#للحياة_معنى_اخر (9)
#زينب_المندلاوي
#حروف_مبعثرة_سابقا،،،،
حسيت من النوم كوة افتح عيوني احس بيها فص ملح،، من كد ما بجيت البارحة،،،
روحي متاذية قبل جسدي
ضلينا البارحة لوقت جدا متاخر،،،
والسبب،،،
اثنينا،،،
اثنينا كنا السبب،،، هو يكول خربتي واهسي وفرحتي
واني كرهت كل شي يتعلق بين الازواج،،،
والكلام الجارح ترك في نفسي شرخ جبير
وعلى ماتم كل شي،،،،
تعبت نفسيتنا،،،
وانتظرتة ينام واني ظليت ابجي بدون صوت
متحسرة على حياتي الي تركتها،،
واجيت لهل حياة الثانية،،
الي مدا اتقبلها،،،
ما اعرف شنو مكتوب الي وشنو مصيري،،
انداريت دا اشوفة صاحي لو لا
جان صاحي وصافن،، حس بية
باوعلي وابتسم
صباح الخير عصفورتي
رديت بنعاس
سحبني على ذراعه،،
وكعد يعتذر على الكلام السيء
وكرر لومة الي،،،
وتحميلي سبب ماجرى،،
وطلب مني نبتدي حياة جديدة
نزل يجيب الريوك
واني غسلت وبدلت
واجو هو وامة،،،
جايبين صينية الريوك،، وكال ماعدنا احد غريب جوة
كلها كرايب،، بعد الريوك خل ننزل
اتعرفي عليهم،،،
ابتسم،،،
تدرين ديصبون غدة
هههه اي مو الساعة راح اتصير بالوحده ونص
كملنا ريوكنا ونزلنا جوة،،
وبدات التبريكات،، والهلاهل،،
يبو،،، شكد استحي من هيج مواقف
مشى اليوم،، باصعب مايكون
ناس ما اعرفهم زين،،، وزوج يحاول يتودد الي
واني،، بداخلي رفض للكل،، ولكن امثل
دور العروسة الفرحانة،،،
انتقالة صعبة بحياتي
الشي الي حبيتة هو حمواتي الي قريب عمرهم من عمري...
بودي اضل يمهن،، وما ادخل لغرفتي
اكو شعور بداخلي،،، مندفع او يدفعني
CZYTASZ
للحياة معنى اخر (مكتملة)
Losoweاهي اقدار نختارها نحن ام هي اقدار تختارنا اهي قصة نرويها نحن ام هي قصة ستتكلم عنا لا اعلم...
