الامل سر الحياة😻ماريا&جواد

🙃🙂

Dzl lbnat 3labali twelt bzaaaaaf mais wellah dorof Allah ghaleb mais rani rja3t w rah n3wedkom nchallah

تسريع الاحداث

في دار ماريا و اياد
الكل مجتمع عندهم فالجنينة من جواد و ميلي و سيليا و احمد حتى من الجد سليم و معاهميحكو ف مختلف
المواضيع
سليم:اييه يا ولادي وقتاش راح تفرحونا بعرسكم حاب نشوف ولادكم
سيليا: و الله صح راكم طولتوا و لازم تحددوا نهار
اياد:و الله انا الوقت لي تقولو عليه انا حاضر.
جواد: و الله انا كيفو خاطيني تحبوا اليوم بعد انا. حاضر و مستعد بالمهمة ولا واش قالوا حبيبي.

ماريا:و جه البخص مايعرف يحشم ما يعرف يستحي تفوو😤.
جواد: و الله يا حبي ملي عرفتك محيت هاذ الزوج كلمات من قاموسي و اذا بيك على هدرتي قدام امي و بابا ولا خلي نقول روميو و جولييت متخافيش حتى و هوما كبار مزالهم يتمعشقوا قدامنا لا يقولوا عيب لا. يقولوا وليدنا مسكين عايش جفاف عاطفي خطيبتو لاعلاقة بالرومنسية لا والو اما الله غالب الشيب والعيب
احمد : وكان ضربتك في صغرك بلاك تجي منك فايدة يا هامل
جواد :لا للعنف الشيخ😂.
الكل :😂😂😂😂.
سليم : والله ربي يعينك يا بنتي ماريا على المهبول لي ديتيه.
ماريا:نورمال جدو هاذا بلاء من عند ربي و لازم نرضى بيه و نقول الحمد لله على كل حال.
الكل:😂😂😂😂.
جواد: انا بلاء😡؟؟؟؟
ماريا:لا عزيزي حاشا انت بلاء انت مصيبة برك.
جواد:😡😡.
الكل:😂😂😂 و كيما قالوا ناس بكري ما يتزاوجوا حتى يتشابهوا.
صوت ضحكتهم عامل صدا فكل البيت و فجأة توقف الصوت و ماتسمع غير صوت جرس الباب بينما كانت ميلي تفتح الباب بحكم انها كانت رايحة للكوزين كان كاين قلب مقبوض حاس بحاجة تكبس عليه و تضيق عليه نفسوا و شكون من غيرها ماريا لي حست انها راح تصير حاجة تخرب فرحتهم و ماهي الا ثواني معدودة متسمع فيها كان صوت خطوات الاقدام 👣👣 و بوووووووم😱😱 تشوف شي لي متوقعتش انها تشوفو حياتها الكل

ترا ترا 😂😂بنوتاتي حطيتلكم حجرة فالصباط هههه نعرف روحي شريرة هههه لاسويت فاليل مي نحب نشوف توقعاتكم كامل و اللي تلقاها نعمللها اسمها فواحد من الشخصيات الجديدة 😍😍😘😘حبكم بنوتاتي موعدنا فاللي نشالله