#سايمون
#الحلقة١٣
احمد ولع سيارته وماستناش حتى السيارة تسخن شوية ، وضغط على البنزينة بأقوى شي ومشي جرري لخوه قبل ما يدير كوارث اكتر من هكي
.........................
البنات بدو يلبسو في الملابس الشبابية
زهور مش عاجبها اللبس : ترا توا فهميني علاش تلبسي فينا هكيي
فرح تلبس في الطاقية : حني توا بنات بروحنا مش معانا ولا شاب وبنتحركوا هلبااا برا لازم نتنكروا ان حني شبااب مش بنات بش ماحد يطمع فينا
هند بستهزاء : وصوتنا شن بنديروله يا ابلة
فرح تحركت خطوات بش تلبس الشوز(حذاء) الشبابي : بتغلظوه
هناء :شنن قلتيييي
فرح شافتلها وملامح وجهها جدية : زي ماسمعتي !
هناء كتفت ايديها وقعمزت : لالا مانبيش هكي اني
فرح ويلي كانت خلاص بتطلع : والله عاد على راحتك لكن تحملي مايجيك
هناء : شن قصدك ؟؟
فرح رفعت حاجبها : مش تبي تشوفي اهلك وتشوفي اخبارهم ؟
هناء بلهفة : ايي اكيدد
فرح : انتي عارفة انه لازم مايشوفوكش ولااا
هناء اذكرت ان لازم كونها رائدة مايشوفهاش ايي حد يعرفها لانة هذا ح يسببلها خطر على حياتها ، واهم شي كونك رائد انك تكتم سر "السفر عبر الزمن "
هناء بإحباط : بااهي توا نلبس
بدو البنات يلبسوا طبعا فرح لازم تتحمل برادة هناء وزهور يلي ماتمش كل شوية يتهزو على اللبس يلي جاباته فرح ، اما هند شكلها عجبها اللبس الشبابي في الاخير
هند : تعرفوا حاجة شكلي بنغير على موديل لولاد حسيته احلى ههههه
فرح ضحكت :ههههه هذا هو الكلام
اما شبحات زهور وهناء لبعض تلخص كل شي ، كلام هند ماعجبهمش ههههه
.......
كان يحكيلها كيف بدي رائد وشن دارت فيه المافيا ، حكالها لما اول مرة شافها وكيف عرفها رائدة من خطين الحاجب، وانه قعد يراقب فيها ويبي توا يعرف هي شن ادير بزبط في الزمن هذا ، وهل هي تقدر تساعده ان يرجع لِعصره ؟؟
ضحكت رهف ضحكة خفيفة ممزوجه بهزوة (سخرية) : ههه اني رائدة زيي زيك يعني مانقدرش نفيدك بِشي
على : يعنى هذا اخر كلام عندك ؟
رهف رجعت لكتابها وحطت رجل على رجل : ايي اخر كلام ، ولو سمحت امشي مش فاضيتلك
علي سّند ضهره على الكرسي براحة وملامح وجهه تغيرت بطريقة غريبة : باهي وكان شفتك مع المافيا ، وكان سمعتكم وانتو تتكلموا وسمعت كل شيي ، وقتها قاعدة رائدة زيني زيك ياا استاذة ولا بتغيري رايك ؟؟
YOU ARE READING
سايمون Simon (رواية ليبية )
Fantasyلما تنوض من نومك وتلقى كل شي في حياتك تغير جذريا ، ولما تلقى ناس من عصور مختلفة معاك وجايين كلهم بنفس طريقتك يلي جيت بيها ، كيف بتتصرف بش ترجع لعصرك وحياتك الطبيعية ؟ !! خيال +اكشن رواية باللهجة الليبية نتمنى تعجبكم ❤ #سايمون بِقلم : wesal_elhamh...
