#للحياة_معنى_اخر
(١٥ _والأخير)
#زينب_المندلاويمساء الورد 💐
زهراء
ذكريات،، رمادية،،،، معتمة،،،،
اي،،،
ما احب اتذكرها،،،
انفتحت باب صالة العمليات،، او بالأحرىصالة جرع الكيماوي،،،
طلع طبيب يركضوابوية شافة راح وراا،،
دكتور،،، دكتور المريضة بيها شي
مجاوب
راح ورة شوية اجة وياا طبيب ثانيودخلوا الصالة،،،،،
وبعد مدة،،،
انفتحت الباب،،
وطلع الطبيب وجان مبين علي التعب
وملامح وجها،، متبشر بخير،،،
ابوية تقدم علي،،،
ها دكتور،،،
البقية بحياتكم،،،،،
أسوأ،، واصعب كلمة سمعتها بحياتي
ابوية كعد بالكاع واتجة على الحايط
وكام يبجي مثل النسوانويصيح سهى رجعيلي،،،
بيبي كامت تلطم وتصيح يمة بنيتي
ام طول الحلو،، سودة بوجه امج
سودة بوجهي يمة،،
ياسر ذب روحة على ابوية ويبجي
اني،،،اني،،،، صحت بصوت عالي
ماااااااماااا،،،
وبعدها،،،،كل شي مر سواد بسواد،،،
اذكر،، او ما اريد اتذكر
منظر امي وهي ميته
من طلعوها على السديهوكعنا عليها اني وبيبي وياسر
انبوس بيها، ونتوسل بيها ترجع
ابوية يم راسها يبجي ويحاجيهاسهى حبيبتي ارجعيلي
سهى لج والله احبج،، سهى حاجيني
بيبي تخربطت
وعمو سلوان ابتلى بيهاخابر عمو سلوان اهنا ويانة ،،،
وبعد،،، ساعات،،
امي بالثلاجة مال الاموات،،،
بيبي نوموها بالمستشفى لان ضغطها علكاجة خالو سامر،، وعمامي وبيبي وجدو
احنة كل واحد كاعد بزاوية بالغرفه
ونبجي،،،ودونا لبيت عمتي اهنا ابغداد
وامي ودوها للنجف،،،
اني وياسر انعزلنا بغرفة وضلينا نبجي
وبيبي ضلت بالمستشفى،،،
تخربطت فد نوب،،،
ثاني يوم رجعونا لبيت جدي
وجانو ناصبين الجادر وخلوا الفاتحة،،،
ابوية اجة من النجف منتهي وما كعد بالفاتحةانعزلنا كلنا عن الناس،،،
ياسر،، اني ابوية،،،
كل واحد بينا كاعد بزوية ويبجي،،،
أنت تقرأ
للحياة معنى اخر (مكتملة)
عشوائياهي اقدار نختارها نحن ام هي اقدار تختارنا اهي قصة نرويها نحن ام هي قصة ستتكلم عنا لا اعلم...