#للحياة_معنى_اخر (8)
#زينب_المندلاوي
#حروف_مبعثرة_سابقا
سهى
راحت خالتي تسال من الشباب
وما ادري شكالتلهم وهمة اشروا بايدهم
واجت كالت امشي جنة هذا بيتهم
بيت منو يوم،،،،
كالت. امشي وبعدين تفهمين،،،
مشينا شوية وطبينا لبناية جبيرة. عبارة عن شقق
بس ماصعدنا فوك
جانوا جهال زغار يلعبون بالطوبة
خالتي سالت،،،
ياهو بيت ام طه،
اجة ولد زغيرون حليو
هااا خالة شتردين
كالت ياهو بيت ام طه
كال تعالي ،،،
فتح الباب ودخل يصيح ماما ماما
نسوان يردوج،،،
وشوي وطلع يم الجهال. وطلعت النا مرة
لابسة عباية،،
كالت اتفضلوا
طبينا جوة كعدنا بغرفة صغيرة. بيها قنفات
٢ خشب
وزولية حمرة مشجرة،،، ومكتبة بيها كتب
سلمت عليها خالتي وكالت
ام طه جايج بشغلة خير،،
جانت.نازعة العباية وجانت لابسة ثوب
جوزي قديفة،، وشادة الربطة فوك راسها
المرة حنطية بعيون وساع. وجه بشوش
وشكله،، يبعث الراحة،،،
كالت،، اتفضلوا
اشرت خالتي لامي تحجي
امي كالت،،، عيني ام طه هاي بنتي
مخطوبة ومكطوعة مهر
ومتريد زوجها. وتكول اختنك من هو يمي
واحس عباية سودة تظلم عيوني من اشوفة،،
كامت جابت المصحف،،،
وكلتلي تعالي كعدي اهنا،،،
جانت هي على القنفة،، واني كعدت على الارض
وصارت تفرك اكتافي وتقرا،، بس صوتها
مو عالي،،،
تقرا،، واني اتثاوب،،،
تعبت واني اتثاوب جوة ايدها،،
واصيح. اخ جتفي يوجعني،،،
الوجع كام ينزل لرجلية،،
وهي ضلت تقرة،،، اخر شي قرت على راسي ونفخت بوجهي،، واسمعها كامت تقرة المعوذات،،،
كالتلي. تحلمين احلام مخربطة
YOU ARE READING
للحياة معنى اخر (مكتملة)
Randomاهي اقدار نختارها نحن ام هي اقدار تختارنا اهي قصة نرويها نحن ام هي قصة ستتكلم عنا لا اعلم...
