#البارت ١٢
ﻋﻴﺪﻛﻢ ﻣﺒﺎﺭﻙ
ﻭﺍﺍﻟﺘﻤﺴﻮﻟﻲ ﺍﻟﻌﺬﺭ . ﻣﺤﺒﻴﺖ ﺗﺮﻭﺡ ﺍﻻﻳﺎﻡ ﺍﻟﻔﻀﻴﻠﻪ ﻭﻻﻥ ﺍﻟﻘﺼﻪ ﺗﺴﻄﺮ ﻋﺮﻓﺖ ﺭﺍﺡ ﺗﺎﺧﺬ ﻭﺗﻨﻄﻲ . ﺑﻔﻜﺮﻛﻢ
ﺍﺧﻠﻴﻜﻢ ﻭﻱ ﺍﻻﺣﺪﺍﺙ ﻭﻣﺎﺭﻳﺪ ﺗﻀﻮﺟﻮﻥ
ﻭﺳﻌﻮ ﻣﺨﻴﻠﺘﻜﻢ ﻻﻥ ﺍﻟﻘﺼﻪ . ﺍﺷﺒﻪ . ﺑﻔﻴﻠﻢ ﺍﻛﺸﻦ . ﺗﻌﺒﺘﻨﻲ . ﻭﻟﻮﻣﺎ ﺍﻟﺼﻮﺭ ﻭﺍﻟﻔﺪﻳﻮﺍﺕ . ﺍﻧﻲ ﻫﻢ ﻣﺎﺍﺻﺪﻙ ﺑﺲ ﻫﺬﺍ ﺑﻠﺪ ﺍﻟﻌﺠﺎﻳﺐ . ﻛﻠﺸﻲ ﺷﻔﻨﻪ ﺑﻲ
ﺍﺧﻠﻴﻜﻢ ﻭﻱ ﺍﻻﺣﺪﺍﺙ ﺑﻴﻦ ﻳﻮﻡ ﻭﻳﻮﻡ ﺑﺎﺭﺕ ﻣﻦ٣٠٠٠٠ ﻛﻠﻤﻪ ﺑﺎﺫﻥ ﺍﻟﻠﻪ . ﺍﻟﺘﺰﻡ ﺍﺩﻋﻮﻟﻲ
ﻣﺮﻳﻢ ﺍﻟﺴﻌﺪﻱ
ﺍﻧﻄﻮﻳﺖ ﺍﻛﺜﺮ ﺑﻴﺒﻴﺘﻲ ﺍﻧﺸﻠﺖ ﻛﻼﻣﻬﺎ ﻏﻴﺮ ﻣﻔﻬﻮﻡ ﺑﺲ ﺗﺤﺎﺭﺏ ﺭﻭﺣﻬﺎ ﺑﻠﻴﻞ ﺑﻠﻴﻞ ﺗﺎﺷﺮﻟﻲ . ﻭﺗﻮﻥ ﺗﻌﺎﻱ ﻧﺎﻣﻲ ﻳﻤﻲ
ﺭﻗﻴﻪ ﺗﻨﺎﻡ ﻳﻤﻪ ﺍﻣﻬﺎ . ﺑﻐﺮﻓﺘﻬﻢ ﻗﺎﺳﻤﻴﻠﻬﺎ ﺑﻤﺜﻞ ﺍﻟﺤﺪ ﺣﺎﺟﺰ ﻭﻣﺴﻮﻳﻠﻬﺎ ﻏﺮﻓﻪ . ﻣﻄﻠﻌﻴﻦ ﻣﻦ ﻏﺮﻓﻪ ﺍﻣﻬﺎ ﻭﺍﺑﻮﻫﺎ
ﺧﻠﻴﻞ ﻭﻗﺎﺳﻢ ﻭﺣﻤﺰﻩ . ﻓﻮﻙ ﻏﺮﻓﻬﻢ ﻛﻠﻬﻢ
ﻗﺎﺳﻢ ﺟﺎﻧﺖ ﻧﻀﺮﺍﺗﻪ ﻣﺎﻝ ﺍﺩﺑﺴﺰﻳﻪ ﺑﺲ ﺧﻠﻴﻞ ﺣﺒﺎﺏ ﻳﺒﺎﻭﻋﻠﻲ ﺑﻌﻄﻒ
ﺛﻨﻴﻨﻬﻢ ﻣﺮﺍﻫﻘﻴﻦ . ﻭﻋﻤﺮﻫﻢ ﺣﺮﺝ . ﺟﺎﻧﻮ ﻳﻄﻠﻌﻮﻥ ﺍﻟﺼﺒﺢ ﻳﺠﻮﻥ ﺑﻠﻴﻞ . ﻫﻮﻝ ﺑﺒﻴﺖ ﺣﺪﻱ ﻣﺎﻛﻮ ﻫﻮ ﻣﻄﺒﺦ . ﻭﻫﻮ ﻫﻮﻝ ﺍﻧﺎﻡ ﺑﻲ ﺍﻧﻲ ﻭﺑﻴﺒﻲ
ﻭﺑﺪﺕ ﺭﺣﻠﻪ ﻣﻌﺎﻧﺎﺗﻲ
ﺍﻟﻤﺪﺭﺳﻪ ﺑﻌﺪ ﻭﻓﺎﺕ ﻭﺍﻟﺪﻱ ﻣﻜﺪﺭﺕ ﺍﺩﺍﻭﻡ ﺑﻌﺪ ﺑﺲ ﻣﺨﻨﻄﻠﻪ ﺑﻐﻴﺮ ﻋﺎﻟﻢ ﻭﺍﺗﺼﻔﻦ . ﺭﺍﺣﺖ . ﻋﻠﻴﻪ ﺍﻟﺴﻨﻪ ﺍﻟﻜﺎﻧﺖ ﺷﺒﻪ ﻣﻨﺘﻬﻴﻪ . ﺭﺯﺍﻟﻪ . ﺧﺎﻟﻪ ﻣﺮﻭﻩ ﺍﻟﻲ ﻭﻋﻴﺎﻃﻬﺎ ﻛﻮﻣﻲ ﻟﺘﻀﻠﻴﻦ ﻧﺎﻳﻤﻪ ﻳﻤﻪ ﻣﻮﺯﻳﻦ ﻭﺍﻓﺰ ﻣﻦ ﺧﻴﺎﻟﻲ ﺍﺳﺎﻋﺪﻫﺎ .
ﺭﺍﺣﺖ ﺍﻟﺴﻨﻪ ﻋﻠﻴﻪ ﻭﺍﻟﺴﻨﻪ ﺍﻟﻮﺭﺍﻫﺎ . ﺭﺳﺒﺖ . ﺑﺎﻟﻔﺼﻞ ﺍﻻﻭﻝ ﺑﻜﻠﻬﻢ ﻭﺑﻄﻠﺖ ﺣﺴﻴﺖ ﺭﻭﺣﻲ ﺑﺎﺧﺮ ﺳﻄﺮ ﺑﻌﺪﻣﺎ ﻛﻨﺖ ﺍﻻﻭﻟﻰ ﻋﺎﻟﻤﺪﺭﺳﻪ ﻛﻠﻬﺎ
ﻛﻤﺖ ﺍﺣﺲ ﺭﻭﺣﻲ ﻣﻴﺘﻪ
ﺿﻌﻔﺖ ﺣﻴﻞ . ﺫﻳﺞ ﺍﻟﺪﺑﺪﻭﺑﻪ . ﺭﺍﺣﺖ ﻣﻼﻣﺤﻬﺎ . ﺷﻌﺮﻱ ﺍﻟﻄﻮﻳﻞ ﺍﻟﺜﺨﻴﻦ ﺍﻟﻤﺤﺎﺑﺲ . ﺭﺍﺡ ﺍﻧﻬﻠﺲ
. ﻋﻤﻲ ﺑﻌﺪ ﻭﻓﺎﺕ ﺍﺑﻮﻳﻪ ﻛﻤﺖ . ﺍﺣﺴﻪ ﻣﻴﻜﺪﺭ ﻳﺒﻘﻪ ﺑﺒﻐﺪﺍﺩ ﻛﺎﺿﻴﻬﺎ ﺩﻳﻮﺍﻧﻴﻪ ﻧﺠﻒ ﺑﺸﻐﻞ
ﻭﻣﺮﺗﻪ ﺗﻄﺒﺦ ﺍﻟﺠﺪﺭ ﺷﻜﺒﺮﻩ . ﻟﻠﻐﺪﻩ . ﻭﺍﺣﺲ ﺭﻭﺣﻲ ﺗﺮﺗﺠﻒ ﺑﺲ ﻣﺎﺍﻛﺪﺭ ﺍﻛﻞ ﺣﻠﻜﻲ ﻣﻠﺠﻢ ﻗﻠﻴﻞ ﻛﻠﺶ ﺍﻛﻠﻲ ﻭﻣﻦ ﺑﺪﻳﺖ ﺍﻛﻞ .
ﻳﺼﺒﻮﻥ ﺍﻟﻐﺪﻩ . ﻭﺗﺼﺒﻠﻲ ﺍﻧﻲ ﻭﺭﻗﻴﻪ ﻓﺪ ﻣﺎﻋﻮﻥ . ﺟﺒﻴﺮ ﺭﻗﻴﻪ ﺗﻄﻴﺮ ﺍﻻﻛﻞ ﺑﺴﻊ ﺑﺴﻊ ﻭﺍﻧﻲ ﻣﺎﻟﺤﻚ ﺍﻛﻞ
ﺍﻟﺸﻐﻞ ﺻﺎﺭ ﻛﻠﻪ ﻋﻠﻴﻪ ﻭﺍﺟﺮ ﺑﺮﻭﺣﻲ . ﺟﺮ . ﻭﺑﺒﻴﺘﻲ ﻋﻴﻮﻧﻬﺎ ﺗﺮﺍﻗﺒﻨﻲ ﺑﺎﻟﻢ
ﺟﺎﻧﺖ ﺍﻛﻮ ﻣﻮﺍﺿﻊ ﺗﺨﻠﻴﻨﻲ ﺍﺻﻔﻦ ﻭﺍﺑﺠﻲ . ﻣﺸﺘﺎﻗﻪ ﻟﺮﻭﺣﻲ . ﺍﻟﻘﺪﻳﻤﻪ
ﺳﻨﺘﻴﻦ ﺍﻧﻜﻠﺒﺖ ﺣﻴﺎﺗﻨﺎ
ﺍﺧﻮﻳﻪ ﻭﻳﻦ
ﺍﻣﻲ ﻭﺍﺑﻮﻳﻪ ﻭﻳﻦ .
ﻋﺎﻓﻮﻧﻲ ﻭﺣﺪﻱ ﻟﻴﺶ . ﻭﺗﺸﻮﻓﻨﻲ ﺧﺎﻟﻪ ﻣﺮﻭﻩ ﺗﺠﻴﻨﻲ
ﻟﺞ ﻣﺎﻣﺎ . ﻫﺬﺍ ﺍﻣﺮ ﺍﻟﻠﻪ ﻛﺎﻓﻲ ﺍﺻﺤﻲ ﺩﺭﺍﺳﺘﺞ ﺭﺍﺣﺖ . ﻭﻋﺎﻓﻴﺘﺞ . ﺷﻮﻥ ﺗﻤﻮﺗﻴﻦ ﺭﻭﺣﺞ ﻭﺭﺍﻫﻢ
ﺳﺎﻋﻪ ﺍﻛﻮﻝ ﻟﻤﺼﻠﺤﺘﻲ ﺳﺎﻋﻪ ﺍﺗﺎﺫﻩ ﻣﻦ ﻗﺴﺎﻭﺗﻬﺎ
ﺳﺎﻋﺎﺕ ﺍﻧﺰﻭﻱ ﺑﺒﺤﺪﻱ ﺑﺎﻟﻤﺨﺰﻥ ﻭﺭﻩ ﺍﻟﺒﻴﺖ ﻭﺍﺑﺎﻭﻉ ﻟﻠﺴﻤﺎ ﻛﻠﻤﺎ ﻓﺎﺕ ﺷﻬﺐ ﺍﺑﻴﺾ ﻭﺍﻛﻮﻝ ﻫﺎﻱ ﺭﻭﺡ ﺍﺑﻮﻳﻪ ﻟﻮ . ﺍﻣﻲ
ﺭﺟﻌﺖ ﻟﻠﺼﻼﻩ . ﻣﻦ ﺷﻔﺖ ﺑﻴﺒﻲ ﺗﺼﻠﻲ ﺑﻌﻴﻨﻬﺎ . ﻣﺘﺖ ﺑﺠﻲ . ﻭﺭﺟﻌﺖ . ﻟﻠﻪ . ﻟﻘﺮﺍﻧﻲ ﻭﺻﻮﺕ ﺍﻣﻲ ﻭﺍﺑﻮﻳﻪ . ﺭﺟﻌﺖ . ﺑﺲ . ﺍﺗﻤﻨﻰ ﺍﻟﻤﻮﺕ ﻛﻞ ﻟﺤﻀﻪ
ﻃﻔﻠﻪ . ﻳﺘﻴﻤﻪ ﺍﻧﺤﺮﻣﺖ ﻣﻦ ﻛﻞ ﻋﺎﺋﻠﺘﻬﺎ ﻭﻣﻦ ﺍﺟﻤﻞ ﻋﺎﺋﻠﻪ ﻭﺍﻟﻠﻪ ﻣﺠﻨﺖ ﺍﺗﻤﻨﻰ ﺷﻲ ﻣﺎﺍﻋﺮﻑ ﻃﻌﻢ ﺍﻻﻣﺎﻧﻲ ﻭﻣﻜﺘﻔﻴﻪ ﺑﻜﻠﺸﻲ ﻋﺪﻱ ﻭﺍﻛﺜﺮ ﺷﻲ ﺍﺗﻠﻬﻒ ﻋﻠﻴﻪ . ﻟﻤﺘﻨﺎ ﻋﺎﻟﺼﻴﻨﻴﻪ ﻭﺍﻟﻠﻤﻪ ﻭﺭﻩ ﺍﻟﺼﻼﻩ ﺟﻮﻩ ﺍﻟﺪﺭﺝ ﺑﺤﻀﻦ ﺍﻣﻲ ﺍﻟﻠﻲ ﺗﻠﻔﻠﻒ ﺑﺸﻌﺮﻱ . ﻭﺗﻔﻠﻲ ﺑﻲ . ﻭﺍﺑﻮﻳﻪ ﻳﻘﺺ ﺑﺎﻟﻘﺼﺺ
ﻧﻔﺴﻴﺘﻲ ﺑﺎﻻﻛﻞ ﺍﻧﺴﺪﺕ . ﻟﻼﺧﻴﺮ ﻛﻮﻩ ﺍﻛﻞ ﻟﻜﻤﻪ ﻟﻮ ﺗﺼﺒﻠﻲ ﺧﺎﻟﻪ ﻣﺮﻭﻩ ﺍﻧﻲ ﻭﺭﻗﻴﻪ ﻭﺭﻗﻴﻪ ﺗﻄﻴﺮ ﺍﻟﻤﺎﻋﻮﻥ ﻭﺍﻧﻲ ﺻﺎﻓﻨﻪ ﺑﻔﻬﺎﻭﻩ ﻋﻠﻴﻬﺎ
ﺿﻌﻔﺖ ﺍﻧﺴﻠﻴﺖ ﻛﻤﺖ ﺍﺩﻭﺥ ﻭﺧﺎﻟﻪ ﺗﻌﻴﻂ ﺑﻲ ﻭﺗﺨﻠﻲ ﺭﺍﺳﻲ ﺟﻮﻩ ﺍﻟﻤﻐﺴﻠﻪ ﺗﺼﺤﻴﻨﻲ
ﻟﺞ ﻳﻤﻪ ﺣﺘﻤﻮﺗﻴﻦ
ﻭﺍﻧﻲ ﺑﺲ ﺳﺎﻛﺘﻪ
ﺻﺪﻳﻘﺎﺗﻲ ﺻﺎﺭﻭ ﺻﻒ ﺛﺎﻧﻲ ﻣﺘﻮﺳﻂ ﻭﺍﻧﻲ ﺑﻌﺪﻧﻲ ﻋﻠﻰ ﺷﻬﺎﺩﻩ ﺍﻟﺴﺎﺩﺱ
ﻭﺑﺪﺕ ﺗﺴﻤﻊ ﺧﺎﻟﻪ
ﺭﺳﺒﺘﻲ ﻣﺮﺗﻴﻦ ﺿﺎﻉ ﺣﻘﺞ ﻛﻌﺪﻱ ﺑﺎﻟﺒﻴﺖ ﺍﺧﺪﻣﻲ ﺳﺎﻋﺪﻳﻨﻲ ﺣﻠﻠﻲ ﻟﻜﻤﺘﺞ . ﺍﻧﻲ ﻣﺎﺍﻛﺪﺭ ﻭﺣﺪﻱ ﻭﺍﻧﺘﻲ ﻣﺎﻟﺞ ﻭﺍﻫﺲ ﺩﺭﺍﺳﻪ
ﻭﺍﻧﻲ ﺍﺳﻤﻊ ﻭﺍﻧﻔﺬ
ﻧﻮﺑﺎﺕ ﺍﺣﺲ ﺭﻭﺣﻲ ﺍﻧﻲ
ﻣﻮﺍﻧﻲ . ﺑﻐﻴﺮ ﻋﺎﻟﻢ ﻭﺑﻠﻴﻞ ﺑﻠﻴﻞ ﺗﻮﻥ ﺟﺮﻭﺣﻲ ﻋﻠﻴﻪ . ﺍﺗﺬﻛﺮ ﺍﻫﻠﻲ ﻭﻣﻮﻗﻒ ﻣﻮﻗﻒ ﻳﻤﺮ ﻋﻠﻴﻪ
ﺻﻮﺕ ﺍﻣﻲ ﻭﺿﺤﻜﺘﻬﺎ ﺍﻟﻬﺎﺩﻳﻪ
ﻋﺼﺒﻴﺘﻬﺎ ﻋﻠﻴﻪ ﻣﻦ ﺍﻏﻠﻂ ﻭﺧﺰﺭﺗﻬﺎ
ﻭﻛﻼﻣﻬﺎ ﻭﻱ ﺍﺑﻮﻳﻪ ﻣﻦ ﺗﺮﻳﺪ ﺷﻐﻠﻪ ﻭﺗﺘﻮﺳﻞ ﺑﻲ
ﻭﺍﺑﻮﻳﻪ ﻳﺪﺍﻫﺮﻫﺎ ﻭﻳﻀﺤﻚ
ﺷﻜﺪ ﺣﻠﻮﻩ ﺟﺎﻧﺖ ﺍﻳﺎﻣﻨﺎ
ﻣﺮﺕ ﻛﻢ ﺷﻬﺮ ﻭﺍﻧﻲ ﻳﻮﻡ ﻋﻦ ﻳﻮﻡ . ﻳﺰﻳﺪ ﺳﻜﻮﺗﻲ . ﺑﻴﺒﻴﺘﻲ ﻃﻮﻟﺖ ﺑﺎﻟﺠﻠﻄﻪ . ﻭﻋﻮﺟﻪ ﻓﻜﻬﺎ ﻭﺍﻳﺪﻫﺎ ﻋﻤﻲ ﺍﻟﺴﻔﺮﺍﺗﻪ ﻣﺘﺨﻠﺺ . ﺍﻟﻮﻟﺪ ﻛﺎﻧﻮ ﻳﻄﻠﻌﻮﻥ ﻣﻦ ﺍﻟﺼﺒﺢ ﻭﻳﺮﺟﻌﻮﻥ ﺑﻠﻴﻞ
ﻭﺍﻧﻲ ﺍﺑﺪ ﻣﺎﺷﻮﻓﻬﻢ ﺭﻗﻴﻪ . ﻣﻦ ﺗﺮﺟﻊ ﻣﻦ ﺍﻟﺪﻭﺍﻡ ﺗﻨﺎﻡ . ﻭﺭﻩ ﻣﺘﺎﻛﻞ . ﻭﺧﺎﻟﻪ ﻣﺮﻭﻩ ﺗﺎﺷﺮﻟﻲ ﻭﺭﻩ ﺍﻟﻐﺪﻩ
ﻳﻤﻪ ﻣﻠﻴﻜﻪ ﺍﻟﻤﻮﺍﻋﻴﻦ . ﻟﺘﻨﺴﻴﻬﺎ
ﺍﻭﻝ ﺷﻬﻮﺭ ﻣﻴﺠﻮﻥ ﺍﻟﻮﻟﺪ ﻋﺎﻟﻐﺪﻩ ﺟﻨﺖ ﺍﻛﺪﺭ ﺍﻛﻞ . ﻛﻢ ﻟﻜﻤﻪ . ﻣﻦ ﺍﺟﻮﻉ . ﺑﺲ ﺑﻌﺪﻫﺎ
ﺻﺎﺭﻭ ﻳﺠﻮﻥ ﺍﻟﻀﻬﺮﻳﻪ ﻋﺎﻟﻐﺪﻩ . ﻭﺧﺎﻟﻪ ﻣﺮﻭﻩ ﺍﻻﻛﻞ ﻛﻠﻪ ﺗﺼﺒﻪ ﻛﺪﺍﻣﻬﻢ ﺯﻟﻢ ﺻﺎﺭﻭ ﻭﻳﻄﻴﺮﻭﻥ ﺍﻟﺴﻔﺮﻩ ﻣﻴﺒﻘﺎﻟﻲ ﺍﻛﻞ . ﺑﺲ ﺷﻮﻱ . ﺍﻛﻠﻪ . ﻭﺍﺿﻞ ﺟﻮﻋﺎﻧﻪ . ﻭﺧﺎﻟﻪ ﻣﺮﻭﻩ ﺗﺴﻮﻱ ﺭﻭﺣﻬﺎ ﻣﺘﺪﺭﻱ ﻛﻤﺖ ﺍﻧﺴﻠﻲ . ﻭﺍﻧﻲ ﻳﻮﻣﻴﻪ ﺍﺣﺲ ﺭﻭﺣﻲ ﺍﺑﺘﻌﺪ ﻣﻦ ﻫﺎﻟﺪﻧﻴﺎ ﺍﻛﺜﺮ ﻣﺤﺪ ﻳﺮﻳﺪﻧﻲ ﻣﺤﺪ ﻳﺤﺒﻨﻲ . ﺍﻟﻤﻦ . ﻋﺎﻳﺸﻪ . ﺑﺲ ﻟﺼﻼﺗﻲ ﻭﺍﻻﺩﻋﻲ ﺑﻴﻬﺎ . ﻓﺘﺮﻩ ﻣﺮﺕ ﻛﻤﺖ ﺍﺗﺠﺮﺍ ﻣﻦ ﺟﻮﻋﻲ ﺍﻓﺘﺢ ﺍﻟﺜﻼﺟﻪ ﺑﻠﻴﻞ ﻣﻦ ﻳﻨﺎﻣﻮﻥ ﻭﺍﺳﻮﻳﻠﻲ ﻟﻔﻪ ﺍﻛﻠﻬﺎ ﻣﺜﻞ ﺍﻟﻤﺨﺎﺑﻴﻞ ﺑﺴﺮﻋﻪ ﻭﻧﻮﺑﺎﺕ ﺑﺎﻟﺤﻤﺎﻡ ﻭﺍﺭﺣﻊ ﺍﻧﺎﻡ ﺍﻧﺤﺸﻚ ﺑﺒﻴﺘﻲ
ﻣﺮﻩ ﻣﺮﺗﻴﻦ ﻭﻣﺮﺕ ﻋﻤﻲ ﺣﺴﺖ
ﻣﻨﻮ ﺍﻛﻞ ﻫﺎﻟﺠﺒﻦ
ﻭﻳﻦ ﺍﻟﻄﻤﺎﻃﻴﻪ ﺍﻟﺒﻘﺖ
ﻛﺎﻧﺖ ﺑﺨﻴﻠﻪ ﻻﺑﻌﺪ ﺣﺪ ﺭﻏﻢ ﺍﺷﻮﻑ ﻋﻤﻲ ﻳﻨﻄﻴﻬﺎ ﻓﻠﻮﺱ ﻭﺍﻟﻮﻟﺪ ﻫﻢ ﻛﻠﻬﻢ ﻳﺸﺘﻐﻠﻮﻥ ﺑﺲ ﻃﺒﻊ ﺑﻴﻬﺎ ﺍﻟﺒﺨﻞ .
ﻋﻤﻲ ﻣﺤﻤﺪ .
ﺍﺧﺘﻔﻰ ﻣﻨﻌﺮﻑ ﻭﻳﻦ . ﺳﺎﻓﺮ ﻭﻣﻨﺪﺭﻱ ﻭﻳﻦ ﺭﺍﺡ . ﻭﻋﻤﻲ ﺭﺍﺟﺢ ﻋﺠﺰ ﻣﻨﻪ ﺭﺟﺎﻝ ﺑﺎﻻﺭﺑﻌﻴﻦ ﻭﻳﻦ ﻳﺮﻭﺡ
ﻣﺮﺕ ﺍﻻﻳﺎﻡ ﻋﺎﺩﻳﻪ ﻓﺠﺎﺀﻩ ﻣﺮﺕ ﻋﻤﻲ ﻋﺮﻓﺖ ﺍﻧﻲ ﺍﻟﺪﺍﺍﻛﻞ ﻣﻮ ﻭﻟﺪﻫﺎ . ﺧﻠﺖ ﻗﻔﻞ ﻋﺎﻟﺜﻼﺟﻪ ﻛﺎﻣﺖ ﺗﻘﻔﻠﻬﺎ ﻭﺗﻨﺎﻡ ﺑﻴﺒﻲ . ﺣﺴﺖ ﻫﻄﻴﻪ ﻛﺎﻣﺖ ﺗﺒﻘﻴﻠﻲ ﻣﻦ ﺷﻮﺭﺑﺘﻬﺎ ﺍﻟﻤﺎﺻﺨﻪ ﺍﻛﻠﻬﺎ ﻣﻦ ﺟﻮﻋﻲ ﺑﺲ ﺷﻮﻱ ﺷﻮﻱ ﺗﻌﻠﻤﺖ ﻣﻌﺪﺗﻲ ﻋﺎﻻﻛﻞ ﺍﻟﻘﻠﻴﻞ
ﺍﺷﻬﻮﺭ ﻣﻨﺎﻛﻠﻪ ﻟﺤﻢ ﻭﺍﺷﻮﻓﻬﻢ ﻛﺪﺍﻣﻲ ﺷﻮﻥ ﻳﺎﻛﻠﻮ ﻣﺮﻩ ﻧﺴﻴﺖ ﻧﻔﺴﻲ ﻭﺍﻧﻲ ﺍﺑﺎﻭﻉ ﻟﻘﺎﺳﻢ ﻣﻦ ﻳﺎﻛﻞ ﻻﻥ ﻣﻨﻨﺠﻤﻊ ﻓﺪ ﺳﻔﺮﻩ ﺍﻟﻮﻟﺪ ﻭﺍﻣﻬﻢ ﻭﺭﻗﻴﻪ ﻳﺎﻛﻠﻮﻥ ﻭﺍﻧﻲ ﻭﻱ ﺑﺒﻴﺘﻲ ﺍﻛﻌﺪ ﻋﺎﻟﺠﻮﺩﻟﻴﻪ ﻭﻧﺎﻛﻞ
