خشيت المطبخ و جبتا لخالتو موية وعصير {الاذان م قرب م كده حرااام😹😹}و اديتها شربت وصال وانا حقي وين؟!
انا:اخخخخ نسيتك م علينا احلى عصيييير عشان عيونك.
واصل وهو شايل اللابتوب و داخل على اوضتو همس لي من وين حتجي الحلا اذا انتي عاملة و اداني نظرة بطرف عينو كأنو بقول مستخسر فيك النظرة العديلة م اهتميت بيو ومشيت بكل عفوية كبيت لي وصال عصير.
انا:اتفضلي...مع اني كنتا مستأءة شديد لانو م ليو مواقف معاي حتى بعاملني بالطريقة دي.
وصال:الليلة عاملين حفلة مبااااااالغة.
انا:وووين؟!
وصال:في المزرعة بتاعت واصل.
انا:لي؟!
وصال:عاملين الموضوع مفاجاءة لي ماما..
انا:اهااا.
وصال:الموضوع حيكوووون مبالغة.
انا:اهااا
وصال:حتلبسي شنو؟!
انا:م عااارفهة.
وصال:ارح.
انا:ووين؟!
وصال:ننزل لصحبتي في الطابق التاني؟!فتحت الدولاب طلعت لي عباية لبستها وختيت لي طرحة في شعري و نزلنا ليها تحت..
وصال:رويدا دي هند.
رويدا:اهلييين.
انا:اهلا
وصال:م تجدعي لينا رسمتين كده.
رويدا:تعبانة جيت من الجامعة.
وصال:اخس عليكك🐸 اي شي لي واصل بتعملي ي سخيفة.
رويدا:قلبي الصغيير لا يتحمل😹😹...عشان جبتي سيرتو وحات النبي احننكم و جابت البيقن والصبغا و بدت بي🌚🌚انا رسمت لي رسمة رفيعة كده شي نتشة و راقي...ورسمت لي وصال بعدي.
رويدا:محمد جيب العصير...ختت لينا العصير شربنا.
وصال:اها بتجي؟!
رويدا:مالي م بجي😹😹وراي شنو؟
وصال:حقييييييييرة.
استنيناها نشفت غسلنا يدينا و رجعنا البيت فطرنا🌚 بعد كدة مشيت نمتا م صحيت الا العصرية..
وصال:قووومي بالغتي🌚الساعة5.
انا:قايمة...قمتا من محلي مشيت استحميت و جيت لقيت وصال عاملة لي سندوتش.
وصال:اكلي و اللبسي اتاخرنا بعد كده ماما صرفنها مع ام اياد.
انا:ام اياد دي خالتك😹😪.
وصال:بطلي..وحنطلع بعربتي..
اكلتا السندوتش بتاعي وانا بقلب شنطتي طلعتا لي فستان بصلي هو تحت الركبة حبتين و يدينو قصاار كده خشيت فيو و كان عندي حجل لبستو في رجلي و اسورة رفيعة اتمكيجتا و شعري عملتو كعكة وطلعتا لي نظام خصلة بي قدام و حلق كبير و سلسل صغبوووتي نظام قلادة كده{في صورة امي الله يرحما}..
وصال:ماشة كده😳😳.
انا:اي فيها شنو؟!
وصال:فستانك ده م قصير حبتين؟!
انا:لالا.
وصال:قالت م علينا ولبست ليها فستان اسود طويل فاري يدينو كانو تحت الكوع م زي حقي المع الضراع🌚🌚 و جزمة كعب عالي فضية و اسورة رفيعة شعرها لمتوو لي ورة بباندة و طبقتو ولبست ليها طرحة بالفضي و اتمكيجت مكياج ناااعم طلعت مبالغة.
و مرقنا ليقينا رويدا راجيانا كانت لابسة فستان بنفسجي هادي و برضو طابقة شعرها زي وصال🌚🌚 ومتمكيجة مكياج ناعم برضو و طلعنا التلاتة مع بعض جا اخو رويدا ساقنا لمن وصلنا كانت الساعة{6:30} و قعدنا كلنا في طاولة واحدة..و كانت المزرعة مبالغة فيها شجر المنقة و البرتقال يقول ي ليل و كلهم مزينات بالاسلاك المنورة دي❤ و الجو كان خرااااافي عديل و تحت كل شجرة في زي طربيزة ومكتوب عليها اسامي الاسر المعزومة او المستضافة وفي طرابيز كدة مجدعة ساكت وكل الديكوور عبارة عن كحلي بأبيض شي مبالغة ولاحظتة الكل لابس اسووود.
انا:الناس دي لي كلها لابسة اسود؟!
وصال:زي رسمي وكده.
انا:لي م وريتيني كان لبستا اسود..
وصال:امممم البصلي فيك مبالغ برضو❤.
انا:تسلمي..بعد شوية جو بنات كلهم كانو لابسات اسكرتيات و بلاوز وطرح بالاسود واي وحدة عاكسة بلون حسب البناسب بشرتها و بقو يوزعو مرطبات على الناس وجو شباب برضو كلهم لابسين نفسي الخرطة زيهم واحد و بوزعو في صحانة ورق{فيها الاكل وكده}..بعد شوية اشتغل المسجل على اغاني هااادية..جا اياد ومعاو امو و خالتو وابو وخالو مصطفى...وانقسمو كل اسرة فاتت على طربيزة و قامت رويدا بعد م جات امها واخوها وابوها وحمودي قعدو في طربيزة..
وصال:اها حتقعدي معانا ولا مع ناس اياد؟!
انا:مع ناس اياد.
وصال:ي بياااعة طيب ارح...وصلتني وسلمت عليهم كلهم و فااتت الطاولة حقتا!!
وجا داخل اواب ومعاو البت الشفتها في الصورة و ابو {بشبهو شبهة مبالغ} و اخو{الحكى لي عنو}..و اتوجهو على الطاولة بتاعتهم..كانو في بنات واقفات استقبال بزي مختلف تماما من البنات المسؤلات عن الضيافة{ معاهم ورقة كده وكل ورقة مكتوب عليها الاسم العام بالاسرة{مش اغلب الاسر بتكون مشهورة باسم الجد الرااابع} ورقم الطاولة وبت بترافقهم لحدي الطاولة حقتهم تنظيييم مبالغ}و بعد كده رهف وغسان و اسرتها و ايمن ومعز وخالد حتى اريج كانت معزومه وجات مع اسرتها{تقريبا حفلة لم شمل وكده}...
اياد:م مسكلتي لي حتى😪👍 نسيتينا عدييل
انا:والله م كده يخسي عليك.
اياد:اها كيف وبقينا نتونس..
انا:اياد واصل بعرف ناس معز؟
اياد:اي بعرف الكل.
انا:اها...وناس ميسم ولين وين؟
اياد:ميسم دي لمن انا طالع قالت هم زاتهم طالعين اما لين قالت بتتأخر..
انا:ودي حفلة شنو؟
اياد:الليلة عيد الام عشان كده كان لازم وجود الامهات.
انا:اهااا تمام وسكتاا..
يتبعع..
