احببت استاذي❤️

بارت٢٢

   ((مساء الخير ))
((احببت استاذي❤️))
///
///لكاتبه زهراء نجم ///
دخلت لغرفتي شكد مشتاقه للغرفتي ضليت اتمشا بالبيت طلعت للحديقه شفت الورد هذا أكيد بابا لان يحب يهتم بالحديقه  دخلت جوه تنهدت باوعت لماما خضنتها  وهي بجت ماما كافي والله تعبتيني مو هذا سجاد سافر وصاله٤سنوات 
ماما:ولج يوم انا مقهور عليج ولج يمه انتي زهرا البيت وفرحته صح كلكم  أولادي بس يمه من اشوفج هيج ينعصر كلبي عليج اريد اشوفج عروس وبيت زوجج وأطفالج حواليج
زهراء : نزلت دمعه مني كتلها ماما انا احب حياتي الجديد انا اختاريتها ومسحت الماضي ونسيت كولشي  وأحب حياتي دراستي  وكليتي وأحب أضل بيت اهلي مدلله ههههه لو طرديني بعدين ماما الزواج الحك عليه انا بعدني صغير لو حاليا ما مفكره أزوج
ماما:يمه الله يهديج وينور دربج يمه بس انا ما كتلج عدي موضوع وياج ضروري
زهراء: ماما كولي شنو الموضوع
نهله: زهرااااء عمو يريدج
زهراء:جايه ماما باليل نحجي  يلا اشوف بابا  دخلت للغرفه شفت بابا هلا مهندس عبد الغني سم الله شنو هذا الجمال 😉عدي خوش عروس الك شلك بماما صارت قديمه
بابا:هههههه ولج ولا جوزين من طبعج
ماما:اي عيني خليها تختارلك شكو مستحي
بابا:ولج انا اضفرج ما ابدله بنسوان الدنيا كلها غير انت شمعت البيت هههه
زهراء:يمه الحب يمه اي ست سعاد منو كدج وأنتي مطيحه المهندس عبد الغني على سن ورمح هههههه  ضليت شاقي بابا وماما واداهر وياهم ع العشه اجت نور وعمر وابنهم فديته علاوي حبيبي  ضليت أبوس بيه حبيب خالتك راجه حسام صح زعلت من حجه وياي بس هو اخوي وأحبه أكيد حضنته وهو باس راسي ورجع حضني
حسام:اسف زهرتي بس من قهري حجيت عليج وضوجتج
زهراء: حسام حبيبي ماكو داعي تعتذر انت اخوي وحبيبي وصديقي و كلشي بحياتي الله لا يحرمني منك  لتمينه ع العشه حلوه لمه وضحك وسوالف وعمر ونور يموتون ضحك شلون اثنين 😂 عمر بس يشاقي ويضحك حتا نور متغيره احسها اجتماعيه اكثر وسولف عبوسي صاير شاب يخبل فديته مفتقده هيج اجواء عائليه بس رجعت للعراق أوف شبح الذكريات المريرة بس احاول بكل صوره ماااذكره وأهلي ضلو على الوعد محد جاب سيرته كملنا وعزلنا البيت صعدت فوك السطح اشم هوه وضليت ابوع السمه مليانه نجوم و بلش الجو يبرد ذبيت حسره جبيره انا صح تغيرات هواي بس تغيير كان بسبب الم گلبي اصعب شعور بالعالم هو الخيانة شئ فوق طاقه تحملي لزمت راسي باديه صرخت كااااافي اطلع من راسي كااااافي اطلع بجيت بس ابقه وحدي تهيج جروحي ولا عبالك صالي سنين أكيد وائل هسه مزوج لا  الله لا يوفقك دمرتني وأنت كملت حياتك ما تحملت اكثر نزلت لغرفتي اجاني اتصال من مصطفى
الو شلونج ست
الحمدلله بشر شنو حمامه اغراب
هههههه حمامه بأجر تباشرين يلا باي سلوى خبلتني خابريها وعقليها ترا ارتكب جريمه ولج كلش متخبله علي من سافرتي
هههههععع اخابرها لك لا تخاف يلا مصطفى تصبح ع خير
نزلت  للفراش نمت بتعب جنت اتعب نفسي هواي حتا من احاول انام كبل لان التفكير يأكل راسي ...ثاني يوم كعدت ب٥ نزلت للحديقه العب رياضه لعبت هواي اطلع وجع گلبي بالعب اخذت شور سويت ريوك كعد حسام وبابا وماما 
حسام:شنو هذا النشاط و ريوك الحلو مممم
زهراء :صباح النور يمعود ناس اصبح بعدين راح ابلش دوام  اليوم
بابا:عفيه زهورتي بس مكالتي وين عدومين  وعرضي الج بعد جاري اريدج وي اخوج بالشركة
زهراء:بابا انا راح أدوم جامعه بغداد كليه الهندسه   تعرف شهادتي عاليه وتقديراتي جدا عاليه وعدي مشاريع حابه اقدمها
حسام:يالله اول مره اشوف الحماس والجد بعيونج الله يوفقج وتحققين بالج يلا اوصلج
زهراء:لا حسومي اروح بسيارتي وصلت البارحة من الميناء بعدين طريق بعيد عن طريق ما اتعبك
بابا: اوك بنيتي الله يوفقج بس
زهراء: بدلت ملابسي وطبعاً ستايل تغير جذريا بست جينز وي كعب عالي وأنا اصلاً طويله بس تعودت ولبست ستره لونها كحلي ولفيت الشال لونه وردي وجنطه وردي خليت بس مسكاره لان شكلي بدون ميكايج احلا ركبت سيارتي وطلعت افتر بشوارع بغداد اووووف يا ريحت ديرتي وأهلي شكد اشتاقيت وصلت للكليه نزلت بثقه عاليه وغرور وصلت لبابا اجتي ذكريات كلها كبالي من جنت طالبه والشله اريد ادخل سمعت واحد
فارس:ليش صافن الحلو
درت وجهي وكملت طريقي عادي دخلت للمدير تعجب بيه عباله جبيره بالعمر وتعجب اكثر بشهادات الي تحملهن صدك المراءه تفتخر بشهادتها وحسيت نفسي إنسانه ناجحة بكل المقايسس سلمت ع المدير ونزلت تعرفت على الطاقم التدريسي  شفت شخص ما توقعت راح اشوفه اعتقد كلكم تعرفون منو كاعد على مكتبه ويمه وحده ملبوخه بويه وملابسها شحالهن ويمه هذا الولد التحرش بيه الصبح
دخل المدير وكال احب أعرفكم على دكتور زهراءعبد الغني  هو باوع عليه مثل المصدوم وعيونه فاكهن على كبرهن
هنا انا حسيت بالانتصار عليه وع نفسي
سلمت
زهراء:السلام عليكم  تشرفت بمعرفتكم اتمنا نكون أيد وحده ونتعاون في سبيل تحقيق الصالح العام
مازن:هلاوسهلا دكتوره من شفتج الصبح عبالي طالبه مجنت صورج دكتوره
المدير :ههههههه عبالي بس انا هيج شفتها وأزيدك من الشعر بيت تحصله ع الدكتوراء من النمسا وتقدير متياز
الكل : وأوو وضل يصفكون
زهراء: شكر لحضرتكم وإذا تضلون هيج راح انغر ترا ههههه حسيت نضراته مصلطه عليه مثل قبل بس الشكل متغير صاير احلا
سلمت على مازن وع ريهام  وعلى وائل بس بدون ما ابوع عليه ابداً
طلعت وعفته بصدمته  رحت على مكتب خصصوه اليه بلشت اسوي الجداول المواد مالتي وعلكت شهاداتي وكلي فخر  واجتي مريه جبيره هي عامله جابت چاي أخذته منها وخليتها تكعد انا مااحب اشوف الجبير بهيج وضعيه شربت انا وياها جاي وبدينا نسولف وهي نسولف على بناتها ونتمنا تصير مثلي
أم احمد : يمه هذا الجمال كله وما ممزوجه
زهراء:هههه والله خاله انا منفصله
يا يمه منو العمه العاف هذا الكمر
زهراء:ههههه خاله والله عليج سوالف مااحب احجي بهذ الموضوع من رخصتج أخذ حصص طلعت دخلت محاضر تعرفت ع الطلاب  طبعا الكل متعجب شلون انا بهيج عمر صغير ودكتور
طلعت من القاعه اجه بوجهي وائل
وائل: هلا وسهلا زهراء الحمدلله على السلامة
زهراء: دكتوره زهراء والله يسلمك مرخصتك مريت وحسيت يده لمزتني انت تخبلت وخر أيدك احسن الك نترت ايده
واًئل: ترا طوخيها يا دكتور انت إذًا نسيتي انا ما انسه انتي مالكي انا فقط انت مسجله باسمي
زهراء: هه ضحكتني والله اعوفك بوهامك ستاذ وائل
وائل : زهراء گلبي خلص ليش ما تسمعين مني ولج كاااافي انا بشر
زهراء:ههههههه مقتنع بنفسك بشر عجبتني هاي يلا استاذ اعوفك عفته وطلعت وأنا معرف منين جبت هاي ألقوه  رحت للبيت بعد ما خلصت الدوام تغديت وي بابا ونمت كعدت العصر شابعه نوم طلعت للحديقه ضليت افكر وصفنت ع نفسي ضجت  من جنت بالنمسا ابدا مااااا فكرت بنفسي جنت طول الوقت مجتهد وأفكر بالدراسه  اووووه كافي تفكير غسلت وبدلت وكعدت ماما راح اروح لنور تجين وياي لا ركبت السيارة ورحت لبيت نور  دخلت
نور : زارتنا ألبومه شعجب جايه
زهراء:ترا اطلع شبيج ممصدكه
نور ههههههه ولج لا والله اصلاً مكيفه اجيتي يلا نسوي كيكه مدام علاوي نايه  رحنا ع المطبخ بلشت نور تسوي كيكه أنسولين ونصحك بعدين كتلها ع وائل شفته اليوم
نور: صدك ولج شمال وشصار التفاصيل
ههههههه شبيج ملكوفه وائل صار ماضي اسود اطكت وخلصت
نور: شنو يمتا اطگتي منه هو ما قبل يطلگ وضليتي ع ذمته محد كلج ولج انت بعدج مرته
زهراء:اسمع كلام نور وعيوني ما شفت بيها بعد من الغضب شلون هيج ليش محد كلي  كمت اعيط واعيط بالخير بجيت ليش ما يعوفني مو خاني ليش نور جاوبيني ليش
نور ؛اهدي زهراء مو هيج تنحل الأمور هسه انتي هنا ورفعي دعوه طلاگ
زهراء : ااااااة نور موتني ولج ما كفاه خيانته لي  طلعت بسرعه اخذت تسويج وأخباره ما يرد  ضليت اخابر لحد ما رد عليه بصوت نعسان ومبين الخوف عليه
وائل :الو زهراء شصار شكو صاير شئ ع نهله 
زهراء: بعصبيه وحده انت وين ؟ اريد اشوفك بسرعه
وائل:انا بالبيت هسه تعاي
زهراء:شنو انت بعقلك شئ انا ادخل بيتك الا تخبلت تعال للحديقه لبضهر بيتكم  ربع ساعه وأنا يمك سديت الخط وأنا شياطين الدنيا كلها بوجهي وصلت لكيته كاعد على مسطبه بتراك البيت زهراء وائل طلگني
وائل: وأخيرا عرفتي انتي بعدج مرتي هه ومستحيل اطلگ
زهراء: انت شتريد وين تريد توصل هااااا وين انا ماااااريدك افهم يا اخي
وائل:ههههههه حلوه اخي هاي جديده ولج اعرف اموتج وأموت نفسي ولا اطلگج
زهراء: مو هو بكيفك شوف وائل طلكني وغصب ما عليك لا اشوف منو زهراء لا عبالك انا زهراء الطالبة الجاني تخاف منك صح وشوف انا منو وشنو اكدر اسوي
وائل: بگيفي وعصبن ما عليج ولسانج انا اعرف شلون اكص الج ولج شنو هاي
زهراء:ههههههههه شوف وائل خلال أسبوع واحد إذا مطلگت اخلعك بالمحكمه فاتهمت لو أعيد إذا عدك ذره رجول اطلگ فاهم لو لا
وائل: انا اشوفج منو رجال جريتها من أيدها وضليت امشي لسياره ركبتها غصب ما عليها وسديت الباب
زهراء: ولك شنو تايه هي تخطفني اعيط واصرخ
وائل:بدون صوت ولج انا ادبج من جديد الضاهر النمسا نستج منو وائل وانتي مرتي وين ماااخذج اخذج فاهمه ركبت السيارة وسقت بسرعه خياليه هي شبه الجمدت من الخوف 
زهراء : جمدت من الخوف من شفته عيونه دم وعصابه طاكه ويعت بيدي موتتني من الوجع ضليت اعيط ماكوو فايده ضليت الوب هذا ممكن كلشي يسوي بيه لان انا بعدني مرته الحقير
سكتت كتله بصوت حاولت تصنع القوه وائل وين موديني اهلي هسه بقلق عليه
وائل: اشششس حسچ ما اسمعه انا راح اخابر حسام مرتي وحر بيج إذا اكدر ارجع بيت الطاعه بالمحكمه لا عبالج ساكت عن سفرج طول هلمده ترا لخاطر ابوج وحسام وإلا جنت ناوي اسحلج سحل

زهراء:هسه انت شتريد مني هااااا شتريد عوفني ياااااااخي عوفني لخاطر الله  وصلنا على بستان مبين مهجور بيه بيت حلو جبير مرتب فتح الباب وجرني حاولت اشرد بس ماكوو هو اقوه مني رغم انا رياضيه بس ما كدرت عليه دخلني للبيت حلو وجبير دخلني لغرفه