part16
ايهاب:شن شفتي جن 🙄
عبير:جاي تخنب وكيف تبيني نتصرف يعني نقولك اهلين
ايهاب:ومن اللي قالك جاي نخنب
عبير:علاش خاش تنقيز من عالسور 🤨
ايهاب:هدا حوشي
عبير:ومن حضرتك
ايهاب:اني ايهاب
عبير:الله 😱 امتى بديت طرف هكا
ايهاب:تعرفيني ?
عبير:اها انا اخت لوكه شفتك مرة او مرتين في عرسها
ايهاب:اها المهم مافيش داعي حد يعرف اني كنت هنا
عبير:وعلاش
ايهاب:بدون علاش قتلك ماتحكيش تفضلي خشي هي
عبير:بهي وانت بتضرب 😒
ايهاب قعد يشوفلها لين خشت
ملاك:هدا كله حديدة
عبير:بري فكيني منك وطلعيلي الزبده
عند الشباب
عامر:تي علاش بلا كفر الزح
كمال: مافيش حل ثاني
عامر:وانا شن دخل امي فيك
كمال: انت صاحبي
عامر:اوووف عليا وسكر في وجهه
هاجر مقعمزة في كافي تستنى
اسلام:تأخرت عليك
هاجر بابتسامه:شويه
اسلام:الطريق بكل زحمه شن اخبارك
هاجر:الحمد لله
اسلام:دوم هالضحكه السمحه فكرتي في موضوعنا
هاجر:اي موضوع 🤨
اسلام:لو جيت وطلبتك توافقي او لا
هاجر:وكيف هكا فجأه تجي تطلبني
اسلام:بهي وين الغلط عجبتيني من لما جيتي لخوك في الشركه. وانا مانحبش نلف وندور وعلاقه وحركات مراهقه لو موافقه نبي نتزوجك
هاجر:مش عارفه
اسلام تجرأ وشد يدها:نحبك وربي
هاجر:خلاص قتلك نفكر
اسلام:خلاص انا نجي لخوك وبعدين انتي ردي عليا
هاجر:اوك
اسلام:ربي يجعلك من نصيبي 😍😍
في دار كمال
نادين:انا قتلك ايهاب طالع من الحوش
مراد:دبري راسك يا حلوة انا نبي نلعب فيهم
نادين:شن رايك نساعدك تخطف الحقيرة بيان وتريحنا منها
مراد:هههه فكرة حتى هيا
نادين خلاص نشوف الوضع ونقولك
خش عليها كمال عيونه حمر: من هوا اللي بتعطيه بيان
نادين بخوف:اا ماحد انا ماقلتش هكا
كمال بهدوء:ادوي احسن ماندفنك في ارضك
نادين بدت تبكي:شي ياكمال خيرك
شدها من شعرها بقوة:من امتى تحكي معاه الكلب مراد
نادين:مانحكيش معاه كنت نكلم في ماما
كمال خدي هاتفها وفتح الرمز وطلع تطبيق تسجيل المكالمات وفتحه
نادين انهارت وتبكي بقوة
كمال ضحك:ربي بيفضحك تعرفي ماكنتش ناوي نطلقك وبجديات ناوي نستمرو لانك في النهاية بنت عمي بس شن ندير لنيتك الفاسده
نادين تبكي وشدت رجله:لا والله درت كل شي باش مانخسركش 😭😭 انا نحبك نموت فيك ماتخلينيش
كمال دفها:انتي طالق طالق طالق امشي لبوك واحكيله شن درتي يا محترمه وطلع طايرتله
بيان:خيره صوتكم واصل لبرا 🙄
كمال:تطلعي معاي شويه
بيان قربت منه:خيرك حبيبي متعارك معاها! 💔
كمال:نستناك في السياره
بيان:تمام لبست ونزلت معاه طلعو للبحر
كمال حط راسه عاكتف بيان وساكت:تعبااان
بيان:شن متعبك احكيلي
كمال:مراد يكلم في نادين ومتفاهمين تساعده يخطفك ثاني ويردك
بيان:كييف 😱😱
كمال شافلها:عيوني. يا روحي انتي ارجوك وافقي نتزوجو انا نبيك حلالي على اسمي لما توقفي جنبي اسمك مرتي ماحد يفتح فمه بكلمه نبي ولد عمك ينهي القصه من راسه ماتعبينيش
بيان:بس انا
كمال:طلقتها ارتاحي
بيان:وعمك وعيلتك
كمال:هيا عارفه روحها شن دايره مستحيل تفتح فمها
بيان:وامتى بنتزوجو ان شالله
كمال:موافقه 😕
بيان:مالا بالك تحسابني بنخليك 😒 لكن عندي شرط ثاني 😁
كمال:انتي تأمري مش تطلبي
قربت منه:نبي عرس و حنه المرة الاولى مادرتش شي بكل 😢😢
كمال باسها 😍:انسيه اللي فات واحلى عرس لغزالتي
بيان:نحبك
كمال ولع السياره وطلع بسرعه:تحبيني صار
بيان:كمال هدي السرعه ماتخوفنيش 😨
كمال يضحك:كيف تحبيني ترا قولي
بيان:نحبك شن كيف
زاد السرعه:لوين مستعده توصلي معاي
بيان:خلاص وقف 😭😭
كمال:لوين
بيان شافتله:نموت معاك
نقص السرعه وشد يدها:ربي يخليك ليا
وبدي التجهيز للعرس 🥰🥰💃💃
ومراد مختفي معادش عرف كيف يرد عاكمال وخاصة بعد خسارته الكبيرة في الشركة
عامر بيطير من الفرحه ويحسب في الايام لين توصله فتون
كمال نفس الشي بس شعور التوتر واخد جزء منه انه مراد يدير شي يخرب فرحته ولهذا ناوي يعيش الفرحه كامله ويبعد مراد نهائي
طلع من داره وبينزل
هاجر:طالع
كمال:ايه تبي شي!
هاجر:امم هوا
كمال:احكي
هاجر:انا اووف ياربي 🤦♀️
كمال ضحك:خيرك خاشه بعضك
هاجر:نبي تسمع مني بس مش عارفه
كمال:خودي نفس عميق 😂 وقولي الموضوع طول
هاجر:فيه حد يبي يتقدملي
كمال:اشيه ومنو هدا
هاجر:يبي يجيك اليوم
كمال:وانتي موافقه عليه
هاجر واطت راسها
كمال:قوليله يتفضل بعد العصر ونزل بسرعه طلع مشي لساريه صاحبه
ايمن:اهلا انست ليك فتره عالمكان ان شالله خير
كمال:قاصدك في خدمه
ايمن:عيونا ليك
كمال:والله نبيك.....
ايمن:ههههه حاضر عطيني المكان بس واعتبر الموضوع تم
كمل:منور وباش تتفضل للعرس
ايمن:تي شن معاش عندك صنعه مش تزوجت المدة اللي فاتت
كمال:وبنعاودو 4رهو 😂
ايمن:ربي يهني 😅
العصر
فتون:قصدك اللي جاي اسلام 😱
هاجر:ايه وماقدرتش نقول لكمال
بيان:عادي خليها مفاجئه 😄
فتون:حي عليك
بيان:اسكتي انتي ماتخوفيهاش
فتون:انتي متاكدة تبي تتزوجيه قصدي هوا
هاجر:خو مراد نعرف وموافقه
فتون:تو نشوفو خوك شن يقول
في المربوعه
كمال:يعني
اسلام:جايك من الباب طول انا كلمتها وقلتلها بنطلبك توافقي او لا ولما حسيت بيها راضيه جيت وبنخطب ماعنديش حد جايك بروحي
كمال:وانا عارفك شنو ومش رح نلقى احسن منك يصون اختي. توكل على الله
اسلام:نبي العرس طول
كمال:علاش مستعجل
اسلام:حوشي واتي وماعنديش علاش نستنى
كمال:بعد شهر شنو
اسلام:عادي
كمال:هوا بتشاركوني انت وعامر لكن يلا
اسلام:😂😂
تسريعا للأحداث 😊
فات الشهر بهدوء كل واحد يجهز ومبسوط لانه رح يتزوج اميرته 😍
عامر خدي جزء من الحوش وداره جناح ليه
اسلام حوشه جاهز اختار الاثاث هوا وهاجر ومتفاهمين عاكل شي
اما عمكم كمال فتح شقته اللي مسكرها من5سنين نظفها وحط فيها احلى حجات وويحسب في الوقت بالدقيقه واللي تطلبه بيان يكون عندها
ملاك واحمد عايشين في عالمهم الخاص 😍 ومش مدورين حد
😍يوم الخميس تحديدا 23/3/2014😍 في التاريخ المميز هدا تزوجو كمال وبيان وحققو حلمهم اللي تعبو باش صار حقيقه
خش لدار شافها بالابيض
تلفتتله:حبيبي 😊
قرب منها وشد يديها:اخيرا شفتك قدامي لابسه ابيض ليا اسمك مرتي وبتبدي ام صغاري قداش فكرت انه تكوني مش ليا وتاخدي غيري وتحبيه
لما انصبت وخشيت غيبوبة فكرت انه خلاص بنموت بنسيبك مانبيش نسكن معاك تحت سقف واحد مانبيش نفيق على عيونك مانبيش نلعب بنوتة حلوة نسخه منك بس فيه شي في قلبي خلاني نرجع وانا متأكد انه حايجي اليوم هدا
نزلت من عينه دمعة شخص تمنى وربي حققله امنيته بعد تعب ومعاناه
مدت يدها ومسحتله دموعه:اليوم اللي سيبتك فيه عاهدتك في قلبي اني مستحيل نكون لراجل غيرك وحتى لو مارجعتلي حانموت على حبك وبعدك هالقلب مايملكه حد 💗
شد يدها وخشو للصاله مش شايفين حد بس قلوبهم وعيونهم تحكي وتعبر على الفرحه
فتون وهاجر روحو قبل يخش كمال
اهل عامر دايرين دخول بسيط في حوشهم استقبلو فتون بطريقه حلوة حماواتها وسلفاتها ناس طيبه قعدت معاهم شويه وبعدين خشت لجناحها وفاتت ليلتها زي اي عروس 👩❤️👨
اما هاجر طول الطريق ساكته وصلت
اسلام:نورتي حوشك حبيبتي
هاجر:تسلم
اسلام:هدي دار خشي غيري خلي نجهز العشا
خشت للدار غيرت وطلعت تعشو مع بعض وصلو
بس اول ماقرب منها اسلام 🤷♀️
هاجر:انا ا ا نبي نرقد
اسلام استغربها بس ماحبش يضغط عليها:تمام حبيبي تعالي نرقدو
هاجر:بروحي
اسلام:كيف
هاجر:نرقد بروحي
اسلام:تمام براحتك تفضلي للدار وانا تو نرقد هنا
خشت لدار وطول الليل تفكر هل اللي دير فيه صح ولا غلط
اما اسلام مارقدش للصبح يفكر هاجر علاش انقلبت معاه فجأه بس استنتج انه مجرد توتر وخوف
عند عصافيرنا الحلوين
قدام الحوش كمال:برجلك اليمين يا روحي
خشت بيان:😍😍
الحوش كله احمر بالورد الطبيعي
في كل مكان الشكلاته اللي تحبها وعالطاولة عشي وكيكه مكتوب عليها"يخليلي اميرتي"
كمال:نموت فيك
بيان:مش اكثر مني
قرب منها
بيان:لا حبيبي نصلو وانا جعانه
كمال:اووف 🤦♀️بهي بسرعه هي وفاتت ليلتهم جميله 😊😊
اكيد تتسائلو وين مراد من هذا كله 😅 وغريب مادارش شي فسد بيه العرس
تعالو نحكيلكم تذكرو لما كمال مشي لصاحبه في السارية وطلب منه طلب
"طلب منه يقبضو على مراد ويخلوه محبوس عندهم لحد يتم العرس باش يضمن انه مش رح يدير شي "
ثاني يوم الصبح
بيان:حبيبي هيا نوض
كمال:خليني نرقد خيرلك
بيان:قعدت بروحي كساد نوض هدرز معايا
كمال:ارقدي
بيان:لا معاش جايني نوم نوض انت
كمال 😴😴
طق الباب طلعت بيان تفتح
ملاك:احم صباحية مباركة يا عروستنا
بيان:ههه اهلا بسلفتي تفضلي
ملاك:لالا شن تفضلي خليكم براحتكم
بيان:كمال ماباش ينوض وانا نمد في وجهي بروحي تعالي نديرو قهوة
خشو للمطبخ يهدرزو
ملاك:فرحتي مش عاطيتها لحد اعز صاحباتي رجعتلي وسلفتي ثاني الحمد لله 😍
بيان:ولا بنرجعو ايام زمان
ملاك:اسفه عاكل يوم جرحتك فيه وخليتك بروحك
بيان:خلاص عاد مش حكينا وتصافينا
اييه وبنحكيلكم كيف تصالحو بيان 😁
flash back
احمد:بيان جت مع كمال
ملاك وقفت:الله
احمد:ايه لو تبي انزلي واحكو مع بعض
ملاك:خايفه
احمد تخافيش يا روحي لما نغلطو المفروض نصلحو الغلط ونعتذرو
ملاك:بهي نزلت مشت لبيان في الدار ممكن نخش
بيان:بجوك 🙄
قعمزت قدامها: قداش غلطت فيك وجرحتك وكنت الاسوء من بينهم لاني في الوقت اللي مفروض نوقف معاك ونكون جنبك انا بعدت وصديتك وضايقتك عارفه انك كرهتيني وممكن بديتي تعتبري فيا عدوتك بس انا والله ماكان قصدي ولانه علاقتك بكمال جت فجأه فاتوقعت انك بجديات ماتحبيشي وموت عمتي قتلني لانها توجعت هلبا على غيابه
بيان:كلهم كوم وانتي في كوم بروحك ياملاك قهرتيني كسرتي منك غير الكل قداش تمنيت نحضنك ونبكي ونشكيلك نقولك راني مجبورة نفارق اعز انسان في حياتي تمنيت يدك ماتسيبش يدي تكوني ليا بس الحضن اللي فقدته بموت امي انتي صاحبتي انا حتى لو غلطت فيه مفروص تقعدي في صفي بس انتي اخترتي عيلتك ونسيتيني عمري ماتوقعت حبك لاحمد ممكن في يوم يوصل انه يمسح مكانتي في قلبك وتتخلي عليا بكل بساطه وقوة
ملاك تبكي وماعرفتش شن ترد
بيان:قعدت بروحي في الحوش 4سنين عايشه علئ صوركم نحكي معاها ونشكيلها وحتى نعاتب فيها وواثقه انه ربي مش ناسيني ورح يوريكم الحق في يوم وتعرفو انه بيان ماتخلتش على حبها ولا باعت صاحبتها
ملاك:اسفه
بيان:ممكن يجي يوم ونرجعو فيه زي قبل وانا عارفه انك نادمة بس خليك جنبي محتاجاتك توا انا نبي صاحبتي بعيد على كل خلافاتنا
ملاك حضنتها بقوة:مستحيل نبعد عليك ثاني نوعدك
بيان: نحبك يا حمارة 😢
end back
طلع كمال من الدار:ان شالله خير مأنستنا مرت خوي على حد علمي العرسان يخلوهم بروحهم
ملاك تحشمت:ااه اي سلامتكم هي
بيان:مابردك عارفها تتحشم منك
كمال:مش عارف علاش قد ماحاولت نبصر معاها تخش بعضها
بيان:تخاف منك
كمال:شن وحش انا
بيان:حشاه حبيبي بطلي انا
كمال:بري قدامي للمطبخ هي جعان
بيان:حاضر 😍
عند هاجر ماطلعتش من دارها بكل
الساعه 12طق عليها
اسلام:هاجر فايقه
هاجر فتحت الباب:صباحو
اسلام:صباحك وردات
مد يده يلعب بشعرها 😍🤤 محلاك
هاجر بعدت:نديرلك فطور
اسلام طارتله بس يحاول يسايرها:اي عادي تعالي نساعدك
حاول يفتح معاها مواضيع بس هيا شي شي وكأنها هاجر ثانيه اول مرة يشوفها
فاتو اسبوعين
طلع مراد من الحبس وعرف انه كمال وراها باش يدير عرسه وناويله على مصيبه 😨
بيان:هيا حبي
كمال:اني جاي عاشنو مستعجله
بيان:عالهدرزة
كمال:سبحان الله هدرزتكم ماتمش
رفعها لحوش اسلام وطلع لصحابه
بيان:خيرك اللطف ماتقولش عليك عروس لا كحل لا شي في وجهك
هاجر:مش شرط
بيان:لا شرط معقولة 3اسابيع هكا اسلام شن وضعه معاك 😉
هاجر:بيان بنحكيلك شي بس اوعديني يقعد بينا
بيان:قولي شنو
هاجر:.........
بيان:كييف يتبع 😅
هي توقعاتكم للحلقه الجايه 🤭
الاخيرة قريب
