#البارت ٢
#قصة منطقة ١٣
#الكاتبة مريم السعدي
ﺻﺒﺢ ﺻﺒﺎﺡ ﺍﻟﻠﻪ ﻭﻃﻠﻌﺖ ﻭﻱ ﺭﺍﺟﺢ ﻭﻣﺤﻤﺪ ﻭﺭﺍﻱ ﻳﻤﺸﻲ ﻭﻳﻤﺴﺢ ﺑﺨﺸﻤﻪ ﺑﻄﺮﻑ ﺭﺩﻧﻪ ﻭﻳﻮﻥ ﻋﺒﺎﻟﻪ ﺣﻜﻮﻟﻪ ﺍﺭﺟﻊ ﺍﻧﺪﺍﺭﻳﺖ ﻋﻠﻴﻪ ﻧﺘﺮﺕ،ﺍﻟﺰﻡ ﺍﻟﻤﺎﻟﺞ ﺯﻳﻨﻦ ﻟﺘﺼﻴﺮ ﻣﺎﻳﻴﻴﻊ
ﺍﻳﻴﻲ
ﻭﻭﺟﻌﻲ ﺭﻓﻌﺖ ﺗﻚ ﺣﺎﺣﺐ ﺧﺰﺭﺗﻪ ﻭﺍﻟﺘﻔﺘﺖ ﺑﺎﻭﻋﺖ ﻟﺮﺍﺟﺢ
ﺍﻟﻴﻮﻡ عوﺩﻩ ﻃﻠﻊ ﺳﺒﻮﻉ ﺍﻟﻜﺎﺿﻲ ﺑﺎﻟﺒﻴﺖ
ﺑﺎﻭﻋﺘﻠﻪ ﻭﺑﺎﻭﻋﺖ ﻟﺮﺍﺟﺢ ﺭﺍﺟﺢ ﺍﺑﺘﺴﻢ ﻛﺎﻝ
ﻣو ﺗﺪﻟﻞ ﺍﻟﻴﻮﻡ ﻭﻻﻃﺎﺑﻮﻛﻪ ﺗﻀﻞ ﺟﻮﻩ ﺑﻴﺖ ﺍﻟﺤﺴﻨﺎﻭﻱ ﻛﻠﻬﻦ ﻳﺼﻌﺪﻥ ﺟﺎﻭﺏ ﺑﺎﺳﺘﻬﺰﺍﺀ
ﻣﺤﻤﺪ - ﺍﺻﻌﻬﺪﻥ ﻗابل ﺷﻨﻮ ﻧﻤﻮﻧﻪ ﻓﺪ ﻗﻀﻴﻪ ﻳﻌﻨﻲ
ﺳﻠﻤﺎﻥ - ﻫﻬﻪ ﺗﺪﺭﻱ ﻛﻢ ﺑﺎﻳﻪ ﻋﺪﻫم ﻣﺜﻞ ﺩﺭﺟﻨﺎ ﻋﺒﺎﻟﻚ ﺷﺒﺨﻪ ﻭﻟﻠﺴﻄﺢ ﺩﺭﺟﻬﻢ ١٣ ﺑﺎﻳﻪ ﺭﻭﺡ ﺍﻛﻠﻬﺎ ﺑﺎﻟﻌﺎﻓﻴﻪ ﻋﻠﻴﻚ ﺗﺮﺱ ﺧﻞ ﺍﺷﻮﻓﻚ ﺷﻮﻥ ﺑﻌﺪ ﺗﺘﻜﻠﺐ ﺑﺤﻀﻦ ﺍﻣﻚ ﻭﺍﺥ ﻭﺍﺧﺨﺦ ﻭﻳﻤﻪ ﻭﺭﺍﺳﻲ ﻭ -- ﻳﻮﺟﻌﻨﻲ ﺧﻨﺜﻪ
ﻛﻠﺘﻬﺎ ﻭﺩﺭﺕ ﻭﺟﻬﻲ ﻋﻠﻰ ﺭﺍﺟﺢ
ﺭﺍﺟﺢ ﺍﻟﻜﺒﺎﻥ ﻧﺴﻴﻨﺎ ﺑﻴﺖ ﺍﻟﺼﺎﻳﻎ ﺍﺭﻭﺡ ﺍﺟﻴﺒﻪ ﻭﺍﺟﻴﻜﻢ ﻋﻴﻨﻚ ﻋﻠﻰ ﻫﺬﺍ ﺍﺫﺍ ﺳﺨﺘﺖ ﻣﻦ ﺍﺟﻲ ﺍﻧﻲ ﺍﻋﺮﻑ ﺷﻮﻥ ﺍﺷﺘﻐﻠﻪ ﺯﻳﻦ
ﺻﺎﺭ ﻳﺎﺑﻪ ﺻﺎﺭ
ﺳﻠﻤﺎﻥ - ﺑﺎﻭﻋﺖ ﻟﻤﺤﻤﺪ ﻳﺒﺎﻭﻉ ﺑﺎﺳﺘﻬﺰﺍﺀ ﻣﻮ ﻣﺎﻝ ﺍﻓﻜﺲ ﻋﻴﻨﻪ ﺩﺍﺭ ﻭﺟﻬﻪ ﻳﺒﺘﺴﻢ ﻭﻳﻔﺮ ﺑﻴﺪﻩ ﺻﻠﻒ ﺣﻴﻞ ﻭﻣﻴﺤﺘﺮﻡ ﺩﻻﻝ ﺍﻣﻲ ﺳﻜﻄﻪ ﺣﻴﻞ ﺍﺣﺴﺎﺱ ﻣﺎﻋﺪﻩ ﺻﺎﺭ ﻣﻴﻬﺘﻢ ﺧﻠﺺ ﺍﻟﻤﻲ ﺍﻟﺤﺎﺭ ﻭﻛﺖ ﺟﻴﺖ ﺍﺑﻮﻳﻪ ﻋﺎﺩﻱ
ﺍﻛﻞ ﺍﻟﺨﺒﺰﻩ ﺍﻟﺰﻳﻨﻪ ﻗﺒﻞ ﻛﻌﺪﻩ ﺍﺑﻮﻳﻪ ﺍﻟﻤﻬﻢ ﻫﻮ ﻗﺒﻞ ﺍﻟﻜﻞ
ﻭﻫﺎﻟﺸﻲ ﺟﺎﻥ ﺣﻴﻞ ﻏﺎﺛﻨﻲ ﺍﻧﻲ ﻭﺭﺍﺟﺢ ﻭﺍﺑﻮﻳﻪ ﺑﺎﻟﺒﻴﺖ ﻣﺎﻛﺪﺭ ﺍﺧﺒﺰﻩ ﺑﺎﻟﺸﻐﻞ ﻛﻠﺴﺎ ﻣﻤﺸﻲ ﻋﺎﻟﺼﺮﺍﻁ ﺍﻟﻤﺴﺘﻘﻴﻢ ﻣﻦ ﺍﺟﻴﺒﻪ ﺑﻌﻼﺑﻴﻪ
ﻭﺍﺫﺍ ﻓﺎﺕ ﺍﻟﺤﻤﺎﻡ ﺿﻞ ﺳﺎﻋﻪ ﻳﻨﺘﻀﺮ ﻭﻛﺖ ﺍﻟﻐﺪﻩ ﻭﺍﺫﺍ ﺗﻐﺪﻩ ﺳﺎﻋﺘﻴﻦ ﺣﺪﻣﺎ ﻳﺨﻠﺺ ﻭﻛﺖ ﺍﻟﺸﻐﻞ ﻟﻞ٥
ﺑﻘﻴﻨﺎ ﻋﺎﻟﺸﺎﺭﻉ ﻧﻨﺘﻀﺮ ﻭﺍﺟﺘﻲ ﺳﻴﺎﺭﻩ ﺍﻟﺘﺼﺮﻳﻒ ﺗﺴﺤﺐ ﺍﻟﻤﻲ ﻣﺎﻝ ﺗﺼﺮﻳﻔﻪ ﻻﻥ ﻣﺎﻋﺪﻩ ﻣﺠﺎﺭﻱ ﺑﻤﻨﻄﻘﺘﻨﺎ ﻭﺍﻟﺮﻳﺤﻪ ﺗﺬﺑﺢ ﺻﻌﺪﺕ ﺑﺎﻟﺘﺎﺗﻪ ﻃﺮﻳﻘﻲ ﻏﻴﺮ ﻃﺮﻳﻖ ﺍﻟﻮﻟﺪ ﺍﺟﻴﺐ ﺍﻟﻜﺒﺎﻥ ﻭﺍﺭﺟﻊ
ﻃﻠﻌﺖ ﻭﻧﻄﻴﺖ ﻛﺮﻭﻩ ﺍﻟﺴﻴﺎﺭﻩ ﻟﺮﺍﺟﺢ ﻭﺻﻌﺪﺕ ﻭﺻﻠﻨﻲ ﻟﻠﻤﻨﻄﻘﻪ ﻣﺎﻝ ﺑﻴﺖ ﺍﻟﺼﺎﻳﻎ ﻭﻓﺘﺖ ﺑﺎﻟﻔﺮﻭﻉ ﺍﻣﺸﻲ ﻭﺍﻗﻤﻴﺼﻲ ﻣﻄﻜﻊ ﻭﺍﻟﻒ ﺑﻘﻤﺼﻠﻪ ﺍﺑﻮﻳﻪ ﻣﺎﻝ ﺟﻴﺶ ﻋﻠﻰ ﺟﺴﻤﻲ ﺑﺮﺩﺍﻥ ﺣﺪﻣﺎ ﻭﺻﻠﺖ ﺍﻟﺒﻴﺖ ﻃﺒﻴﺖ ﺭﻛﺾ ﻓﺎﺭﻍ ﺍﻟﺒﻴﺖ ﻭﺍﺷﻮﻑ ﺍﻟﻤﻲ ﻣﻔﺘﻮﺡ ﻭﺻﻮﺕ ﺻﺪﻯ ﺑﺎﻟﺒﻴﺖ ﻳﺤﺠﻮﻥ
ﻃﺒﻴﺖ ﺳﺎﻛﺖ ﻭﺍﺣﺠﻲ ﻭﻱ ﺭﻭﺣﻲ ﺍﺧﺬ ﺍﻟﻜﺒﺎﻥ ﺑﺎﻟﺤﻤﺎﻡ ﺑﺮﻩ ﺍﻟﺒﻴﺖ ﻋﺎﻟﺮﺍﺯﻭﻧﻪ ﻭﺍﻃﻠﻊ ﺷﻠﻲ ﺧﺺ ﺷﻐﻠﻨﺎ ﻭﻛﻤﻠﻨﺎ
ﻃﺒﻴﺖ ﻟﻠﺤﻤﺎﻡ ﻭﻫﻢ ﺟﻮﻩ ﺻﻮﺕ ﻧﺴﻮﺍﻥ ﺻﺪﻯ ﻭﺭﺟﺎﻝ ﻳﺼﻴﺢ
ﺍﺟﻠﻔﻲ ﻣﻨﺎ ﺍﻟﻤﻼﻋﻴﻦ ﻣﻨﻜﻄﻴﻦ صبغ ﻋﺎﻟﻜﺎﺷﻲ ﻳﺎﺑﻪ ﻣﻨﺎﺍ ﺗﻌﺎﻱ ﻣﺴﺤﻲ ﺍﻟﺠﺎﻡ ﻭﺍﻧﻲ ﻓﺘﺖ ﻟﻠﺤﻤﺎﻡ ﺍﻟﺨﺎﺭﺟﻲ ﻭﻋﻴﻮﻧﻲ ﻋﺎﻟﺪﺍﺧﻞ ﻣﺎﻝ ﺑﻴﺖ ﺷﻔﺖ ﺭﺟﺎﻝ ﻻﺑﺲ ﺑﻠﻮﺯ ﺯﻳﺘﻮﻧﻲ ﺻﻮﻑ ﻣﺰﺭﻑ ﻭﺳﺮﻭﺍﻥ ﻭﺷﺎﺩ ﻏﺘﺮﻩ ﻋﻠﻰ ﺭﺍﺳﻪ ﻻﻑ ﺭﺍﺳﻪ ﻭﻟﺤﻴﺘﻪ ﻃﻮﻳﻠﻪ ﻣﺸﻴﺒﻪ ﻭﻣﺮﻩ ﻣﺪﻧﺠﻪ ﺗﺠﻠﻒ ﻭﻫﻮ ﻳﻀﺮﺏ ﺍﻟﻜﺎﺷﻲ ﻛﺎﻏﺪ ﺟﺎﻡ ﻳﻮﺧﺮ ﺍﻟﺠﺺ ﺍﻟﻤﻄﻔﺮ ﻃﺒﻴﺖ ﻋﺮﻓﺘﻬﻢ ﻣﻨﻀﻔﻴﻦ ﻓﺘﺖ ﻟﻠﺤﻤﺎﻡ ﺍﻟﺨﺎﺭﺟﻲ ﺗﻮﻧﻲ ﺍﻓﺘﺢ ﺍﻟﺒﺎﺏ ﻟﻜﻴﺖ ﺑﻨﻴﻪ ﺿﻬﺮﻫﺎ ﻋﻠﻴﻪ ﻭﺗﺠﻠﻒ ﺑﺎﻟﺘﻮﺍﻟﻴﺖ ﺍﻟﻔﺮﻧﺠﻴﻪ ( ﺍﻟﻐﺮﺑﻲ )
ﻭﺗﺪﺭﺩﻡ
ﻫﺬﺍ ﺷﻮﻥ ﻳقضون ﺣﺎﺟﺘﻬﻢ ﺑﻲ ﻳﻜﺮﻡ ﺍﻟﻠﻪ ﻟﻮﻥ ﻛﻌﺪﺕ ﻋﻠﻴﻪ ﺍﻛﻊ ﺑﻨﺺ ﻣﻨﻪ ﻭﻣﺎﻋﺎﺩ ﺍﻛﺪﺭ ﺍﻃﻠﻊ
ﺿﺤﻜﺖ ﺍﺑﺎﻭﻋﻠﻪ . ﻭﻛﺼﻴﺒﺘﻬﺎ ﺷﻄﻮﻟﻬﺎ ﺍﺧﺬﺕ ﺍﻟﻜﺒﺎﻥ ﻭﺻﻮﺕ ﺧﺸﻮﻧﻪ ﺍﻟﺮﺍﺯﻭﻧﻪ ﻭﻱ ﺍﻟﺴﻤﻨﺖ ﺍﻟﺒﺎﻗﻲ ﺑﻴﻬﺎ ﺻﺎﺭ ﺻﻮﺕ ﺍﻟﺘﻔﺘﺖ ﻓﺎﺯﻩ
ﻭﺍﺭﺗﺪﺕ ﻟﻴﻮﺭﻩ
ﻳﺎﻳﻮﻭﻭﻡ ﺍﻧﺖ ﻣﻨﻮ
ﻓﻜﻴﺖ ﻛﻞ ﻋﻴﻨﻲ ﻭﺍﻧﺼﺪﻣﺖ ﺳﺎﻛﺖ ﻫﻲ ﻧﻔﺴﻬﺎ ﻭﺍﻟﻠﻪ ﻫﻲ ﻫﺎﻱ ﻫﻲ ﺑﻠﻌﺖ ﺭﻳﻜﻲ
ﺍﺍﻧﻲ ﺍﻟﺒﻨﻨﻪ ﻟﺘﺨﺎﻓﻴﻦ ﺣﺤﻄﻠﻊ
ﻣﺎﻧﻪ ﺧﺎﻳﻔﻪ ﻋﺸﺘﺎﻭ ﻋﻠﻴﻤﻦ ﺍﺧﺎﻓﻦ ﻫﺴﺎ ﺍﺻﻴﺢ ﺍﺑﻮﻳﻪ ﻳﺠﻨﺰﻙ
ﻣﻴﺤﺘﺎﺝ ﺍﺑﺘﺴﻤﺖ ﻭﺗﺎﺷﺮ ﻭﻛﺤﻪ ﻭﻋﻴﻮﻧﻬﺎ ﻣﺰﺭﺯﺭﻩ ﻭﺳﻮﻭﺩ ﻭﺍﻟﻔﺮﻙ ﻣﺎﻝ ﺷﻌﺮﻫﺎ ﺍﺑﺒﻴﺾ ﺭﻏﻢ ﺳﻤﺎﺭﻫﺎ ﺍﻟﻴﺨﺒﻞ ﻭﻫﺎﻱ ﺧﺪﻭﺩﻫﺎ ﺗﻨﻜﺮﻁ
ﺷﺒﻴﻚ ﺗﻌﺎﻳﻦ ﻫﻴﺞ ﺍﻧﻔﻜﺴﺖ ﻋﻴﻨﻚ
ﻏﺎﺑﺖ ﺍﺑﺘﺴﺎﻣﺘﻲ ﺿﺠﺖ ﻣﻦ ﻟﺴﺎﻧﻬﺎ
ﻣﻴﺤﺘﺎﺝ ﻫﺎﻟﻤﺴﺒﻪ ﺗﺮﻩ . ﺑﺲ ﺩﺍﻛﻮﻟﺞ . ﺍﺍﺷﺴﻤﻪ ﻭﺧﻔﺖ ﻟﺤﻀﺘﻬﺎ ﻣﻦ ﺷﻔﺘﻬﺎ ﺗﻄﻠﻊ ﻛﻠﺖ ﺗﺮﻭﺡ ﺗﺼﻴﺢ ﺍﺑﻮﻫﺎ ﻭﺗﺼﻴﺮﻟﻲ ﻫﺒﻴﻪ ﻃﻠﻌﺖ ﻭﻫﻲ ﺗﻤﺸﻲ ﻭﺗﺘﻠﻔﺖ ﻋﻠﻴﻪ ﻭﺗﺸﻤﺮ ﻛﺼﻴﺒﺘﻬﺎ ﺻﺎﺣﺖ ﻳﺎﺑﺒﺒﻪ
ﻭﺍﻧﻲ ﻃﻠﻌﺖ ﻟﺒﺎﺏ ﺍﻟﺒﻴﺖ ﺷﺒﻪ ﺍﻧﻬﺰﻡ ﺩﺍﺍﻃﻠﻊ ﻭﺍﻟﺘﻔﺖ ﻟﺪﺍﺧﻞ ﺍﻟﺒﻴﺖ ﺍﺑﺎﻭﻋﻠﻬﺎ
ﺩﺍﺍﻃﻠﻊ ﻭﺻﺎﺭ ﺑﻮﺟﻬﻲ ﺻﺎﺣﺐ ﺍﻟﺒﻴﺖ
ﻫﻠﻪ ﺳﻠﻤﺎﻥ ﻫﻠﻪ ﻋﻴﻨﻲ
ﻫﻠﻪ ﺑﻴﻚ ﻋﻤﻲ ﻋﺎﻟﺨﻴﺮ ﺑﻴﺘﻚ
ﻋﺎﺷﺖ ﺍﺩﻳﻜﻢ ﻭﺍﻟﻠﻪ ﻫﻤﺰﻳﻦ ﺟﻴﺖ ﻋﻠﻤﻮﺩ ﺍﻟﻜﺒﺎﻥ ﻣﻮ
ﺍﻱ ﻭﺍﻟﻠﻪ ﻧﺴﻴﻨﺎﻩ ﻭﺭجعت ﻋﻠﻤﻮﺩﻩ
ﺯﻳﻦ ﺭﺩﺕ ﻣﻨﻚ ﺷﻐﻠﻪ ﺑﺲ ﻣﺎﺭﻳﺪ ﺍﻟﻮﻟﺪ ﺍﺭﻳﺪ، ﻭﺣﺪﻙ
ﻛﻮﻝ ﻋﻤﻲ ﺗﺪﻟﻞ
ﻳﺎﺑﻪ ﺭﺍﻳﺪ ﻣﻨﻚ ﺗﺒﻨﻲ ﻏﺮﻓﻪ ﻟﺦ ﺗﻜﺪﺭ ﻭﺣﺪﻙ
ﺍﻱ ﺷﻜﻮ ﻣﻨﻬﺎﺍﺧﻮﺗﻲ ﻭﻳﺎﻱ ﺑﺲ ﺍﻟﺨﻠﻔﻪ ﺧﺎﻑ ﻣﻴﻘﺒﻞ
ﻣﺤﺪ ﻳﺪﺭﻱ ﻻﻥ ﻫﻮ ﻳﺪﻙ ﺑﺎﻟﻌﺎﻟﻲ ﻭﻳﺠﺮ ﻭﻳﻌﺮ ﻳﺴﻮﻳﻬﺎ ﻃﻮﻳﻠﻪ ﻭﻫﻲ ﺷﻜﺪﺍﺗﻬﺎ
ﺧﻮﺵ ﻋﻤﻲ ﺻﺎﺭ ﺑﺲ ﺍﻧﺖ ﻫﻢ ﻟﺘﻮﺻﻠﻪ ﺧﺒﺮ ﺍﺣﺠﻲ ﻭﺍﺑﺎﻭﻉ ﺟﻮﻩ ﺍﻟﺒﻴﺖ ﺑﺎﻟﻲ ﻳﻢ ﺍﻟﺴﻤﻴﺮﻩ ﻭﺍﺭﺟﻒ ﻭﻛﻠﺒﻲ ﻳﺪﻙ ﺳﺮﻳﻊ
ﻛﺎﻝ
ﺗﻌﺎﻝ ﻳﺎﺑﻪ ﻓﻮﺕ
ﻋﻤﻲ ﻣﻮ ﺍﻛﻮ ﻧﺴﻮﺍﻥ ﺟﻮﻩ
ﺗﻌﺎﻝ ﺫﻭﻟﻪ ﻏﺠﺮ ﻳﻨﻀﻔﻮﻥ ﻭﺭﻩ ﺍﻟﻌﻤﺎﻟﻪ ﻓﻮﺕ
ﻃﺒﻴﺖ ﻭﺭﺍﻩ ﺑﺎﺭﺗﺒﺎﻙ ﺻﺤﺖ
ﻳﺎ ﺍﻟﻠﻪ ﻭﺑﻠﻌﺖ ﺭﻳﻜﻲ ﻣﺪﺭﻱ ﺷﺼﺎﺭ ﺑﻴﻪ ﺷﻔﺖ ﺍﻟﺮﺟﺎﻝ ﻛﺎﻝ
ﻫﻠﻪ ﻫﻠﻪ ﻳﺎﺑﺎ ﻋﻤﻲ ﺳﺎﻋﺘﻴﻦ ﻭﺍﻟﺒﻴﺖ ﻳﻐﺪﻩ ﻟﻴﻪ ﻭﻟﻮﺯ
ﻛﻤﻞ ﻛﻤﻞ ﻣﺎﻟﻜﻢ ﺩﺧﻞ ﺑﻴﻨﺎ ﺩﻧﺼﻌﺪ ﺍﻟﺴﻄﺢ
ﺻﻌﺪﺕ ﻭﻋﻴﻮﻧﻲ ﺟﻮﻩ ﺷﻔﺘﻬﺎ ﻃﻠﻌﺖ ﺗﺸﻠﻬﺖ ﻭﺭﻓﻌﺖ ﺭﺍﺳﻬﺎ ﻟﻴﻔﻮﻙ ﺗﺒﺎﻭﻉ ﺑﺎﺗﻬﺎﻡ ﻭﻋﺒﺴﺖ ﺣﻠﻜﻬﺎ ﻏﻤﺘﻨﻲ ﻭﺩﺍﺭﺕ ﻋﻴﻨﻬﺎ ﺑﺠﺮﻩ ﻏﺮﻭﺭ ﺻﺮﺕ ﺍﻋﺼﺎﺏ . ﺑﻘﻴﺖ ﺻﺎﻓﻦ ﺷﻨﻮ ﻫﺎﻟﺘﺮﺑﻴﻪ ﺍﻟﻤﺨﺮﺑﻄﻪ ﻭﻟﻴﺶ ﺑﺎﻟﺬﺍﺕ ﻫﻲ ﺟﺘﻨﻲ ﺑﺎﻟﻨﻮﻡ ﺑﺤﻴﺎﺗﻲ ﻣﺼﺎﻳﺮﻩ ﻋﺪﻱ ﺣﺎﺳﻪ ﺳﺎﺩﺳﻪ ﻟﻮ ﺣﻠﻢ ﻳﺘﺼﺪﻙ ﺍﺑﺪ ﺳﺎﻋﻪ ﺍﻟﺴﻮﺩﻩ ﻣﻦ ﺻﺪﻙ ﺑﻴﻬﺎ
ﺻﻌﺪﻧﺎ ﻭﺍﺷﺮﻟﻲ ﻭﻳﻦ ﻳﺮﻳﺪ ﺍﻟﻐﺮﻓﻪ ﻭﺍﻓﺘﺮ ﻭﺍﺑﺎﻭﻉ ﻭﺍﺣﺴﺐ ﻭﻫﻮ ﻳﻮﺻﻔﻠﻲ ﺭﺍﺩﻫﺎ ﺑﺎﻟﺴﻄﺢ ﻭﻛﺘﻠﻪ ﺻﺎﺭ ﺗﻔﺎﻫﻤﻨﺎ ﻭﻧﺰﻟﺖ ﻛﺘﻠﻪ ﺑﺎﺟﺮ ﺗﺠﻴﺐ ﺍﻟﻮﻟﺪ ﻭﺍﺟﻴﻚ ﻭﻓﺎﺗﺖ ﻣﻦ ﻳﻤﻲ ﺍﺑﻨﻴﻪ ﻭﺗﻌﺪﻝ ﺑﺪﺷﺪﺍﺷﺘﻬﺎ ﺷﻌﺠﺐ ﻣﻤﺤﺠﺒﻪ ﻫﻲ ﺍﻣﻬﺎ ﺷﺎﻣﻬﺎ ﺍﻟﻔﻮﻃﻪ ﺷﻤﺮ ﻭﺍختها ﺍﻟﻠﺦ ﻧﺺ ﻛﺬﻟﺘﻬﺎ ﻃﺎﻟﻌﻪ ﻭﺍﻻﺏ ﻭﺍﻛﻒ ﻣﻮ ﻳﻤﻪ
ﻳﻠﻪ ﺑﻮﻳﻪ ﺻﺒﻲ ﻟﻌﻤﺞ ﺟﺎﻱ ﻭﺿﺤﻪ
ﺑﻠﻲ ﺑﻮﻳﻪ
ﺍﻟﺘﻔﺘﺖ ﻋﺎﻟﺼﺎﻳﻎ ﺑﺎﻭﻉ ﻟﺒﻨﺘﻪ ﺍﻟﺜﺎﻧﻴﻪ ﺍﺑﺘﺴﻢ ﻭﻫﻲ ﺗﺘﻤﻀﺤﻚ ﻭﺍﺟﻪ ﺍﻟﺸﺎﻳﺐ ﺍﺑﺮﻫﻢ ﺧﻠﻪ ﺍﻳﺪﻩ ﻋﻠﻰ ﻛﺘﻒ ﺑﻨﺘﻪ ﻛﺎﻝ
ﻋﻤﻲ ﻫﺎﻱ ﻭﺿﺤﻪ ﺳﺒﺎﻋﻴﻪ ﻛﺎﻟﺖ ﺟﻨﻨﻪ ﺻﺒﺎﺡ ﺍﻟﻌﻴﺪ ﻭﺟﻬﻪ ﺍﺑﻮ ﺍﻟﺒﻴﺖ
ﺍﺑﻮ ﺍﻟﺒﻴﺖ ﺍﺑﺘﺴﻢ ﻭﺿﻞ ﻳﺒﺼﺒﺺ ﻋﻠﻴﻬﺎ ﻭﺍﻻﺏ ﻭﺍﻛﻒ ﻗﺸﻌﺮ ﺟﺴﻤﻲ ﺟﻦ ﻳﻌﺮﺿﻬﺎ ﻋﻠﻴﻪ ﺍﺑﺘﻌﺪﺕ ﻟﻴﻮﺭﻩ ﺍﺭﻳﺪ ﺍﺣﺠﻲ ﻭﺍﻟﻠﻪ ﺧﻔﺖ ﺑﺎﻭﻋﺖ ﻟﺒﻮ ﺍﻟﺒﻴﺖ ﻳﻜﺼﻬﺎ ﻛﺺ ﻭﻳﺠﺮ ﺍﻟﺠﺎﻱ ﻋﻠﻰ ﻭﻛﻔﺘﻪ ﻛﺎﻝ
ﻭﺭﺩﻩ ﺿﺤﺎﻭﻱ ﻭﻫﻲ ﺗﺘﺒﺴﻢ ﻭﺗﻬﺰ ﺑﺠﺴﻤﻬﺎ ﻣﺜﻞ ﺍﻟﻤﺼﺮﻉ ﻭﻻﺯﻣﻪ ﺍﻳﺪﻫﺎ ﺍﻟﻴﻤﻨﻪ ﺑﺎﺻﺒﻊ ﺍﻳﺪﻫﺎ ﺍﻟﻴﺴﺮﻩ
ﺳﻠﻤﺎﻥ - ﻋﻌﻤﻲ ﺍﻧﻲ ﺭﺍﻳﺢ ﺍﻟﺒﺎﺟﺮ ﻓﺠﺮﻳﻪ ﺍﺟﻲ
ﻫﺎﻱ ﻫﻲ ﺳﻠﻤﺎﻥ ﻣﺎﻭﺻﻴﻚ ﻣﻮ ﺳﺒﻮﻋﻴﻦ ١٤ ﻳﻮﻡ ﺍﻟﻐﺮﻓﻪ ﺧﺎﻟﺼﻪ
ﺍﻱ ﺍﻧﺸﺎﺀ ﺍﻟﻠﻪ ﺍﺣﺠﻲ ﻭﺍﺗﻠﻔﺖ ﺍﻻﻣﺎﻳﻪ ﻣﻮ ﻳﻤﻬﺎ ﺗﺒﺎﻭﻉ ﻟﺒﻨﺘﻬﺎ ﻭﺗﺘﺒﺴﻢ ﺫﻳﺞ ﺍﻟﻠﺦ ﻭﻳﻦ ﻃﻠﻌﺖ ﻟﻠﻄﺮﻣﻪ ﺷﻔﺘﻬﺎ ﺗﺬﺏ ﺍﻟﺰﺑﻞ ﻣﺎﻝ ﻛﻠﮓ ﺑﺎﻟﺒﺮﻣﻴﻞ ﺑﺎﻭﻋﺘﻠﻲ ﻭﺩﺍﺭﺕ ﻋﻴﻨﻬﺎ ﺑﻐﻀﺐ ﺭﺍﻓﻌﻪ ﺗﻚ ﺣﺎﺟﺐ ﻣﺪﺭﻱ ﺷﺼﺎﺭ ﺑﻴﻪ ﺗﺨﻴﻠﺖ ﻫﻲ ﻫﻢ ﺗﺘﺤﺸﻚ ﺑﺎﺑﻮ ﺍﻟﺒﻴﺖ ﻭﻟﻮ ﻫﺎﻱ ﺻﻐﻴﺮﻩ ﺗﻄﻠﻊ ﺑﺖ ﺍﻝ١٦ . ﺑﺲ ﻣﺮﺑﺮﺑﻪ ﺑﺎﻭﻋﺘﻠﻲ ﻧﺘﺮﺕ
ﻟﻴﺶ ﺗﺒﺒﺒﺎﻭﻉ
ﻧﺼﻴﺖ ﻭﻃﻠﻌﺖ ﺭﺍﺳﻦ ﺷﻌﺮ ﺭﺍﺳﻲ ﻭﻛﻒ ﻳﺒﻮ ﻋﻠﻴﻚ ﻣﻦ ﺍﺏ ﻳﺒﻮ ﻳﻮﻡ ﺍﻻﻏﺒﺮ ﻣﻦ ﻓﺘﺖ ﻭﺷﻔﺘﻚ ﺧﺮﺏ ﺍﻫﻠﻚ . ﺭﻭﺡ ﺯﻳﻦ ﺷﺎﺭﺑﻚ
ﺧﺮﺏ ﻋﺮﺍﺿﻚ ﺷﻜﺪ ﺑﻠﻪ ﻏﻴﺮﻩ
ﺍﻭﻑ ﻳﻤﻪ ﺑﻮﻭﺧﺖ ﺍﻣﺸﻲ ﻭﺍﻫﻒ ﻧﺺ ﺍﻟﻄﺮﻳﻖ ﻋﺪﻳﺘﻪ ﻋﺎﻟﺸﺎﺭﻉ ﻛﺼﻴﺘﻪ ﻭﺍﻧﻲ ﻣﺤﺎﺱ ﺑﺮﻭﺣﻲ ﺻﻌﺪﺕ ﺍﻟﻨﻔﺮﺍﺕ ﻭﺭﺣﺖ ﻻﺧﻮﺗﻲ ﻛﻤﻠﺖ ﺍﻟﺸﻐﻞ ﻭﺭﺟﻌﻨﺎ ﺗﻌﺬﺭﺕ ﻣﻦ ﺍﺑﻮ ﺍﻟﺒﻴﺖ ﺍﻟﺪﻳﺒﻨﻮﻥ ﺑﻲ ﺍﺧﻮﺗﻲ ﻭﻣﻦ ﺍﻟﺨﻠﻔﻪ ﻛﺘﻠﻪ ﻋﺪﻱ ﻋﻤﻞ ﺑﻬﺎﻝ١٥ ﻳﻮﻡ ﻭﻋﺬﺭﻧﻲ . ﻫﻢ ﺯﻳﻦ ﻣﺴﺎﻝ ﻳﺎﺑﻴﺖ ﺗﺒﻨﻲ ﺑﻲ ﻛﺘﻠﻪ ﻛﺮﺍﺑﺘﻨﻪ ﻭﺳﻜﺖ ﻭﺍﺗﻔﻘﺖ ﻭﻱ ﺍﺧﻮﺗﻲ ﺍﻟﺼﺒﺢ ﻧﺮﻭح
ﺑﻴﻮﻣﻬﺎ ﻣﻜﺪﺭﺕ ﺍﻧﺴﺎﻫﺎ ﻛﻠﺴﺎ ﻭﺍﻧﻄﻲ ﺍﻟﻌﺬﺭ ﻻﻫﻲ ﻋﺼﺒﻴﻪ ﻋﻠﻴﻪ
ﻭﻟﻚ ﻳﺎﻻﻏﺒﺮ ﻗﺎﺑﻞ ﺍﻧﺖ ﺍﺑﻮ ﺍﻟﺒﻴﺖ ﺍﻟﻤﻼﺍﭺ ﻭﺗﺘﺘﻤﻀﺤﻜﻠﻚ ﻭﺗﺸﻮﻓﻚ ﻭﺟﻪ . ﺍﻧﺖ ﻭﻣﻼﺑﺲ ﺍﻟﻤﻴﺒﺴﻪ ﺑﺮﺩ ﻭﺣﺮ
ﻏﻤﻀﺖ ﺑﺲ ﺭﺩﺕ ﺗﻄﻠﻊ ﻣﻦ ﺭﺍﺳﻲ ﺧﻔﺖ ﺣﺘﻰ ﺍﻧﺎﻡ ﻭﺗﺠﻴﻨﻲ ﺑﺎﻟﻨﻮﻡ ﻭﺗﺬكرﺕ ﺣﺠﺎﻳﻪ ﺍﺑﻮ ﺍﻟﺒﻴﺖ
ﻏﺠﺮ ﺫﻭﻟﻪ ﻋﺎﺩﻱ ﻓﻮﺕ ﻭﺧﺘﻤﻬﺎ
ﻋﺮﺽ ﺧﺎﺹ ﺫﻭﻟﻲ
ﻋﺮﺽ ﺧﺎﺹ ﺷﻨﻮ ﻋﻤﻲ
ﻳﻌﻨﻲ ﺟﻮﻩ ﺍﻟﺴﻮﻙ ﻫﻬﻬﻬﻬﻬﻪ
ﻟﺰﻣﺖ ﺭﺍﺳﻲ ﺍﺧﻮﺗﻲ ﺑﺼﻔﻲ ﻧﺎﻳﻤﻴﻦ ﻫﻤﺰﻳﻦ ﺍﻟﻠﻪ ﻣﺎﻋﺪﻱ ﺍﺧﺖ ﻃﻠﻌﺖ ﻭﺧﺮﺕ ﺑﺮﺩﻩ ﺍﻟﺒﺎﺏ ﻭﻛﻌﺪﺕ ﻋﺎﻟﻪ ﺑﺎﻟﺒﺎﺏ ﻭﺧﻠﻴﺖ ﺭﺍﺳﻲ ﺑﺤﻀﻨﻲ ﺍﻟﻬﻮﻩ ﻳﻜﺺ ﻛﺺ ﻣﻦ ﺍﻟﺒﺮﺩ ﻭﺍﻧﻲ ﺑﻄﺮﻙ ﺍﻟﻔﺎﻧﻴﻼ ﻭﺍﻟﺸﺮﻭﺍﻝ
ﺳﺎﻋﻪ ﻭﺣﺪﻩ ﺑﺎﻟﻠﻴﻞ ﻭﺍﻟﺠﻼﺏ ﺗﻔﻮﺕ ﻣﻦ ﻳﻤﻲ ﻋﺒﺎﻟﻚ ﻣﺘﺸﻮﻓﻨﻲ ﻭﻻ ﺗﻮﻛﻒ
ﺣﺘﻰ ﺍﻟﺤﻮﺍﻭﻳﻦ ﻣﻴﺸﻮﻓﻮﻧﺎ ﺭﻓﻌﺖ ﺭﺍﺳﻲ ﻟﻠﺴﻤﺎ ﻭﺟﺮﻳﺖ ﻧﻔﺲ
ﺷﻜﺪ ﺟﺎﻧﺖ ﺻﺎﻓﻴﻪ ﻭﺗﻠﻤﻊ ﺍﻟﻨﺠﻤﺎﺕ ﺑﻴﻬﺎ . ﻭﺍﻟﻜﻤﺮ ﻭﺍﺍﺍﺿﺢ .
ﻫﻨﺎﻙ ﻭﺍﻧﺘﺒﻪ ﻏﻴﻤﻪ ﺑﺼﻒ ﺍﻟﻜﻤﺮ ﻏﻄﺘﻪ . ﺍﺑﺘﺴﻤﺖ ﻭﺍﺗﺬﻛﺮ ﺍﻏﺎﻧﻴﻨﻴﻨﺎ ﺍﻟﻨﻐﻨﻴﻬﺎ
ﻳﺎﺣﻮﺗﻪ ﻳﺎﻣﺤﻴﻮﺗﻪ .
ﻋﻮﻓﻲ ﻛﻤﺮﻧﺎ ﺍﻟﻌﺎﻟﻲ
ﺍﺿﺮﺑﺞ ﺑﺴﺠﻴﻨﻪ
ﻭﺍﻃﻠﻊ ﻣﺼﺎﺭﻳﻨﺞ
ﻭﺭﺟﻊ ﻭﺿﺢ ﺍﻟﻜﻤﺮ . --- ﺍﻭﻝ ﻣﺮﻩ ﺑﺤﻴﺎﺗﻲ . ﺍﺻﻔﻦ ﻫﺎﻟﺼﻔﻪ ﻋﻠﻰ ﻋﻤﺮﻱ
ﺍﻭﻝ ﻣﺮﻩ ﺍﻛﻮﻝ
ﺍﺭﻳﺪ ﻣﺮﻩ
ﺍﺣﺘﺎﺝ ﻣﺮﻩ
ﺍﺭﻳﺪ ﻣﺮﻩ . ﺍﻟﻲ ﻟﺮﺍﺣﺘﻲ
ﻟﺤﻀﻨﻲ
ﺍﺣﺒﻬﺎ ﻭﺗﺤﺒﻨﻲ ﺗﺒﺘﺴﻢ ﺍﻟﻲ . ﻭﺍﺑﺘﺴﻢ ﺍﻟﻬﺎ ﻭﺗﺨﺠﻞ ﻏﻤﻀﺖ ﻭﺭﺟﻌﺖ ﺟﺘﻲ ﻋﻠﻰ ﺑﺎﻟﻲ
ﺣﻀﻲ ﺍﻻﻏﺒﺮ ﺑﺲ ﻫﻲ ﺍﻟﺤﻠﻤﺖ ﺑﻴﻬﺎ
ﺷﺒﻴﻪ ﺍﻟﻴﻮﻡ ﺟﻦ ﻣﻦ ﺻﺪﻙ ﺻﺤﻴﺖ ﻭﺗﺬﻛﺮﺕ ﺍﻧﻲ ﺭﺟﺎﻝ
ﻭﺍﻟﻠﻪ ﺍﻟﻌﻀﻴﻢ ﻗﺒﻞ ﻛﻢ ﺳﻨﻪ . ﻳﻠﻪ ﺣﺴﻴﺖ ﺑﺎﻣﻲ ﻭﺍﺑﻮﻳﻪ ﻣﺮﻩ ﻭﺭجاﻝ ﺟﻨﺖ ﺍﺗﻮﻗﻌﻬﻢ ﺧﻮﺍﻥ ﻻﻥ ﺍﺑﺪ ﻣﻤﺼﺎﺩﻓﻴﻬﻢ ﺑﻮﺿﻊ . ﺷﺎﺋﺐ . ﻭﺍﺣﻨﺎ ﻏﺮﻓﺘﻴﻦ ﺍﻟﺒﻴﺖ ﻛﻠﻪ
ﺣﻮﺵ ﻭﻏﺮﻓﻪ ﺍﻟﻬﻢ
ﻭﻣﺮﻩ ﻭﺣﺪﻩ ﺟﺎﻥ ﻋﻤﺮﻱ٢٣
ﻭﺳﻤﻌﺖ ﺻﻮﺗﻬﻢ . ﻣﻦ ﺍﻣﻲ ﺿﺤﻜﺖ ﺑﺘﻮﺍﻟﻲ ﺍﻟﻠﻴﻞ
ﺿﺤﻜﺖ ﻭﻛﻠﺖ
ﺫﻭﻟﻪ ﻫﻢ ﻣﺜﻞ ﺍﻟﻤﺘﺰﻭﺟﻴﻦ ﻋﺒﺎﻟﻲ ﺑﻄﻠﻮ
ﻭﺍﻟﻴﻮﻡ ﺣﺴﻴﺖ ﺍﻧﻲ
ﺍﺭﻳﺪ ﺍﺗﺰﻭﺝ
ﻳﻤﻪ ﺍﺭﻳﺪ ﻣﺮﻩ
ﻭﻣﻨﻮ ﺍﻟﺘﻘﺒﻞ ﺑﻴﻪ
ﻭﺷﻮﻥ ﺗﻜﻔﻴﻨﺎ ﺍﻟﻠﻜﻤﻪ
ﻟﺰﻣﺖ ﺭﺍﺳﻲ ﻭﺍﻓﺰ ﻓﺰﻩ ﺗﺴﻮﻩ ٢٧ ﺳﻨﻪ ﻣﻦ ﻋﻤﺮﻱ
ﺑﺰﻭﻧﻪ ﻣﻨﻴﻠﻪ ﺭﺍﺳﻬﺎ ﺗﺒﺎﻭﻋﻠﻲ ﺻﺎﻓﻨﻪ ﺟﻮﻩ ﺍﻟﻤﺒﺮﺩﻩ ﻣﺎﻝ ﺑﻴﺖ ﻋﻠﻮﺍﻥ ﺍﻟﻜﺒﺎﻟﻨﺎ
ﺍﺷﺘﻌﻞ ﺿﻤﻴﺮﺝ ﺍﻱ ﻭﺍﻟﻠﻪ ﻭﺗﺤﻜﺮﺕ ﻛﺸﻴﺘﻬﺎ ﺍﻧﻬﺰﻣﺖ ﻭﺭﺟﻌﺖ ﻭﻛﻔﺖ ﺑﻌﻴﺪ ﺻﺎﻓﻨﻪ ﻋﻠﻴﻪ
ﻛﻞ ﻋﻘﻠﻲ ﻋﻄﺖ ﺑﻴﻬﺎ
ﺷﺒﻴﻴﺞ ﺗﺒﺎﺍﺍﻋﻴﻦ .
ﻓﺰﺕ ﻭﻋﺪﻟﺖ ﻭﻛﻔﺘﻬﺎ ﻭﺭﺟﻌﺖ ﻛﻌﺪﺕ ﺗﺒﺎﻭﻋﻠﻲ
ﺧﺮﺏ ﺍﻥ ﺍﻟﻴﻮﻡ
ﺭﻛﻀﺖ ﻭﺭﺍﻫﺎ ﺍﻧﻬﺰﻣﺖ ﺗﺸﻠﺒﻬﺖ ﻋﺎﻟﺘﻴﻐﻪ ﻣﺎﻝ ﺑﻴﺖ ﺣﻤﻴﺪ ﻋﺎﻟﺴﻄﺢ ﺑﻘﻴﺖ ﻭﺍﻛﻒ ﺟﻮﻩ ﺳﺘﺎﺭﺗﻬﻢ ﺍﺑﺎﻭﻋﻠﻬﺎ ﻭﻫﻲ ﻣﻨﺼﻴﻪ ﺗﺒﺎﻭﻋﻠﻲ
ﺷﻮﻥ ﺍﻟﻴﻮﻡ ﺷﻠﺖ ﺣﺠﺎﺭﻩ ﻭﺷﻤﺮﺗﻬﺎ ﻋﻠﻴﻬﺎ ﻭﻃﻔﺮﺕ
ﻳﻠﻪ ﺍﺭﺗﺎﺣﻴﺖ ﺭﺟﻌﺖ ﺍﺗﻤﺸﻰ ﻋﺎﺍﺩ ﻳﻠﻪ ﺣﺴﻴﺖ ﺑﺒﺮﺩ
ﻫﺸﺸﺸﻪ ﺑﺎﺭﺩﻩ ﺭﺟﻌﺖ ﻟﻠﺒﻴﺖ ﻭﺭﺟﻌﺖ ﺟﻮﻩ ﻓﺮﺍﺷﻲ ﺿﺤﻜﺖ ﻋﻠﻰ ﺭﻭﺣﻲ
ﻭﺍﻟﻠﻪ ﺳﻮﺍﻳﺘﻲ ﻋﺎﻗﻞ ﻣﻴﺴﻮﻳﻬﺎ ﺍﻻ ﻣﻔﺮﻭﺭ ﻭﻳﻠﻪ
ﻭﻏﻤﻀﺖ . ﻋﺒﺎﻟﻚ ﺗﻮﻧﻲ ﺍﻏﻔﻪ ﻭﻛﻌﺪﺗﻨﻲ ﺍﻣﻲ ﻭﺗﻤﺴﺢ ﻭﺟﻬﻲ ﺑﺮﺍﻳﻪ ﺍﻟﺴﻴﺪ ﻣﺤﻤﺪ
ﻳﻤﻪ ﺳﻠﻴﻤﺎﻥ
ﻳﻮﻡ ﻛﻮﻡ ﺍﺷﻮ
ﺻﻼﻩ ﺍﻟﺼﺒﺢ ﺣﺘﺼﻌﺪﻫﺎ ﺍﻟﻤﻼﺋﻜﻪ ﻭﺍﻧﺖ ﻧﺎﻳﻢ
ﻓﺘﺤﺖ ﻋﻴﻨﻲ ﺍﺑﺘﺴﻢ ﺍﻱ ﻳﻮﻡ ﻛﻤﺖ ﺭﻭﺣﻲ ﻫﺴﻪ ﺍﺟﻲ ﻭﺭﺍﺝ
ﻛﺎﻣﺖ ﺍﻣﻲ ﻭﺍﻧﻲ ﺗﻤﺪﺩﺕ
ﻳﻨﻌﻞ ﻳﻮﻡ ﺍﻻﺣﻼﻡ ﻏﻤﻀﺖ ﻭﻟﺰﻣﺖ ﺭﺍﺳﻲ
ﺗﻮﻧﻲ ﺍﻏﻔﻪ ﻭﺟﺘﻨﻲ ﺑﺎﻟﻨﻮﻡ ﺗﺒﺘﺴﻢ ﺑﺘﺮﺱ ﻭﺟﻬﻪ ﻛﻞ ﻣﻼﻣﺤﻬﺎ ﺣﻨﺎﻥ ﻋﻜﺲ ﺍﻟﺸﻔﺘﻪ ﻣﻨﻬﺎ . ﻭﺭﺍﺣﺖ ﺭﻭﺣﻲ . ﻓﺰﻳﺖ ﻋﻠﻰ ﻧﻐﻪ ﺍﻣﻲ ﻣﺮﻩ ﻟﺦ
ﺭﺟﻌﺖ ﻧﻤﺖ ﺳﻠﻤﺎﻥ ﺍﻭﻝ ﺗﺎﻟﻲ ﺷﺒﻴﻚ ﻳﻮﻡ ﺍﺧﺎﻑ ﻣﺎﻟﻚ ﺧﻠﻚ
ﻻﻳﻮﻡ ﻛﻤﺖ ﺻﺎﺡ ﺍﺑﻮﻳﻪ
ﺗﻌﺎﻱ
ﻣﻠﻠﻠﻴﻜﻪ
ﺍﻱ ﺍﻱ ﺟﻴﺖ
ﻭﺍﻧﻲ ﻛﻤﺖ ﻭﺗﻌﻠﻴﺖ ﻭﻃﻠﻌﺖ ﻭﻛﻔﺖ ﺻﻠﻴﺖ
ﻃﺒﻴﻌﺘﻨﺎ ﻣﻦ ﻋﻤﺮ ﺍﻟﻌﺸﺮ ﺳﻨﻴﻦ ﺻﻼﺗﻨﺎ ﻭﺻﻮﺗﻨﺎ ﻣﻤﺴﻤﻮﻉ ﺍﻣﻲ ﺑﺤﻴﺎﺗﻬﺎ ﺳﻮﻙ ﻣﻔﺎﺗﺖ ﻣﻦ ﺍﺧﺬﻫﺎ ﺍﺑﻮﻳﻪ ﻟﻠﻴﻮﻡ ﻣﺤﺪ ﺷﺎﻳﻒ ﺿﻠﻬﺎ ﻭﻣﻦ ﺍﺧﺬﻫﺎ ﻣﻦ ﺑﻴﺖ ﺍﺑﻮﻫﺎ ﺍﻟﺴﻴﺪ ﺑﺖ ﺍﻟﺮﺑﺎﻃﻌﺶ ﻟﻠﻴﻮﻡ . ﻭﻫﻲ ﻣﺘﺨﺎﻟﻔﻪ ﺍﺑﺪ
ﻭﺍﺑﻮﻳﻪ ﻛﺬﻟﻚ
ﻋﺼﺒﻲ ﻭﻗﺎﺳﻲ ﺑﺲ ﻣﻦ ﻳﺸﻮﻓﻬﺎ ﺗﺴﻤﻊ ﻛﻼﻣﻪ . ﻭﺗﺨﺎﻑ ﻣﻨﻪ ﻳﺴﻜﺖ ﺭﻏﻢ ﻳﻘﺴﻰ ﻋﻠﻴﻨﺎ . ﺑﺲ ﺣﻨﻴﻦ . ﻭﻫﺎﻱ ﺍﺣﻨﺎ ﻣﺎﺷﻴﻦ ﺿﺒﻂ ﻋﺎﻟﺼﺮﺍﻁ ﺍﻟﻤﺴﺘﻘﻴﻢ
ﺍﺑﻮﻳﻪ ﺩﻭﻡ ﻳﺤﺬﺭ
ﻳﺎﺑﻪ ﺩﻳﺮ ﺑﺎﻟﻚ ﻣﻦ ﻟﻜﻤﻪ ﺍﻟﺤﺮﺭﺭﺍﻡ ﺍﺑﺘﻌﺪ ﻣﻨﻬﺎ ﺷﺎﺭﻋﻴﻦ ﻳﺎﺑﻪ ﺗﻀﻞ ﺑﻴﻦ ﺍﻟﻠﺤﻢ ﻭﺍﻟﺸﺤﻢ ﻟﺘﻜﻮﻝ ﺑﺲ ﻫﺎﻟﻨﻮﺑﻪ ﻭﺧﻠﺺ . ﻫﺎﻱ ﺗسوﻱ ﻗﺴﺎﻭﻩ ﻭﺑﺎﺟﺮ ﺗﻨﺴﺎﻝ ﻋﻨﻬﺎ
ﺧﻠﻴﺖ ﻫﺎﻟﺸﻲ ﺑﺒﺎﻟﻲ ﺟﺎﻥ ﺩﻭﻡ ﻳﻜﻮﻝ ﺍﻣﻮﺕ ﺗﻌﺐ ﻭﻻ ﻟﻜﻤﻪ ﺑﺤﻠﻜﻜﻢ ﺣﺮﺍﻡ
ﻛﺒﺮﻧﺎ . ﻳﻮﻡ ﻳﻮﻡ ﻭﻻﻣﺮﻩ ﺍﻛﻠﻨﺎ ﺷﻲ ﺑﺎﻟﺤﺮﺍﻡ ﻭﺍﺫﺍ ﺍﺑﻮﻳﻪ ﺷﻚ ﺑﻲ ﻳﻨﺸﻤﺮ
ﺍﺗﺬﻛﺮ ﻣﺮﻩ ﻛﺎﻋﺪﻳﻦ ﻧﺎﻛﻞ ﻭﺍﻣﻲ ﻃﻠﻌﺖ ﺍﻟﺪﺟﺎﺝ ﻣﻦ ﺍﻟﺠﺪﺭ ﻭﻣﺤﻤﺪ ﺷﻬﻚ
ﺩﺟﺎﺍﺍﺝ
ﻭﺍﻣﻲ ﺗﺒﺴﻤﺖ ﺍﻱ ﺑﻌﺪ ﺷﺘﺮﻳﺪ
ﺑﺎﻭﻋﺖ ﻻﺑﻮﻳﻪ ﻳﺒﺎﻭﻉ ﺭﺍﻓﻊ ﺗﻚ ﻋﻴﻦ ﻭﻭﻳﺪﻳﺮ ﻭﺟﻬﻪ ﻭﻳﺮﺟﻊ ﻳﺒﺎﻭﻉ ﻛﺎﻝ ﻧﺘﺮ
ﺍﻧﺘﻲ ﻣﺘﺎﻛﺪﻩ . ﻫﺎﻱ ﻣﺎﻝ ﺛﻮﺍﺏ ﻣﻮﺯﻋﻴﻬﺎ
ﺍﻱ ﻭﺭﻭﺡ ﺍﺑﻮﻳﻪ . ﻫﻤﻪ ﻛﺎﻟﻮﻟﻲ
ﻣﻠﻴﻜﻪ ﺧﺎﻑ ﻣﺎﻝ ﺻﺪﻗﺎﺕ ﻭﺍﺣﻨﺎ ﻣﺘﺠﻮﺯﻟﻨﺎ ﺻﺪﺩﺩﻗﺎﺕ
ﺻﻔﻨﺖ ﺍﻣﻲ ﻭﺗﺒﺎﻭﻉ ﻟﻠﻤﺎﻋﻮﻥ ﻭﺑﺎﻭﻋﺘﻠﻪ ﻭﻛﻒ ﺍﺑﻮﻳﻪ ﻭﺷﺎﻝ ﺍﻟﻤﺎﻋﻮﻥ ﺷﻤﺮﻩ ﺑﺎﻟﺰﺑﻞ ﻭﺻﻴﺢ
ﺑﻌﺪﺩﺩ ﻟﺘﺎﺧﺬﻳﻦ ﺷﻲ
ﺑﻘﻴﻨﺎ ﺻﺎﻓﻨﻴﻦ ﻣﺤﻤﺪ ﺑﺨﻨﻴﻚ ﺑﺨﻨﻴﻚ ﺑﺠﻪ ﻭﻫﻮ ﺻﻴﺢ
ﺑﺴﺴﺴﺲ ﺍﻟﻠﺼﻢ ﺑﺎﺟﺮ ﺍﺟﻴﺒﻠﻚ ﻭﺻﺎﺡ ﺑﺎﻣﻴﻴﻲ
ﺍﻟﺒﺎﺍﺍﺍﺏ ﺍﺫﺍ ﺍﻧﻔﻜﺖ ﻻﺣﺪ ﺑﻌﺪ ﺍﻫﺪﻫﺎ ﻋﻠﻰ ﺭﺍﺱ ﻓﺎﻫﻤﻪ
ﺻﺎﺭ ﺻﺎﺭ
ﺷﻴﻠﻮ ﺍﻟﻐﺪﻩ ﻣﺤﺪ ﻳﺎﻛﻞ
ﺍﺑﻮ ﺳﻠﻤﺎﻥ ﺍﻟﻮﻟﺪ ﺟﻮﺍﻋﻪ
ﻭﺟﻮﻋﻬﻬﻬﻪ ﺑﻜﻮﺭ ﻭﻻ ﻳﻄﺐ ﺑﺤﻠﻜﻬﻢ ﻟﻜﻤﻪ ﺣﺮﺍﻡ ﻃﻠﻌﻲ ﺍﻟﻄﻤﺎﻃﺎ ﻛﻠﻲ ﻭﺗﺸﻠﻪ ﻳﻌﺎﻭﻧﻬﺎ . ﻫﻮ ﻳﻴﻜﺸﺮ ﺑﺎﻟﺒﻴﺘﻨﺠﺎﻥ ﻭﻳﻤﻠﺢ ﻭﺍﻣﻲ ﺗﻜﻠﻲ ﺑﺎﻟﻄﻤﺎﻃﺎ ﻛﻤﻨﺎ ﻣﻦ ﻳﻤﻬﻢ ﺍﺑﻮﻳﻪ ﻣﻌﺼﺐ ﻭﺍﻣﻲ ﺗﺪﻣﻊ ﻭﻣﻨﺼﻴﻪ ﺗﺨﺎﻑ ﻳﻨﺘﺒﻪ ﻭﻛﺎﻋﺪﻩ ﺑﺎﻟﻜﻊ ﻳﻢ ﺍﻟﺠﻮﻟﻪ ﺗﻜﻠﻲ ﻋﻔﻨﺎﻫﻢ ﻭﺍﻧﻲ ﺗﻤﺪﺩﺕ ﺭﺍﺟﺢ ﺑﺼﻔﻲ ﺗﻤﺪﺩ
ﻫﻮ ﺷﻜﻮ
ﺷﻮﻱ ﺍﺳﻜﺖ ﻭﺍﻟﺘﻔﺘﺖ ﺍﺑﺎﻭﻉ ﻻﺑﻮﻳﻪ ﺑﺎﺱ ﺭﺍﺱ ﺍﻣﻲ ﻭﺍﺑﺘﺴﻢ ﻭﺟﺮ ﺭﺍﺳﻬﺎ ﻟﺤﻀﻨﻪ.
ﻭﺍﻣﻲ ﺗﺒﺴﻤﺖ
ﺟﺎﻧﺖ ﺍﺣﻠﻰ ﻟﺤﻀﺎﺕ ﺣﻴﺎﺗﻲ . ﻭﺭﺍﻫﺎ ﺍﻣﻌﻨﺎ ﻣﺮﻩ ﻟﺦ ﻭﺍﻛﻠﻨﺎ ﺍﻟﻘﺎﺳﻤﻪ ﺍﻟﻠﻪ ﻭﺍﺑﻮﻳﻪ ﺍﺭﺗﺎﺍﺍﺍﺡ ﺣﻴﻞ ﺍﺭﺗﺎﺡ ﻭﻋﺎﻟﻮﻋﺪ ﺛﺎﻧﻲ ﻳﻮﻡ ﺟﺎﺏ ﺩﺟﺎﺟﻪ ﻭﺷﻮﺍﻫﺎ
ﺑﺘﻮﺭ ﺍﻟﻄﻴﻦ ﺑﺎﻟﺴﻄﺢ ﺟﺎﻥ ﺍﻟﻴﻮﻡ ﻋﺪﻧﺎ ﺟﻨﻪ ﺍﻟﻌﻴﺪ ﺑﺲ ﻭﺭﻫﺎ ﻳﻮﻣﻴﻦ ﺍﺑﻮﻳﻪ ﺿﻞ ﻟﻞ٨ ﺑﻠﻴﻞ ﻳﻠﻪ ﻳﻄﺐ ﻣﺤﻮﺩﺏ ﻻﻥ ﺩﻳﻌﻮﺽ ﺍﻟﺸﻐﻞ ﺑﺎﻟﺼﺮﻑ ﺍﻟﺼﺮﻓﻪ
ﻭﺿﻌﻨﺎ ﺻﻌﺐ
ﺑﺲ ﺍﻟﻠﻜﻤﻪ ﺣﻼﻝ
ﻭﻫﺎﻟﻔﺘﺮﻩ ﻓﻜﺖ ﻻﻥ ﺍﺷﺘﻐﻠﻨﺎ ﺍﻧﻲ ﻭﺍﻟﻮﻟﺪ ﻭﺍﻟﺸﻐﻞ ﻣﻮﻛﻒ ﺍﻟﺤﻤﺪ ﻟﻠﻪ ﻛﻤﻨﺎ ﻧﺸﺎﺭﻙ ﺑﺎﻟﺒﻴﺖ ﻛﻬﺮﺑﺎﺋﻴﺎﺗﻪ . ﻭﺍﻟﺴﻄﺢ ﺍﻟﻠﻲ ﻳﺨﺮ ﺳﻮﻳﻨﺎﻩ ﻭﺍﻟﻔﻄﻮﺭ ﺑﺎﻟﺤﺎﻳﻂ ﺍﻟﻠﻲ ﻳﻄﺐ ﻭﻳﻄﻠﻊ ﻣﻨﻬﺎ ﺍﻟﺠﺮﻳﺪﻱ ﺳﺪﻳﻨﺎﻫﺎ
ﻭﺍﻟﺤﻤﺎﻡ ﺳﻮﻳﻨﻪ ﺍﻟﻤﻘﻌﺪ ﻧﺎﻳﻠﻮﻥ ﻭﺻﺒﻴﻨﺎﻩ ﺑﻌﺪ ﻣﺎﻛﺎﻥ ﺻﺐ ﻣﺮﺑﻊ ﻭﻣﻜﺴﺮﻩ ﻛﺎﻋﻴﻨﻪ
ﺻﺒﻐﻨﺎ ﺑﻮﻳﻪ ﻭﺿﻮﻭﻩ ﺍﻧﻲ ﻧﻔﺴﻬﺎ ﺍﺭﺗﺎﺣﺖ ﻛﻠﺶ
ﻭﻫﺎﻱ ﺍﻧﻲ ﺍﻟﻴﻮﻡ ﺍﻟﻔﺠﺮ ﺍﺧﺬ ﺍﺧﻮﺗﻲ ﻭﺍﺭﻭﺡ ﺑﻴﺖ ﺍﻟﺼﺎﻳﻎ ﻭﺍﻟﺒﻴﻪ ﺧﻮﻑ ﻭﻟﻬﻔﻪ ﺳﺎﻋﻪ ﻳﻢ ﺍﻟﺤﻠﻢ ﺍﺗﻠﻬﻒ ﻭﺳﺎﻋﻪ ﻳﻢ ﻭﺍﻗﻌﻬﺎ ﻭﻭﺍﻗﻊ ﺻﻮﺭﻩ ﺍﺑﻮﻫﺎ ﺍﻟﻀﻠﺖ ﺑﻤﺨﻲ ﺍﺗﻜﻬﺮﺏ ﻭﺍﺧﺎﻑ
ﻭﺻﻠﻨﺎ ﻭﺻﻌﺪﻧﺎ ﻛﺒﻞ ﺍﻟﺒﻴﺖ ﻓﺎﺭﻍ ﺑﻌﺪﻫﻢ ﻣﺤﺪ ﺟﺎﻱ ﻭﺑﻠﺸﻨﺎ ﺍﻧﻲ ﻭﺍﻟﻮﻟﺪ ﻭﺍﺫﻧﻲ ﺟﻮﻩ ﻭﺍﻟﻠﻪ ﺣﺪ ﻣﺎﺟﻬﺠﺮ ﺍﻟﻮﻛﺖ ﻭﺳﻤﻌﻨﺎ ﺍﺻﻮﺍﺗﻬﻢ ﺑﺎﻭﻋﻠﻲ ﺭﺍﺟﺢ
ﻣﻨﻮ ﺟﻮﻩ ﺻﻮﺕ ﻧﺴﻮﺍﺕ
ﺍﺷﺶ ﺭﻓﻌﺖ ﺭﺍﺳﻲ ﻭﺣﻮﺍﺟﺒﻲ ﺛﻨﻴﻨﻬﻢ
ﻣﺎﻟﻨﺎ ﺩﺧﻞ
ﺷﻨﻮ ﺍﻫﻠﻪ ﺟﻮﻩ ﺷﻮﻥ ﻧﺘﺰﻝ ﻭﻧﺼعد
ﺷﻌﺪﻙ ﻧﺎﺯﻝ ﺻﺎﻋﺪ ﺣﻤﺎﻡ ﻭﺑﺼﻔﻚ
ﺑﺎﻭﻋﻠﻲ
ﻭﺷﺒﻴﻚ ﺗﺮﺟﻒ ﻋﻠﻰ ﻛﻴﻔﻚ
ﺳﻜﺘﺖ ﻭﻧﺼﻴﺖ ﺷﻮﻱ ﻭﺻﺎﺡ ﺍﻟﺸﻴﺒﻮﺏ
ﻳﻮﻭﻟﺪ ﺳﻠﻴﻤﺎﻥ
ﺑﺎﻭﻋﺖ ﻟﺮﺍﺟﺢ ﻭﻧﺼﻴﺖ
ﺑﻠﻲ ﻋﻤﻲ
ﺗﻌﺎﻝ ﺑﻮﻳﻪ ﺍﺑﻮ ﻋﻠﻲ ﻭﺻﺎﻧﻲ ﻋﻠﻴﻜﻢ ﻛﺎﻝ ﺭﻳﻜﻬﻢ
ﻻ ﺗﺴﻠﻢ ﻣﺘﺮﻳﻜﻴﻦ
ﻫﺎ ﻭﺍﻧﻲ ﺷﻌﻼﺍﺍﻱ ﻫﻮ ﺩﺯﺍﻧﻲ
ﻧﺼﻴﺖ ﺭﺍﺳﻲ ﻣﻦ ﺍﻟﺪﺭﺝ ﺷﻔﺘﻬﺎ ﺗﻤﺴﺢ ﺑﺒﻴﺒﺎﻥ ﺍﻟﺒﻴﺖ ﺗﺠﻠﻔﻬﺎ ﺟﺎﻧﺖ ﻧﺸﻄﻪ ﺣﻴﻞ ﻋﻴﻮﻧﻲ ﺻﺎﺭﺕ ﻋﻠﻴﻬﺎ ﻭﺩﺭﺕ ﻭﻛﻬﻲ ﻣﺮﺗﺒﻚ ﻟﻴﺸﻮﻓﻨﻲ ﺍﺑﻮﻫﺎ ﻧﺰﻟﺖ ﺑﺎﻳﺘﻴﻦ ﻭﺍﺧﺬﺕ ﺍﻟﺼﻴﻨﻴﻪ ﺭﺍﺡ ﺍﺑﻮﻫﺎ ﻭﺭﻓﻌﺖ ﺭﺍﺳﻬﺎ ﻭﺻﻌﺪﺕ ﺍﻟﺪﺭﺝ ﻭﺑﻴﺪﻫﺎ ﺍﻟﻮﺻﻠﻪ
ﻛﻠﺒﻲ ﻭﻛﻒ ﺻﻌﺪﺕ ﺍﺭﻳﺪ ﺍﻧﻬﺰﻡ ﻋﺒﺎﻟﻲ ﺟﺎﻳﻪ ﻋﻠﻴﻪ ﺧﻠﺼﺖ ﺍﻟﺪﺭﺝ ﻭﻧﻄﻴﺘﻬﺎ ﻣﺠﺎﻝ ﺍﻧﻠﺰﻛﺖ ﺑﺎﻟﺤﺎﻳﻂ ﺑﺎﻭﻋﺘﻠﻲ ﻣﺴﺘﻐﺮﺑﻪ ﻛﺎﻟﺖ ﻭﻋﺎﻛﺪﻩ ﺍﻟﺤﺎﺟﺐ ﻫﺰﺕ ﺑﺎﻳﺪﻫﺎ
ﻛﺒﻮﺭ ﻛﻮﻥ
ﺑﻠﻌﺖ ﺭﻳﻜﻲ ﻻﺯﻡ ﺍﺭﺩﻫﺎ
ﻭﻳﺎﻳﻪ
ﻣﺮﺩﺕ ﻭﺻﻠﺖ ﻟﻠﻐﺮﻓﻪ ﺍﻟﻔﻮﻙ ﻭﻟﺰﻣﺖ ﺗﻤﺴﺢ ﺑﺒﺎﻟﺒﺎﺏ ﺍﻟﻘﻄﺮﺍﺕ ﻣﺎﻝ ﺻﺒﻎ
ﺿﻬﺮﻫﺎ ﻋﻠﻴﻪ ﻭﺍﻧﻲ ﺗﺤﺠﺮﺕ ﻭﻱ ﻣﺤﺠﺮ ﺍﻟﺪﺭﺝ ﺻﺎﻓﻦ ﻋﻠﻴﻬﺎ ﻭﻋﻠﻰ ﻛﺼﻴﺒﺘﻬﺎ ﺷﻌﺮﻫﺎ ﻣﺤﺎﺑﺲ ﻣﺤﺎﺑﺲ ﻭﻣﺴﻮﻳﺘﻪ ﺿﻔﻴﺮﻩ ﺿﺒﻪ ﺩﺷﺪﺍﺷﺘﻬﺎ ﻋﺮﻳﻀﻪ ﻭﺗﺠﻠﻒ ﻗﻮﻱ ﺑﺎﻟﻮﺻﻠﻪ ﺍﻟﺘﻔﺘﺖ ﻣﺮﺗﻴﻦ ﺷﺎﻓﺘﻨﻲ ﻋﻠﻰ ﻭﻛﻔﺘﻲ ﻋﻜﺪﺕ ﺍﻟﺤﺎﺟﺐ ﻧﺼﻴﺖ ﻭﺭﺟﻌﺖ ﺭﻓﻌﺖ ﺭﺍﺳﻲ
ﻛﺎﻟﺖ ﺑﺼﻮﺕ ﺑﻲ ﻋﻠﻮ
ﺷﺮﺍﻳﺪﺩ ﺗﺒﺎﻭﻉ ﻫﺠﻲ
ﺑﻘﻴﺖ ﻋﺎﻛﺪ ﺣﺎﺣﺒﻲ ﻓﺎﻙ ﺣﻠﻜﻲ ﺻﺎﻓﻦ ﻋﻠﻴﻬﺎ ﺣﺴﻴﺖ ﺭﻭﺣﻲ ﻣﻦ ﻭﻛﺎﺣﺘﻬﺎ ﺍﺻﻐﺮ ﻣﻨﻬﺎ
ﺗﺨﻮﺻﺮﺕ ﻭﺗﻘﺮﺏ ﻧﺼﻴﺖ ﺭﺩﺕ ﺍﻃﺐ ﺑﻨﺺ ﺍﻟﻘﻮﺭﻱ ﻛﺎﻝ
ﺍﻛﻞ ﻟﺒﻮﻱ ﻋﻠﻴﻚ
ﺑﻘﻴﺖ ﻣﻨﺼﻲ ﺩﺍﻓﻮﺕ
ﻛﺎﻟﺖ
ﻣﺎﻋﺪﻙ ﺧﻮﺍﺕ ﻣﺎﻋﺪﻙ ﻋﺮﺽ ﺗﺒﺎﺭع
ﺍﻟﺘﻔﺘﺖ ﻋﻠﻴﻬﺎ ﺑﻘﻴﺖ ﺍﺑﺎﻭﻋﻠﻬﺎ ﺑﻌﻴﻨﻲ ﻣﻮ ﺑﻴﺪﻱ ﺗﺤﺠﺮﺕ ﻭﺍﺗﺬﻛﺮ ﻣﻨﺎﻣﻲ ﻛﺎﻟﺖ
ﺷﺒﻴﻴﻚ ﺟﻨﻚ ﺳﻄﻄﻞ ﺣﺘﻰ ﺑﺎﻟﺤﻠﻢ ﻣﺎﺧﻠﺼﺎﻧﻪ ﻣﻨﻚ ﻧﻔﻀﺖ ﺑﺎﻳﺪﻫﺎ ﻭﺍﻟﻮﺻﻠﻪ ﺑﻴﺪﻫﺎ ﻭﻋﺎﻓﺘﻨﻲ ﻭﺭﺍﺣﺖ
ﻓﻜﻴﺖ ﻋﻴﻨﻲ
ﺣﺘﻰ ﻫﻲ ﺣﻠﻤﺖ ﺑﻴﻪ
ﺣﺘﻰ ﻫﻲ
ﻟﻴﺶ ﻫﻴﺞ ﺩﻳﺼﻴﺮ
ﺫﺑﻴﺖ ﺍﻟﺼﻴﻨﻴﻪ ﻭﻭﻛﻔﺖ ﻛﻠﺖ ﺍﺣﺠﻴﻬﺎ ﻭﺧﻞ ﺍﺧﻠﻠﺺ ﻭﻻﺗﻀﻞ ﺑﺰﺭﺩﻭﻣﻲ ﻭﺍﺿﻞ ﺍﻟﻠﻴﻞ ﻛﻠﻪ ﺍﻛﻞ ﺑﺮﻭﺣﻲ ﻣﺤﺠﻴﺘﻬﺎ ﺑﺎﻭﻋﺖ ﻣﻦ ﺍﻟﻤﺤﺠﺮ ﻣﺎكو ﺍﺑﻮﻫﺎ ﺑﺎﻭﻋﺖ ﻟﺒﺎﺏ ﺍﻟﺴﻄﺢ ﺍﻟﻮﻟﺪ ﻳﺴﻮﻭﻥ ﺍﻟﺨﺒﻄﻪ ﻭﻣﻠﺘﻬﻴﻦ ﺗﻘﺮﺑﺖ ﻭﻫﻲ ﺿﻬﺮﻫﺎ ﻋﻠﻴﻪ ﺗﻔﺮﻙ ﺑﺎﻟﺒﺎﺏ . ﺑﺒﻌﺪ ﻣﺘﺮ . ﻫﻤﺴﺖ ﻭﺭﺟﻒ ﺻﻮﺗﻲ
ﺣﻠﻤﺖ ﺑﻴﺞ ﻗﺒﻞ ﻻﺷﻮﻓﺞ . ----
ﻳﺘﺒﻊ
ﻣﺮﻳﻢ ﺍﻟﺴﻌﺪﻱ
ﺍﺧﺠﻞ ﺍﻃﻠﺒﻬﺎ .
ﺑﺲ ﺍﻋﺮﻑ ﻣﺘﻘﺼﺮﻭﻥ
ﺻﻮﺗﻮﻟﻲ
