الامل سر الحياة😻ماريا&جواد

😮🤔

خرجوا عايلة الشر و خلاو وراهم زوج قلوب تتحرق فبحر معاناتها و ذكرياتها لي حرمتهم مة النوم مش نهار مش زوج ، و آه من وجيعة القلب بعد ما يتأذى من اقرب الناس ليه آه من وجيعة قلب وقت تمتحنوا الدنيا و مايلقى حد يوقف معاه ،صدق لي قال وقت يروحوا والديك يروحوا ماليك مش راح يقدر يحس بوجيعة اليتم غير لي جربها اما مش ماريا لي تبين وجيعتها لغيرها و تحسسهم بضعفها ادا حكيت على قوة الشخصية نكون نحكي على ماريا ادا حكيت على تفضيل و تقديم سعادة غيرنا على سعادتنا نكون نحكي على ماريا الطفلة هدي وحيدة الطباع و حيدة الصفات ببراءتها بطيبة قلبها بصرامتها بكبرياؤها بغرورها بإختصار هي التناقض بحد ذاته مستحيل تعرف حالتها من وجها غامضة لحد واسع لي خلاها كي الصندوق المغلوق متقدرش تعرف واش فيه من المظهر تاعو

الدموع فعينيها تكافح باش ميطيحوش ابتسمت

ماريا:اهيه وين حبسنا 😁.
جواد يتمتملها:صفا.
ماريا غمضت عينيها و عاودت فتحتهم.

جواد يتمتملها:نعرف انك تخبي وجيعتك مي مش عليا فاليل نحكي معاك يعيش حبي.

سليم:والله كنا نحكوا و نضحكوا عليكم ابنتي لاه يعني راكم متشردين هك و مزال مخليتونا نفرحوا بيكم 😂😂ولا ناويين حتى تشيبوا باش تتزوجوا
جواد:بعيد الشر اجدو لاه قالولك علينا ناقصين عقل و دين هاد الشي حرام.
ميلي:ويييلي على شمس الدين الفقيه😂😂.
الكل :😂😂😂.
جواد يتمتم في وذن ماريا: الواحد حاب يتزوج دوكا مدام الموتور فأوّج عطاؤو نهار يحبس معندنا منديروا بالزواج هكدا و ياربي يلحق يعيش يمات غاطس. فالعسل باش يلحق يتكاثر.
ماريا:😱😱احشم يا المسخوط
جواد:من واش نحشم من موتوري ا بب😂.
ماريا:الله يعطيك حبة فيه ان شاء الله.
جواد:متدعيش على مموّل ولادك و مستقبلك ا حبي.
ماريا:تفوووو و الله ما تحشم
جواد:نعشقك
ماريا:نكرهك تفووو مسخوط
جواد:ن*****عليك
ماريا:😯😱😡.
جواد:😂😂😂😂.
كملوا سهرتهم بضحكة على الوجه و لي فالقلب فالقلب بالنسبة لماريا قدرت تخفي حزنها ورا قناع ضاحك اكيد ما هي حياتها الكل متعودة تخبي حزنها باش متوريهش لخوها و متزيدش على همو هم و ناسية انها راهي تضر في روحها و تعّب قلبها لي قريب يطرطق من قوّة تحملوا وجاع و خيبات فوق طاقتوا هدا الكل بسك متعرفش تفرّغ قلبها و وجاعوا لغيرها لأنها تعتبرها شكوى و الشكوى لغير الله مذلة اما اياد ميعرفش يخبي حزنوا من وجهوا تقدر تعرف بإصطناعوا لهديك الابتسامة و توتروا لي مخلاهش مركز معاهم فهدرتهم يهدر كلمة و يقص و هذا لي قسم قلب ماريا ماهو بالنسبة ليها نقطة قوتها لي خلاتها متمسكة بادنيا و فنفس الوقت نقطة ضعفها لي معيشتها فكابوس انها يجي يوم و تخسروا كيها خسرت والديها و حتى بالنسبة ليه نفس الشي ماريا هي الام هي الاخت هي الاخ هي الصاحب هي السند و الجبل لي يتكى عليه فضعفو هي ااصدر لي يلجأ ليه وقت خيبتو و آآه من اخت كيفها تضحك لضحكتك😄 و تبكي لبكاك 😥تحملت مسؤوليتو و هي صغيرة فالوقت لي كان يلزم عيه تكون تحت مسؤوليتو😞 وقفت معاه حتى وقف على رجليه وقفت معاه فظروف لي صعيب تلقى شكون يتحملك فيهم و يتحمل عجزك و تعتبرها واجب عليها و متنطقش بكلمة *اوووف*
صرفت الجماعة حتى الباب و رجعت لخوها اي كان شاد راسو بين يديه و يتوجع فصمت راحت ليه و نحاتلوا يديه و طلعت راسو من ذقنو و قالت
ماريا:اياد عمروا لا يهبط راسو و لا يهزوا ريح و لا يقهروا و يوجعوا حد مدامني حية و معاك يا ووحي متخممش فلي صار هذا كامل حكم ربي و هوما جاو باش يفسدوا حياتنا مي حنا مش راح نسمحولهم مش هكدا يا خويا
اياد:مي مراحش يخاونا بحالنا مدام جاو ميشقاوش باطل راح يخربونا معيشتنا كيما دارو من قبل
ماريا:و حنا منخلوهمش و لي يطلع بيدهم يعملوه😌
اياد:و كان يفرقونا ؟؟
ماريا: مراحش يقدروا انتا بابا قبل ما تكون خويا انت حياتي و دنيتي و روحي و كل لي بقالي من بعد ماما و بابا انت اكبر نعمة خلاوهالي الغاليين نحي من روحي و نمدلك 😍

اياد:شاف فيها و طاحتلوا دمعتوا و قال في سرو *راح تقعدي تحكي هكا حتى بعد ما تعرفي السر لي مخبيه عليك 😣😥
عنقها و دخلها في ضلوعوا خايف بعد ما ينكشف لي مخبى تروح وتخليه قفة بلا يدين

😱😱😱زعما واش هو السر لي مخبيه اياد على ماريا
😂😂نموت على القناااابل و المفاجعات😂نحب التشويق و نخليها تحرق في قلبكم بنوتاتي 😍😂انا اعرف انني شغيغة😂

تابعوا مفاجعاتي قصدي حلقاتي😂😍 و الاهم اعطوني رايكم فالبارت و فتسوفيج جواد😂
و قوليلي ادا معجبكم تنسيقي بين الكوميديا و الدراما

حبكم