part13
كمال يدور قدام الغرفه في المستشفى وراسه بيتفجر من التفكير
فتون بدموع:انا خايفه كمال
حضنها بقوة وباس راسها:اهدي بس
طلع الدكتور:انهيار عصبي عطيناها مهدئات وتوا راقده حاولو تبعدوها على اي توتر واخبار مش حلوة ومشي
نادين استغلت الوضع:كله بسبب الحقيرة هاديكا خوتك كل مرة ينضر واحد ابصر توا الدور عامنو فتون ولا احمد
فتون خافت وتمسكت بكمال اكثر
كمال:ضمي فمك احسن
نادين خافت وسكتت
كمال:انا عندي مشوار
فتون:بتعطل
كمال:لا مش معطل بنتي
طلع واتجه للحوش خش وركب لدار اللي فيها بيان خش شافها حاضنه روحها وتبكي
كمال:نوضي بنطلعو
بيان قامت راسها وقعدت تشوفله:حتى انت محملني ذنب كل شي صار
كمال:هيا بلا دوة فاضيه
بيان وقفت قدامه:لا مش دوة فاضيه سألتك جاوبني
كمال:ماعندي علاش نجاوب البسي هم علي شعرك وهيا
بيان شدت جاكيته:لا نبي نحكي شن ذنبي انا قولي في شن ضريتكم انا حبيتك من كل قلبي تعذبت اكثر منكم انا وعمري 4سنين مات بوي قدامي خوي عايش حياته برا ولا يعرفني انحرمت من امي اخر عيلتي ومراد خانقني في كل وقت يهدد فيا حرمني من اكثر شخص حبيته تعرف شن يعني حد يبي يغتصبني ونضربه ويقولولي مات شعور انك قاتل روح وعايش مع حد تكرهه بس مجبور تكمل وتوا تقولو انه انا السبب في كل شي
كمال خداها في حضنه:اهدي بهي
شدت فيه بقوة:انا والله تعبانه معاش عندي طاقه لشي مستغربه في روحي كيف قعدا عايشه ومتحمله لتوا
كمال يمسح على شعرها:كلنا تعذبنا وتعبنا ويتامى
بيان تشوفله وعيونها حمر:ماتخلينيش
كمال شبح للجيهة الثانيه:علاقتنا تمت من زمان ماتعطيش لروحك امل مش موجود
بيان:حتى بعد عرفت اني ماتخليتش على حبنا
كمال:مرات بعد يفوت الاوان معاش يبدا للشي الحلو طعم
بيان:يعني
كمال شاف لعيونها:منتهيين
بيان بعدت عليه:من وين جايب هالقوة تي انا روحي معلقه فيك حتى ريحتك تخلي في قلبي قريب يطلع من مكانه كيف عندك قوة تقولي الشي هدا وانت تشوف لعيوني بدت تبكي وتضرب فيه عاصدره شن درت في حياتي باش نتعذب هكا
كمال شدلها يديها:البسي وشاحك والحقيني معاش نقدر نخليك في نفس الحوش مع هاجر
بيان دموعها ماوقفوش خدت وشاحها لبساته وطلعت معاه
وصلو لحوش بسيط على دورين
نزل كمال الاول طق الباب
عامر فتح:اهلا رفيق
كمال:شن صار
عامر:تم الكلام تفضلي خشي امي داخل
خشت بيان
ام عامر:اهلين بنيتي كيف حالك
بيان:الحمد لله وقعمزت
ام عامر: خيرك تبكي من مزعلك
بيان:امي مشت وسيبتني الكل زعلني بعدها
ام عامر خدتها في حضنها:اني امك بنيتي ابكي وريحي قلبك
قعدت بيان تبكي بصوت عالي في حضنها
كمال وعامر برا يسمعو فيها
عامر:ربي يكون في عونها
كمال ساكت
عامر:شن بدير توا
كمال:لازم نطلقها منه
عامر:لو تضغط عليه يطلق
كمال:وهدا هوا ردو بالكم عليها
عامر:كون هاني
رجع كمال للمستشفى قعد مع خواته وروح بيهم في الليل
فتون بعد ركبت هاجر لدارها نزلت:وين بيان
كمال:مشت
نادين:شن تبي فيها ارتحنا منها وحدا تافهه
كمال:نوضي ديريلي شي نتسمسمه جعان
نادين:حاضر ومشت
فتون:انت عارف انه بيان مضلومة
كمال:فوتيها سيرتها وخليك في قرايتك
فتون:ماتكونش انت والدنيا عليها هيا تحبك وانت اخر املها
كمال قعد يشوف لاخته
فتون:المرة اللي فاتت لحقو عليها ممكن مايكونش عندها فرصه تنجى مرة جايه
كمال هز راسه واتكى عالصالون
فاتو اسبوعين وثلاثه وفات شهر كامل
بيان خشت في حاله اكتئاب معاش تطلع بكل ونادرا ماتاكل ضعفت هلبا وطول الوقت تبكي
هاجر حالها مش احسن من بيان
كمال لاهي في الخدمه وماحد عارف شن يخطط
ايهاب تحسنت حالته ومستمر في العلاج
مراد مختفي!!!
في يوم كانو كمال واسلام في اجتماع بعد كملو
خشت السكرتيرة:استاذ عندك ضيفه
كمال:منو
خشت هيا بابتسامه:انا
كمال وقف وحضنها بفرح:نورتيني
هاجر:حبيت نديرلك زيارة ونشوف الشركه عادي! !
كمال:طبعا هدا اسلام شريكي وهدي هاجر اختي
اسلام باعجاب:اهلا اهلا انستي
هاجر:تسلم 😊
كمال:هي نمشو لمكتبي
هاجر:خاطري نشوف الشركه تبان حلوة
كمال:حبيبتي توا مشغول انا
اسلام:عادي انا ندير بيها دورة بعد اذنك يعني
كمال:تمام تعطليش وتعالي لمكتبي
هاجر:اوك وطلعت مع اسلام
اسلام:انتي اصغر من كمال
هاجر بهدوء: ايه انا بعده
اسلام:تشتغلي
هاجر:ايه ممرضه في عيادة......
اسلام:مش باين عليك الحق عطيتك اقل
هاجر ابتسمت
اسلام سرح في ابتسامتها وقلبه داير هرجه 🤭
كمال يشتغل في الورق رن هاتفه:ها عامر
عامر:البنت تعبانه ره
كمال وقف بخوف:خيرها
عامر:مش عارف امي قالت راقده مابتش تنوض انا مش رح نخشلها
كمال:جاي هي طلع بسرعه هاجر هيا بنروح بيك
هاجر:بس نا مازلت مالفيت في كل الشركه 😔
كمال:مستعجل هيا تو مرة تانيه نجيبك
اسلام:لو عندك مشوار مهم برا وتو انا نروح بيها
كمال:لالا خليك هنا لين نرجع بهي
هاجر:تمام
طلع بسرعه الطريق خداها 10دقايق وصل نزل يجري
عامر:اهدا خيرك بتقلب السيارة
كمال:وينها
عامر:في الدار هاديكا
خش كمال: خيرها ياخالتي
ام عامر:مانعرفش وليدي الصبح كانت معاي خليتها ومشيت بنصلي جيت لقيتها على هالحال
قرب منها شاف وجها ابيض هلبا وشفايفها بدو زرق وتحت عيونها هالات وضاعفه هلبا قاملها راسها قعد يشوف فيها
تكلم بصوت عالي:عااامر
خشله عامر:ها شنو
كمال: مافيش مستوصف جنبكم بعيد عالانظار
عامر:فيه هي نوض
قامها كمال وحطلها وشاح وطلع بيها بسرعه رفعوها للمستوصف دارولها غسيل معده وعطوها مهدئات
كمال يدور في الممر بعصبيه
عامر:اهدا شويه
كمال:اسكت انت
عامر:سكتنا
ممرضه:المريضه فاقت
كمال خش للغرفه طول قريب قلع الباب قرب منها شن اللي واكلاته
بيان:حبوب
كمال:تبي تموتي
بيان:بالزبط
كمال قامها بقوة:وانا لمن بتخليني
بيان:مرتك
كمال قعد يشوفلها:تموتي كافرة
بيان:بيني وبين ربي هوا اعلم بحالي
كمال:بنطلقك منه
بيان:اللي هوا
كمال:شن ماتبيش تطلقي 😒
بيان:انا تعبانه ممكن تخليني نرتاح
كمال:ضرب رجله بقوة في الطاوله وطلع
بعد كم ساعه روح بيها ودخلها للدار:تبي حاجه
بيان:لا شكرا
كمال:ادوي كويس
بيان هزت راسها بس
طلع ورجع للشركه خدي هاجر وروحو
نادين:خيرك تأخرت حبيبي
كمال:اخطيني مش ناقصك ركب لداره ودار اتصال
مراد:يااهلا
كمال:ليك وحشه
مراد:تتوحشك جهنم الحمرا
كمال:قاصدك في طلب
مراد:شن تبي
كمال:بيان بطلقها
مراد:تحلم اني نطلقها
كمال:اليوم لحقت عليها وانقضتها من الموت ممكن المره الجايه نسلمهالك جثه
مراد:تبي تفهمني انها معاش تهمك
كمال:انت شن رايك
مراد:مستحيل نطلقها
كمال:يومين تفكر والثالث بتنفذ فيه وسكر عليه
نزل لخواته
وفعلا فاتو يومين وفي اليوم الثالث
مراد مشي للشركه:وين كمال
كمال من وراه:اهوا 😌
مراد:امتى نتمو موضوعنا
كمال:فورا هي تفضل معاي
نزلو وطلعو في سيارة وحدا وطبعا عامر كان على اتصال بكمال
مراد:وين حاطها تحت الارض 😒
كمال:عليك خفة دم
وصلو لمكان شبه مقطوع نزلو
مراد:شنو
كمال داير ايديه في جيوبه:شن رايك انت لو نصفيك هنا مايعرف حد مكانك
مراد حس بالخوف:مش هدا اتفاقنا
كمال:ولو انا مخطط نقتلك بنتفق معاك يامريض
شويه ووصل عامر معاه بيان
شدها كمال ووقفها وراه:هيا
مراد:انتي طالق طالق طالق
بيان وكأنه كانت مخنوقه وسمحولها تتنفس شدت في جاكيت كمال
مراد ابتسم:بس اكيد مش حانخليك تفرح بالخطوة هدي
كمال:واطي
مراد:بيبو تبي تعرفي كيف ماتت مامتك
بيان:انت شن تخرف ماما دارت حادث
مراد ضحك بصوت:هكا قالولك ياروحي
بيان بدت دموعها تنزل
كمال:اهدي وماتسمعيلاش
مراد:امك انا قتلتها لانها وقفت في وجهي وقالت طول ماانا عايشه بنتي مستحيل تاخدها فا قتلتها لاني واخدك في كل الاحوال 😅😅
بيان:كذاب
مراد:بس المفاجئة مش هنا
كمال عيط عليه:تي اقلب وجهك يا مريض
مراد بهزوة:مانبيش نفسد عليكم المفاجئه ونقلكم من اللي قطع خيوط السيارة لامك هي لينا لقاء
بيان طاحت
كمال قامها:ماتصدقيشي هدا يبي يكسرك بس
بيان تشوف لعيونه:وين بنمشي انا
كمال:مش مطلقك منه باش نخليك تمشي وحضنها ❤️
بيان تبكي:مزال تحبني
كمال:مش وقته الكلام هيا نروح بيك وياويلك مزال نسمع بيك واخدة حاجه
بيان:خليني معاك
كمال مسحلها دموعها:حاضر بس مش توا
بيان:💔😢😢
كمال:خلاص عاد ياسر من الدموع
ردها لحوش عامر وروح
بعد اسبوعين
روحو ايهاب واسامه
هاجر:الحمد لله حبيبي رجعتلنا
ايهاب:ايه
كمال من غير نيه:شن الوضع
ايهاب:الحمد لله تعالجت
كمال هز راسه
ايهاب:نبي نحكيلكم شي ويعلم الله اني نويت نتوب وان شالله ربي يسامحني
فتون:علاش خيرك
ايهاب:بيان
كمال شافله بتركيز:خيرها
هاجر:ماتجيبش سيرتها هدي سبب الهم في حياتنا
ايهاب:رهو البنت مظلومة وماحد يعرف شن عانت اكثر مني ومنكم
فتون:احكيلنا بهي
ايهاب:..............
فتون وهاجر:😭😭😭
كمال وقف بعصبيه و ......يتبع
