#حلقة٣
محمد بتردد :تعرفيها ؟؟
هناء وقاعد وجهها جامد وكأنها تشوف للفراغ :اي نعرفها ونعرفها هلبااا
كلهم شافو لبعض!!!
محمد :هناء بعدين احكيلنا وين تعرفيها لكن توا شوفي حالتها بسرعة البنت تعبانة
زهور :هناء شوفي البنت هيا
هناء ودموعها في عيونها قربت ل هند وقعدت تفحص فيها
بعد ماشفتها لقت حرارتها مرتفعة وحالتها الصحية تعبانة
هناء قعدت جنب هند الليل كله ومارقدتش كانت خايفة عليها
(رواية وصال الحمحوم )
جي الصبح "-"
ناضو كلهم وناضت" لينا "بنفسية مش حلوة وماكنتش تعرف لتوا ان هند لقوها
اما زهور وفرح يجهزو في الفطور
ومحمد وتامر و عصام قاعدين يحاولو يصلحو في الالة كالعادة
اما خالد كان يساعد في هناء
فرح بصوت عالي :هيا الفطور جاهز
كلهم تجمعو بيفطرو
محمد : هناء كيف حال هند
هناء نزلت راسها شوية :احسن من امس
كانت حرارتها مرتفعة هلبا ليوم افضل
تامر وكأنه اذكر حاجة : حقا تعرفيها هند ؟؟
هناء : ايي نعرفها
زهور وتبي تعرف كل شي : يعني كيف تعرفيها وسكتي قولينا كيف تعرفيها شن صلة القرابة بينكم ؟؟
فرح مؤيدة لكلام زهور :ايي صح هيا من وين تعرفيها احكي
وكلهم عيونهم على هناء شن بتقول
هناء :هي ..
كانت بتكمل كلامها لكن قاطعهم صوت لينا كيف جت
لينا بفرح واستغراب :القيتوها هند ؟؟
عصام بأبتسامة : اي لقيناها توا هيا تعالي افطري
لينا فرحانة قريب اطير خافت تكون السبب للمرة التانية في اختفاء حد
سمعو صوت هند شكلها تحاول تنوض
كلهم ناضو من مكانهم جريي وهناء سبقتهم ل هند
هند قاعدة دايخة تفتح في عيونها
فتحت عيونها لكن الدنيا مشوشة قدامها تشوف في ناس لكن مشوشيين
هناء تحاول تكلمها بش تفيق :هند هند حبيبتي تسمعي فيا ؟
هند تسمع فيها لكن قاعدة مش فاهمة
بشوية بشوية هند رجعت وعيها
فتحت عيونها شافت هلبا وحدين فوق راسها
هند بخووف :حوولوو اني مادخليش اني مانعرف حد
BINABASA MO ANG
سايمون Simon (رواية ليبية )
Fantasyلما تنوض من نومك وتلقى كل شي في حياتك تغير جذريا ، ولما تلقى ناس من عصور مختلفة معاك وجايين كلهم بنفس طريقتك يلي جيت بيها ، كيف بتتصرف بش ترجع لعصرك وحياتك الطبيعية ؟ !! خيال +اكشن رواية باللهجة الليبية نتمنى تعجبكم ❤ #سايمون بِقلم : wesal_elhamh...
