سلمت عليهم واتونست معاهم و صادفت امجد و دعتهم و دخلنا المطار...ونمارق دي عملة عمايل لمن قلتا اختها في الشنطة😹😹و اسوقها معاي...
انا:ي راااجل كيفك بالله وحات الله شووق عديل كده.
امجد:ي بت ها انا راجل متزوج😌😌بعدين شنو الحلاوة الانتي فيها دي.
انا:بسووووط..
امجد:لا رجعتي وحدة تانية خالص هند جديدة وخطوة جديدة...
انا:الفضل ليهم كل القابلتهم برة ديل اي واحد فيهم اداني دفعة ايجابية.
امجد:ي سلاام ياخ اجتماعيات وكده...انا ضربتو في كتفو وقلتا ليو ولا مسكووول ساي وحات الله خوة شلاليف.
امجد:مش اتفقنا انو انا م بعرفك بعدين شنو الاختلافات الحاصلة دي..
انا:هههه م علينا م علينا{طبعا قاعدين في الانتظار}... و بقينا ندردش لحدي م جا الوقت وجا النداء:
النداء الاخير للطائرة الاخيرة المتوجهة للعاصمة واشنطن
بس فجاءة خطر على بالي واصل تاني قلتا اه خليني اتقدم واعتبرو علاقة عابرة هو عايش حياتو وعندو لين والله يخليهم لبعض..جريت شنطتي وبقيت اتكلم مع امجد و اتوجهنا على البوابة فتحتا تلفوني و كنا ماشين على الطيارة امجد طلع الشنطة وانا في السلم عاينت للتلفون لقيت300مكالمة من واصل متواصلة من الساعة اربعة واخر مكالمة قبلي دقيقة...
انا:امجد..
امجد:خير.
انا:م حاقدر اسافر عندي موضوع لازم انهيو شنطتي وصلها البيت
امجد؛ي بت جنيتي.
انا:بجد اسفة و بعتذر وما استنيت منو رد نزلت من السلم حق الطيارة سريع سريع و جريت...م عارفة السبب الخلاني اعمل كده شنو المرة دي تابعت شعوري واحساسي بس وحتى م فكرتا اذا كان عندو احساس تجاهي ولا لا و نظرتو السلبية وكلامو الجارح ده كلووو م فكرتا فيو بس بقيت عميانة و وجريت ورا قلبي كأني من اربعة يوم مستنية اتصال منو بس يقول لي فيو هند م تمشي خليك معااي من شفتا المكالمات نهائي م اتردتا وخليت كل شي وراي وقررتا اخد الخطوة دي انا...
كسرة:
ده الفرق بين علاقتي مع اياد وعلاقتي مع واصل..اياد اول م فتح معاي موضوع علاقتنا اترددتا عشان التردد ده رفضتا اما واصل بدون م يلمح وبرغم من الاهانات الا انا م اترددت نهائي تجاهو كنت خاتة في بالي بس البحب بسامح وانا مسامحة والبحب ببادر وانا حأبادر بأول خطوة عشان العلاقة تستمر حأمحي الغلط عشان تستمر العلاقة...
وقفت لي امجاد وطوالي ركبتا وصفتا ليو وكنت متوقعة انو انا م القاو ف عشان كده قلتا ليو ينتظرني ركبتا فوق دقيقت الجرس اكتر من عشرة مرات اتصلت ليو بدون م افكر حأقول شنو اذا رد علي...لقيت تلفونو مغلق ركبتا الامجاد و وصفتا ليو بت خالتو فيحاء و نحنا في الشارع اتذكرتة كلامو طوالي قلتا لبتاع الامجاد لف على يمينك وصفت ليو لحدي م وصلنا الجنايين حقتو المطلة على النيل لانو قبل كده قال لي لو ما لقيتيني في اي مكان حتلقيني هنا بفكر في البحبهم حاسبت بتاع الامجاد و دخلت الجنينة م في اي حركة خشيت الكوخ برضو م لقيتو طوالي طلعتة النيل عاينت شرق غرب شمال جنوب ماف زول للحظة حسيت نفسي ضايعة كأنو م بعرف المكان بس ملصت الشبط بتاعي ومشيت قريب للنيل و قعدتا سرحتة مساااافة م عارفة كان احساسي شنو وحاسة بشنو فضلت قاعدة زي ربع ساعة بضبط تلفوني كان مغلق فتحتو لقيت مكالمات كتيرة من بابا ومن مشكات م حاولتة ارجع ليهم حتى عقلي الباطني اكتفى بصمت م خطر على بالي ولا حتى خاطرة ولا لامني زي م كل مرة بلومني فيها كأنو ساكت وبقول كفاية احبط فيها اما قلبي كانت احسيسو ملخبطة ما عارفة بس كان بضرب بطريقه همجية حتى اني حسيت للحظة انو ضرباتو غيير منتظمة والشي البوجع اكتر اني حسيت نفسي تاهية م فكرت في ولا شي حاقول لي ناس خالتو فوتا الطيارة لي عشان في لحظات حسيت انو واصل محتاجني وخزلني عشان300مكالمة بس اتخليت عن اي شي وراي اتراجعت بعد كنت في سلم الطيارة؟! اسئلة كتيييرة م كان ليها ولا جواب او امكن الجواب موجود لكن بطريقة مبهمة لميت رجليني مع بعض و ختيت يدي ورقدتا على يدي ورجلي كنتة قاعدة على في صمت محكم انا زاتي م عرفتا الصمت او الهدوء العامي الارجاء ده شنو...كانو هدوء من ضجيج الحياة البوجع و كان النيل في غاية السكون كأنو بحميني من صفعة الحياة المريرة ضجيج السيارات حاجات كتيرة م كنتا سامعها م عارفة هل النيل بآزر فيني ولا انا فقدتا الاحساس لي كل شيء حولي احساس لا شعوري مشاعر مبعثرة احباط حزن فرح طمئنينة احاسيس كلها ملخبطة بس غمضتا عيوني شايفة فراغ مظلم م اتوقعت اشوف كده في لحظة بتاعت خوف فتحتا عيوني ورجعتا للواقع قررتا تاني ارجع واغمض امكن اشوف شي تاني لكن للاسف م شفتا شي فراغ مظلم ومعتم شديد و كنتة محتاجة عقلي الباطني يلمح لي بفكرة او قلبي بس يحدد شعورو شنو؟!هل اطلع على الرحلة الجاية المتجهة نحو واشنطن ولا اتابع احساسي المتوجة نحو انسان بفكر و شعور مختلف يكن مشاعرو لوحدة غريبة؟!كان السؤال حأعمل شنو....بدون م احس لقيت نفسي انهرتة من البكى...
يتبعع
