ريتال "مكتمله"

الفصل الثامن عشر

غربت شمسنا باستحياء لتطل على مكان اخر معطيه مساحه لظهور  القمر بطلته الشاعريه لينظر الى العاشقين عن كثب ويكون شاهدا على صكوك العشق الابديه  ...
فى بيت السباعى...
عليا: يا حبيبتى البسى الفستان الوردى بتاعك احسن
اريج بعبوس: لا انا حابه الاسود
عليا بحاجب مرفوع: وبالنسبه للخمار؟
اريج: ماله مهو اسمر اهو
عليا بسخريه: لا فعلا اختلاف الالوان ظهر
اريج بعبوس: امى بالله عليكى سبينى على راحتى
رن جرس الباب فخرج مصعب ليفتح
اريج بتوتر: دول وصلو
عليا بابتسامه: اهدى واتصرفى على طبيعتك هو كده كده مرفوض واطلعى اعملى القهوه وانا هنادى عليكى تطلعيها
اريج بتوتر: لازم يعنى اطلعلهم
عليا: يا حبيبتى الموضوع مش مستاهل كل التوتر ده
اريج: يارب يعدى اليوم ده على خير
ثم خرجت الى المطبخ مباشرتا لتعد اكواب القهوه الساخنه لهم
دخل مصعب اليها قائلا: اعملى تلاته قهوه مظبوط وهاتى العصير والحلويات للبنات والوالده
اريج بغيظ: وهو بقا العشم واخده اوى وجايب العيله معاه
مصعب: ههههههههه اعملى القهوه واطلعى عشان انا متحمس جدااا
اريج بتساؤل: متحمس لايه؟
مصعب وهو يخرج من المطبخ بابتسامه واسعه: ولا حاجه
نظرت فى اثره باستغراب ثم شرعت فى عمل القهوه واخراج الفواكهه وباقى المشروبات
انتهت من عمل القهوه ثم قامت بوضع اخر قدح والذى كان مختلفا عن الاخرين
دخلت ناهد وملامح الدهشه مرتسمه على وجهها
اريج وهى تحمل القهوه وتخرج: معلش يا امى هاتى باقى الحجات انتى بقا عشان نخلص من الموضوع ده
ثم تركتها وخرجت بعد ان نادى عليها مصعب كانت تقترب من غرفة الضيوف فتستمع اصوات مألوف ولكنها بالتأكيد تتوهم من كثرة ارتباكها لا غير سمت الله ثم دخلت والقت السلام ووضعت الاشياء دون النظر الى وجوههم
مصعب باتساع: مش هتسلمى يا اريج؟
رفعت عيناها لهم ولكنها صدمت من وجود ريتال ورهف و...
اريج وهى تنظر اليهم بأعين متسعه قائله: ريتال!!!
ريتال بمرح: بشحمها ولحمها
نظرت اريج فى وجوه الحاضرين حتى وصلت الى وجه عدى فأخفضت نظرها سريعا بارتباك فهى لا تريده ان يعلم بشأن العريس لا تعلم لما ولكنها تخشى ردود افعاله الغريبه عليها
اريج بارتباك: طيب انا هروح اعمل قهوه تانى
ناهد بابتسامه: ليه يا حبيبتى ما القهوه اهى انا والبنات مبنشربهاش
اريج بخجل: لا ديه للضيوف انا هعمل لعمو والباش مهندس
ريتال بتساؤل: ضيوف مين؟
اريج بخجل شديد وهى متوتره: شخص كان جاى يتقدملى بس هو اصلا مرفوض من قبل ما اشوفه بس مصعب خلاه يجى عشان مينفعش يرجع فى كلامه
نظرو الى بعضهم بتساؤل ومصعب جالس بابتسامه يراقب بصمت
عدى بغضب: مين ده الى جاى يتقدم ان شاء الله؟!
اريج بخوف: والله انا اصلا رفضاه يعنى استحاله اوافق اصلا
مصطفى بتساؤل: معلش ممكن توضح الامور يا مصعب لانى مش فاهم حاجه
مصعب بهدوء وابتسامه تزين ثغره: انا قولتها الصبح ان فيه ناس جاين يتقدمولها قلبت معاها كفاح ولما اتخرج واشتغل ورفضت من غير ما اقولها ان العريس يبقى عدى فانا قولت تيجو برده وتقعد معاها يمكن يحصل قبول
نظرت له ببلاهه وفك يكاد يلامس الاض من الدهشه وعقلها يحاول الاستيعاب فمن عدى ومن العريس واين هى
اريج بأعين متسعه: هو مش.. يعنى... هو...
مصعب: هههههههه جمعى بس
اريج وقد شعرت انها ستقع ارضا من الصدمه فكيف لدعائها ان يستجاب هكذا كيف يمكن لهذا ان يحدث ارادت ان تصرخ وترقص وتسجد شكرا لله ارادت ان تبكى من السعاده
مصعب: اريييييج
نظرت له ودموع تترقرق فى عينها من السعاده
علم ان شقيقته ستبكى فهى لا تستطيع التمحل فنهض قائلا بلباقه: ثوانى يا جماعه هخطف اريج ثانيه وجاى ثم سحبها الى الخارج
عليا بترحاب: منورينا يا جماعه
فى الخارج
القت نفسها بين احضانه تبكى فرحا تبكى جبرا فهذا هو ربها بكرمه وفضله وعظيم عطائه
مصعب وهو يمسد على رئسها بحنو: طب انتى بتعيطى ليه دلوقتى
اريج ببكاء: فرحانه... فرحانه جداااا
مصعب بسعاده من اجل شقيقته: طب الى فرحان بيعيط
اريج بالتسامه من بين دموعها: مانا مش قادره اعبر عن كم المشاعر الى جويا غير بالعياط
مصعب: هههههه عجبا لكم ايها النساء
ضربته على كتفه قائله وهى تمسح دموعها بظهر كفها: بس بقا متتريقش عليا
مصعب بحنو:ما عاش ولا كان الى يتريق على وردتى
.......
عاد مصعب اليهم بابتسامه
عدى بتساؤل:فين اريج؟
مصعب بمرح:حلفت مية يمين ماهى داخله عشان مكسوفه من الموقف
عدى:لا بقولك ايه انا من الصبح قاعد على اعصابى فمش هتحرك من مكانى غير لما اقعد معاها وتوافق عليا قبل ما امشى
عليا:هههههههه ايه يا عدى فى ايه
عدى:فيه ان ابنك ذاللنى من امبارح عشان اجى اقعد القعده ديه
مصعب:طب ماهى مش راضيه تدخل اغصبها يعنى؟
نهض عدى قائلا:لا طبعا متغصبهاش انا اطلعلها بنفسى
ضحكت عليا قائله:اختيار موفق قوم يا مصعب وديه
مصعب:اوديه مين فين؟
عليا:اكيد واقفه فى البلكونه دخله يقعد معاها جوه
نهض مصعب على مضض قائلا:تعالى يا هندسه
.....
كانت جالسه فى الشرفه الواسعه المطله على الشارع الخاجى وبها كراسى وطاوله يجلسون بها عادتا فى وقت الشروق يحتسون الشاى
وكانت ممسكه بهاتفها تحاول ان تنشغل به حتى يذهبو فهى محرجه وبشده
حمحم مصعب فاردفت اريج بتوتر: مشيو ولا لسه
مصعب وهو يكتم ضحكاته: لا عدى قاعد مش راضى يمشى مش عارف ايه اللزقه ده
اريج بعبوس: متقولش عليه لزقه لو سمحت
مصعب بحاجب مرفوع: لا والله! بتدافعى عنه من دلوقتى
اريج مغيره مجرى الحديث: قول كنت جاى ليه؟
ظهر عدى من خلفه قائلا بابتسامه واسعه: جاى يوصلنى ويرجع تانى
نهضت بصدمه فاردف عدى وهو يزيح مصعب ويدخل يجلس امامها: اقعدى يا اريج وانت روح شوف مصالحك خلاص شكرا ع التوصيله
مصعب بتهديد: انا قاعد قدامكو لو ضايقتها هاجى اجيبك من قفاك
عدى باتساع: متقلقش عليها هخلى بالى منها خالص
نظر له مصعب بشك ثم ابتعد عنهم
عدى بابتسامه: اقعدى يا اريج
جلست بتوتر شديد واخذت تفرك فى يدها
عدى بابتسامه وهو ينظر اليها قائلا: عامله ايه
اريج بخجل: الحمد لله
لم يجد عدى ما يقول فاردف: اخبارك ايه؟
اريج: الحمد لله
عم الصمت مره اخرى فاردف : وازى الصحه
ضحكت بخفوت قائله:الحمد لله
تأمل عدى بسمتها وتاه بين ثنايها فهو يشعر،بانتمائها اليه وكأنها قطعه منه
اريج بخجل وهى لم ترفع عيناها قائله:انا اسفه على سوء التفاهم الى حصل جوه
عدى وهو يحاول ان يخرج صوته خالي من نبرة العشق:حصل خير بس معلش كنت عاوز افهم انتى ليه رافضه فكرة الزواج
توترت اكثر فكيف يمكنها اخباره بأن اعتراضها لم يكن على الزواج وانما على شخص غيره فهو من سكن قلبها بدون اراده او تخطيط كيف لها ان تظلم غيره معها
عدى بمرح:ياااه هى الاجابه صعبه كده
اريج:لا مش صعبه بس انا مش رافضه الزواج انا رافضه الشخص
عدى بحاجب مفوع:وهو انتى تعرفى الشخص اصلا؟
اريج بتوتر:لا مش عارفاه بس مارتحتش
عدى:ازاى مرتاحتيش وانتى متعرفيش غير اسمه
اريج وقد شعرت انها تورطت: اصل... اسمه معجبنيش
ضحك عدى بشده حتى دمعت عيناه
شعرت بخفقات قلبها من ضحكاته الرائعه
عدى وهو يحاول السيطره على ضحكاته قائلا:فعلا جمع ووفق انتى وريتال اختى تستاهلو تكونو صحاب
كادت ان تتحدث ولكن قطع حديثهم دخول مصعب بقدح القهوه قائلا: اتفضل القهوه يا هندسه
عدى وهو يلتقطها باتساع قائلا:جزيت خيرا يا ابو نسب
مصعب:واياك يا سيدى ثم خرج مره اخرى
وجه عدى انظاره الى اريج مره اخرى بابتسامه ولكنها تحولت الى دهشه من نظرة اريج الى قدح القهوه فاردف بتساؤل:مالك
اريج بتوتر جلى:مفيش
نظر لها بعدم اقتناع ثم رفع الكوب الى فمه ولكنها اردفت سريعا:لا متشربش
عدى بتساؤل:ليه؟
اريج يتوتر:اصل..اصل البن غلط وبيوجع المعده
عد بابتسامه:متقلقيش انا بقالى كتير مشربتهوش
ثم ارتشف رشفه صغيره تحت انظارها المتوسله
اتسعت عيناه بصدمه ولكنه ابتلع ما فى فمه بصعوبه قائلا وعلامات التقذذ مرسومه على وجهه:الله البن بتاعك يجنن
اريج بدهشه:بجد!
عدى مجاملا:بجد ثم اخذ يرتشف منه يهدوء محاولا التحكم فى تعابير وجهه
وهى تنظر له ببلاهه فهل يمكن ان يكون البن بالملح رائع؟
انتهى عدى من قهوته ثم اردف بتساؤل:معندكيش اى اسأله؟
حركت رأسها بمعنى لا
عدى بمرح:انا كنت محضر اسأله وبفضل الله نسيتها كلها
ضحكت بخفوت عليه
.....
عند مصعب كان جالسا على مسافه متوسطه من مكان جلوس اريج وعدى فوجد ريتال مقبله عليه بابتسامه قائله:قاعد كده ليه
مصعب وهو يتأمل تقاسيم وجهها قائلا بابتسامه:بتفرج على جوز الكانريا ثم افسح لها مكان بجواره
جلست بجواره قائله وهى تنظر الى عدى واريج:اريج لو رفضت عدى ممكن ينتحر هههه
مصعب باستغراب:انا بصراحه مستغربه جدااا
ضحكت ريتال قائله:ههههههه وانا والله عماله احاول استوعب ازاى عدى اتقلب 180درجه فى ليله واحده وازاى متوتر طول اليوم عشان اريج وهو اصلا ماتعاملش معاها ولا شافها غير كام مره
مصعب:كام مره!!! ديه متربيه على ايده
ريتال:بس مكانش بيظهر عليه خالص والحاجه الوحيده الى معرفهاش مع انه مبيخبيش عليه حاجه
مصعب بغمزه:انا بقى اشطر منك اختى مبتخبيش عليا حاجه حتى فى ديه كمان
نظرت له بصدمه قائله:ديه ايه؟
مصعب بمرح:ديه الى هى ديه
ريتال بصدمه:بتهزر
مصعب:اشششش وطى صوتك لتسمعك
ريتال:يعنى اريج كانت معجبه بعدى؟
مصعب:اجبلك مكرفون اسهل واسرع للفضايح
ريتال:لا سبنى استوعب.....بنت الناس الطيبين مجبتليش سيره نهائى
مصعب بمزاح:عشان انتى مش مسيطره
ريتال:ههههههه لا طبعا مسيطره بس اكيد اتحرجت منى عشان انا اخته وكده
مصعب بمزاح:طب ما انا صحبه....مش مبرر خالص على فكره
ريتال:بس بقا متحسسنيش انى فعلا كنت راس كرنبه فى الموضوع
مصعب بحب:اجمل راس كرنبه فى الكون
ريتال بخجل:ههههههههه فظيع فى الغزل
مصعب بمزاح:لا ده انا فى الغزل محصلتش ممكن ارتجلك قصيده غزل دلوقتى حالا
ريتال وقد اعجبها الامر:طب ارتجل
مصعب بخطل مصطنع:لا مانا بتكسف
ريتال:ههههههه لا متتكسفش قول قول
اعتدل مصعب فى جلسته ثم حمحم واردف بطريقه القائيه:
يا اجمل راس كرنبه فى الكوكب
يا اجمل من القطه والارنب
ما شوفت زيك ولا هشوف
مش عشان اعمى او مكفوف
لكن عشان فى حضرتك بيحصل للقمر كسوف
من حقه يخجل من جمالك ال.... الى يبهر
يا حلوه زى العسل والتفاح"عشان بحبه" والسكر
ثم اردف بترفع وهو يعدل ياقته: كفايه كده تعبت 
ريتال وهى تصفق قائله باعجاب:هايل يا فنان هايل
مصعب:بجد!
ريتال بحب:فعلا عجبتنى جدااااا
مصعب باستغراب من بساطتها:انا كنت بقولها بهدف انى اضحكك مكنتش اعرف انها هتبسطك كده
ريتال بسعاده:ديه حلوه اوى ممكن تكتبهالى احتفظ بيها
مصعب قد اسعده سعادتها ومدحها له بسبب شيئ بسيط كهذا:من عيونى هكتبلك ديوان هزل
ريتال:هههههه هزل!
مصعب بمزاح:اختصار هبل وغزل عشان لو احمد شوقى او المتنبى سموعنا بنقول على الكلام ده غزل ممكن يجرالهم حاجه
ريتال:ههههههه فعلا هيجرالهم حاجه بعد ما يشوفو الفرق بين غزلك وكلامهم الملعبك
مصعب:يا شيخه اتقى الله دول فحول الشعراء
ريتال بصدق:انا حبيت كلامك اكتر من كلامهم
كلماتها البسيطه اسعدته حقا وجعل حبها يزيد فى قلبه "فماذا لو مدحنا الاخرين وشكرناهم على جهودهم حتى وان كانت بسيطه...بالطبع سيختلف حالنا كثيرا"
.......
دق الباب فاتجهت عليا لتفتح فدخل عمار بمرح قائلا:فين ابنك يا ست الحسن والدلال
ضحكت عليا قائله:ادخل يا بكاش ابنى جوه
دخل عمار قائلا بصياح:يا ابو الصعااااب يا مصاعيبووو
وضعت ريتال نقابها وعدلت جلستها سريعا فاردف مصعب بعبوس: ايه الازعاج ده
عمار بدهشه: ايه ده مرات اخويا هنا
ريتال بابتسامه: ازيك يا دكتور
عمار باتساع وهو يتلفت حوله: الحمد لله تمام ثم اردف امال فين الدكتوره الصغننه بتاعتكو
ريتال: تقصد رهف؟
عمار: هو فيه غيرها
ضحكت ريتال على المسمى الذى اطلقه عمار على رهف ثم اردفت: الدكتوره مع امى وابى فى الصالون
مصعب وهو يقوم: ادخلهم وانا هجيب عدى واريج من جوه واجى
عماربتساؤل: عدى واريج؟ 
قص له مصعب ما حدث سريعا فاردف عمار بمكر:لا ادخل انت وانا هجبهم واجى
مصعب وهو يسحب ريتال برفق ويتجه بها الى مكان تجمع العائلتين قائلا:تمام
دخل عمار الى اريج وعدى قائلا بمرح:خيااانه
انتفضت اريج بخضه بينما نظر عدى لعمار بغيظ قائلا: فيه حد يدخل على حد كده
عمار وهو يجلس بجانب اريج قائلا: مش انا عملت كده؟ يبقى فيه
ضحكت اريج بخفوت بينما اغتاظ عدى من جلوس عمار بجانب صغيرته ولكنه تماسك حتى لا يرتكب جنايه
عمار بمرح: ما تقومى تعمليلى كوباية قهوه يا قلب القلب عشان نفسى فيها من ايدك
اريج وهى تنهض قائله بحنو: حاضر من عيونى
عمار وهو يقبل يدها قائلا:يسلملى عيون القمر
شعر بأنه يريد قتل هذا المتطفل فكيف له ان يغرق صغيرته بكلمات الغزل وهو جالس
عدى بصوت جوهرى غاضب:اقعدى يا اريج وانت وسع ايدك عنها وروح اعمل قهوه بعيد عننا
نظر له عمار وهو يضيق عينيه بشك فها هو قد اقترب من سر غضب عدى منه دائما ولكنه اراد التأكد فاردف بمكر:وانت مالك انت امسك ايدها امسك رجلها بنت خالتى وانا حر فيها
نهض عدى بغضب قائلا: اديك قولت بنت خالتك يعنى زيك زي اى واحد معدى فى الشارع ملكش حق تمسك ايدها كده
نظرت اريج الى غضب عدى وانفعاله بخوف شديد حتى ترقرقت الدموع بعينيها
احتضن عمار كتفيها قائلا وهو يخرج من الشرفه:والله اخوها شايف وامها شايفه يعنى انت ملكش اى صفه عشان تتحكم بافعالى او افعالها
غضب غضب غضب لم يقوى سوى على الخروج خلفه بغضب ليفهم ما هذه المهزله
فى الداخل تقدم عمار وهو يحتضن كتفى اريج ويحاول طمئنتها ولكنه اراد استكمال لعبته لانها راقت له كثيرا
مصعب بتساؤل:مالك يا ريجا
اريج وهى تحاول اخفاء خوفها من عدى:مفيش
تركها عمار لتجلس بينما هو ذهب لمصافحه مصطفى وحيا ناهد ورهف العابسه من معاملته لاريج
دخل عدى بهدوء يناقض العواصف الموجوده داخله وجلس مكانه
مصعب بتساؤل:عملت ايه يا عمار قلبت الاتنين كده
عمار بمكر:ولا حاجه معرفش ماله اصلا
بقى عدى بهدوئه حتى انتهت الجلسه وهو يصبر نفسه بانه سيحرم على عمار رؤيتها بمجرد ان تصبح زوجته ويصبح له الحق فى ذالك واكثر
.........
انقضى اليوم بين الاسرتين سريعا واشرقت شمس يوم جديد على الجميع
لاحظت منه شرود رهف وعبوسها الذى زاد هذه الايام فاردفت:رهففففف
رهف بانتباه:فيه ايه خضتينى
منه:بقالى قرن بنادى عليكى
رهف:عاوزه ايه
منه:مالك؟
رهف: مالى؟
منه: مش عجبانى اليومين دول
رهف:مفيش متوتره شويه عشان الامتحانت داخله
منه بشك:ده انا على كده بقا من فصيلة الحلاليف
رهف:هههه ليه بتقولى على نفسك كده
منه:اصلك محسسانى ان الامتحانات بكره مش فاضل عليها شهر
رهف باعين متسعه:شهرررر!
منه بسخريه:ايه ده انتى مكنتيش اخده بالك
رهف بتوتر:لا ده انا اتوتر زياده بقا
منه:بجد مالك الايام ديه حاسه ان فيه حاجه شاغله تفكيرك
رهف بتنهيده:مفيش حاجه هى الامتحانات وبس
منه بعدم اقتناع:براحتك بس لو حبيتى تحكى انا موجوده
......
كانت اريج تدور فى البيت كالنحله بتوتر ولم تذهب الى الجامعه متعلله بالم فى راسها
عليا: يابنتى اقعدى وترتينى
اريج بتوتر: يا امى انا متوتره جدا انا مش عارفه مصعب مشى وسابنى ازاى كده من غير ما يقول حاجه
عليا وهى جالسه على الاريكه: يوه مش انتى عارفه انه مرفوض من امبارح
اريج بخوف:هو مصعب قاله كده
عليا:معرفش بس اعتقد انه هيبلغه برفضك
اريج بخوف:لالالا اكيد مش هيعمل كده وهو عارف ان...صمتت حتى لا ينكشف امرها امام والدتها
عليا بشك:عارف ايه؟
اريج بتوتر:عارف انه...انه...انه انسان ذو دين وخلق مينفعش يترفض
عليا بحاجب مرفوع:دلوقتى ذو دين وخلق
اريج بتوتر:انا هدخل اذاكر سلام
نظرت عليا فى اثرها بابتسامه وهى تدعو الله فى ان يسعد صغيرتها ويرزقها راحة البال
.......
فى مكتب علاء المحمدى
علاء فى الهاتف:تمام خليهم يفرحو بوقتهم شويه؛لالالا الضربه القاضيه هى الى تبقى على هداوه ومترتبلها؛ايوه انا مرتب كل حاجه؛متقلقش بكره هيجيلك حقك على طبق من دهب
؛خلاص انا هكلمه دلوقتى نتفق على المهمه الجايه؛
كبيره او صغيره مش هتفرق كتير هو كده كده بقى زى الخاتم فى صباعى....
.......
جاء المساء سريعا فاتجهت اريج الى غرفة مصعب واستأذنت بالدخول ثم دخلت
مصعب بابتسامه:اهلا اهلا بوردتى
اريج وهى تجلس بجواره قائله بتوتر:احم عامل ايه
مصعب:ههههههه ادخلى فى الموضوع يا ريجا
اريج بتوتر:موضوع ايه انا جايه اقعد معاك شويه
مصعب بمكر:يعنى مش عاوزه تسألينى قولت لعدى ايه؟
اريج بحرج:كنت هسألك من باب الفضول بس
مصعب:باب الفضول ها
اريج بتوتر:مصعب متوترنيش وقول على طول
مصعب بتساؤل:انتى عاوزانى اقول ايه
اريج بتوتر:الى انت قولتهوله.
مصعب:انا لسه مقولتش حاجه بس انتى لو مش موافقه تمام
صمتت اريج بحرج فاحتضنها عدى بحنان قائلا:اريج انتى مش بس اختى انتى بنتى وحبيبتى وحياتى كلها وانا متأكد ان سعادتك مع عدى عشان كده عمرى ما هرفضه الا بامرك
ادمعت عيون اريج ثم اردفت بامتنان:انا بحبك اوى يا مصعب
مصعب بحنان:وانا بموت فى وردتى الجميله ثم اردف جه الوقت الى حد هيخدك منى فيه يا اريج
اريج بسرعه:محدش هياخدنى منك وهتفضل طول عمرك حبيبى الاول
مصعب وقد بتأثر:ربنا يسعدك ويفرح قلبك ثم اردف بابتسامه بكره ان شاء الله هكلم عدى نتفق على معاد يجى فيه نتفق على كل حاجه

......
استووووب خلص البار
رأيكم ايه فيه
وايه توقعاتكم للفصول الجايه ❤
......
تعليقاتكم تهمنى جدا
وانتقاداتكم تحترم جدااا❤