احببت استاذي❤️

بارت ٦

زهراء:خابرت حسام حتا اروح وياه البيت لان ضجت من حجي البنات هو يوصلني
حسام:هلاو زهرتي شعجب منورتني اليوم هاا
زهراء:والله حسومي ضايجه شوي جيت يمك تونسني 😕
حسام :يدلل الحلوو 
وائل :السلام عليكم
انا وحسام :وعليكم السلام  اووووف هذا شني انا شارده منه أنوب طفرلي هنا
حسام :اجيت ابوقتك وائل خلنطلع للمهرجان مال كليه الإداري والاقتصاد مسوين خوش بزار زهرتي أنتي مو ضايجه هسه تونسين
زهراء:هااا اوك يله نروح  بگلبي يارب ما يجي ويانا
حسام :يلا وائل خنمشي
وائل :يلا حب نمشي  وعيني ع زهراء شكد حلوه ونازگه هههه اليوم دمرتها بنضراتي  وهي خطيه مرفعت رأسها يجوز مني ضايجه
زهراء: وصلنا للمهرجان وأنا طبعاً هيج اجواء افقد السيطرة ع نفسي 😂😂😂كبل رحت للبازار عفتهم وراي   اشتريت أسوار كولش نازك وغلفته  على شكل هديه وبعدين للكتب أخذت ورايه العطر اسمها وائل اجه يمي احم أنتي تحبين الكتب
زهراء:يعني مو كولش مرات احب اقره
وائل :مممم شنو نوع الكتب تقربها
زهراءبگلبي ادري هو تحقيق  هااا روايات رومانسية ولازم النهايه سعيده لان إذا عكس ما اقرها
وائل ممممم بس هذا كتابج نهايته مو سعيده
زهراء:بصدمه اووف لعد أرجعه أفضل زين شنو أخذ شكلك عدگ خبره
وائل :انا قارأ شره إذا تردين روايه  رومانسية حلو أخذي  حبيبي داعشي
زهراء:مممم عنوان يجذب اوك اجربه
وائل :أكيد ومن تخلصين اطيني رئيج بية
حسام :زهراء شوفي هذا يلىگلچ ههههه
زهراء:هههه مضحگ يا فهيم 😑
وائل :ههههه صدگ يلوگ الها
زهراء: ضليت صافنه معقوله هذا ستاذ وائل العصبي العگر هيج يضحك ويشاقي أنوب حلوو من يضحگ
حسام :هوووب هووب وين صفنتي عهههه
زهراء:هااا احم  لا بس جبت هديه الك حبيبي كل عام وأنت بألف خير حبيت اعيدك من هسه بأجر عيدك
حسام :اوووووف مذكره احسن مني نسيت والله
زهراء:انسه نفسي وما انساگ حبيبي شعدي غيرك انت وسجودي وعبوسي ونويره
حسام:ههههه ولج جبتي العشيرة كلها الله لا يحرمني منج
وائل : صفنت عليها شلون ادلع حسام وتگله حبيبي هو اخوها شكو تكله حبيبي اوووف غرت من حسام  كتلهم يلا راح نتأخر
زهراء:اوووف يلا حسام ا صدوك تأخرنا بابا هسه يسويلنا سالفه
حسام :لا انا بلغته راح نتأخر 
زهراء:هااا همزين تعرف بابا بهيج سوالف ما يعرف احد 😝
وائل :يلا اترخص  انا هم تأخرت  مع السلامة  وهااا زهراء اقري زين تره الأسئلة صعبه
زهراء:ليش استاذ انت يمتا جبت اسئله سهله 😁
وائل :هههههه لعد شوفي الجاي
حسام :هههه يمعود لا تحجي هيج هسه أضل اتبجي
زهراء:اشوفهم يضحكون عليه وإما الفاهيه اضحك وياهم علي😐
رجعنا للبيت طبعا ميتا تعب وجوع هجمت ع المطبخ  اكل بجدر وأنا واگفه عبالك مجاعه افريقيه  كملت كبل نمت كعدت العصر وذكرت حجي وائل معقوله راح يجيب اسئله صعبه اووووف لزمت كتبي وضليت اقره زلت وگت العشه ساعدت ماما شوي وبعدين حطيت السفره وكلت لبابا يگعدني ب٦الصبح حتا ارجع
بابا:صار اكعدكم أنتي وعبوسي هم عد متحان
عباس :لا بابا الله عليگ لا تكعدني انا مااااحب اگعد الصبح
زهراء:لعد انا احبها مثلا بس غير مجبورين
ماما :زهراءماما بأجر عدنا عزيمه مو تنسين عازمين أهل خطيبت حسام
زهراء:ماما صار تتدددلين تردين اساعدج چم أم عدي هي وحده
بابا:ههههه لا عدچ عشره و
الكل :هههههههه
زهراء:يلا اتصبحون ع خير راح اصعد اقره أعدي متحان عگر
حسام :هههه  يلا عيني أنتي ما ينخاف عليج
زهراء:صعدت لازم الكتب وجر قرايه لحد ما غفيت ب١ وكعدت الصبح على صوت بابا يگعدني رحت لغرفه عباس دفرته حتا يكعد نزلنا تريكت كعدت اقره حسيت تأخر الوقت صعدت بدلت حطيت ميگب نزلت لگيت الخط بالباب سلمت ع البنات صباح الخير
البنات:صباح النور
آيات  :زهراء يا لون ختاريتي وردة
زهراء:  يا ورده وانا مصطوره صطر ما نايمه  زين 
ايات: حبيبتي ليش مسطورة
زهراء:غير المتحان 😑
البنات: هههههه
زهراء:ليش تلضحگ
زينب:ثول المتحان تأجل البارحة
زهراء:عاااااا صدك ليش محد كلي وهذا الخبيث يگلي اقري زين 😑ضجت كلش منه  ضليت مگشره
آيات :يلا حب لا ضوجين اليوم نروح للسوك بعد الدوام نختار زي التخرج ترحين أكيد
زهراء:طبعاً اروح بس اكل لبابا يلا
وصلنا للكليه وجنت بعدني ضايجه لان تعبت وأنا اقره الماده وعايفه تحضيرات التخرج الصور والزي وكولشي 
وائل :باخر لحظه لغيت المتحان اريد اضوجها بلكي تحجي وياي بس شو هاي لا جت لا حجت ابداً وشكلها مغندبه هههه تخبل من تعصب أخذتهم محاضر بس قللت نضرات الها لان ما اريد الطلاب يفهمون نضرتي غلط خصوصا انا الي هيبتي ...
زهراء:شكد غثيث هو يشرح وأنا مغندبه عليه ابدي أكله بسنوني ليش هيج سوه مممممم صفنت عليه شوي هذا هو طويل  وجسمه رشيق  عيونه سود رموشه كثيفات والحراجبه  همين ثخان ولحيه مممم حلوو كلتها بصوت عالي وأنا صافنه كلها الطلاب باوعت عليه انتبهت ع نفسي ايبوووي وجهي گام يطي ألوان  من الفشله اتمنيت يطردني
وائل: شنو الحلو ؟ست زهراء حضرتج جايه اصفنين بالمحاضرة
وفوگها تحجين وحددج  بكلبي ضجت لان حجيت هيج وياها بس شسوي لازم اتصرف هيج لان شخصيتي بالدوام هيج ما اريد احد يشگ انو ..اي وائل انو شنو تحبها مو ! اوووف
زهراء:هو كال هيج وأنا عيوني گت اريد بس اطلع استاذ من رخصتگ اريد اطلع
وائل :تفضلي ومره ثانيه ياريت تنتبهين اكثر ع الدرس
زهراء:طلعت والدموع خرب بالدموع معرف وين اروح ابجي من الفشله لو من طريقه كلامه وياي خصوصاً انا جنت صافنه عليه اوووف كعدت بالحديقه بجيت لحد ما مليت بعدين عدلت مكياجي كافي ما يستاهل بعد دمعه مني خابرت بابا كتبه اروح لسوگ وي ابنات نختار زي وملابس الحفلة وهيج سوالف
بابا:ماشي زهرتي بس شلونج بالامتحان
زهراء:تأجل من البارحة ومادري
بابا:يلا خير ان شاءالله خاف تحتاجين فلوس
زهراء:لا بابا عدي إذا حتاحيت أخذ من حسام ماشي باي
شويه اجن ابنات يضحگن عليه وأنا ضليت اضحك 
آيات :هههه ولج أنوب بصوت عالي تكول حلووو
هناء:اريد اعرف شنو الحلو محاضرة تعبانه وأستاذ صاك بس معقده عااا زهيره خاف قصدج ع استاذ وائل حلوو
زهراء:هههههه دكافي لا اموتج يمتا نروح لسوگ بابا وافق نروح
زينب :يلا لعد امشن
زهراء : دخنا من الفره للسوك اخر شئ اختارريت فستان مغلق لان البس حجاب