#حلقة٢
خلوها ومشوو
وخالد واجعاته هند لكن مش قادر يدير شي وفي نفس الوقت خايف تطلع من مافيا" الساعة "
وصلو لولاد كلهم لمكانهم الاول
شافو فرح من بعيد تراقب في لمكان
محمد في سره :لما خليتهم في حمايتها في غيابي ماغلطتش
اول ماوصلو كل حد كان بيمشي لمكانه وبيرقد لكن محمد وقفهم :وقفو وقفو وييين ماشيين !!!
كلهم وقفو مشيتهم و قعدو يشوفو شن بيقول !
محمد ووجهه كله جدية وبصرامة :لينا وعصام من غير لف ودوران علاش طالعيين ؟؟؟
لينا وعصام بخوف كان واضح على وجهم وهما عارفين في داخلهم ان يلي داروه غلط في غلط
عصام :تبي الحق حنى مشينا على خاطر
قصت عليه لينا طوووول
لينا بتوتر : مشينا على خاطر على خاطر اممم (ادكرت البنت هند ولقت كذبة )
ايي على خاطر شفت من بعيد البنت هديكا وكان في الضيي الاحمر يلي كلنا نعرفوه شكلها بتفتح البوابة !..صح ولا عصام ؟
عصام بنظرات مش مفهومة ل لينا : ايي صح
كلهم منصدمين من كلام لينا وعصام ما عدا هناء عارفة كدب" لينا" وعارفة علاش هما مشو لغابة "الهياكل "
خاالد بنظرات استنكار :كيف يعني كانت بتفتح البوابة ؟ انتو عارفين الفترة قداش تقعد مفتوحة ؟
تامر وهو مؤيد لكلام خالد :صح كان كانت بتفتح البوابة راهو لما وصلنا غادي كانت قاعدة مفتوحة
محمد وهو يفكر بصوت عالي : البوابة تقعد نص ساعة مفتوحة ! يعني كيف كانت بتفتح البوابة ...في حاجة غلط ؟
خالد ل عصام ولينا : انتو متأكدين شفتو البوابة ؟
لينا وعصام وعلامات التوتر في وجهم
شافو لبعض وبعدين تكلم عصام :لا يعني مش متأكدين هلبا
لينا خافت من الكذبة يلي كذبتها وعارفة عواقب الكذبة كيف !
فرح بجدية : ضروري نرجعو للبنت ونشوفو قصتها
لينا : لالاااا مش لازم خلوها مربوطة لعند ماتموت
هناء :مربووطة ؟؟؟؟
لينا :ايي مربوطة
هناء : علاش ربطوها ؟
محمد : مرات تكون من مافيا الساعة مانبوش مشاكل
زهور وكأن حد نخصها : انتووو ناسيين ولا انذكركم الالة قبل ايام شن اعطت اشارة !!
كلهم ناضو مخلوعين !!
تامر بصوت عالي :هياااا بسرعة يا محمد قبل مايصيرلها ايي شيي
محمد وهو يشوف في الالة : مش عارف كيف نسيت !....هيا بسرعة خلي نلحقو عليها
YOU ARE READING
سايمون Simon (رواية ليبية )
Fantasyلما تنوض من نومك وتلقى كل شي في حياتك تغير جذريا ، ولما تلقى ناس من عصور مختلفة معاك وجايين كلهم بنفس طريقتك يلي جيت بيها ، كيف بتتصرف بش ترجع لعصرك وحياتك الطبيعية ؟ !! خيال +اكشن رواية باللهجة الليبية نتمنى تعجبكم ❤ #سايمون بِقلم : wesal_elhamh...
