احببت استاذي❤️

بارت٢٣

زهراء:بعد ما حبسني بالغرفة شكد حاولت استعيد قوتي وأبين انا قويه ضليت اعيط اخر شئ تعبت باوعت على الغرفه هاي نفسها غرفتنا من جنا سوه فتحت الكنتور ملابسي بيها وأغراضي صوري هاي غرفتي اوووف وائل شدسوي اخر سئ تعبت نزعت حذائي ذبيت نفسي ع السرير ونمت كعدت على صوت فتحت الباب ابوع عليه اعصاب وعيون حمر ويمشي يمي خفت احجي وياه هذا خبل ممكن يأذيني كعدت
وائل:هه دكتوره زهراء مادام كعدتي تعاي ازقنبي جبت اكل
زهراء:رسي يموتني من الوجع جسمي ثكيل مسكر لان نمت بدون غط والغرفه بارده رفعت راسي بثكل كتله وائل رجعني لهلي كافي لخاطر الله ما كفاك اذيتني وهنتني وجبرتني تزوج وشكيت بيه وباخلاقي كمت ابجي بحركه وكتله وخنتني شفتك تبوس وحده بالمكتب وسقط طفلي تعرف شنو سويت بيه تعرف من عرفتك لحد هاي لحظه وأنا بس ابجي ومتعذبه من عرفتك انا كاره نفسي تعرف شنو كاره نفسي لان حبيتك بيوم انت ما تستأهل ذره من حبي الك فوك هذا كله انت خاطفيني وحابسني كمت ارجف من البرد وراسي كام يلفح عليه وجسمي يون ما حسيت على شئ ....

نرجع بالوقت قبل سنتين //
علي : بعد ما طلعت من المستشفى وأنا شياطين الدنيا كلها تنط بوجهي لازم ارد اعتباري من هذا الحقير الا ادمره وادمرها لهاي الحقيرة اتفقت وي صاحبتي هي طالبه عده تخليه مخدرات بالعصير وتقدمه اله بعد ما رسلت رساله إلى زهراء من رقم غريب حتا ما تشك جنت جوه مراقبها من وصلت للكليه دكيت على صاحبتي حتا تبوسه بعد ما المخدرات اخذت مفعوله والأخت دخلت بالحظه الحاسمه ههههه بعد سمعت زهراء سافرت للنمسا و وائل كشف الخطه كلها لان صاحبتي الغبيه معترفه بكلشي اله ومصورها
بعدها الله عاقبني على حبي الها أو هوسي بيها انا مهووس بيها صار وياي حادث وكعدت مشلول مااكدر امشي عرفت هاي قدره الله بيه بس العجيب انو زهراء ما رجعت حتا بعد ما الكل عرف بالحقيقة و هاي شغل حيرتني .....
وائل : صحيت على نفسي بالمكتب ويمي زمرد وزهراء واكعه اخذت وطرت على المستشفى وهنا جانت الصدمة جانت حامل وسقط الطفل ما تحملت أشوفها وعيونها ملينه مره وحقد عليه وأنا بريئي من كلشي ردت أتوصل وياه بس ماكو فائده حتا حسام ونهله الكل صار بصفه محد صدگني كلش اختنكت بعدين سمعت تريد اسافره وي اخوها كلت احسن تغير جو ونفسيتها تتعدل بس ما اصور سفرتها اطول سنين بعد الصار لزمت زمرد وضربتها احد ما اعترفت على هذا الحقير صورتها وشوفته لهله والكل حتا تثبت برائتي بس هي جانت قافله على الكل محد يجيب سيرتي يمه وإذا ذكرو اسمي يمها تزعل ضجت كلش ردت انتقم من هذا الحقير بس قبل لا اسوي اي شئ الله أخذ حقي منه حتا ما اوصخ أيدي بيه سمعت من نهله لل جانت جيب أخباره بشكل يومي وياي راح تكمل دراسه صح ضجت لان راح تبقه وبلغت الكل محد يكول حتا تنجح لان نجاحها من نجاحي وهي فعلا جانت متفوقه وذكيه جانت الأولى بكلشي بعد ما اخذت الدكتوراء كلت هاي هيه بعد راح ترجع وراح اعترف اله بكلشي ونصالح بس تخبلت من دريت تريد استقر بالنمسا عقل ما أضل عدي ما أتحمل بعدها اكثر سنتين مشلول حالي لا آكلي اكل ولا شربي قرارت اروح للنمسا أجيبها بعد هاي هيه كافي بعد وجفه بس ابوها نقلوه لمستشفى جنت متاكد راح ترجع بس تسمع بالخبر بس ما اصورت ترجع بليلتها طول ما هي بغداد ما كدرت اشوفه امي راحت وشافتها وكالت متغير وصعفانه وصايره تخبل
بيوم عادي رحت للدوام دخل المدير وياه وحده بصراحه ما باوعت عليها بس من كال زهراء عبد الغني گلبي فز على طاريها شفتها هاي هيه اي هسه جنت مصدوم شلون القدر جمعنا مره ثانيه بس هي عبالك قالب ثلج صح الشكل هيه زهراء بس الأفعال وحده ثانيه وحده مجروحه بس تكابر على نفسها ردت بس احجي وياه ما اطت مجال دكت عليه وجنت نايم شفت اسمها بتلفوني گلبي حن الها اووووف صالها هواي مداكه علي رفت الخط صيح وأتعبط عرفت بسالفه الطلاگ
جنت متحملها لان مجروحه وهي عباله خاينها بس كلامها مثل السم هاي مستحيل زهراء لحبيتها مااا تحملت خطفتها اي خطفتها مرتي حلالي دخلت للبيت المزرعة جنت اكضي اغلب وقتي بيه بعد فراكها جنت ناوي اهديه الها بعيد زواجنا مفاجئ بس بعد الصار مااا ضكدرت حبستها بالغرفة وأخبرت ع حسام وكتله راح اخذها وأفهما على الصار لا يضل بالكم عليها طلعت اجيب اكل ومسواك لان البيت فارغ من رجعت فتحت الباب شفتها نايمه بدون غطه والغرفه ثلج بس هي رأسها يابس رجعت اتعيط بعدين حجت بثكل وتبجي بحركه عليه شلون عذبتها وياي من تحجي وعيونها تصب كرهت نفسي شلون اذيتها بس جان مو قصدي هاي مجاي تطي مجال افهمها بعدين وكعدت تخبلت ركضت عليها مصخنه وتون مددت على السرير شغلت الصوبة النفطية والتدفاء شغلت المي الحار نزت ملابسها ودخلت للحمام سبحتها وبعدين بدلت الها ملابسها بالكنتورً ضليت يمها نؤمنها بحضني اوووف يا حضنها شعل كلبي ضليت اشم شعرها نمت يمها اول مره انام مرتاح بعد غيابها عني  كل شوي ألمسها عبالي حلم مدري العشگ شسوه بيه احبه  حسيت عليها كعدت ضلت ترفس وتدفع بيه بس انا اضخم منها وين تكدلي بس هي دفراتها قويه خرب اهلها ما تحملت شبكت اديها ونمت فوكها و عيني على شفتها بلكوه لازم نفسي عنها كتلها تسكتين لو اسكتج بطريقتي
زهراء:انت أكيد تخبلت وخر مني چاي احاجيك وخر خنگني بعدين رضخت للأمر الوقع كتله بصوت مستلم مااكوم بس وخر عني خنكتني ترا
وائل: وخرت منها وبعدين حضنت خصرها احس جسمها اتفض من لمستي كتلها زهرتي احبج والله
زهراء: جنت خايفه لا اضعف من لمسته وقربه يوترني بس من همس احبج ضليت ابجي واشهك  ليش وائل هواليحب هيج يسوي
وائل :شفتها تبجي ما تحملت كمت منها توجهت للصاله وشغلت البلازمه وصحتلها تعاي احجي وياج
زهراء:رحت شفته مشغل البلازم وطلع فيديو نفسها هاي البنيه إلباسه بس تحجي على الصار  هي تحجي وانا ابجي كمت اعيط وابجي وكعدت بالكاع اعيط والطم
وائل:شفتها واكعه ما تحملت حضنتها وامسح على رأسها كافي زهرتي كافي ولج شيبتي گلبي كافي 
زهراء:ولك وائل خسرت ابني وخسرتك وكرهت نفسي وحرمت اهلي مني ولك وائل جنت ميته تعرف شنو ميته دخت مره ثانيه  لزمني وخلاني ع السرير وراح جاب اكل وكام يسوي لفات ويوكلني  بس انا مالي عين اشوفه ضليت ابجي ضيعت نفسي وانا احاول أكرهك بس هي هات حبك بگلبي بعده باوعت بعيونه
وائل ليش ما كتلي
وائل:ليش حضرتج أطيتي مجال ولج انا ميت ع شوفتج بس انتي اةةة منج عذبتيني زهراء حيل عذبتيني
زهراء: هى هى ابجي بحركه لعد انا شكول وائل جنت حامل وأريد السويلك مفاجئ تالي انا تفاجئت وضاع مني طفلي 
وائل: الله طاه والله خذا لا اعترض على امر الله كافي تعذبين نفسج وتعذبيني ولج هي بؤسه وهيج سويتي لو نايمه وياه شسويتي
زهراء: بلاوعي كتله حتا أذبحك واذبحها واذبح نفسي
وائل: بمكر لهلدرجه تحبيني
زهراء: باوعت بعيونه كتلها طول هاي السنتين وانا احاول أكرهك احاول أنساك بس انت مزروع هنا واشر على گلبي
وائل:ولج شتعلو عشيرتج وعشيرتي وياج راح تخبل زهراء انا احبج واعشقچ ورب الگعبه احبج من شفتج تبجين وأنتي وي حسام دخلتي گلبي