ريتال "مكتمله"

الفصل الحادى عشر

......
فى جنوب مصر
كان الكبير يجلس فى مكانه وحوله رجاله بجلابيبهم وعماماتهم
الكبير:كمان كام يوم فى صنف چديد چاى وعازين نستلمه ونوزعه خلال شهر من انهارده
احد الرجال:من فين يا كبير؟
الكبير بغضب:ملكش دخل انت تنفذ وخاشمك مجفول
الرجل بخوف:امرك يا كبير
.......
فى الواحده مسائا فى مكان خالى من البشر ومعتم ينيره اضواء السيارات الواقفه فقط كان عدى واقف بجوار علاء المحمدى ورجاله فى طرف
والطرف الاخر يقف به رجل يرتدى بذله سوداء وتظهر عليه ملامح غربيه وخلفه رجال ضخام البنيه ممسكين بصندوق اسود
الرجل بلكنه غريبه:لقد اتيت بالذى طلبتة سيد الاء
علاء:وهو يقدم شنطه سوداء مليئه بالاموال قائلا:وانا جبت الى اتفقنا عليه يا مستر دنيال
دنيال: حسنا تقدم بالصندوق سلفستر
علاء باعين مترقبه:قرب بالشنطه يا عدى
تقدم عدى بتوتر اخفاه بمهاره ثم تبادلو المنافع فى حاله من الصمت المخيف
التقط دنيال الحقيبه المليئه بالاموال ووضع الاموال فى جهاز يقوم بعد الاموال سريعا كان يضعه فى سيارته
انتهى فى ثوانى معدوده كان علاء قد تمم على بضائعه خلالها
دانيال:حسنا سيد الاء لقد تم الامر بيسر اتمنى ان لا يكون هذا اخر لقاء بيننا
علاء:اكيد طبعا يا مستر دنيال ده مش اول تعامل بينا ومش هيبقى الاخير
دانيا:سررت بلقائك سيد الاء
علاء:وانا اكتر
........
عاد عدى الى منزله فى الثالثه فجرا واخذ يدخل بحزر وتذكر عندما كاد ان يمسك بالجرم المشهود من قبل والدته ولكن الستار الثقيل المعلق على غرفة الضيوف قد حماه من ان ينكشف
وصل الى غرفته بسلام ثم بدل ملابسه وتوجه الى فراشه كى ينعم بنوم ظنه هادئ
........
يوم جيد تشرق به الشمس فى سمائنا تداعب الجميع لينهضو وينفضو الكسل عنهم فمنهم من يستجيب ويبدأ يومه بنشاط وتفاؤل ومنهم من  يتجاهل مداعبتها ويكمل نومه بكسل كحال بطلنا الذى نام متأخرا ليلة امس
دخلت ناهد وهى تفتح الستائر لتأذن لضوء الشمس بالدخول قائله:ياله يا عدى اصحى هتتأخر ع الشغل
عبس عدى وسحب الغطاء على رأسه قائلا:اقفلى البلكونه يا امى وسبينى انام شويه
ناهد:تنام ده ايه ده الساعه داخله على عشره وانت لسه نايم
عدى بنعاس:انا عارف ان الساعه تمانيه على فكره فلو سمحتى اخرجى خلينى انام ساعه قبل ما انزل
ناهد بعبوس:والله ما تمانيه هو انت دايما ظالمنى كده
عدى بنعاس:ايو تمانيه وتلات دقايق عارف اخرجى بقا
ناهد وهى تخرج من الغرفه:الحق عليا عاوزه مصلحتك
.....
دلفت ناهد الى غرفة الفتيات قائله وهى تفتح الستائر:ياله يا بنات قومو الحقو الضحى عشان الضهر على اذان
ريتال وهى تضع الوساده على رأسها:اسطوانة كل يوم وفى الاخر هتلاقي الساعه تمانيه ولا تسعه
ناهد:قومى يابت انتى وهى عندنا تنضيف وطبيخ عشان مصعب واهله جاين
انتفضت رهف قائله:مين الى جاى؟
ناهد باستغراب:مصعب وامه واخته هيكون مين يعنى
استلقت رهف على الفراش مره اخرى قائله بخيبة امل:طيب صحينى قبل الظهر بنص ساعه عشان اصلى الضحى والضهر واروح ع الدرس
ناهد بغيظ:طب والله لو ماقومتى منك ليها لكون مناديه على ابوكو هو يتصرف معامو
نهضت الفتاتان سريعا وخذو يتسابقو الى المرحاض
ناهد:ناس ماتجيش الا بالعين البنى
.......
بعد صلاة المغرب كان مصعب واسرته فى منزل الخولى
استقبلهم مصطفى بحفاوه وادخلهم الى غرفة الضيوف
مصطفى بترحاب:منورين يا جماعه
مصعب:ده نورك ياعمى
مصطفى بابتسامه:عامله ايه يا اريج
اريج بحياء:الحمد لله ياعمو اخبار حضرتك ايه
مصطفى:زى الفل
دخل عدى والقى السلام
ردو السلام ثم اردف مصعب بتساؤل:مالك يا عدى شكلك تعبان
عدى بأرق:دماغى مصدعه شويه
مصعب:شفاك الله وعافاك مأخدتش مسكن ليه؟
عدى:لا انا لما هنام شويه هكون تمام ان شاء الله
نهضت اريج بخجل قائله:بعد اذنكم هطلع لريتال
دق قلب عدى بشده عند سماع صوتها الشجى ولكنه اجبر نفسه على عدم النظر اليها محدثا نفسه"ما عند الله لا ينال الا بطاعه "
مصطفى:اتفضلى يا بنتى
اتجهت اريج الى الخارج فقابلت ناهد فى طريقها
ناهد بترحاب:ازيك يا ريجا
اريج:الحمد لله بخير ازى حضرتك
ناهد:الحمد لله يا حبيبتى ثم اردفت ادخلى لصحبتك جوه وقوليلها لو لبست اسود هكب عليها ازازة الكرول وهى قاعده معاكو
ضحكت اريج قائله:حاضر هدخلها
ثم اتجهت الى غرفة ريتال فوجدتها جالسه امام المرآه تهندم ملابسها
اريج بمرح:هتبقى عروسه يا بطه
ريتال بتوتر:بس يا بتنجانه عشان انا متوتره خلقه
اريج:لا متتوتريش اخويا أليف وجميل مش بيعض
ريتال: طب شكلى حلو كده؟
تأملتها ريتال بفستانها الكحلى ذو الورود الوردى المنثوره عليه بعشوائيه وخمارها الكحلى قائله:قمر اللهم بارك بجد اخويا محظوظ بيكى يا ريتا
ريتال:انا مكسوفه اوى
اريج:لا متتكسفيش واستعينى بالله كده واخرجى
جائت اليهم ناهد قائله بسعاده:اخيرا غيرتى الاسود
ريتال بتوتر:شكلى حلو
ناهد:زى البدر ليلة تمامه بسم الله ماشاء الله
ريتال: طب هما بيقولو ايه بره؟
ناهد بسعاده:بيقولو العروسه اتأخرت ليه
ريتال:هو انا لازم اطلع
ناهد:هههه لا ممكن ندخلهملك هنا
ازدردت ريتال ريقها وشجعت نفسها قائله:طب ياله نطلع احنا احسن
خرجت ريتال وكادت ناهد ان تخرج ورائها ولكن نادتها اريج بتوتر
ناهد:نعم يا حبيبتى
اريج:واحنا بره كان الباشمهندس مصدع فقولت لو حضرتك مش فاضيه ادخل انا اعمله قهوه
ناهد:فعلا كان شكله تعبان خالص تعالى انتى متتعبيش نفسك وانا هدخل اعمله
اريج بتوتر:لا مش هتعب ولا حاجه انا بعمل قهوه حلو اوى قوليلى بس اماكن الحاجه وانا هدخل اعملها
ناهد بابتسامه:البن فى الرف التانى والسكر جنبه
اريج:تمام هدخل اعملها بسرعه واجى
ناهد بامتنان:تسلمى يا حبيبتى
فى الخارج وقفت ريتال خلف الستائر بتردد وضربات قلبها تكاد تصم اذنها
اتت ناهد من خلفها قائله: انتى لسه مدخلتيش
ريتال بتوتر: دخله اهو ثم سمت الله دخلت
القت السلام فتوجهت الانظار لها
عليا بسعاده: بسم الله ماشاء الله تعالى يا عروسة ابنى جنبى هنا
اتجهت وجلست بجوارها بخجل شديد لدرجة انها تشعر بحرارة وجنتيها
مصعب بابتسامه: ماشاء الله تبارك الله
كلمتين كانو عندها بمثابة مائة ديوان من الغزل
اخذت تفرك فى يدها الباردتان بتوتر ووجنتين مشتعلتين
مصعب:ازيك يا ريتال
ريتال بخجل:تمام الحمد لله ازى حضرتك
مصعب:ههههه حضرتى كويس
ناهد بمرح:اسكت يا مصعب ده ريتال انهارده مضحيه تضحيه جامده
مصعب:مضحيه ازاى؟
ناهد:لابسه الوان مش اسود وديه معجزه
مصعب:بس ده كحلى اعتقد ان مفيش فرق قوى يعنى
عدى:فين رهف تقولك مش شايف الورد الى لونه بمبى مزهزه وفوشيا مسخسخ
مصعب:هههههههههه لا واضح انها مضحيه
كانت ريتال تستمع الى صوت ضحكاته وتشعر بشيئ خفى يداعب قلبها لا تدرى ماسبب هذا ولكنها تجاهلته
مصعب:احنا اتفقنا ان الخطوبه الجمعه الجايه
ريتال بتوتر:بس انا مش عاوزه خطوبه
مصعب بتساؤل:ليه؟
ريتال:النبى صلى الله عليه وسلم قال "اسرو الخطبه واعلنو الزواج"وانا بصراحه مش حابه اعمل خطوبه كبيره وكده انا عاوزه حاجه عائله وياريت لو عند السايغ وخلاص
اعجبه رأيها كثيرا وبدأ يقتنع انها هى من كان يبحث عنها ثم ارف قائلا:انا موافق جدا
شعرت براحه كبيره لموافقته فهى ظنت انه مثل البقيه سيرفض ويرى ان هذا تعقيد
ثم ادفت:كمان مش عاوزه كلام فى التليفون غير بعد عقد القران"كتب الكتاب"
مصعب وابتسامته تتسع:موافق
كادت ريتال ان تكمل حديثها ولكن قاطعهم دخول اريج الممسكه بقدح القهوه الساخنه الذى وضعته امام ناهد قائله بحياء:اتفضلى يا خالتو
ناهد باستغراب:يوه مش قولتى هتعمليها لعدى
اردفت اريج بخجل:ممكن تديهالو
ثم جلست بحوار مصعب
ضحكت ناهد قائله:ده على اساس انه مش واخد باله وسامع يعنى
تسائل عدى وهو يضغط على جبينه :انا مش فاهم حاجه
ناهد:اصل اريج كتر خيرها دخلت عملتلك قهوه لما لقتك مصدع
ندمت على فعلتها وارادت ان تنشق الارض وتبتلعها فى هذه اللحظه
ابتسم قائلا:طب ناوليهانى عشان دماغى حاسس انها هتنفجر
ناولته ناهد القهوه فتناول منها رشفه واقسم بعدها انه لم يتذوق بحياته قهوه بهذا المذاق
عدى بتلذذ وهو مغمض العينين:امممم تسلم ايد الى عملها
نظر مصعب الى اخته بغضب من افعلها المتهوره
ريتال بحاجب مرفوع:احلى من قهوتى
عدى بمداعبه:ههههه مفيش وجه مقارنه اصلا
ريتال بغيظ:يعنى قهوتها احسن؟
عدى:كل قهوه بتختلف عن التانيه يعنى مثلا الفرق بين القهوتين زى الفرق بين العنب الاحمر والاخضر الاتنين عنب بس لكل واحد مذاق مختلف
ناهد:ايه العقل ده
ضحكو جميعا بينما كانت عليا تنظر الى ابنتها بشك
ظلو يتحدثون فى مواضيع مختلفه حتى انقضى الوقت سريعا ورحل مصعب واسرته بعد ان تم الاتفاق على كل شيئ
.......
فى مكتب علاء المحمدى كان يتحدث فى الهاتف
علاء: لا انا كده بدأت اتطمنله
....: بس خلى بالك علشان انا مش مرتحله
علاء: انا خليت رجالتى خطفوه وعلموه الادب عشان يشوفوه هيسلم بسرعه ولا لا وطلع جدع وانكر معرفته بينا تماما والعمليه الى فاتت كانت حاجات بسيطه عشان نعرف اذا كان ليه علاقه مع البوليس ولا لا بس برده محصلش حاجه يعنى احنا فى السليم
.....: برده خلى بالك لانى حاسه مش سهل
علاء: هههههه اذا كان هو صعب فانا اصعب وابوه يشهد بكده
.....: ابوه ده لسه دوره مجاش بس والى خلق الخلق لاندمه
علاء بحقد: مسيره يقع تحت ايدنا وساعتها هيطلب الرحمه ومش هيلاقيها
.......
بعد يومان عاد عدى من العمل مبكرا فى هذا اليوم
ناهد بتساؤل: جاى بدرى ليه يا عدى
عدى بأرق: مفيش حسيت انى مرهق وكمان مفيش شغل كتير الايام ديه
ناهد: والله انا ما عارفه مالك اليومين دول حساك مش مظبوت
عدى: انا تمام هدخل بس اصلى العصر واريح شويه
ناهد: مس هتتغدى؟
عدى:تسلمى يا امى انتى عارفه انى مبتغداش دلوقتى
انهى حديثه ثم اتجه الى غرفته بدل ملابسه ثم توضأ وصلى
وجلس على الفراش يفرك جبينه برفق لعل الالم يخف قليلا
"الله يسامحك يا توليبا من ساعة قهوتك وانا مش عارف اشرب قهوه من ايد حد غيرك"
.....
عند ريتال كانت جالسه فى غرفتها ممسكه بمصحفها تراجع حفظها كعادتها يوميا ورهف بجوارها تستذكر دروسها
دخل عدى عليهم قائلاة: بتعملو ايه؟
رهف بسخريه: بناكل حرنكش
عدى بغيظ:بتتريقى
رهف:هقولك ايه يعنى مانتى داخل تسأل وانت شايف احنا بنعمل ايه
اغلقت ريتال المصحف بعد ان قالت دعاء الانتهاء من القرائه"سبحانك اللهم وبحمدك اشهد ان لا اله الا انت استغفرك واتوب اليك قائله:خير يا قلبى
عدى:شايفه الناس المحترمه مش انتى
رهف بحاجب مرفوع:طب روح كلم المحترمين وسيبنى اذاكر بس منغير يمين ما هكشف لعيالك لما ابقى دكتورة اطفال
عدى وهو يتجه الى ريتال قائلا:طب احمدى ربك لو حصلتى دكتورة حمير
رهف بسخريه:طب جهز نفسك عشان تبنيلى المكان الى هربيهم فيه
تجاهلها ووجه كلامه الى ريتال قائلا:ريتال حبيبتى عامله ايه
ريتال:هههههه حبيبتى!؟ يبقى فيه مصلحه
عدى:تعرفى عنى كده!؟
ريتال بمرح:للاسف معرفش غير كده
عدى:مش انا اخوكى حبيبك؟
ريتال بحاجب مرفوع:ادخل فى الموضوع بسرعه منغير مقدمات...
........
الفصل صغير اسفه والله بس انا مش فى البيت اصلا من امبارح ومش عارفه اكتب خالص
تتعوض المره الجايه ان شاء الله بقا ❤
المهم ايه  رأيكم فى الفصل؟
......
تعليقاتكم تهمنى جدااا
وانتقاداتكم تحترم جدااا😍