تفاااااعلووووا 😍❤❤
محلاااكم انتووو وتفااعلكم الحلووو 🥺❤❤
#الحلقة_٤٣
_____________________________
طلع " علي " من الدار ماوصلوش لحل لتوا هو و ادم ، بس هو طوّل فوق ، لازم ينزل بش ماحد يحس بغيابه ، نزل وهو في الف حاجة في راسه يفكر ويفككر شن بيصير في ادم ، مستحيل بيقعد هكي ديما لازم يجي يوم ويعرفوا الرواد انه موجود لازم يسمعوا منه لااازم يفهموه ، بس المشكله هييي فرح ، ااااه من فرح ، هييي اساااس المشكلة !!
اول مانزل شاف خالد والبنات قاعدين في المطبخ ، خشلهم بخطوات هادية و وجهه بشوش
" علي" بِبشاشة على وجهه : شن اديرووا نساعدك خالد
خالد شافله : لا وتيت كل شي ، تعالي ارفع معاي
وهو ماشي لاحظ ان لينا مقعمزة وجوها مش حلو : خيرك متكنطية ؟
لينا مكتفة يديها وقاعدة مرطمة : شيي زعلانة شوية بس
علي شافلهم بتسأول : خيرها ؟
لينا شافتله : تبي تعرف خيرني ؟
علي هز راسه بمعنى اي
لينا اشرتله عليهم : تخييل هاادووا كلللهم يطمسووا في موهبتي
علي شافلهم لقاهم كلهم شادين ضحكتهم : خيركم عليها خلوها في حالها
كمل كلامه معاهم وشافلها : اي وشن موهبتك
زهور خشت بالغرض : لا صدقني بتحصل رااه ، فوته الموضوع
لينا شافتله بنص شبحة : زهور اسكتي خير
علي شافلها : مدوريهمش قوليلي هيا شن هي موهبتك
لينا ابتسمت : شكلك انت الوحيد يلي بتفهمني ، اني موهبتي الغناء استنى نغنيلك
زهور شافتلها بسرعة : بالله ماتحشميش رووحك وانتت هيي خااالد سكتتها
بدت لينا تغني بإحساس يدره الكبد : ماما جابت بيبي ، بيييبي حلللووو صغييير يالله حبيبي ....
ومن قبل ماتكمل حرف شدتها زهور من تيشرت متاعها وطلعتها من المطبخ : هدا يلي طلع معاك في الاخيرررر اطللعي
خالد القهوة طاحت منه من الضحك معش قدر يتحكم بالضحك ، كان منظرها عبييط
اما علي لتوا مصدوم وهدا وااضح من ملامح وجهه ، مسكيين انصدم منها كان مجهز روحه لحاجة احسن ماتوقعش هكي بيكوون صوتها ، الاداء والصوت والالحان كاانوا زفتتتت ، لااا والاغنية يلي اختارتها اززفت من هدا كله
فرح شافت لخالد وهي تضحك : ههههههه شكله كان مجهز روحه لصوت فيروز هههه
خالد اشرلها على وجهه " علي " يلي لتوا مصدوم : هههههههه واااك شوووفي وجهه ههههه
BINABASA MO ANG
سايمون Simon (رواية ليبية )
Fantasyلما تنوض من نومك وتلقى كل شي في حياتك تغير جذريا ، ولما تلقى ناس من عصور مختلفة معاك وجايين كلهم بنفس طريقتك يلي جيت بيها ، كيف بتتصرف بش ترجع لعصرك وحياتك الطبيعية ؟ !! خيال +اكشن رواية باللهجة الليبية نتمنى تعجبكم ❤ #سايمون بِقلم : wesal_elhamh...
