الامل سر الحياة😻ماريا&جواد

😍😍

الصباح ناضت ميمي صلاة صلاتها لي مهما كان مسمحتش فيها حتى و هي ماشي محجبة دعات باش ربي ينجحها وبعدها وجدت الفطور و نوضت خوها و عاوناتو باش يلبس وراحو وصلاتو في طريقها للفاك و بعدها راحت هيا للفاك و جوزت الاختبار بعلامة 100% حتى لكل نبهر و بشهادة كل الساتذة قبلو انو ميمي تاخذ شهادة و تصير تخدم مع هداك الاستاذ لعرض عليها الخدمة يعني بقالها غير التطبيق و اول حاجة عملتها درست حالة خوها اياد و عملتلو العملية اللي نجحت و صار يمشي... جازوا الايام و ماريا غير الخدمة و الدار و صارت من انجح و اصغر الاطباء في، العالم كل عملياتها ناجحين بفضل ربي و بالشوية فتحت كلينك ف المانيا حتى  صارت شحال من كلينيك في مختلف البلدان وهذا رغم صغر سنها فكانت رمز للطفلة القوية و الناجحة. اما جواد فكمل قرايتوا و هداتلوا ميمي شركة لي طورها و كبرها مع الوقت و فهاد الوقت  تاكد من حبو لمليسا اللي صارت صحبة ميمي و مايتفارقوش و اما جواد فمحبش يعترف لمليسا بحبو وهي تاني حتى يهدر معا بباها و يخطب... اما ميمي ففتحت مستشفى كبير فالدزاير باش تقدر تعاون المحتاجين صح انو هو مستشفى خاص الا انو هي قررت انو اللي معندوش راح تعملو كل شي بلا دراهم(باطل😂😂بالمجان) و فتحت جمعية و ميتم باش تتكفل بالايتام لانو حست بمعنى انك تفقد اهلك و سندك ...
مع مرور الايام و الاعوام (5 سنين يعني صار عمر ميمي20 و اياد و ميلي و جواد24)ميلي ولات لدزاير و جواد حس بفراقها و اختوا ميمي كي شافت حالتو قررت انها ترجع لبلادها ههه مسكين هو كي سمع بلخبر صار يعنق في ميمي و يصوطي كي الصغير مع العلم انو من قبل هبط اياد لدزاير و هدر مع جواد و بابات ميلي و قاللهم انو هو ناويها للحلال حتى هي متعرفش انو يحبها وخبرهم انو حاب يدخل الدار من بابها وهو عندو ختو لي يخاف عليها و فاللخر اقتنع جواد و باباه انو ميلي راح يديها الراجل لي يحميها ويصونها و صار جواد واياد اعز صحاب و شركا في وقت واحد