part1 القصه بدت في 2010 وقتها كان عرس أحمد والكل لاهيين يجهزو برا في خيمه الرجاله أسامه:شفتوه مانافخ روحه إيهاب:ياعيني حتى هوا 32معزز أحمد:غوالي يا ضباط الجيش كمال بفخر:قلتها بروحك 😌 عامر:ههه والله صحه ليك حققت حلمك انا قاعد ندور في لشارع كل يومين بخدمه كمال:مالا كيف من وقت انا عيل نحلم نخش للجيش وبالذات "اللواء 32معزز"الحمد لله ربي ماخيبنيش أسامه:ربي يعطيك على قيس نيتك يا رفيقي هي نوض جيبلنا الشاهي كمال:هي احمد:كمال نبيك شويه كمال:تعالى خيرك محتاج فلوس ناقصك شي احمد:لا والله وخي كفيت ووفيت معاي غير بعدين بيجو اهل المراه يبو يرتبولها حاجاتها في الحوش وانا طالع خليك حاضر كمال:تمام كون هاني "خلي نحكيلكم على كمال هالراجل شخصيته قويه جدا وفارضها عالكل اولهم عيلته كلهم يحسبوله في الف حساب ويرجعوله في كل قراراتهم بعد مات بوه بدي هوا المسؤول لانه اكبر واحد خوته خش للجيش وبدي ضابط في اللواء 32معزز وناعليا من الضباط 😍😍" وصلو الناس وكمال كان في الاستقبال وبدو ينزلو في البضاعه من السيارة كمال وخر خلاهم براحتهم و يدخن كيف بيتلفت خبطت فيه وحدا لين طاحت بيان:ااخ عميه ان شالله عليك هم كمال قعد لحظات سرحان فيها بعدين فاق:انتي اللي تمشي بلا عيون مستعجله على شن بيان وقفت وتمسح في بلوزتها:والله واضح انك واقف تكحل هنا وتعاكس في البنات واحد فاضي كمال قرن حواجبه وتكلم بصوت خشن:غالطه للأسف مانيش فاضي بس ادبست فيكم شاف لعيونها وتكلم بهدوء:وصدقيتي يوم نقرر نعاكس رح نطيحك أول وحدا 😉 ومشي وخلاها بيان سرحانه:ناعليا يا ربي خيره حلو هكا اووف عليك مغرور وركبت معاهم رن هاتفها ملاك:ايوا فرخه بيان شن حوشي حلو بيان:هوا غير حوشك الحلو ملاك:شن قصدك يا صايعه باعتاتك ترتبي الحوش ولا دوري بيان ضحكت:تي لا يا حماره قصدي حتي الاثاث حلو ذوقه مليح احمد ملاك:حااق سلمهولي غزالي بيان:بدينا 🙄 هي وجهك خلي ندير معاهم حاجه وسكرت عليها عند كمال مقعمز مع الرجاله وعقله ما يبيش يمسح صورت بيان وهيا تتعارك معاه ايهاب لصق فيه: كيمو بناتهم يهبلو اخطبلي منهم حتي انا كمال شبحله:غير اكبر وبعدين يسهل ربي ومعاش تقولها كيمو خير ما نسل لسانك 😡 ايهاب:خيرني انا مش كبير عمري 23ره كمال:لا مش كبير ونوض جيب الشاهي من خواتك ايهاب:اووف وناض طلع هيا الشاهي انتي وياها فتون:بهي خيرك تعصب ايهاب:والنبي فكيني هاتي الهم خدي منها السفرة وطلع فتون:ري يهدي هاجر تضحك:قال يبي يتزوج فتون:هدا ماناقص ثاني يوم الفاتحه خش كمال للجامع لابس زبون اسود وشخصيته تقتل بدو الكل يسلمو عليه ويهدرزو معاه بعدين قرو الفاتحه و روحو دار كمال واصحابه جو بالتشليش والرصاص واحتفل بخوه بطريقه حلوة "كمال اولوياته في الدنيا خوته وخواته وامه يحبهم هلبا واللي يطلبوه يكون عندهم حتى وقت يمشي للخدمه ويغيب فترة طويله لازم قبلها يجيبلهم كل شي ويعطي لكل واحد مبلغ يعني هوا كان بالنسبه ليهم السند والظهر" ركب كمال لداره نحى الزبون ويعلق فيه طق الباب كمال:تفضل خشت نادين:كيف الحال كمال ببرود:بخير تبي شي نادين:ايه نبي نحكيلك موضوع كمال:خلي الباب مفتوح واحكي نسمع فيك نادين:لا مهو نبيش حد يسمعنا كمال:قلت خلي الباب مفتوح نادين توترت وقربت منه:كمال انا نحبك ومن زمان نموت عليك كمال ولا تحركتله شعره:وانا نحبك زي فتون وهاجر يعني امسحي الامل من راسك نادين تبكي:علاش بهي انا مش اختك انا نحبك روحي معلقه فيك وحاولت تحضنه كمال دفها وقرن الحواجب:اسمعي مانحبش نعاود الكلام انا لا وعدتك بشي ولا قتلك بناخدك من يومي نعامل فيك زي خواتي انتي اللي خيالك مشي بيك لبعيد وفهمتي اهتمامي بيك حب نادين:شن قصدك كمال:قصدي واضح وزي ماقتلك امسحي الامل من راسك نادين:مانقدرش نوقف حبي ليك كمال:دبري راسك وطلع وخلاها نادين:لو ماكنتش ليا مش رح نخليك لغيري يا كمال نوعدك أيهاب:ياكيمو حبقلبي كمال:اشحط روحك بلا حركات فروخ ايهاب:شاحط شوفني محلاني كمال جبده بقوة:قلت اشحط روحك والكلام هدا معاش نبي نسمعه منك ماتخلينيش نرفعك معاي المرة الجايه ايهاب بخوف:لالا خلاص ها كمال ابتسم عاجنب:اي هكا نبيك راجل شن تبي انت ايهاب:فلوس ياغالي اللي عطيتهملي امس تمو كمال فتش جيوبه:ماعنديش هنا برا لهاجر قلها تعطيك من داري ايهاب:منور يا برو في الزفه طبعا جايه بيان مع ملاك بصفتها صديقتها الوحيده والمقربه نزلت من السيارة وتساعد في احمد ينزل ملاك بيان:ووك هالهم ماكبره احمد ضحك:كيف كنت بنقولها ملاك:زيدو تسهوكو على قفطاني خزي احمد:نبصر يا روحي طالعه تهبلي بيان:مابعدكم ملاك:اسكتي ياحسودة تو تحبي ونشوفوك كيف تبدي بيان:حشاها الغاليه دخلوها اهل احمد دايرين صاله كبيرة في جنانهم بيستقبلو فيها العروسه ملاك:اسمعي بيان نسيت هاتفي في السيارة بري جيبيه بيان:تي علاش يا ملاك ديما معذبتني 🤦♀️ ملاك:وراسك اهو تزوجت وارتاحي مني بيان:بهي بهي بلا جو ديري فيه لبست عبايتها ووشاحها وطلعت فتحت باب السيارة بدون ماتشوف من فيها كمال:وعليكم السلام بيان انخلعت:انت شن دير هنا كمال:سيارة خوي بنطلعها انتي اللي شن جايه تخنبي بيان:مابردك ندور علي هاتف لوكه كمال:هاك جت بتاخده طاح وشاحها كمال قعد سرحان في شعرها الاسود:سبحان من خلقه بيان غطت شعرها بسرعه وخدت الهاتف ومشت تجري خشت كمال ضحك:حانجيبك للطريق ووخر السيارة بعد العرس بيومين كمال استدعوه في الخدمه ومشي ومن يومها وبيان ماطلعتش من دماغه نهائي طول الوقت يفكر فيها لحد يوم كمال:ها رفيق اسامه:تي وين يا راجل مشغول للدرجه هدي كمال:ايه الوضع مش تمام هنا في شي غلط اسامه:خير ان شالله رد بالك على روحك انت كمال ان شالله باش دير دورة عالعيله اسامه:بدون ماتوصي بعد العصر ماشيلهم كمال:تم هي سلامه اتصل بأخته هاجر اطمن على حالهم وسكر بعدها طلب رقم ماردش عاود عشرةمرات بيان:نعم كمال:ميه مكالمه باش تردي بيان:ومن حضرتك كمال:الفاضي بيان ابتسمت:ومنين جبت رقمي وشن تبي مني كمال:مكسد بنهدرز ومافيش شي مانقدرش ناخده بيان:وانا نبيش نهدرز كمال:وين تقري بيان:كليه العلوم واستمرت الهدرزة وقدر كمال باسلوبه يخليها ترتاحله وتندمج معاه في الحكي وبيان بطير من الفرحه انه كمال الحلو يكلم فيها قعد شهر في الخدمه بعدين روح هاجر فتحت الباب:كيمو وحضناته كمال:شن الجو امه:وليدي طولت الغيبه كمال:الله غالب ياامي حصلو علينا قعمز هدرز مع عيلته وتغدى بعدها ركب لداره واتصل بيها كمال:قطوستي بيان:الحمد لله عالسلامه كمال رقد عالسرير:الله يسلمك بيان:امتى وصلت كمال:نبي نشوفك بيان:نعم كمال:زي ماسمعتي بيان:لا طبعا كمال:ناخدش في رايك انا نأمر فيك بيان ضحكت:نحباش اسلوب الامر اللي دايرهولي هدا انا مش متدربه عندك ره كمال:انا نأمر وانتي تنفذي بس نحبش نعاود كلامي بيان:وانا مانحبش هكا كمال:تو تحبي امتى نتلاقو بيان:نعرفش كمال تعصب:ماطيريهاليش خيرك بيان:ضروري تشوفني كمال:ايه واكيد انتي مش خايفه مني بيان:مهو كمال:هاتي من الاخير بيان:بعدين بنمشي للمول تجي? كمال:جايك رني عليا لما توصلي الساعه 5 بيان:وينك كمال:شوفي قدامك وانتي ماشيه وتو نتفاهمو على شعرك اللي نصه برا بيان وقفت قدامه وقلبها ينبض بسرعه:ك ككيف حالك كمال:تعالي قعمزي حالي بهي ودخلي شعرك اخر مرة تطلعي بيه هكا بيان تساوي في وشاحها:بهي كمال نحا نضارته ويشوفلها: محلاك 😍 بيان تحشمت وواطت راسها:احم كمال:خيرك ساكته مش نفس القطوسه اللي نحكي معاها بيان:معاش تقولي قطوسه كمال:انا حر وانتي قطوستي بيان:به شفتني خلاص كمال:خيرك مستعجله وخاشه بعضك هكا خليني نعبي عيوني الاسبوع الجاي ماشي بيان:علاش كمال:خدمه ياقطوستي وقرصها من خدها بيان وجها بدي احمر كمال ضحك:بهي شن ناخدلك هي وقعدو يهدرزو وانسجمو وبيان زادت تعلقت بيه اكثر الساعه 7 وصلت للحوش كيف تفتح في الباب شخص:بيبو بيان سيطر على قلبها الرعب وطيحت المفتاح....يتبع تفاعلكم يا حلوين الروايه حقيقيه وطبعا فيها لمسات زياده مني باش ماتملوش من الاحداث
Oops! This image does not follow our content guidelines. To continue publishing, please remove it or upload a different image.
