قطتى الشرسة (صغيرتى المغرورة الجزء الثانى)

19

رواية "قطتي الشرسة" 😻*

البارت التاسع عشر :
__________________________-----------------------------
في منزل وائل الصاوي :

في غرفة كارما :
كانت كارما تجلس ومعها ريتاج.
ريتاج :يخرب عقلك ده انتي صدمتي الواد.
كارما :ما انا اعتزرت.. وبعدين انتي عارفه اني دبش.. ومش بسكت.
ريتاج :مش بتسكتي اي بس؟؟ ده انتي مستنتيش تسمعيه... اعتزرتي وقالك اي؟؟
كارما :ماقالش حاجه عادي.. بس..
ريتاج :بس اي؟؟؟
كارما بابتسامه : الصراحه هو اتصدم لما كنت بعتزر.. قالي الصوت اتغير ١٨٠ درجه.
ريتاج :اكيد عنده حق... وبعدين ؟؟
كارما :ولا قبلين بس كده.
ريتاج :طب اسمه اي؟؟
كارما :اسمه رامي.
ريتاج :حلو اسم رامي بردو.
كارما وهي تقزفها بالمخده :انا مالي حلو ولا وحش.
ريتاج وهي تفرد جسدها علي السرير :مالكيش ياختي... بس المهم تعرفي شكله اي؟
كارما وهي تحتضن المخده :وانا اعمل اي بشكله؟؟ لا معرفش.
ريتاج بغمز :مش ممكن يكون مز ولا حاجه!!
كارما :ريتاج انا مش بحب طريقه الكلام دي.
ريتاج بحنق :هي مالها طريقه كلامي؟ انتي مش بتحبيها وكمان سارة مش بتحبها... علي فكره انا مش بيكون قصدي حاجه انا بهزر.
كارما وهي تحتضنها :عارفه يا رورو.. وبعدين قوليلي مين ساره دي؟؟
ريتاج : Actually (في الحقيقه) سارة تبقي صاحبتي المفروض انها الانتيم.. بس تعرفي احنا مختلفين في كل حاجه.. يعني هي محجبه وملتزمه وانسانه محترمه جدا.. ومع ذلك دمها خفيف وبتحب الهزار.. بس لما نتكلم عن حد تفضل تقول كده نميمه وبتكره نتكلم عن ولد.. انا عارفه ان هي صح وان انا الغلط بس والله انا لما بتكلم كده بيكون بغرض الهزار.. وبعدين انا مش محجبه وطريقه لبسي مختلفه عنها تماما... معرفش اي اللي خلانا نبقي صحاب بس مع الوقت بقينا صحاب وبنحب بعض.. بس لسه في اختلاف بينا... وانا الاختلاف ده بسببه بحس اني شخص مش كويس.. هو انا شخص مش كويس؟؟
كارما بابتسامه :طبعا لا انتي شخصيه كويسه جدا.. بصي يا رورو الاختلاف ديما موجود.. ثانيا مش الحجاب هو اللي بيحدد الشخصيه.. يعني ممكن انسانه محترمه ومؤمنه وبتصلي وتعرف ربنا بس مش محجبه.. ربنا هيجازيها علي كل ده وبردو هيعاقبها علي الحجاب.. هو اينعم الحجاب فرض.. بس انا مش عارفه متحجبتش ليه؟؟... بس يعني بيبقي عن اقتناع.. وانا واثقه لما اقتنع هتحجب.. ثالثا.. ليه شايفه نفسك اقل مني او من سارة دي.. عززي نفسك وشوفي نفسك صح.. خليكي واثقه من نفسك ومن قراراتك.. فكري في الشئ قبل ما تقوليه عشان محدش يحرجك ويقولك مبحبش الكلام ده... متحاولش تتكلمي في حاجه هتاخدي عليها ذنوب... هو فعلا النم علي الناس مسلي ويضحك.. بس بتاخدي عليه ذنوب.. مينفعش تتكلمي عن حد مش موجود.. بالحلو او بالوحش.. كده هو هياخد ثواب وانتي ذنوب.. ف فكري كويس وقبل ما تتكلمي عن حد افتكري الكلام ده.
ريتاج بابتسامه :حاضر اوك.
كارما :بصي هو في حاجه كدهون عايزه اقولك عليها بس متزعليش.
ريتاج باهتمام :حاجه اي؟؟
كارما :هتزعلي؟؟
ريتاج :لا.
كارما :بصي طريقه لبسك الصراحه اڤور اوي.. يعني البنطلونات الضيقه والتيشيرتات القصيره واللبس ده مش حلو.. يعني الناس بتاخد عنك فكره مش كويسه وكمان اللبس ده بيظهر جسمك للناس وكل واحد بيبص عليكي بتاخدي ذنوب.
ريتاج :اقولك علي سر!!
كارما :قولي.
ريتاج :انا مش بحب اللبس ده بس بعند مع نفسي والبسه.
كارما بدهشه : بتعندي مع نفسك.. طب والله انتي متخلفه.
ريتاج :عارفه والله عارفه.
كارما :لالالا انتي ضربت منك خالص.. امشي يا بت من هنا امشي.
ريتاج وهي تتثائب :لا انا هنام هنا وسعى شويه.
كارما : لا مبحبش حد ينام على سريري... امشي يا بت.
ريتاج :لا انا هنام واتفلقي.. ومش هقوم من هنا.
كارما :ده اسمه استحلال.. انتي بتحتلي مكاني.. ده تسيب واستهتار..
ريتاج :ايوه هو كده.. تصبحي علي خير.
كارما وهي تدفعها لتنام :انا اللي هنام وسعي.
ريتاج بضحك :لا انا هنام.
وفي الاخير نامتا بجوار بعضهما البعض
********************
في منزل اللواء الراحل فؤاد الشرقاوي :
سارة :ماما هو آسر هيرجع امتي؟؟
السيده هند :هيرجع بعد خمس ايام ان شاء الله.
سارة بدعاء :يارب يرجع بالسلامه عشان هو وحشني اوي.
السيده هند :ووحشني انا كمان.. إن شاء الله يرجع بالسلامه... انتي أخبار الكليه اي؟؟ مروحتيش النهارده ولا امبارح.
سارة :اممم الصراحه يا مامتي.. مش عايزه اروح.. عايزه افضل معاكي.. مش بحب اسيبك وآسر مش هنا.
السيده هند بضحك :علي اساس ان آسر بيفضل معايا مش بيروح شغله هو كمان.. وبفضل لوحدي.
سارة :بس المهم انه موجود.. وبعدين انا مش حابه اروح الصراحه.
السيده هند :ليه؟؟
سارة وهي تجلس علي الارض وتضم رجليها في بعضهم :بيني وبينك مخنوقه وحاسه اني لوحدي.. ويمكن عشان بقالي فتره مش بكلم ريتاج.
السيده هند :لي مش بتتكلموا؟
سارة :معرفش ليه مش بنتكلم بس هي من يومين قالتلي مش هتروح الكليه وتاخد اجازه وانا لما روحت لوحدي حسيت بزهق كده.. يعني علي الرغم ان بعض تصرفاتها مش بتعجبني.. بس بردو بقت بتملي حياتي بتضحكني وتفرحني.. يعني عدم وجودها بقي بيحسسني بالزهق والوحده .. اكتشفت ان ليها مكانه في قلبي.. رغم اختلافنا بس هي بنوته كويسه اوي.
السيده هند بحب :طب ما تكلميها.
سارة بتفكير :تؤ.. هي لو انا وحشتها هتكلمني.. بس تلاقيني موحشتهاش.
السيده هند :انتي بتعاملي ريتاج ازاي يا ساره؟
سارة :يعاملها عادي.. بس لما بتعمل حاجه تضايقني بزعل منها.
السيده هند :ولما بتزعلي بتعملي اي؟
سارة :بقولها ان الحاجه دي بضايقني ومتكررهاش تاني.
السيده هند :سارة يا حبيبتي ريتاج صاحبتك.. ومينفعش تكلميها وتفرضي عليها تعمل اي.. ممكن تطلبي منها بس بطريقه متوجعهاش هي ممكن تكون بتعمل الحاجه من غير قصد.. ممكن تكون بتهزر.. ممكن تكون عايزه تحس انك بتحبيها.. بلاش طريقه اعملي ومتعمليش.. دي بتوجع اوي. فاهمه.
سارة :فاهمه يا ماما... بس بردو لو هي بتحبني وانا وحشتها هتكلمني.
السيده هند :مش ممكن تكون هي كمان بتقول نفس الكلام.. يعني بتقول لو هي وحشتك انتي هتكلميها.. انتي هتكابري وهي هتكابر ومحدش هيكلم التاني.. اتنازلوا وحالولي تتغاضي عن بعض التصرفات لان هي ممكن تكون بغرض الهزار... ف اتصلي بيها واتكلمي معاها ممكن تكون زعلانه.
سارة وهي تنهض لتقبل والدتها:تمام يا احلى ماما في الدنيا.. هروح اكلمها واقولك.
السيده هند :حلو وانا هحضر الغدا.
سارة :تحبي اساعدك واكلمها بعدين.
السيده هند :تساعديني في اي بس.. انا هعمل اكل ليا وليكي بس مش محتاجه.. روحي انتي كلمي صاحبتك.
سارة بحب:اوكي يا مامتي.
السيده هند :ربنا يهديكم يا بنتي.
*،،*،، *،، *،، *،، *،، *،، *،، *،، *
في منزل تارة ومازن :

في غرفه أدهم :
تالين باعجاب :برااااڤواا يا دودتي انت خلصت جزء كبير من المنهج في الأسبوعين تلاته دول.. انت مكنتش بتزاكر اصلا.. وخلصت اكتر مني.
أدهم :الله اكبر.. خمسه وخميسه عليا يا حبيبتي.
تالين :مش بحسدك يا غبي.. انا معجبه بمجهودك بس وبتمني ربنا يكرمك وتفضل علي الحال ده.
أدهم :ان شاء الله.
تالين بغمز :الفضل يرجع لكوكي شكل في حاجه.
أدهم بتوتر :هيكون في اي مثلا!!
تالين بذكاء :هو الحوار ان ليك مصلحه عند كارما من الاخر وهي استغلت الموقف عشان تخليك تزاكر.. اصلك مش هتزاكر كده لله وللوطن.
أدهم :شابووو ليكي.. واي بقا المصلحه يا عبقرينو زمانك؟
تالين بتفكير :اكيد الموضوع فيه بنت واكيد كارما تعرف البنت دي.
أدهم :واي اللي خلاكي تقولي أن الحوار فيه بنت؟
تالين وهي تجلس بجانبه :اصل يا دودتي المصالح بالنسبالك ان حد يعرفك علي بنت. انت اي حوار في بنت بترشق فيه.
أدهم :ليكي جايزه نوبل علي ذكائك للمره التالته النهارده.
تالين بضحك :هو الصراحه مش ذكاء دي كارما قالتلي.
أدهم وهو يضربها :ااه يا بنت ال...
تالين مقاطعه :أدهم.
أدهم بغيظ :يابنت الناس الكويسة.. وكارما قلتلك اي؟
تالين بمكر :هي قالتلي عن البنت ام شعر احمر.
أدهم : قالتلك عن بانه؟؟
تالين بمكر :يعني الموضوع عن بانه بقا... بس هي مقالتليش هي خلتني اشوفها.
أدهم بدهشه :بجد.. شوفتيها!!!
تالين بخبث :ايوه شوفتها... طلعت زي القمر بجد.. عجبتني اوي.. ليك حق تقع فيها... بس يا دودتي في مشكله صغننه اكتشفتها انا وكارما.
أدهم بقلق :مشكله اي؟؟
تالين بمكر وحزن مصتنع :طلعت مخطوبه 🤷‍♀️
أدهم بصدمه :بجد طلعت مخطوبه!!!! 😳
تالين بمكر :ايوه مخطوبه.
أدهم بصدمه :آآآآ.. اه طيب خلاص يا تالين اطلعي دلوقتي.. انا هنام.
تالين :مش هتكمل مزاكره؟؟؟
أدهم :لالا.
تالين :طيب يا أدهم تصبح على خير.
أدهم بحزن :وانتي من اهله.
خرجت تالين واغلقت الباب وبعدها ذهبت إلى غرفتها وانفجرت في الضحك.
تالين لنفسها :مكنتش اتخيل أدهم شكله يبقي عامل كده علي بنت... متخيلتش كده اصلا.. بس كارما دي حماره اوي.. اشتغلت على أنها تستغل ان أدهم عايز يشوفها بأنها تخليه يشوف مستقبله.. هي بغبائها فكرت في أدهم ونسيت البنت... لازم كانت تتأكد ان أدهم عايز يقرب منها بجد... ومش هيزهق ويشوف غيرها.. أدهم من النوع اللي اي بنت تشده.. وممكن لو مش بيحب البنت دي بجد ممكن يجرحها معاه... لكن كده.. طول ما هو فاكر انها مخطوبه هنقدر نعرف هيزعل ويتأثر ولا هيشوف غيرها.. وساعتها نقدر نكمل فكره كارما... والله هتبقي لعبه مسليه.. بس الصراحه كنت هتكشف.. انا اصلا عمري ما شوفت بانه دي ولا سمعت عنها اصلا.. بس موضوع الشعر الاحمر فادني اوي.. والبركه في ادهومتي. 😈😂

فلاش باك :
منذ اسبوع :
تالين :أدهم اي نوع البنت المفضل عندك؟
أدهم :مفيش نوع محدد.. عادي تكون بنت كويسه ومحترمه وبتحبني.
تالين :كلام حلو .. بس الصفات الخارجيه عايز شكلها ازاي؟؟
ادم بسرحان :عايزها ازاي... ف انا عايز شعرها احمر.
تالين بضحك :ازاي شعر احمر؟ مش حلو طبعا.
أدهم بتوهان :لا حلو.. الشعر الاحمر على بشرتها الطفوليه وعنيها اللي بتلمع.. بيسحر ويمكن يجنن.
تالين بتفكير :امممم شعر احمر.. شكل الموضوع في شعر احمر يا ادهم😈😂.

باك..
تالين بمكر :هسويك علي الهادي يا أدهم.. لحد ما تقول حقي برقبتي 😈.
.
.
تالين هتعمل اي؟🤔
. بانه فعلا مخطوبه؟ 🤔
. هيحصل اي في المعسكر؟ 🤔

تأليف :تغريد محمد 😍