م اتلفتة عليو حتى شلتة جوالي و سماعتي حقت البلوتوث و ماشة على الاوضة..
واصل:هند هند اسمعيني..
انا م اتلفتة عليو خشيت الاوضة ركبتة السماعة و شغلتها وبقيت اسمع في ثوواني بس غفيت...صحيت زي الساعة 3:30صباحا اتسوكتا واستحميت خشيت المطبخ شلتة لي جبنة كلعادة المعتادة حشيتها واكلتها...خشيت اوضتنا انا واصل او بالاصح الكانت اوضتنا عاينتة ليو لقيتو صاحي ومع دخلتي هو رفع راسو عاين لي قام استعدل وقعد في نص السرير..انا فتحتا ضلفتي عندي مبخر صغنوني كده شلته عبايني الاوف وايد لبستها و شلتة المبخر و قعدتا قدام التسريحة كبيت فيو حبة بخور وعملتة لي كم جمرة رميتها فيو وجيت شايلة اتمكيجتا و شلتة المبخر بقيت ابخر في شعري{بحب ابخروو وبمعمل الحركة دي على طول}...جا واصل قعد..ولا فكرتا اسألو من حاجة.
واصل:هند
انا:اسمعني م فاضية حاليا وما تعكر لي مزاجي...قام رجع لي شعري.
انا:خليني في حالي لا تلمسني لا تلمس شعري ربطو ضنب حصان عالي وجبتا الشبط لبستو و اسورة رفيعة و طلعتا خشيت الاوضة التانية..فتحتا التلفون و ضربتا لاياد.
انا:اياد.
اياد:اهلين هند صحيتيني من النوم خير ان شاء الله؟!
انا:عايزاك تجي تسوقني هساا دي ولو م جيت بجي براي
اياد:هندد بسم الله في شنو وتجي وين زي المواعيد دي
انا:جاي ولا لا؟¿
اياد:امري لله جاي عليك مسافة السكة و قفل الخط على كده...قعدتا انتظرتو نص ساعة ومسكل لي مشيت فتحتا الباب...جا واصل مارق..
واصل:هند ماشة وين انصاص الليالي..
انا:م عندك اي دخل وحاليا انا م جابراك على حاجة.
واصل:هند اسمعيني..
انا:ماف شي عشان اسمعو انت قلتا الشي الشايفو واحسن تكون حقير من ما تكون منافق..ونزلتة في سلم و هو نازل وراي...
اياد:واصل هند في شنو انتو الجوز.
واصل:ي هند اسمعيني قلتا ليك.
اياد:اسمعي شوفي عايز يقول ليك شنوو..
انا:واصل حركات الاطفال دي بطلها تمام وبطل تطاردني امش ريح بالك ونووم وارتاح و ي اياد ارح يالله ركبتا العربية ورفعتا القزاز..وركبتة سماعتي وبقيت اسمع في اغاني..
اياد:هند
انا:استكييين الموضوع ابدا م خطيير م علينا وم تعكر لي مزاجي..
اياد:طيب..حتقولي لي امي وخالتي شنو؟!
انا:ردي جاهز م تخاف..
اياد:عارفك مسيخة..
عاينتة ليو وما رديت عليو اكتفيت بصمت مبهم..حصلنا بيت ناس اياد وفتح الباب بالمفتاح.
انا:يالله تصبح على خير..
اياد:وانت من اهلوو..
و طلعنا السلم مع بعض وهو كل درجة يشاكلني و يبهدلني مسح بي السيراميك مسح لحدي م حصلتا غرفتي خشيت قلتا م انوم ارجا الاذان بالمرة لمن اذن اتوضيت وصليت ورقدتا في السرير وعاينتة لي الديكور و الهدوء الفي الغرفة بدون ضجيج واصل..
انا:يالله احسن دي اسمها الراحة النفسية اكون مع نفسي وبس...غفيت على طول م صحيت الا الساعة12 ظهر..اتسوكتا واستحميت غسلتا وشي وسرحتا شعري و اتمسحتا واتريحتا...وانا نازلة من السلم عيني للكل قاعد خالتي فيحاء وخالي مصطفى و و وصال واياد و ابو وامو و واصل م موجود نزلتة وانا مستكينة على الاخر لانو م انا الغلطة انا بس عملتا الشي المناسب سلمتا عليهم من بعيد تحية عامة وخشيت المطبخ و شلتا لي عصير تقيل ومركز عشان اسد بيو جوع بطني و ما استفرغ{لمن اجوع بكون عندي طمام وبستفرغ على طول} شربتة العصير المركز رجعتا خشيت غرفتي شلتة لي صابونة لوكس بقيت اشم فيها عشان بأي طريقة ازح الاستفراغ {انتو شكيتو زيي} و زي ربع ساعة كده الطمام راح نزلتة ليهم تحت وقعدتا لي في كرسي و الكل كان مقبل علي وكنتا عارفة انتو حتبداء حلقهة كاملة بتاعت اسئلة:
خ مصطفى:حاولتا ابعد عن حياتكم الشخصية بقدر الامكان لكن بدون فايدة كل مرة بتختوني في موقف محرج...
انا:العفو م بالقصد.
خ مصطفى:نفرض انو المشكلة بيناتكم اتخطت كل الحدود الممكنة م بتقدري تستني للصباح.
انا:م قدرتا.
خ مصطفى:عايز اسمع المشكلة منك انت م من واصل احكي الحصل..
انا:{م كنتة عاوزة اجيب سيرة خالد لانو اياد م عارف و غير كده انو نحنا اتصافينا} انا والله ي خالو كل الحصل انو واصل قال انو انا عالة عليو وعلى اكتافو و انو هو اتجبر يتزوجني وانا سبب كل المشاكل الحاصلة مع الكل هنا و انو انا وحدة مجنونة ومريضة نفسية وهو مضطر يسايرني في كل تصرفاتي وانا مأذية للكل حتى ابوي و هو اتحملني زيادة عن اللزوم غير كده حصل منو كتير برغم من كلامو الجارح وتصرفاتو معاي...
خ مصطفى سكت وما اتكلم وملامح الكل اتغيرت للدهشة خالو مسح وشو...وعاين لخالتو فيحاء.
انا:بس حاليا انا اتحملتو فوق طاقتي وهو م قادر يقدر الظرف النفسي الانا فيو اي نعم انا مريضة لكن م بالصورة الهو وصفها و حاليا خلينا كده بعيد عن اي شي حاليا انا خلال اربعة يوم حأظبط اموري و ضربتا لامجد حيجز لي معاو حأرجع واشنطن..
خ مصطفى:لكن ي هند...
انا:م تقول اي شي لانو انا بعد احترامي ليك م عايزة اسمع وانا سمعتا كلامك وخليتك تاج راسي لكن اكتر من كده م بقعد لاي سبب كان...
يتبعع
