري من طريق وتعرفوا ان الطريق ده غلط.. احنا ضربنا الجرس من طريق عشان تفكروا زي مرام وترجعوا من الطريق التاني اللي هو غلط.. بس ضيق الوقت وتفكيركم انكم تخلصوا بسرعه ساعدكم انكم تمشوا الطريق الصح.... اهم حاجه... تخليكم سوا وتفكروا مع بعض.. انتوا ايوه غلطوا شويه بس ده شغل ممتاز... بالنسبه بقا لفرقه آسر وآدم وعمرو وسيف انتو.............