ريتال "مكتمله"

الفصل الاول

قاعده بذاكر فى امان الله مخى يسبنى فى حالى؟لا والله ابدا ما يحصل ده يقوم ينادى الشيطان ويعملو عليا حفله عشان امسك الفون انزل فصل واكمل كتابه فى الروايه وتولع المذاكره مش مشكله👏
ياله اسيبكو مع اول فصل بس صلو ع النبى الاول كده عشان ربنا يكرمنا وتبقى قرائه ممتعه 😂
........
فى منزل السباعى
على مائدة الافطار تجلس اريج ووالدتها عليا يتناولون طعامهم فى سكينه
اريج: امى
عليا بحنو: نعم ياقلب امك
اريج بحنين: هو مصعب هيرجع امتى؟
عليا بسعاده: قال هيرجع الشهر الجاى ربنا يجيبه بالسلامه
اريج بحبور: بجد!
عليا: اه والله لسه قايلى امبارح بالليل وانا بكلمه
اريج بسعاده: ربنا يرجعه بالسلامه يارب بجد وحشنى مووووت
عليا: ومين سمعك ده انا بقالى اربع سنين قلبى مفطور عليه
اريج بنعومه: هونى على نفسك ياست الكل كلها شهر وهيرجع للابد
قطع حديثهم صوت هاتف اريج الذى اضاء باسم "ملكة الازعاج"
اريج وهى تلملم اشيائها وتهندم ملابسها قائله برقه وهى تقبل يد امها: طب يادوب انا الحق المحاضره يا حبيبتى عاوزه حاجه
عليا مودعه ايها بابتسامه: استودعتك الله الذى لا تضيع ودائعه

........
داخل الحرم الجامعى تقف فتاه لا يظهر منها شيئ سوى عيناها الجميلتين ويبدو عليها الضجر
شعرت بيد توضع على كتفها بنعومه فاستدارت بغيظ بعد ان علمت من هى صاحبة اليد قائله
ريتال: كل ده تأخير يا هانم
اريج بنعومه: اعمل ايه يا ريتال كنت بفطر مع مامتى والوقت سرقنا
ريتال وهى تمسكها من اذنيها قائله بغيظ: كل يوم بتتأخرى بنفس السبب ومبتتعلميش
اريج بالم: خلاص والله اسفه بعد كده هصحى بدرى
ريتال وهى تترك اذنها بعبوس: لولا رقتك الى معرفش مصدرها مين فى عيلتكو ديه كنت زمانى خالعه ودنك ومريحاكى منها
اريج برقه: خلاص بقا متزعليش بعدين ياله نطلع زمان الدكتوره دخلت
ريتال بغيظ: ياله يا اخرة صبرى ما هو ده الى انتى فالحه فيه
......
استوووب
اريج السباعى فتاه رقيقه جدا تتميز بعيناها التى تشبهان كوب القهوه الساخن وبشره بيضاء مخضبه بحمار وشعر اسود ناعم بالكاد يلامس كتفيها مستور بخمار يزيدها جمالا وجسد متناسق مستور بملابسها الفضفاضه فى اخرعام لها بكلية اصول الدين "ازهريه"

ريتال الخولى فتاه مرحه جدا تعشق كل شيئ جنونى على هذا الكوكب لها عينان عسليتين تذيبك بجمالهما وبشره بيضاء وغمازتان حفرتا فى وجنتيها وشعر بنى يصل الى منتصف ظهرها وجسد متناسق كل هذا يستره نقابها الذى يزيدها جمالا فوق الجمال وملابسها المحتشمه
......
ريتال بتعب:اه يانى يابا ياما ضهرى قفش
اريج:ههههههه قفش من النوم
ريتال بعبوس وهى تجلس على العشب الاخضر المنثور بجمال فى احد اركان الجامعه:اعمل ايه يعنى مهى بصراحه ماده لابتتفهم ولا بتتحفظ
اريج وهى تجلس بجوارها متسائله برقه:امال بيتعمل فيها ايه
ريتال:بتتشال
اريج:ههههه انتى عندك كل المواد بتتشال يا ريتال
ريتال باعجاب:الله حلوه القافيه ديه واخذت ترددها باعجاب"كل المواد بتتشال يا ريتال "الله عليك يا فنان
ضحكت اريج برقه قائله:انتى مينفعش تتكلمى 3دقايق جد
ريتال بجديه:بصى يا اريج يا بنتى انا عندى وقت الهزار هزار ووقت اللعب لعب ووقت الجد لعب ميغركيش انى بهزر وكده
اريج:هههه طب بما انك مش عاوزه تتكلمى جد مش هقولك الخبر الجديد
ريتال باستغراب:خبر ايه؟
اريج: مش هقولك موتو بغيظكم
ريتال بتصميم:بليز يا ريجا يا روحى قولى
اريج:دلوقتى بقيت ريجا ها
ريتال:هتقولى ولا اقوم اجيب سندوتش بطاطس سورى من عند الواد بتاع صحه ع قلبك
اريج:انتى تقريبا يا ريتال بتيجى الجامعه عشان تاكلى
ريتال بهيام:هو فى زى الاكل وجماله طب ده حتى بيدينا طاقه نكمل بيها حايتنا
اريج بتعجب:مهو المشكله ان الناس كلها بتاكل عشان تعيش وانتى اللهم بارك عايشه عشان تاكلى
ريتال بعبوس:انتى هتقدرينى ع الكام سندوتش الى باكلهم ياشيخه وربنا منا جايبه حاجه انهارده عشان ترتاحى بس لما يغمى عليا ويجيلى هبوط متسكتيش ضميرك من التأنيب
نظرت اليها اريج بدهشه قائله:ريتال انتى فطرتى انهارده 3مرات لو مش اخده بالك
ريتال بدهشه مصطنعه:انا!
اريج:لا ماما عليا
تنهدت ريتال بارتياح قائله:ياشيخه وقعتى قلبى
نهضت اريج بغضب طفولى قائله:قومى نمشى يا ريتال
ضحكت ريتال قائله:خلاص اقعدى ياشيخه خليكى رويحه ميبقاش خلقك كنز كده
تنهدت اريج بيأس من صديقتها قائله:طب ياله خلينا نروح لسه فى مواصلات واحنا عندنا دار
نهضت ريتال بخضه قائله:يانهارى الدار! الساعه كام بسرعه؟
اريج بابتسامه مريحه:متقلقيش الساعه لسه 2ونص انا عامله حسابى وعارفه ان ذاكرتك سمكيه
ريتال وهى تقبل وجنتها قائله:ربنا يباركلى فيكى يارب يا اجمل اريج فى الدنيا
ابتسمت اريج بخجل قائله:ويباركلى فيكى ويسعد قلبك يارب
ثم توجهو الى خارج الجامعه متجهين الى دار تحفيظ القران ليقومو بمهمتهم فى تبليغ القران سائلين الله عز وجل الثبات والاخلاص
.......
فى احد المناطق الشعبيه خاصتا داخل بيت مكون من ثلاثة طوابق يمتلكهم والد ريتال
دلفت ريتال الى البيت وبالطبع كانت قد خلعت نقابها وخمارها على الدرج قبل ان تصل الى باب المنزل ثم اخذت تطرق الباب بلحن خاص بها
فتحت رهف الباب وهى ممسكه باحدى فرد خفها المنزلى
ريتال بدهشه من هيئتها قائله:مالك يابت انتى كنتى بتحاربى ولا ايه
استدارت رهف الى الداخل قائله بضجر:لا كنت بذاكر
دخلت ريتال خلفها واغلقت الباب قائله بتساؤل:هو الى بيذاكر بيلبس فردة شبشب واحده وبيمسك التانيه فى ايده
رهف بغيظ وهى تجلس على مكتبها قائله:لا منا كنت فى ليفل ضرب الكتب وكنت داخله على ليفل ضرب نفسى بالشبشب عشان سمعت كلامكو وكملت تعليم مانا كنت عاوزه اقعد من تالته اعدادى واتستت بس ازاى لازم تطلعو عينى الاول
ريتال وهى تجلس على السرير قائله بضحك:ههههه نفسى اعرف انتى طالعه لمين فى العيله ده عيال خالانك وعمامك كلهم جمعات وعدى اخوكى هندسه وانا اصول وتقديراتى عاليه انا حاسه ان ابوكى لقاكى قدام جامع
رهف بجديه: الست اصلا ملهاش غير بيتها وجوزها وعيالها وبطاطسها غير كده شكليات
ريتال:هههههههه خلى ابوكى يسمعك وهو بعون الله هيبستفك
رهف رافعه يديها بالدعاء قائله:يارب ابعتلى بعلى حبيبى قرة عينى عاجلا غير اجلا ويكون قبل امتحانات اخر السنه يارب عشان الاقى حد يهون عليا
ريتال:والله الى يسمعك كده يقول عليكى بايره وانتى لسه مخلصتيش الثانوى اصلا يا طفله
رهف: نعااام مين ديه الى طفله ده انا كلها كام يوم واتم 18سنه يعنى السن القانونى لكتب الكتاب فاضل بس العريس والدنيا هتبقى فل
ريتال وهى تنهض لتبدل ملابسها قائله:اتوكسى وكملى مذاكره عشان لو مجبتيش مجموع السنادى ان شاء الله امك هتعلق راسك على باب زويلا والجيران هيساعدوها وابقى خلى بعلك ينفعك
.......
استوووب
رهف الخولى فتاه ذو قامه متوسطه وجسد رشيق ذات بشره قمحيه وطابع حسن واعين بنية اللون وشعر اسود يصل الى منتصف ظهرها فتاه مرحه ودائمة الشجار مع اخيها الاكبر "عدى" هدفها فى الحياه ان تتزوج وتكره التعليم بشده بالرغم من ذكائها الحاد
......
بدلت ريتال ملابسها ببيجامه ورديه وخرجت لتساعد والدتها فى اعداد الطعام
ريتال بمرح وهى تحتضن والدتها من الخلف قائله:ست الكل عامله ايه
ناهد بعبوس:الحمد لله
ريتال بمرح قائله:بقول عامله ايه مش اخبارك ايه
ابتسمت والدتها قائله:عامله مكرونه بالبشامل
ريتال وهى تصفق بفرحه قائله:الله اكبر هو ده الكلام
ناهد بضحك على هذه الفتاه:الى يشوفك كده يقول انك مشوفتيش اكل من الصبح
ريتال ببرائه مصطنعه:فعلا مأكلتش غير خمس مرات بس وحاجات خفيفه كده
ناهد بغيظ:خليكى انتى كلى كلى لحد ما تتنفخى وتعنسى جنبى
ريتال بتكبر مصطنع:يا حبيبتى انا مهما اكل ماشاء الله مبيبانش عليا ثانيا انا مش بفكر فى الجواز حاليا علشان انا هبنى كارير وابقى استرونج اندبدنت ومان
ناهد وهى تفتح الثلاجه وتلتقط منها الخضروات قائله بسخريه:هو مش امبارح كنتى عامله مناحه ورفقا بالقوارير واستوصو بالنساء خيرا لحقتى تبقى استرونج اندبندانت ومان
ريتال بتفلسف:لا منا استرونج قاروره
ناهد وهى تناولها طبق مليئ بالخضروات قائله:طب اتفضلى اغسلى الخضار واعملى السلطه يا قاروره هانم
ريتال بابتسامه وهى تشير الى عينيها قائله:من عيون القاروره ياست الكل
......
فى احد المستشفيات العامه
كان يمر على المرضى يمازحهم ويلاطفهم وكأنهم اطفاله
اخرجه صوت هاتفه فرد باتساع قائلا:شيخ مصاعيبو حبيبى كيفك يا كبير
الطرف الاخر برزانه:لو سمعتها تانى مش هقولك الى هيتعمل فيك
عمار بمرح:ياعم الشيخ بهزر ايه مبتهزرش
مصعب :لا بهزر طبعا بس لازم الهزار يكون وجها لوجه
عمار وهو يضع يده اسفل رأسه قائلا بخوف:لا ياعم الله الغنى عن هزارك
مصعب:عامل ايه وديده عامله ايه
عمار:الحمد لله بخير انت اخبارك ايه
مصعب بهدو:الحمد لله تمام
عمار:ايه مش ناوى تنزل ولا عجبتك مزز امريكه
مصعب:استغفر الله العظيم يارب شكلك كده مش ناوى تجيبها البر وعمال تتقل حسابك
عمار:ياعم بهزر بهزااااار
مصعب بحده:خلاص صوتك مزعج
عمار:بردو مقولتش نازل امتى
مصعب: الشهر الجاى ان شاء الله
عمار بسعاده:احلف بالله
مصعب:مش مصدق براحتك
عمار:ياعم الفصيل كفايه فصلان يابن ال....
مصعب:عاوزك تكملها لو تقدر
عمار بتراجع: يابن السباعى هخاف من ايه انا
مصعب بسخريه:لا رجوله
عمار:لا متتريقش عشان انا راجل اوى
مصعب:اه اخدت بالى
عمار:بقولك صحيح
مصعب:خير
عمار:هو انت هتنزل تمسك شغل على طول ولا
مصعب:ان شاء الله
عمار بمرح :هنيالك يا عم
مصعب: سلام عشان مش فاضيك وسلملى على ديده
عمار:يوصل يا دكتره
........
فى منزل الخولى
كانو يجلسون جميعا على مائدة الطعام
رهف وهى تتناول طعامها:خليك انت كده قاعد  جنبنا لما هتعنس وتعرنا ان شاء الله
عدى بحده مصطنعه: ماتحترمى نفسك يا ام عماد
رهف:مين ديه الى ام عماد ياابو جلانبو
عدى:انا ابو جلانبو ياشبر ونص انتى
رهف بغيظ:والله انت الى طويل بزياده مش انا الى قصيره
عدى بسخريه:ده انتى مش جايه عند ركبتى
رهف موجهه كلامها لابيها بغيظ قائله :يا ابى سكت ابنك
تدخل مصطفى قائلا:هو انت خليتى فيها ابى يا ام عماد قصدى رهف
ضحك عدى بشده فاردفت بغيظ: ماشى اضحكو اضحكو ما عشان انا سنجل وماليش ضهر بتعملو فيا كده
عدى: والله انا حاسس ان بعلك الى قرفانه بيه ده هيطلع بياع فجل فى الاخر
رهف باستعلاء: ياحبيبى مش مشكله شغال ايه اهم حاجه يكون ملتزم وملتحى وطويل وحليوه وعنيه ملونه
ريتال: ههههه وانا الى قولت البت عقلت
تدخلت ناهد قائله:بطلو تفاهه انتو الاتنين وبعدين مش لما اخوكو ربنا يكرمه ببنت الحلال الاول وبعد كده نشوفكو
عدى وهو يترك الملعقه من يده ويهم بالنهوض قائلا:طب يا جماعه اسيبكو تكملو اكل وانا اروح اشوف سريرى عاوز ايه
ناهد بحده:اقعد مكانك يا عدى
جلس مره اخرى بطاعه قائلا باستعطاف:يا حجه ابوس ايدك كفايه كلام فى الموضوع ده
ناهد:يابنى انا نفسى افرح بيك واشيل عيالك قبل ما اموت
عدى:بعد الشر عنك ياست الكل ربنا يبارك فى عمرك ويديكى الصحه
ناهد:هيدهالى ان شاء الله اول ما تتجوز
عظى: والله اول ما الاقى البنت الى عاوزها هاجى بنفسى اقولك اخطبيلى يا حاجه
ناهد: كل بعقلى حلاوه كل
عدى:صدقينى والله اول ما الاقيها هاجيلك جرى
ناهد بحزن:والله ولا هتعملها ده انا حسه ان فى عداوه بينك وبين بنات حوا كلهم
عدى:عداوة مين بس الله يسامحك كل الحكايه انى مش لاقى الى ارتضى دينها واخلقها بس
ناهد:يعنى انت مش عاجبك بنات الكوكب اشوفلك فى الكوكب الى جنبينا طيب؟
عدى:هههههه لا انا عاوز من بنات كوكبى مش ناقصين كائنات خضرا فى البيت كفايه اتنين
رهف بغيظ:قصدك ايه يا ابو جلانبو
عدى:والله الى على راسه ريشه يحسس عليها
رهف بغيظ:طب اهى مراتك بقا هى الى كائن اخضر يله
عدى:بت ملكيش دعوه بمراتى ايوه عشان متزعليش منى
رهف:نعم انت بتزعقلى عشانها
عدى:واكسر دماغك كمان متنسيش انها ام عيالى
رهف:لا بقا ده انت زودتها
عدى:احترمى نفسك واتكلمى عدل عشان معدلكيش
رهف:وهو انت شايفنى متبعتره
عدى:اه متبعتره
رهف:اسم الله على مراتك
عدى:مالها مراتى يا حبيبتى على الاقل مبتجعرش زيك
رهف بصدمه:انا بجعر!
مصطفى:بااااس انتو بتتخانقو قدامى
عدى:مش شايفها بتتكلم على مراتى ازاى يا بابا
مصطفى بدهشه:هى فين مراتك ديه؟
عدى:فوق وممكن تسم....قطع كلام ثم نظر الى رهف بتساؤل قائلا: ايه ده هو فين مراتى؟
رهف بدهشه:اه صح هى فين
ناهد رافعه يدها الى السماء قائله:عوض عليا عوض الصابرين يارب
......
استووووب
مصعب السباعى شقيق اريج 28سنه تخرج من كليه شريعه ويحضر الدكتوراه بالخارج يتميز بهدوئه ورزانته بالرغم من حنانه الذى يغمر به والدته وشقيقته ويعشق الهدوء اما هيئته فله طله ساحره بعينيه البنيتين وبشرته القمحيه وشعره الاسود الغزير ولحيته السوداء التى تزيده هيبه وجمالا
....
عمار
ابن خالت مصعب واخيه بالرضاعه 27عام شخصيه مرحه الى اقصى حد ذا بِنيه قويه وعينين رماديتين وبشره بيضاء بالاضافه الى شعره الاسود
مهنته طبيب اطفال وحالته الماديه متوسطه ويعيش مع والدته ووالده واخيه الاصغر مالك الذى يبلغ من العمر10سنوات
....
عدى الخولى
شقيق ريتال ورهف شخصيه مرحه ولكن خارج المنزل يتحول الى شخص اخر
يعشق اخواته وبالطبع دائم الشجار مع شقيقته الصغرى يعمل مهندس بمكتب صغير قد افتتحه بعد تخرجه بثلاث سنوات
سنه28
ذو جسد رياضى وبشره قمحيه واعين تشبه لون العسل وغمازه تزين خده الايسر مع لحيه جميله تزين وجهه
.........
جاء يوم جديد يحمل بين طياته الكثير من الاحداث
استيقظت بنشاط توضأت وصلت الضحى ثم ارتدت ملابسها السوداء المكونه من عبائه وخمار ونقاب ثم حملت حقيبتها السوداء وخرجت من غرفتها
بالخارج كانو ملتفين حول مائدة الافطار يتناولون طعامهم وسط شغب عدى ورهف
اقبلت عليهم ريتال بابتسامه قائله:سلام عليكم يا اهل الدار
ردو عليها: وعليكم السلام وحمة الله وبركاته
اضافت بمرح وهى تجلس بجوار والدها:والى فى جيبك هاته
مصطفى:ههه مفيش حاجه فى جيبى كله جوه
ريتال:يبقى خلاص سماح المرادى
مصطفى:انتى عندك محاضرات كتير انهارده؟
ريتال:اه وكمان هروح عند اريج اذاكر معاها شويه
مصطفى:ربنا يعينك وييسرلك امرك
رهف:وانا كمان يا حجوجى هروح عند منه صحبتى اذاكر معاها
مصطفى:لا يارهف
رهف بعبوس:اشمعنى ريتال؟
مصطفى برزانه:مش قولنا مية مره بلاش مقارنه بينك وبين اختك
رهف:يا ابى ما انت سمحتلها تروح لصحبتها وانا لا
مصطفى:علشان صحبتها معندهمش رجال فى البيت ده اولا ثانيا صحبتها بتيجى هنا وعارفين اخلاقها كويس انما منه ديه عندها اخوات ولاد وكبار كمان وطبعا مجتلكيش غير مره وانا مستريحتلهاش
رهف بحزن:مش انت دايما تقول مينفعش نحكم على حد من غير ما نعاشره
مصطفى:كلامك صح يا رهف بس انا بحكم سنى وتجاربى بعرف الناس كويس وليا نظرتى فى كل شخص وانا محكمتش عليها غير لما جت هنا وسمعت ضحكها وطريقتها ولبسها الى لمحته صدفه وهى خارجه غير كلام مامتك كمان
رهف بحزن:على فكره منه محترمه ومش كل حاجه باللبس فيه بنات كتير بتلبس بناطيل ومحترمين اكتر من المنتقبات
تنهد مصطفى قائلا:هسألك سؤال وجاوبى بصراحه يا رهف
رهف باستياء:اتفضل
مصطفى:انت بتحبينى؟
رهف بسرعه:طبعا ياحاج هو فى حد بيكره ابوه
مصطفى برزانه:جميل...طب لو قولتلك يا رهف متلبسيش البلوزه ديه عشان انا خايف عليكى لتتعاكسى او تفتنى حد فيضايقك بافعال غير لائقه هتسمعى كلامى
لم ترد رهف فاردف
مصطفى:طب لو قولتلك يارهف لو لبستى البلوزه ديه هزعل منك جدا جدا
رهف:هسمع الكلام عشان انت قولت كده بدافع الخوف عليا مش اكتر
مصطفى:طيب ولله المثل الاعلى بقا يعنى هو امر البنات بالستر عشان يحافظ علينا كلنا وعشان خوفه علينا كلنا سواء ان احنا كرجال نتفتن او انتو كبنات تتأذو وفى الاخر تيجى بنت تخالف اوامره وتقول انا بحب ربنا وانا احسن من منتقبات كتير بالله عليكى الكلام ده صح
رهف وهى تشعر بالخزى من نفسها:لا طبعا غلط ثم اردفت
انا اسفه ع المجادله
مصطفى بابتسامه ودوده:اسفك مقبول يا رهوف بس يارب نتعلم من اخطأنا ونبطل مقارنه ومجادله فى الباطل
رهف بحرج:مش هقارن تانى وكمان هكلم منه فى الموضوع ده وان شاء الله ندخل الجنه سوا
مصطفى بفخر:ايوه كده هى ديه بنتى
......
فى الجامعه
لولى عامله ايه..اردفت بها ريتال بمرح وهما يخطو خارج بوابة الجامعه
اريج برقه:الحمد لله تمام كل شويه بتسأل عنك
ريتال بمرح:امك ديه حتة سكره بس بردو مقولتيش عامله ايه
اريج:ههههههه عامله بسله ورز وفراخ وسلطه
ريتال وهى تفرك يدها بنهم:الله عليها عامله اكلتى المفضله
اريج:ايوه مانا الى قولتلها تعمل الاكل ده عشانك
ريتال بسعاده:طول عمرى بقول ريجا ديه اكتر واحده فهمانى فى الكون
اريج بخجل:هههه تسلميلى يارب
ريتال:هههههه يا خراشى ع الرقه
اريج بخجل:ريتال بطلى تحرجينى
ريتال:بتتكسفى يا بطه
اريج:والله همشى واسيبك
ريتال:لالا خلاص خلينا نوقف ميكروباص عشان نلحق لولى واكلها الى يهبل
......
منزل اريج عباره عن منزل مكون من طابقين الطابق الاول تقطن اريج ووالدتها والطابق الثانى مغلق
اخذت ريتال تطرق الباب بنغمتها المشهوره واريج بجوارها تضحك على صديقتها المرحه
فتحت عليا الباب بسرور قائله:اهلا ريتا واحشانى
احتضنتها ريتال بود قائله:وانتى والله وحشانى جدا
عليا بسرور وهى تفسح المجال لدخولها:طب ادخلو بسرعه اتوضو وصلو العصر على ما اجهز السفره
ريتال وهى تنزع نقابها قائله بمرح:عشر دقايق واكون فى المطبخ معاكى ثم اتجهت الى المرحاض سريعا
ضحكت عليا قائله:الله يديم سعادتك يا حبيبة قلبى
امنت اريج وراء والدتها بابتسامه ثم اتجهت خلف صديقتها
انتهو من اداء فريضة العصر فى جماعه ثم قرأو اذكارهم بتؤده وقامو ليساعدو عليا فى وضع الطعام
على المائدة
ريتال وهى تتذوق الطعام بتلذذ:اممم ع الجمال
عليا بحنو:بالهنا والشفا مطرح ما يسرى يمرى
ريتال:بجد يا لولى اكلك يجنن بصى احنا نفتحلك مطعم انتى والحجه ناهد ويبقى مطعم لولى ونونى يا سلااام هتجيبو زباين كده
عليا:هههه لولى ونونى ده لو مطعم اكل كلاب مش هيكون بالاسم ده
ريتال:هههههههههههه الله يسامحك
عليا:والله يا بت ياريتال بتيجى تعمليلنا حس فى البيت
ريتال بتكبر مصطنع:عدو الجمايل بس
تدخلت اريج قائله بعبوس:يعنى انا مش بعمل حس فى البيت
ريتال بتدارك:قصدها انى قنبلة ازعاج انما انتى كيوت كده ورقيقه الا قوليلى يا خالتو هو مين مصدر الرقه فى عيلتكو
عليا:هههه احنا عيلتنا كلها رقيقه
ريتال:الله طب ما تسلفونى حبة رقه
عليا:يا حبيبتى ده انتى قمر كده... كل واحد ربنا ادااه حاجه تميزه اكتر عن غيره والحاجه ديه مش هتليق غير عليه هو بس
ريتال:فعلا والله بالك انتى لو انا اريج واريج انا وربنا ما هتركب
عليا:ههههههه اه تخيلى اريج مع اخواتك وانتى معانا
ريتال:يا الهى ده كان رهف وعدى بلعوها برقتها ديه
تدخلت اريج قائله برقه:وكان مصعب قتلك من اول 3دقايق
ريتال بفضول: اموت واشوف سى مصعب الى مبتبطليش كلام عنه ده
.........
استووووب
خلص اول فصل الحمد لله
الفصل كبير اهو عشان محدش يزعل
هستنى رايكم وتفاعلكم 😍
........
تعليقاتكم تهمنى جدا
وانتقاداتكم تحترم جدااا ❤