احببت استاذي❤️

بارت١٤

زهراء:نزلت جوه عدي حمله تنضيف جلفت البيت من فوك ليجوه غسل لا ضلن بردات ولا سيراميك وصعدت للشقه مالتي وهمين غسلتها وعزلت بعدين اخذت شور ونزلت جوه لكيت نهله جايه هي و خالتي جايبات الغده وياهن نتضرنا وائل وحضرت السفره لحد ما دك تلفون ... خالتي اغما عليه رشيت مي عليها خاله شكووو اخذت التلفون الو
اختي صاحب هذا الرقم مسوي حادث وبالمستشفى ابوع على الرقم مال وائل هنا الدنيا دارت بيه عيوني صبن ضليت حاله جمود صح عذبني وتعبني بس حبيت ومااكدر بدونه لا يا ربي اذكرت كلماته اليه نهله خابرت حسام اجه أخذنا لمستشفى حالته مو كلش خطر عد رضوض وكسر بالرجل يحتاج عنايه وتغذيه صحيه من كال الدكتور هيج يلا رجع الدم لوجهي شفت نهله وخالتي مكابلاته ويبجن ضليت باب واكفه وعيوني يصبن وصافنه وأفكر لو مات بهذا الحادث شلون أعيش بدونه ياااا ربي اشرلي تعاي
وائل: جنت طالع من الدوام راجع للبيت ما حسيت غير سياره ضاربتني وعيت ع نفسي بالمستشفى وحسام ونهله وامي يمي واسكت بامي اششش ما بيه شئ كافي يوم شفت زهراء بالباب واكفه وتبجي اووووف هاي العيون الحلوو دائما ابجيهن انا اشرت الها
انتي ليش بالباب تعاي كعدي هنا اشرت ع كرسي قريب مني كعدت يمي وأنا فرحان لان خايفه عليه وتبجي عليه اووووف ربي حتا نسيت الوجع أج الدكتور كتابلي علاج حسام ونهله راحو سوه  يجيبون ا العلاج امي راحت تصلي بس هي يمي
مدنكا رأسها رفعي راسج
زهراء: رفعت راسي شفت عيونه ذبلانه وشكله تعبان والكدمات ماليه جسمه اوووف والله لو صاير عليه شئ شلون اكدر واتعوذ من الشيطان واسكت
وائل: رفعت رأسها وطگتها صفنه عليه وأنا جنت فرحان بيها كتله لا تخافين ما بيه شى
زهراء؛ الحمدلله ع سلامتك خطاك السو
وائل :الله يسلمج أف أف ليش هلبجي هذا والله ما بيه شئ شوفيني صاحي
زهراء:ما تحملت شوفته هيج ضليت ابجي بحركه وهو يسكتني لحد ما كال ..
وائل: فديت اليخاف عليه ادري بيج تحبيني بس تكابرين
زهراء:بصدمه هااااايعني انت هذا الفتهمته من بجيي على فكره مره بزونه صديقتي ماتت ضليت ابجي عليها ١٠أيام ترا انا هيج حساسه زياده عن لازوم
وائل:قصفتني قصفه ارض جو رفعت حاجبي خلف الله عليج يعني انا حالي حال العتوي
زهراء:هاااا لا طبعا العتوي جنت احبه ع الأقل
وائل:هنا عصبت بس كتمت عصبيتي بس رفعت حاجبي وكتلها يجي يوم وتحبيني مثل ما احبج 😉وعمزت الها هنا وجهًا صار احمر 😂سريعه الاشتعال بسرعه خجلت
زهراء:....
خاله : يمه زهراء رجعي للبيت ارتاحي انتي تعبتي اليوم هواي انا أضل يمه ليله
زهراء:هاا لا خاله  انتي تعبتي  انا ما عدي شئ أضل يمه انتي ارتاحي طبعا احجي هيج وائل الابتسامه شاكه الوجه انا بقيت لان خالتي تتخربط السكر صاعد كسرت خاطري خالتي راحت ضليت بس انا وياه وائل تريد عشه
وائل :والله ياريت جوعان بس ماكدر اكل وكليني جذب اكدر اكل بس ردتها توكلني
زهراء:هاا بس انت رجلك مكسوره مو أيدك 😑
وائل :إذا متعاجزه هسه اخابر ماما ترجع
زهراء: لا لا انا أوكلك حطيت الصينية وكمت اشربه شوربه بس نضراته وترتني وخربطت أحوالي اووف وائل بعدين سويتله لفات وهو ما صدك انا يمه ضل يتعزز عليه
وائل:زهراء وين راح تنامين
زهراء: ها ااا هنا ع السرير بصفك
وائل :لا تعاي نامي هنا ويشر ع السرير 
زهراء :طبعا لا ميصير انت مكسر لازم  تأخذ راحتك
وائل: رفع حاجبه بس انا راحتي يمج
زهراء:خجلت من كلمته بس سكتت رحت نمت ع سرير يصير قريب عليه بعدين حسيته نام كعدت اكباله عيوني يصبن لو صاير عليه شئ شراح اسوي معرف شلون ويمته حبيته بس انا الاعرفه هسه كولش حابته يجوز جنت احبه بس معرفه وشعور راح اخسر هيج مشاعري بس انا والله غبيه شلون احب واحد هاني وشك بيه  اووووف يگلبي  قربت منه حسيته مزعوج لزمت جبهته هذا مصخن ناااار  خفت لزمت ايده ثلج رحت ركض للممرضه  كتلها اجت أطته إبره مسكن  بعدين كالت راقبي حالته إذا مستقرت اطيه إبره ثانيه  راحت ضليت ليل كله كاعده بصفه مراقبته بخوف اضيقت من الشال نزعته لان غرفه خاصه حاجزين عادي دنيت الكرسي يمه لازمه ايده وحطيت راسي ع  طرف السرير وغفيت ب٥تقريبا
وائل :كعدت من النوم شفت منظر يخبل لازمه ايدي وخليه رأسها عليه وشعرها منثور وطالع منها نص وجها عبالك ملاك موش بت حلغوم😂 ردت اكعده لان شكلها ليل كل ما نايمه وضعيتها مو مريحه بس اخاف تفلت أيدي وأنا ما صدك تلزم أيدي كعدتها  زهراء زهراء اكعدي  بابا والله بعد وكت
زهراء: رفعت راسي عزه هذا وائل أنوب نايمه على ايده ولازمتها
كتلها صباح الخير شلون صرت هسه
وائل:صباح العسل على العسل احسن الحمدلله ليش هيج نايمه
زهراء: هااا مو انت ليل كله مصخن وايديك بارده الممرضة خلتلك إبره وضليت ارقب حالتك
وائل:مممم يعني انتي ليل كله سهرانه علمودي
زهراء: اي قصدي لا بس
وائل:هسه معرف اي لو لا
زهراء:مو النومه هنا مو مريحه لذلك سهرت مو علمودك خاف عبالك شئ ثاني
رائل:ضجت من حجيها كتله هذا واجبج انتي زوجتي
زهراء: سكتت لان ما ردت احجي وهو بعد بالمستشفى اخاف عليه لا يضوج كتله يلا اجيبلك الريوك حتا تأخذ علاج
وائل:ماشي بس اريد  احم احم ادخل للحمام
زهراء: هو كال هيج وأنا صخنت😳 زين انا شلون اكدر أساعدك
وائل: هااا تعاي سنديني خليت أيدي على جتفها ومشيت حسيتها كلش مرتبكه كتلها إذا ما تكدرين عادي تجي امي ساعدني
زهراء:لا اكدر أساعدك بس انت كلي شسوي  جنت مرتبكه ومتوترة من قربه يخربط أحوالي