واصل:هند براحة المشاكل م بتتحلى كده..طوالي فكيت ليك فيو صحن جلا منو ببسيط.
جرس الباب بقى يضرب شديد فتحو لقاها ميساء.
ميساء:مالكم في شنو؟!
واصل:هند اطلع بتجرحي نفسك..بعد العدة كلها ادشدشت.
ميساء:خليك انا بجي بطلعك.
واصل:ميساء خليك بعيدة م تقربي منها..
انا بس بعاين ليهم والشر الفي عيوني كان واضح وما داير زول يفسر انا مالي من شكلي كان ظاهر انو انا حالتي المرضية مدهورة...واصل عمل مكالمة وقفل و قال لي رميساء اقرب صيدلية انزلي جيبي حقنة بتاعت مهدئ اعصاب جرت جري المسكينة.
واصل:خليك القزاز ده بجرحك.
انا جيت ماشة بفوق القزاز كلوو دخل في رجلي ولا رف لي ولا جفن...ميساء جابت الحقنة طعني ليها كالعادة تاني م وعيت الا بعد ساعة اول ما فتحتا لقيت وصال و خالو وخالتو فوق راسي...انا اخ ي راسي.
واصل:انتي كويسة؟؟
انا:خالو انا عاوزة اطلق ولدك ده م بقعد معاو ولا دقيقة و عايزة ارجع واشنطن لي ابوي.
خ مصطفى:ده كلام شنو انتو يداب ليكم اسبوعين مع بعض لو اطلقتو دي ما سمعة لينا.
انا:ليك انت ولي ولدك ما لي انا راجع حساباتك{تخيلو بهذا الاسلوب رديت ليو}.
خ مصطفى:تمام العاوزنو اعملو و طلع.
خ فيحاء:هند ي بتي.
انا:ما بت زول بتك انتي واحدة وهدي جنبك انا م بتك.
خ فيحاء:
وصال:ده اسلوب شنو البتتكلمي بيو مع امي وابوي على الاقل احترمي عمرهم.
انا:لمن هم يحترمو اعمارهم اول.
خ فيحاء:وصال ارح قدامي.
واصل:ي امي.
خ فيحاء:معليش ي ولد نحنا ضيوف م مرغوبين وطلعو فاتو.
واصل:حيرتيني اعمل ليك شنو انا.
انا:طلقني بس.
واصل:هند احسن تقعدي مع نفسك وطلع خلاني..
واصل ضرب لي اياد وقعدو بتناقشو
اياد:انت من البداية طريقتك كانت غلط هسي انا لو قلتا ليك انت م مسؤول لانك مربي شعرك حترد لي شعري الحشرو شنو في المسؤلية.
واصل:اصلا ده شي وده شي.
اياد:بس انت قاعد تقول ليها انها م متحرمة بحكم لبسها والدخل الاحترام في اللبس شنو وانت ي واصل لو داير توصل ليك لي زول وجهة نظر براحة عشان يتقبل لكن انت بتضربها طريقتك دي كلها غلط وبعدين ماف زول بفرض رايو بالقوة انت لو احترمتها هي بتبادلك الاحترام و برجع بقول ليك هند م كعبة بالعكس انسانة واضحة و صريحة والغلط عندها غلط صحيح انها اتربت في ناس عايشين بمبدا الحرية بس هي بتتعامل مع الناس بحدود وهي زولة كويسة كل ردود الافعال القللت من قيمة ابوك وامك ناتجة من الضغوط الهي اتعرضت ليها ولي كونك بتضربها وكده هي بتفقد السيطرة في تصرفاتها امكن لو انت كنت قريب منها كان اذتك.
واصل:كانت كتلتني ازتني شنو؟!
اياد:هي م ليها يد في الشي البتعملو دي حالة مرضية هند مريضة افهم الحتة دي عشان كده هي بتتصرف بالطريقة دي انت حاول سايرا في تصرفتها وما ترفع يدك عليها وشوف براك.
واصل:اياد طيب انت م تتكلم معاها هي معلقة لي في دايرة اطلق دايرة اطلق.
اياد:ولا بخت نفسي في حتة زي دي عشان يدوني حقي😹😹 خليني بعيد احسن بعدين م هند براها المريضة انت زاتك مريض.
واصل:شنو😡.
اياد:اها اطلع لي بالتلفون اقل شي عروقك بتظهر و بتكون عاوز تشاكل.
واصل:ي زول تمام انا زاتي بحاول اتحكم في نفسي لكن هي وقوة راسها بتجيب اخري وعندها جمل حارة خلاث زي الجمرة بتقع في قلبي🐸.
اياد:كيف لسانها ده اسألني منو انا😹😹 يالله مع السلامة.
واصل:مع السلامة..وقفلو على كده تاني م شفتا واصل نهائي الا لمن اصبحت.
واصل:هند ي هند ي بت ي هند.
انا:انعل هند مالك بتكورك فينا من الصباح.
واصل:الشاي.
انا:ما قاعدة اشرب شاي.
واصل:بالله عليك من بتين؟!
انا:هههه من زمان امكن لو انت كنت فاضي كان عرفتا انا بشرب شنو وما بشرب شنو...طلعتا مشيت المطبخ كبيت لنفسي بارد.
واصل:مضر بالصحة م تشربي مع الصباح اشربي عصير
انا:م عندك شغلة مضر مضر حأموت انا ولا انت؟
واصل جا قلع الكباية من يدي فات كشحا في حوض العدة ومصمص الكباية وجاب لي فيها عصير منقة.
انا:م عاوزة.
واصل:لي؟!
انا:كفاية جدا انك كابيو انت والمنقة حقتك.
واصل:ي بت بطلي شنو هو؟! لازم تعرفي حاجة طالما انت مرتي اي شي في البيت دا عندك عليو الحق حتى املاكي...يعني انت بتاكلي وبتشربي من حقك الشرعي.
انا:اقنعتني والله...وشلتا كباية العصير شربتها.
واصل:اها تفطري بشنو؟!
انا:انت حاسس بالذنب ولا عشان اهدى واروق ولا دي اوامر خالو؟!
واصل:اامممممم.
انا:اها.
واصل:ولا واحد من التلاتة ديل انا بعمل كده عشان انا عايز كده.
انا:تمام.
واصل:اها م جاوبتيني.
انا:ما بتفرق اي شي.
واصل:طيب حأعمل ليك سانبوكسةو فطاير باللحمة..وخشة المطبخ بقى شغال.
واصل:تصدقي دمك تقيل.
انا:ههههه مالي؟!
واصل:تعالي ساعديني..
انا:اممم طيب..اعمل شنو؟
واصل:شيلي العجينة دي اطرحيها بالبتاع م عارف اسمو المهم و احشيها باللحمة والجزر المبشور ده.
انا:طيب.
بقيت اشيل من العجينة اطرحها و احشيها واقفل الحشوة واقدقها بي فوق نظام تشكلية كده.
واصل:اضربي ليك بيضة و تعالي امسحي الفاطير بيها من فوق بالفرشة دي...
يتبعع...
