part12
فتحت عيونها في مكان مظلم وريحة غبرة تحاول دور ضو بس مافيش
......:تبي ضي
بيان بتبكي وخايفه:مني انت
.......:شي مايخصكش
بيان:بهي خليني نمشي والله مش رح نتكلم او نقول شي
........:ضحك هوا انتي فعلا مش رح تقولي شي
كيف بتتكلم انفتح في وجها ضي قوي لين سكرت عيونها
بيان:ووواك من الحمار هدا
كمال يضحك:لمي لسانك خير
بيان بفرح:كمال ساعدني فيه حد خطفني
كمال قعمز مقابلها:انا خاطفك
بيان:نعم 😨
كمال:توا زي البنت العاقله بتحكيلي اللي صار من يوم اتفقنا انه بنبعت امي تخطبك لليوم
بيان:لا مانبيش نحكي شي فكلي ايديا بنروح
كمال:رهو عاطيك صبر هلبا فاقدريه واحكي ماتجبرينيش نوريك وجه مش حايعجبك
بيان:سكتت ولفتت وجها للجيهة الثانيه
كمال قعد مقعمز ويتفرج عليها نظراته بتحرقها حرق ماحولش عينه من عليها
هيا متوترة وتسلل الخوف لقلبها بس تحاول تبين انها قويه
فاتو ساعتين وهما على نفس الوضع
وقف كمال وبدي يدور عليها والدخان في فمه:شنو نزيدك ساعه ثالثه
بيان:مانيش حاكيه شي بعدين انت كيف تخطفني راجلي ر..
ماكملتش كلمتها وكمال شدها من شعرها بقوة:قوليها الكلمه هدي ثاني وشوفي شن بنديرلك
بيان تبكي:سس سيبني
كمال بعياط:انتي اللي اخترتي نوريلك كمال اللي مايرحمش هيا بتدوي ولا ندير فيك اللي ماقدرش ولد عمك يديره 😏
بيان انصدمت وقعدت تشوفله نظرة خيبت كل امالي
كمال:هياااا
بيان حكتله كل شي وهيا تبكي وقلبها يوجع فيها
كمال قعمز عالكرسي:ياويلك مني يا مراد
بيان:ممكن نمشي توا
كمال:لا قرب منها يفتحلها في يديها
بيان:علاش مش خاطفني باش تعرف الحقيقه اهو حكيتلك سيبني هي
كمال:بتمشي معاي ومراد بتطلقي منه
بيان:من قالك نبي نطلق منه
كمال:ماسألتكش على رايك انا قتلك اللي بيصير بس
بيان:نكرهك
كمال:ممتاز وهدا اللي نبيه الحقيني
بيان:لا مانبيش نمشي معاك
كمال قرب منها شد خصلات من شعرها:مهو كان ماتبيش تمشي معاي بتقعدي هنا زعما البنت الحلوة بتتحمل تقعد في مكان زي هدا
بيان:كيف بديت حقير هكا
كمال:من يومي حقير غير انتي حظك حلو وريتك الحنين اللي ماتستاهليشي
بيان:مالا من يستاهله مرتك 🙄
كمال:ماليكش علاقه بيها مرتي بتطلعي ولا قعدا
بيان:اووف هيا
طلعو في سيارة مظلمه ومشو للحوش
نزل كمال الاول وخش ومن سوء حظه لقاهم مجتمعين كلهم:عند النبي ان شالله
احمد:وينك
كمال:عندي خدمه
هاجر: نحطو الغدا
كمال:جايب معاي ضيف
فتون:منو
كمال اشرلها براسه خشت
بيان بهدوء:السلام عليكم
فتون:بيان
احمد:شن فيه ماتقوليش خطفتها
كمال:حاجه زي هكا
احمد:شن هبلت انت رهو مرا متزوجه خيرك
كمال:ماتعليش صوتك واعرف مع من تحكي
احمد واطى راسه لانه يحترم في خوه هلبا:مش قصدي بس
كمال:انا عارف روحي شن ندير وهيا بتقعد عندنا فترة لين نكمل شغلي
نادين:ديما خاربة حياتنا ربي ياخدك
كمال:نادين اهدي فكيني من العراك
نادين:علاش جبتها معقولة رجعتلها
كمال:مارجعت لحد قتلكم بتقعد لين نكمل شغلي مافيش بينا شي
بيان واقفه ووضعها لاتحسد عليه
فتون قربت منها:اعتبريني صديقتك لين تروحي بهي
بيان ضحكتلها:بهي
فتون:تعالي نعطيك لبس غيري وننزلو
بعد وقت عالسفرة
كمال ياكل وماحكاش شي
هاجر تفكر في مراد ماكلمهاش من الصبح مشغولة عليه
ملاك مستاحشه بيان بس زعلها منها خلى بينهم حاجز صعب تتخطاه 💔"أصعب شي وقت الضروف تكون قاسيه وتخلق صدأ في رابط صداقه قوي بين شخصين وبعدة اسباب يبعدو على بعض وكل واحد فيهم محتاج الثاني اكثر من حاجته انه يتنفس "
نادين:ناس وقحه
بيان:خليك في حالك ماقربك حد
نادين:وعندك وجه تردي 😒😒
كمال:نادين خلاص
نادين:حاضر حبيبي
بيان حاسه قلبها بيوقف ودموعها بيخونوها:وريني دار نرقد فيها
فتون:هي تعالي وركبو فوق
هاجر:خيرك معاها
كمال:شن تبيني نديرلها
هاجر:تجاهلها احسن من اسلوبك هدا
كمال:زي بعضه
هاجر:لا هكا انت تحسسها انها ماتسوى شي
كمال وقف:سكروه الموضوع وركب قابلاته
فتون:كيمو
كمال:عيوني بنيتي
فتون:ممكن ماتكونش قاسي معاها
كمال:حاضر
فتون:ربي يخليك ليا
فات من جنب الدار يسمع فيها تبكي خش لداره وهوا يفكر
عند مراد بينجن وهوا يدور عليها ومش لاقيها بكل
اسلام:وين بتمشي
مراد:اكيد مع الحقير هداكا لو تطلع هربت معاه والله نقتلها
اسلام:لالا مستحيل خلي نتصل بيه
كمال:يا نعم
اسلام:ماتقولش بيان معاك
كمال:اعطي الهاتف لخوك وماتدخلش
مراد خدي الهاتف:وربي لما نطلع بروحك
كمال:ماكنتش نعرف انك تخدم مع ملك الموت 😒
مراد:وين مرتي يا.....
كمال:في الحفظ والصون
مراد:هربت معاك ياكلب والله لما نقتلكم
كمال:هههه واثق انت!مرتك انا خطفتها وهكا بتبدا لعبتنا خطوة بخطوة والذكي يسبق
مراد:شن قصدك
كمال:توقعتك اذكى من هكا
انت لعبت معاي هلبا وتوا جي دوري
اول شي غدوة الصبح ايهاب يكون عندي والا ماتعرفش مرتك طول ماهيا معاي شن ممكن نديرلها وسكر عليه
مراد:ااااه الحقير الكلب
اسلام يشوفله وخلاص وخايف على بيان
مراد مشي لايهاب:نوض روح لخوك
ايهاب:خيرك انت شن نروحله اهيا
مراد خنقه:خوك خاطف مرتي وقلي غدوة تكون عنده فا امشيله بالطيب احسن مانرفعك ليه مكفن 🤬
ايهاب:كلاب زي بعضكم
مراد:على خاطر بيان نحرق الدنيا باللي فيها وطلع ثاني يوم الصبح
واقف كمال لابس سروال وسوريه عالاسود وداير يديه في جيوبه والابتسامه مافارقتش وجهه
وصل مراد ومعاه ايهاب
كمال:اهلا اهلا
مراد:هدا خوك وين مرتي
كمال:مزال اللي نعرفه انها بالنسبه ليك كل شي فااكيد مش رح نطيحو قدرها وناخدو مقابلها طلب واحد
مراد:بس توا دوري 😌
كمال:وريني
مراد:نخاف عليك
كمال ضحك:خلي مرتك بين عيونك بس
تلفت لايهاب اركب للسيارة وطلعو
مراد قعد واقف ويشوفلهم لين اختفت سيارتهم
عند البنات في الحوش
نزلت بيان من الدار:صباح الخير
فتون وهاجر:صباح النور
نادين:استغفر الله نفسي انسدت
فتون:قعمزي افطري
بيان:لالا مانبيش عادي نخش ندير قهوة
هاجر:اي اكيد تفضلي
خشت بيان للمطبخ
نادين لحقتها وشدتها من ايدها بقوة وغرست ضوافرها فيها:اسمعيني كويس كمال تقعدي بعيده عليه والا نقتلك فهمتي مش رح نسمحلك بعد وصلته تاخديه مني
بيان:سيبي ايدي مانبيشي راجلك ولا نفكر فيه
نادين:زي الحق انتي رخيصه وتبي الكل ماسدكش راجلك جايه تبي تاخدي مني راجلي
كمال واقف عالباب:صبح
نادين سيبتها وتلفتت:صباحو حبي
كمال شاف لبيان تتوجع بس مادورش:صباح النور
طلعو للصاله
نادين:حي ايهاب وين كنت ليا فترة ماشفتكش
ايهاب:اهلين
كمال:كلامي قاعد نفسه بعد يومين مسافر ويديرلك ربي رجلك تعتب برا الحوش
ايهاب:قتلك مانبيش تسافر خيرك انت
كمال يشوفله
ايهاب:كانك خايف عليا ماتسيبنيش وتمشي انت تخليت عليا
هاجر:ايهاب مش هكا الكلام اسكت
ايهاب:لا هكا ببساطه خلانا 4سنين ولا كأنه على خاطر شنو عاخاطر اللي يحبها رفضاته هه ماتوقعتكش شفاف للدرجه هدي
فتون:بس خوك ماسيبناش بمزاجه
ايهاب:لا بمزاجه وهوا هكا اختار كله بسببك انتي
بيان تبكي
هاجر:كمال احكي خيرك ساكت
كمال فتح سوريته ونحاها وتلفت
كلهم 😱😱
كمال:هادو 4سنين هكا كانو اشر على خياطه في جنبه هنا انصب لما حاولت ننقض صاحبي اللي مات قدام عيوني
اشر على كتفه وهنا لما حاولت نهرب
والباقي هادو حياة تعودت عليها التعذيب كان لينا وجبه كل يوم ناكلو فيها والحمد لله عمري ماتمش وقدرت نطلع من المكان على رجليا
ايهاب:يعني
كمال لبس سوريته:مايعنيش خليك مقتنع باللي في دماغك مايهمنيش رايك وركب
فتون:قتلك خوك ماسيبناش بمزاجه انت زايده على همه هم
ركب كل واحد لداره
فاتو ايام وبيان مزال عند كمال اللي يعامل فيها كأنها هوا
مراد مختفي
ايهاب سافر لتونس ومشي معاه اسامه ودخله مركز علاج ادمان
رن هاتف هاجر:ايوا حبيبي
مراد:نعم
هاجر:مشغولة عليك خيرك ماتردش عليا
مراد:حر عاد نرد او لا موضوعي
هاجر:بهي براحتك
مراد:انتي في الخدمه
هاجر:ايه
مراد:اطلعيلي شويه
طلعت هاجر وشافاته واقف يضحك
مراد:اهلا بالحلوة
هاجر:خيرك حبيبي
مراد:هه حبيبك صار
هاجر:شنو
مراد:تصدقي انك اهبل مخلوقه تقابلني صدقتي كل شي حكيتهولك وماشيه بيه لا ومقتنعه اني بنتزوجك
هاجر:بلا براده مراد
مراد شدها من ايدها:كنتي لعبه حلوة ياخسارة جي الوقت اللي نلوحك فيه
هاجر تبكي:لعبه
مراد:اها لعبه طول هالفترة نضحك عليك ونجري بيك لانحبك ولا شفت خلقتك اصلا انا متزوج ومرتي بيان وخوك لعب معاي وانتي من حظك الحلو جيتي قدامي
هاجر:قصدك كل شي كان بس انتقام
مراد:لا هدا جزء بسيط هديه مني لخوك رح ندمر كل عيلته ونخليه يموت بالبطيء لانه فكر يقرب من حبيبتي
هاجر:انا
مراد:انتي مظلومة بس عادي الظالم في جرت المظلوم هههههه زيك زي ايهاب
هاجر:بس انا حبيتك من قلبي كيف دير فيا هكا
مراد:وانا مانحبش الا بيان هيا كل حياتي وعلى خاطرها بننهيك انتي وعيلتك كلها ووصلي لخوك كلامي ونستنى في خطوته هههههع
ركب سيارته ومشي وهوا متأكد انه دمر هاجر وكسر قلبها لانه كان اول حب في حياتها وتعلقت بيه هلبا وبكسرتها هيا يكون عطا لكمال الضربه الثانيه 💔
روحت للحوش وهيا في صدمه
بيان:جيتي هاجر شن جو الخدمه
تلفتت وقعدت تشوفلها
بيان: خيرك حبيبتي علاش تبكي قربت منها بتحضنها
هاجر دفتها:علاش انتي علاش شن ناقصني انا خيرني انا
بيان:شنو
هاجر:لااااا
نزل كمال ونادين يجرو هاجر شدت خوها:قلي مانحبكش قلي نحبها هيا كل حياتي
كمال:مني هدا شن تقولي
هاجر:مراد بعد هدا كله يطلع مايحبنيش بس يبي ينتقم منك بيا انا وايهاب يبي يدمرك بينا قلي مانبيكش
كمال حضنها بقوة وعيونه نار
هاجر: قلبي ياكمال يوجع فيا هلبا نحبه انا نحبه
كمال:اسس خلاص اهدي
هاجر:ماتقوليش اهدي كيف بنهدا نار هنا وتخبط عاقلبها البنت هدي جابتلنا الوجع بس
كمال شاف لبيان نظرة قتلتها
هاجر شدت فيه بقوة:طلعها من حياتنا كمال بالله عليك انا وطاحت من طولها....يتبع
كمال كيف بيتصرف مع بيان بعد اللي صار لخوته الزوز والسبب هيا??
مراد بيكتفي بهاجر وبيتمادى لفتون واحمد?
