#البارت ٩
#قصة المنطقة 13
#الكاتبة مريم السعدي
ﺳﻠﻤﺎﻥ -
ﺭﺟﻌﺖ ﻣﻦ ﺍﻟﺴﺤﺐ ﺍﻣﺸﻲ ﺳﺮﻳﻊ ﻭﺑﻴﺪﻱ ﺣﻤﻮﺩﻱ ﺍﺧﺎﻑ ﺍﻓﻘﺪﻩ ﻫﻮ ﻫﻢ ﺧﺎﺑﺮﺕ ﻣﻦ ﺗﻠﻔﻮﻥ ﺍﻟﻤﺴﺘﺸﻔﻰ ﻋﻠﻰ ﺑﻴﺖ ﺟﻮﺍﺭﻳﻨﻪ ﺍﻡ ﻣﺎﺟﺪ ﻭﻛﺘﻠﻬﻢ ﺑﻠﻐﻮ ﺭﺍﺟﺢ ﺍﻧﻲ ﺑﻔﻼﻥ ﻣﺴﺘﺸﻔﻰ ﻳﺮﻭﺡ ﻻﻣﻲ ﻳﺎﺧﺬﻫﺎ ﻭﻱ ﻣﻠﻴﻜﻪ
ﺭﺟﻌﺖ ﻟﻠﺮﺩﻫﻪ ﺍﻟﺒﻴﻬﺎ ﺻﺒﺤﻪ ﺑﺎﻟﻌﻤﻠﻴﺎﺕ ﻭﺍﻣﻒ ﻭﺍﻟﻮﺏ ﺳﺎﻋﻪ ﻣﺮﺕ ﺣﻴﻞ ﺣﻴﻠﻲ ﺍﻧﻬﺪ ﻭﺣﻤﻮﺩﻱ ﺑﺎﻟﺰﻭﻳﻪ ﺣﺴﻪ ﻣﻄﻠﻊ . ﺍﺑﺎﻭﻉ ﻟﺸﻔﺎﻓﻪ ﺗﺘﺤﺮﻙ ﻭﺩﻣﻮﻋﻪ ﺗﺠﺮﻱ ﻋﺒﺎﻟﻚ ﺫﻛﺮﺗﻲ ﺑﺎﻟﺘﻼﻭﻩ ﻭﻛﻌﺪﺕ ﺍﻗﺮﻩ ﺑﺎﻟﻠﻲ ﺣﺎﻓﻀﻪ ﻣﻦ ﺍﻟﻘﺮﺍﻥ ﻭﺍﻧﺨﻲ ﺍﻟﻠﻪ ﻭﺍﻟﺮﺳﻞ ﻭﺍﻫﻞ ﺍﻟﺒﻴﺖ ﺭﻓﻌﺖ ﺭﺍﺳﻲ ﺍﻟﺒﺎﺏ ﺍﻧﻔﺘﺤﺖ ﻭﺍﻟﺪﻛﺎﺗﺮﻩ ﺗﺮﻭﺡ ﻭﺗﺠﻲ ﻭﻛﻔﺖ ﻓﺎﺯ ﻃﻠﻌﺖ ﺍﻟﺪﻛﺘﻮﺭﻩ ﺑﺎﻭﻋﺘﻠﻲ ﻭﺟﺮﺕ ﻧﻔﺲ ﻫﻤﺴﺖ
ﺍﻟﺤﻤﺪ ﻟﻠﻪ ﻋﺎﻟﺴﻼﻣﻪ ﻋﺪﺗﻬﺎ ﺳﻼﻣﺎﺕ ﺑﺲ ﺗﺮﻩ ﻛﻼﺗﻬﺎ ﻣﺘﺎﺫﺍﻳﻪ ﺣﻴﻞ
ﻳﻴﻌﻨﻲ ﺷﻨﻮ ﺩﻛﺘﻮﺭﻩ ﻓﺪﻭﻩ
ﻛﺎﻟﺖ
ﺷﻮﻱ ﺍﺭﺗﺎﺡ ﻭﺗﻔﻀﻞ ﻟﻠﻌﻴﺎﺩﻩ ﻫﻨﺎ ﺑﻨﻬﺎﻳﻪ ﺍﻟﻤﻤﺮ
ﻣﻤﻨﻮﻥ ﻣﻨﺞ ﻳﺎﺑﻪ ﻣﻘﺼﺮﺗﻲ
ﺣﻤﻮﺩﻱ ﻭﻛﻒ ﺑﺼﻔﻲ ﻟﺰﻡ ﺭﺩﻧﻲ ﻭﻃﻠﻌﻮﻫﺎ ﺑﺎﻟﺴﺪﻳﻪ ﻭﺍﻟﻠﻪ ﻟﻮ ﺗﺪﺭﻳﻦ ﻳﺎﺑﻌﺪ ﺭﻭﺣﻲ ﺷﻌﺮﺝ ﻣﺒﻴﻦ . ﺟﺎﻥ ﻛﻠﺒﺘﻲ ﺍﻟﺪﻧﻴﺎ ﺍﻣﺸﻲ ﻭﺭﻩ ﺍﻟﺴﺪﻳﻪ ﻭﺍﻏﻄﻲ ﺑﺸﻌﺮﻫﺎ ﻭﺩﻣﻮﻋﻲ ﺗﺠﺮﻱ ﻭﺍﺣﻤﺪ ﻳﺼﻴﺢ
ﻳﻮﻡ ﺗﺴﻤﻌﻴﻨﻲ . ﻳﻤﻤﻪ ﺍﻧﻲ ﺍﺣﻤﺪ ﺣﻤﻮﺩﻱ
ﻭﺻﻠﻨﺎ ﻟﺮﺩﻩ ﺑﻴﻨﻬﻦ ﺑﺮﺩﺍﺕ ﻭﺩﺧﻠﻮﻫﺎ ﺑﻮﺣﺪﻩ ﻣﻨﻬﻦ ﻭﺳﺤﺒﻮ ﺍﻟﺒﺮﺩﻩ ﻭﻛﻔﺖ ﻳﻤﻬﺎ ﻓﻜﺖ ﻋﻴﻨﻬﺎ ﺑﺼﻌﻮﺑﻪ ﺑﺎﻭﻋﺘﻠﻲ ﻭﺗﻌﻠﺲ ﻧﺼﻴﺖ ﺑﺴﺖ ﺭﺍﺳﻬﺎ ﻭﺷﻤﻴﺖ ﻋﻄﺮﻫﺎ
ﻳﺎﻋﻤﺮ ﺳﻠﻤﺎﻥ ﺍﻧﺘﻲ
ﻣﻠﻴﻜﻪ
ﻫﻤﺴﺖ ﺑﺘﻌﺐ
ﺑﺎﻟﺒﻴﺖ ﺩﺯﻳﺖ ﺭﺍﺟﺢ ﻟﻴﻀﻞ ﺑﺎﻟﺞ ﺍﺭﺗﺎﺣﻲ
ﺷﻨﻮ ﺍﻟﺼﺎﺭ
ﻣﺎﻣﻮ ﺷﻲ ﺣﺒﻴﺒﻪ ﺍﺭﺗﺎﺣﻲ ﻋﻤﻠﻴﻪ ﺳﻮﻭﻟﺞ ﺧﻴﻄﻮ ﺷﻚ ﺍﻟﻤﺎﻃﻮﺭ ﺍﻟﻀﺮﺑﻪ ﻣﺎﻟﺘﻪ
ﺭﺟﻌﺖ ﻏﻤﻀﺖ ﻭﻧﺎﻣﺖ ﻭﺗﺮﺗﻞ ﺑﺸﻔﺎﻓﻬﺎ ﻭﻫﻲ ﺑﻨﻮﻣﻬﺎ ﺍﺣﻤﺪ ﺍﺟﻪ ﻛﻌﺪ ﺑﺼﻔﻲ ﺟﺮﻳﺘﻪ ﻟﺤﻀﻨﻲ
ﻻﺑﻮﻳﻪ ﻣﺎﺭﻳﺪ
ﻧﺎﻡ ﺑﻮﻳﻪ ﻋﻠﻰ ﺟﺘﻔﻲ
ﻻﻻ ﻳﺎﺑﻪ ﺷﻨﻮ ﺻﻐﻴﺮ ﺍﻧﻲ
ﻻ ﺭﺟﺎﻝ ﺑﻌﺪ ﺍﺑﻮﻙ ﺭﺟﺎﻝ ﻭﺳﺴﺒﻌﻊ
ﻧﺼﻪ ﺭﺍﺳﻪ ﻋﺪﻟﺖ ﺷﻌﺮﻩ ﺑﻌﺪ ﺭﺍﺳﻪ ﻳﻀﻮﺝ ﻭﺍﺣﺪ ﻳﻄﻮﺥ ﺍﻫﺘﻤﺎﻣﻪ ﺑﻲ ﻳﻀﻮﺝ ﻳﺘﺪﻟﻞ ﻣﺜﻞ ﺍﺑﻮ ﺍﺑﺘﺴﻢ ﻭﻃﻠﻌﺖ ﻓﻠﻮﺱ ﻣﻦ ﺟﻴﺒﻲ
ﻛﻮﻡ ﻳﺎﺑﻪ ﺟﻴﺒﻠﻲ ﻟﻔﻪ ﺍﻟﻲ ﻭﻟﻔﻪ ﺍﻟﻚ ﻣﻦ ﺍﻟﻤﻄﻌﻢ ﺟﻮﻩ
ﺯﻳﻦ ﻭﺍﻣﻲ
ﺍﻣﻚ ﻣﺘﻜﺪﺭ ﺗﺎﻛﻞ ﺷﻲ ﻫﺴﻪ ﺭﻭﺡ ﺣﺒﻴﺒﻲ
ﻧﺰﻝ ﺷﻮﻱ ﻭﺟﺎﺏ ﻭﺍﺟﺎﻧﻲ ﺭﺍﺟﺢ ﻳﻬﻒ
ﺑﺎﻭﻋﻠﻲ ﻋﻴﻮﻧﻪ ﻣﻔﺘﻮﺣﻪ ﻛﻠﻬﺎ ﻭﻧﺰﻟﺖ ﺩﻣﻮﻋﻲ ﺑﺎﻭﻋﻠﻬﺎ ﻭﻋﺾ ﺷﻔﺘﻪ ﺣﻀﻨﻨﻲ ﻫﻤﺲ
ﺷﻠﻮﻧﻬﺎ ﺑﺮﻭﺡ ﺍﺑﻮﻙ
ﺯﻳﻨﻪ ﻳﻜﻠﻮﻥ ﺯﻳﻨﻪ ﺑﺲ ﻛﻼﺗﻬﺎ ﻣﺰﻳﻨﻪ
ﺍﻧﻄﻴﻬﺎ ﻛﻼﺗﻲ ﻭﻟﻚ ﻫﺎﻱ ﺻﺒﻮﺡ
ﺧﻞ ﺍﺷﻮﻑ . ﺍﻧﻲ ﺍﺗﺒﺮﻉ ﺑﺲ ﺧﻞ ﺍﺷﻮﻑ ﺍﻟﺪﻛﺘﻮﺭﻩ ﺷﺘﻜﻮﻝ
ﻛﻮﻡ ﻫﺴﻪ ﻧﺰﻭﺣﻠﻬﺎ ﻭﻳﻨﻪ ﺍﺑﻮ ﺷﻬﺎﺏ
ﺩﻳﺠﻴﺐ ﻟﻔﺎﺕ ﻫﺬﺍ ﺍﺟﻪ
ﻫﺎ ﻋﻤﻲ ﺷﻮﻧﻚ ﺳﺒﺎﻋﻲ
ﺯﻳﻦ ﻋﻤﻲ ﺍﻟﺤﻤﺪ ﻟﻠﻪ ﻋﻤﻲ ﻣﻠﻴﻜﻪ ﺑﺤﻮﺷﻜﻢ
ﺍﻱ ﻋﻤﻲ ﻟﻴﻀﻞ ﺑﺎﻟﻚ
ﺯﻳﻦ ﺑﺒﻴﺘﻲ ﻳﻤﻬﺎ
ﻋﻜﺪ ﺣﺎﺟﺒﻪ ﺭﺍﺟﺢ ﺑﺎﻭﻋﻠﻲ ﺍﺑﺘﺴﻢ
ﻳﻮﻝ ﻫﺬﺍ ﻳﺨﺎﻑ ﻋﻠﻰ ﺍﺧﺘﻪ ﻫﻬﻪ
ﻏﻴﺮ ﺍﺧﺘﻪ ﺷﺒﻴﻚ ﺭﺍﺟﺢ ﺗﺮﻩ ﻛﺒﺮﻭ ﺻﺎﺭﻭ ﺯﻟﻢ
ﺍﻱ ﻭﺍﻟﻠﻪ ﺷﻔﺖ
ﻋﻔﻨﺎ ﺍﺣﻤﺪ ﺑﻌﺪﻣﺎ ﻃﻤﻨﻨﺎ ﻋﻠﻰ ﺍﻣﻪ ﻭﻃﺒﻴﻨﺎ ﻋﺎﻟﺪﻛﺘﻮﺭﻩ ﻭﺑﺪﺕ ﺍﻟﺤﺠﻲ ﻛﺎﻟﺖ
ﺗﻜﺪﺭ ﺗﻌﻴﺶ ﺑﺘﻚ ﺑﺲ ﺗﺪﻳﺮ ﺑﺎﻟﻬﺎ ﻻﻥ ﻋﺪﻫﺎ ﺍﻟﺘﻬﺎﺏ ﺑﻴﻬﺎ ﻗﻮﻱ ﻭﻭﺍﺻﻞ ﻟﻠﻜﻠﻪ ﺭﺍﺡ ﺍﻧﻄﻴﻬﺎ ﻋﻼﺝ ﺍﻟﺘﻬﺎﺑﺎﺕ ﺑﺎﻻﺿﺎﻓﻪ ﺍﻟﻰ ﻏﺴﻞ ﻛﻠﻮﻱ ﻛﻞ ﺍﺭﺑﻌﻪ ﺷﻬﻮﺭ ﺿﺮﺭﻭﺭﻱ
ﺻﺎﺭ ﺩﻛﺘﻮﺭﻩ ﻭﻭﺷﻮﻛﺖ ﺗﻄﻠﻊ
ﺑﻌﺪ ﺑﻌﺪ ﻓﺪ ٣ ﺍﻳﺎﻡ ﻧﺘﺎﻛﺪ ﺍﻟﻨﺰﻳﻒ ﻣﻴﺮﺟﻊ ﻭﻣﻜﺎﻥ ﺍﻟﺮﺣﻢ ﺗﺮﻩ . ﺣﻴﻞ ﻳﺎﺫﻱ ﻻﺯﻡ ﻣﺴﻜﻨﺎﺕ ﻗﻮﻱ ﺗﺤﺖ ﺍﺷﺮﺍﻑ ﺍﻟﻄﺒﻴﺐ
ﺻﺎﺭ ﺗﻮﻣﺮﻳﻨﻲ ﺑﺸﻲ
ﺭﻭﺡ ﺍﻟﻠﻪ ﻭﻳﺎﻙ ﻣﺸﺎﻓﺎﻩ ﺍﻧﺸﺎﺀ ﺍﻟﻠﻪ
ﺭﺣﻢ ﺍﻟﻠﻪ ﻭﺍﻟﺪﻳﺞ
ﺩﺍﺍﻃﻠﻊ ﺷﻔﺖ ﺭﺍﺟﺢ ﻃﻠﻊ ﻣﻦ ﺟﻴﺒﻪ ﺻﻔﻄﻪ ﺍﻡ ﺍﻟﺮﺑﻊ ﺧﻼﻫﺎ ﺑﻴﺪﻫﺎ ﺗﻄﻠﻊ ﻋﺸﺮﻩ ﺍﻻﻑ ﺩﻳﻨﺎﺭ ﻭﻫﻲ ﻣﻘﺒﻠﺖ ﺍﻟﻀﺎﻫﺮ ﻣﺘﻘﺒﻞ ﺧﻄﻴﻪ ﺣﺘﻰ ﺍﻛﺮﺍﻣﻴﻪ ﻭﺿﻞ ﺭﺍﺟﺢ ﻳﺘﻮﺳﻞ ﺍﻛﺮﺍﻣﻴﻪ ﻣﻘﺒﻠﺖ ﺷﻴﻠﻬﺎ ﻭﺭﻭﺡ ﺟﻠﺒﺖ ﺍﺧﺬﻫﺎ ﻭﺿﻞ ﻳﺘﺸﻜﺮ
ﻃﻠﻌﺖ ﻭﺭﺟﻌﺘﻠﻬﺎ ﻭﺑﻘﻴﻨﺎ ﻳﻮﻡ ﻳﺠﺮ ﻳﻮﻣﻮ٣ ﺍﻳﺎﻡ ﻭﺭﺟﻌﻨﺎ
ﻟﺤﺪ ﺍﻻﻥ ﻣﺘﺪﺭﻱ ﺭﺣﻤﻬﺎ ﻣﺸﻴﻮﻝ ﻭﺍﺧﺎﻑ ﺍﺣﺠﻲ
قصص حسين العراقي ﺭﺟﻌﻨﺎ ﺑﻴﺖ ﺍﻫﻠﻲ ﻛﺒﻞ ﻋﺒﺎﻟﻲ ﻧﺒﻘﻰ ﺗﺮﺗﺎﺡ ﻭﺟﻪ ﻣﺮﻭﻩ . ﻣﻴﺸﺠﻊ ﻭﺻﺒﺤﻪ ﺩﻗﻴﻘﻪ ﻣﻘﺒﻠﺖ ﺗﻀﻞ ﺭﺟﻌﻨﺎ ﻟﺤﻮﺷﻨﺎ ﺑﺲ ﻓﺎﺗﺖ ﺭﺟﺖ ﺭﺍﺳﻬﺎ ﻋﻠﻰ ﻛﺘﻔﻲ ﻭﻫﻤﺴﺖ
ﻟﻠﻪ ﺍﻟﺤﻤﺪ
ﺣﻤﻮﺩﻱ ﺿﺤﻚ ﻭﺑﺎﺱ ﺭﺍﺳﻬﺎ ﻫﻤﺲ
ﻳﻤﻤﻪ ﺗﺤﺒﻴﻦ ﺣﻮﺷﻨﺎ
ﻳﻮﻡ ﺭﻭﺣﻲ ﺗﺮﻓﺮﻑ ﻫﻨﺎﻳﺎ . ﺣﻴﻞ ﺍﺣﺒﻪ ﻫﻨﺎ ﻟﻜﻴﺖ ﺭﺍﺣﺘﻲ ﻧﻔﺲ ﺭﻭﺡ ﺍﺑﻮﻙ ﻫﺎﻟﺒﻴﺖ ﻭﺍﻧﻪ ﺭﻭﺣﻲ ﺑﺎﺑﻮﻙ ﻭﺑﻲ
ﻣﻠﻮﻛﻪ ﺗﺒﻮﺱ ﺑﻴﻬﺎ ﻭﺗﻨﺰﻉ ﻓﻮﻃﺘﻬﺎ ﻭﺍﻟﻌﺒﺎﻳﻪ ﺗﻌﻠﻜﻬﺎ .
ﻣﻦ ﻳﻮﻣﻬﺎ ﻣﻠﻮﻛﻪ ﺍﺣﺴﻬﺎ ﻛﺒﺮﺕ ﻋﺸﺮ ﺳﻨﻴﻦ .
ﺭﻏﻢ ﻣﺎﻛﻨﺖ ﺗﻌﻠﻤﻬﺎ ﻋﺎﻟﺸﻐﻞ ﻭﺍﻟﻄﺒﺦ ﺑﺲ ﻣﻦ ﻳﻮﻣﻬﺎ ﺻﺎﺭﺕ ﻫﻲ ﻻﺯﻣﻪ ﺍﻟﺒﻴﺖ ﺗﻨﻀﻴﻒ ﻭﻃﺒﺦ ﻭﺗﺮﻭﺡ ﻭﺗﺤﻲ ﺳﺮﻳﻌﻪ ﻭﻫﻤﻴﻪ . ﻣﻤﻮﺗﺘﻨﻲ ﺍﻳﺪﻫﺎ ﻣﻦ ﺗﺠﻠﻒ ﺍﻟﻨﻬﺎﺭ ﻛﻠﻪ
ﻟﺞ ﻳﺎﺑﻪ ﻋﻮﻓﻲ ﻣﻴﻄﻠﻊ
ﻳﺎﺑﻪ ﻣﺎﻛﻮﺵ ﻣﻴﻄﻠﻊ ﺍﻛﻮ ﻭﺻﺦ ﻣﺎﻳﻄﻠﻊ . ﻳﻄﻠﻊ ﻏﻀﺐ ﻋﻨﻨﻪ ﻳﻄﻠﻊ
ﻣﺎﻋﺪﻫﺎ ﺣﻞ ﻭﺳﻂ ﻟﻮ ﻭﺻﺦ ﻟﻮ ﻧﻀﻴﻒ . ﻭﺍﻧﻲ ﺍﺷﻮﻓﻬﺎ ﺍﺗﺎﺫﻩ ﺍﺧﺎﻑ ﻋﻠﻴﻬﺎ ﺣﻤﻮﺩﻱ ﻟﺰﻡ ﻋﻨﻲ ﺍﻟﻤﺴﻮﺍﻙ ﻭﺍﻧﻲ ﺭﺩﻳﺖ ﻟﺸﻐﻠﻲ ﻻﻥ ﻣﺒﻘﻪ ﻋﺪﻱ ﻭﻻﻓﻠﺲ
ﻋﻼﺝ ﺻﺒﺤﻪ ﻛﻠﺶ ﻏﺎﻟﻲ ﻭﺑﻠﺸﻨﺎ ﻏﺴﻴﻞ ﻛﻠﻮﻱ ﻛﻠﺘﻬﺎ ﻓﺪ ﻧﻮﺏ ﺣﺎﻟﺘﻬﺎ ﻣﺘﺎﺯﻣﻪ . ﻭﺑﻠﺶ ﺍﻟﺪﻣﺘﻮﺭ ﺑﺎﻟﺒﺪﺍﻳﻪ ﺑﺎﻟﺴﺒﻮﻉ ٣ ﻣﺮﺍﺕ ﻧﻐﺴﻠﻬﺎ ﻛﻞ ﻏﺴﻠﻪ ٤ ﺳﺎﻋﺎﺕ ﺗﻄﻮﻝ ﻭﺗﺘﺎﻟﻢ ﺑﻴﻬﺎ
ﺍﻧﻠﻌﺐ ﺑﻴﻬﺎ ﻃﻮﺑﻪ ﻭﻣﻦ ﺗﺮﺟﻊ ﺗﻨﺎﻡ ﻭﺗﻜﻌﺪ ﺗﻜﻮﻡ ﻋﺎﻟﺒﻴﺖ ﺗﻬﺠﻤﻪ ﻫﺠﻢ ﺗﻜﺮﺑﻪ ﻛﺮﺏ
ﻳﺎﺑﻪ ﻋﻮﻓﻲ ﺍﺭﺗﺎﺣﻲ
ﻭﺩﺍﻋﺘﻚ ﺍﺭﺗﺎﺣﻴﺖ ﺧﻠﻴﻨﻲ
ﻭﺍﻋﻮﻓﻬﺎ ﺑﺮﺍﺣﺘﻬﺎ
ﺑﻠﺸﺖ ﺍﻟﺤﺮﺏ ﻭﺩﻛﺖ ﺍﻟﻐﺎﺭﻩ ﻭﻛﻌﺪﻧﺎ ﺑﺒﻴﻮﺗﻨﺎ ﻭﺍﻧﺮﺑﻄﺖ ﻫﻤﺰﻳﻦ ﺍﻟﻠﻪ ﻣﺸﺘﺮﻱ ﻛﻤﻴﻪ ﻋﻼﺝ ﺍﻟﻬﺎ ﺑﺲ ﺣﺮﺕ ﺑﺎﻟﻐﺴﻴﻞ ﺷﻠﻮﻥ
ﺟﻨﻨﺎ ﻧﻨﺠﻤﻊ ﻛﻞ ﻳﻮﻡ ﺍﻟﻤﻐﺮﺏ ﺍﻟﻀﺮﺏ ﻣﺸﺘﻐﻞ ﻭﺍﻧﻲ ﺍﺣﺠﻴﻠﻬﻢ ﻗﺼﺺ ﻭﺣﺘﻰ ﺻﺒﺤﻪ ﺗﺴﺘﻤﻊ ﻭﻳﺎﻫﻢ ﻭﻧﻮﺑﺎﺕ . ﺍﻣﻲ ﺗﻘﺎﻃﻌﻨﻲ ﻣﺼﺤﺤﻪ
ﻻ ﺍﺑﻮ ﺍﺣﻤﺪ ﻣﻮﻫﻴﺞ ﻫﻴﺞ
ﻫﺎ ﺍﻱ ﺻﺢ ﻣﺜﻞ ﻣﻜﺎﻟﺖ ﺑﻴﺒﻴﺘﻜﻢ
ﺍﺣﻤﺪ ﻛﺎﻥ ﺟﺪﺍ ﻭﺍﻋﻲ ﻭﺭﺯﻥ ﻣﻦ ﻳﺴﺘﻤﻊ ﻭﺍﺣﺴﻪ ﻳﻔﺴﺮﻩ ﺑﺪﺍﺧﻠﻪ ﺑﺎﻟﺬﺍﺕ ﺑﻘﺼﺺ ﺍﻻﻧﺒﻴﺎﺀ ﻭﺍﻻﺋﻤﻪ ﺟﺎﻧﺖ ﺩﻭﻣﺎ ﺍﺳﺎﻟﺘﻪ ﻏﺮﻳﺒﻪ ﻭﻣﻦ ﻣﻨﻀﺎﺭ ﻳﺨﺘﻠﻒ
ﻭﻣﻠﻴﻜﻪ ﺍﺳﺎﻟﺘﻬﺎ ﺗﺪﻭﺥ ﻻﺯﻡ ﺍﺣﺠﻲ ﻫﻮﺍﻱ ﻳﻠﻪ ﺗﻮﺻﻠﻠﻬﺎ ﺍﻛﺒﺮ ﻣﻦ ﻋﻤﺮﻫﻢ
ﻣﻠﻴﻜﻪ ﻣﻦ ﻋﻤﺮ ٥ ﺳﻨﻴﻦ ﺗﺼﻠﻲ ﺻﻼﻩ ﺍﻟﻠﻴﻞ ﻭﺻﻼﺗﻬﺎ ﺍﻟﻮﺍﺟﺒﻪ ﻭﺍﻻﺩﻋﻴﻪ ﻭﺍﻟﻨﻮﺍﻓﻞ ﺍﺣﻤﺪ ﻛﺬﻟﻚ .
ﻣﻦ ﻳﻮﻣﻬﻢ ﻣﺎﺗﺮﻛﻮﻫﺎ ﺍﺑﺪ ﻛﺎﻥ ﺍﺣﻠﻰ ﻣﻨﻀﺮ ﻟﻤﻦ ﻧﺘﺤﻀﺮ ﻟﻠﺼﻼﻩ ﻭﻧﺼﻠﻲ ﻛﻠﻨﺎ ﻭﻳﺼﻠﻮﻥ ﻭﺭﺍﻳﻪ ﺟﻨﺖ ﺍﻛﻮﻡ ﻭﺍﺷﻴﻞ ﺳﺠﺎﺩﺗﻴﻲ
ﻭﻫﻤﻪ ﻳﻨﺴﻄﺮ ﻥ ﺑﺼﻒ ﺍﻣﻬﻢ ﻳﻜﻤﻠﻮﻥ ﺍﻻﺩﻋﻴﻪ ﺑﻌﺪ ﺍﻟﺼﻼﻩ
ﻋﺠﻴﺐ ﻣﺎﻣﻠﻮ . ﺍﺑﺪ ﻋﺠﻴﺐ . ﺍﻃﻔﺎﻝ ﺑﻜﺪﻫﻢ ﻳﻀﻮﺟﻮﻥ ﻳﺤﺒﻮﻥ ﻳﻠﻌﺒﻮﻥ ﺗﺘﻌﺐ ﺍﻣﻬﻢ ﻣﻦ ﺗﻌﻠﻤﻮﻫﺎ ﺍﺑﺪ . ﺍﺑﺪ ﺍﺳﺘﻤﺮﻭﺍ ﻋﻠﻴﻬﺎ
ﻭﻣﻦ ﻳﺸﺘﺪ ﺍﻟﻀﺮﺏ ﻧﻠﺘﻢ ﺟﻮﻩ ﺑﺎﻟﻔﺮﺍﺵ ﺍﻟﺠﻮﻩ ﺍﻟﺪﺭﺝ . ﺑﻴﺘﻨﺎ ﻛﺎﻥ ﻗﺮﻳﺐ . ﻋﺎﻟﻘﺼﻮﺭ ﻣﺎﻝ ﺍﻟﺮﻳﺲ ﻭﻛﻠﻬﻦ ﺍﻛﻠﻦ ﻗﺼﻒ ﻭﺍﺣﻨﺎ ﻭﻳﺎﻫﻦ
ﻣﻴﺤﻤﻴﻨﺎ ﻏﻴﺮ ﺩﻋﻮﻩ ﺍﻣﻲ ﻭﺍﻟﺪﺭﺝ ﻭﺍﻟﺠﻬﺎﻝ ﻳﺨﺎﻓﻮﻥ
ﻓﺠﺎﻩ ﺑﻴﻮﻡ ﻣﻦ ﺍﻳﺎﻡ ﺍﻟﺤﺮﺏ ﺍﻟﺼﺒﺤﻴﻪ ﻭﻋﺮﻓﺖ ﺻﺒﺤﻪ ﺑﺎﻟﺼﺪﻓﻪ . ﺑﺎﻧﻪ ﺭﺣﻤﻬﺎ ﺍﺳﺘﺎﺻﻠﻮ . ﻻﻥ ﺍﻟﻌﺎﺩﻩ ﻛﻄﻌﺘﻬﺎ .
ﺍﺳﺘﻐﺮﺑﺖ ﻭﻛﻠﺴﺎ ﺗﻜﻮﻝ ﺧﺎﻑ ﺍﻧﻲ ﺷﺎﻳﻠﻪ ﻟﻴﺶ ﻣﺪﺗﺠﻴﻨﻲ
ﻣﻦ ﻏﻴﺮ ﺍﻻﻟﻢ ﺍﻟﺘﺎﻛﻠﻪ . ﻟﻴﻠﻴﻪ ﻣﻦ ﻳﻔﻚ ﺍﻟﻤﺴﻜﻦ ﻭﺗﻜﻮﻟﻲ ﻟﻴﺶ ﺍﺳﻔﻞ ﺑﻄﻨﻲ ﻳﻌﺬﻳﻨﻲ ﺍﻟﺴﺎﻟﻔﻪ ﺻﻌﺒﺖ ﻣﻜﺪﺭﺕ ﺍﻛﻮﻟﻠﻬﺎ ﺣﺪﻣﺎ . ﺻﺒﺎﺡ ﺫﺍﻙ ﺍﻟﻴﻮﻡ ﻛﻠﺘﻬﺎ ﺑﻬﺪﻭﺀ ﻭﻻﺯﻡ ﺍﻳﺪﻫﺎ
ﺻﺒﺤﻪ ﻫﺬﺍ ﺍﻣﺮ ﺍﻟﻠﻪ ﻭﺍﻟﺤﻤﺪ ﻟﻠﻪ ﻋﺪﻧﺎ ﺑﻨﻴﻪ ﻭﻭﻟﺪ،
ﺷﻜﻮ ﺳﻠﻤﺎﻥ ﻓﺪﻭﻩ ﺟﻔﻠﺘﻨﻲ
ﻭﺍﻟﻠﻪ ﺍﻧﺘﻲ ﻋﺪﻱ ﺑﺎﻟﺪﻧﻴﺎ ﻛﻠﻬﺎ ﻭﺍﻟﻠﻪ ﻣﻦ ﺭﺟﻌﺘﻴﻠﻲ ﻛﺎﻧﻤﺎ ﺍﻧﻮﻟﺪﺕ ﻣﻦ ﺟﺪﻳﺪ
ﺳﻤﺘﺖ ﻭﺩﻣﻌﺖ ﻋﻴﻨﻬﺎ
ﻫﻤﺴﺖ ﻭﺍﺑﺎﻭﻋﻠﻬﺎ
ﺭﺣﻤﺞ ﺍﺳﺘﺎﺻﻠﻮ ﻟﺬﻟﻚ ﺍﻧﻜﻄﻌﺖ ﻋﺎﺩﺗﺞ ﻭﻫﺎﻟﺸﻲ ﺗﺮﻩ ﻣﻴﺎﺛﺮ . ﻋﺎﺩﻱ ﺍﻟﺤﻤﺪ ﻟﻠﻪ . ﻋﺪﻧﺎ ﺟﻬﺎﻝ
ﺍﻧﻲ ﻛﺘﻠﻬﺎ ﻫﻴﺞ . ﻟﻮ ﻭﺟﻬﻪ ﺍﻧﺘﺮﺱ ﻗﻬﺮ ﻭﺗﺒﺠﻲ ﻭﻣﺘﻜﺪﺭ ﺗﺴﻜﺖ ﺻﺎﻣﻪ ﺣﻠﻜﻬﺎ ﺗﺨﺎﻑ ﻳﺴﻤﻌﻮﻥ ﺍﻟﺠﻬﺎﻝ ﺣﻀﻨﺘﻬﺎ ﻭﺍﻫﺪﺍ ﺑﻴﻬﺎ ﻭﻫﻲ ﺗﺸﻬﻚ ﺣﺪﻣﺎ ﻏﻔﺖ ﺑﺘﻌﺐ ﻛﺎﻧﺖ ﺑﺴﺮﻋﻪ ﺗﺘﻌﺐ ﻭﺟﻬﻪ ﻋﻠﻰ ﻏﻔﻠﻪ ﻳﺼﻴﺮ ﺍﺯﺭﻙ . ﻭﺷﻔﺎﻓﻬﺎ ﺭﺟﻠﻬﺎ ﺗﻮﺭﻡ ﻧﻮﺑﺎﺕ ﻭﺭﺟﻔﻪ ﺑﻀﻠﻮﻋﻬﺎ ﺗﺼﻴﺮ ﻭﺍﻟﻢ
ﺑﺼﺪﺭﻫﺎ ﻭﻛﻠﺒﻬﺎ
ﻭﺍﻟﻤﺴﻜﻦ ﻣﺎﻋﺪﻱ ﻏﻴﺮﻩ ﻣﺴﺘﺸﻔﻴﺎﺕ ﺣﺎﻟﻪ ﺣﺮﺏ ﻭﻳﻦ ﺍﻃﻠﻌﻬﺎ . ﻭﺍﻭﺩﻳﻬﺎ . ﻋﺎﻟﻌﻼﺝ ﻭﺑﺲ ﻳﻔﻚ ﺍﻟﻮﺿﻊ ﺍﻭﺩﻳﻬﺎ ﻣﻊ ﺍﻟﻌﻠﻢ ﻭﺩﻳﺘﻬﺎ ﻭﻛﺎﻟﻮﻟﻲ . ﺍﻻﺟﻬﺰﻩ ﻣﻮﺟﻮﺩﻩ ﺑﺲ ﺍﻻﻃﺒﺎﺀ ﻣﻮﻣﻮﺟﻮﺩﻳﻦ ﻭﺭﺟﻌﺖ ﺑﻴﻬﺎ ﻟﻠﺒﻴﺖ . ﺍﻟﺸﻮﺍﺭﻉ ﻓﺎﺍﺭﻏﻪ . ﻭﺍﻟﻨﺎﺱ ﻣﻴﺘﻪ ﺧﻮﻑ ﻣﻦ ﺍﻟﺠﺎﻱ
ﻭﺍﻟﺼﺤﺎﻓﻪ ﺗﻜﻮﻝ ﻣﺎﻛﻮ ﺍﻣﺮﻳﻜﺎﻥ ﻭﺍﺣﻨﺎ ﻧﺴﻤﻊ ﺻﻮﺕ ﺍﻟﻀﺮﺏ ﻭﺍﻟﺪﺑﺎﺑﺎﺕ ﺗﻤﺸﻲ ﺗﻬﺰ ﺍﻟﻜﻊ ﻭﺑﻴﻮﺗﻨﺎ ﺍﻟﻤﻄﻜﻄﻜﻪ
ﻣﻠﻴﻜﻪ ﻳﺎﺑﻪ ﺗﻜﻠﻴﻦ ﺍﻟﻜﺒﺎﺏ
ﻛﻠﻴﺘﻪ ﻳﺎﺑﻪ ﺟﺎﻱ ﺍﺳﻮﻱ ﺍﻟﻄﻤﺎﻃﺎ
ﺍﺣﻤﺪ - ﻟﺠﻌﻴﻬﺎ ﺯﻳﻦ ﻣﻠﻴﻜﻪ
ﺻﺎﺭ ﺑﻌﻴﻨﻲ
ﻭﺻﺒﺖ ﻣﻠﻴﻜﻪ ﻭﺍﻧﻠﻤﻴﻨﺎ ﻧﺎﻛﻞ ﺻﺒﺤﻪ ﺑﺘﻌﺐ ﺧﺒﺰﺕ ﻭﺗﻘﺮﺑﺖ ﻳﻤﻨﺎ ﺫﺑﺘﻪ ﻭﻧﺰﻋﺖ ﺩﺷﺪﺍﺷﻪ ﺍﻟﺨﺒﺰ ﺷﻠﺖ ﺍﻳﺪﻱ ﻭﻛﻌﺪﺕ ﻋﺪﻟﺖ ﺷﻌﺮﻫﺎ ﻭﺭﻩ ﺍﺫﻧﻬﺎ ﺍﺑﺘﺴﻢ
ﺑﺎﻭﻋﺘﻠﻲ ﻭﻧﺼﺖ ﻋﺮﻓﺖ ﻋﺪﻫﺎ ﺍﻟﻢ ﻣﻦ ﺗﺘﺎﻟﻢ ﺗﺘﻬﺮﺏ ﻣﻦ ﻋﻴﻮﻧﻲ
ﻫﻤﺲ ﺑﺬﻧﻬﺎ،ﺷﻴﻮﺟﻌﺞ ﻋﻴﻨﻲ ﺍﻧﺘﻲ
ﺷﻮﻱ ﻧﻔﺴﻲ
ﺍﺭﺗﺎﺣﻲ ﻭﺭﻩ ﺍﻟﻌﺸﺎ
ﺧﻮﺵ
ﻛﻨﻠﻨﺎ ﻋﺸﺎ ﻭﻏﺴﻠﺖ ﻭﻣﺪﺩﺗﻬﺎ ﺑﺎﻟﺤﻮﺵ ﻋﺎﻟﺠﻮﺩﻟﻴﻪ ﻭﺍﻟﻌﺐ ﺑﺸﻌﺮﻫﺎ ﻃﻠﻌﺖ ﺍﻧﻲ ﺑﺎﻟﻌﻮﺟﻴﻪ ﺳﻜﺮﻫﺎ ﺍﺛﺮ ﻋﻠﻰ ﺭﺟﻠﻬﺎ ﻭﻣﺸﻴﺘﻬﺎ ﻭﻣﻔﺎﺻﻠﻬﺎ ﺧﻠﻴﺖ ﺭﺍﺱ ﺻﺒﺤﻪ ﻋﻠﻰ ﺭﺟﻠﻲ ﺑﺤﻀﻨﻲ ﻭﺍﻧﺴﺪ ﺑﺸﻌﺮﻫﺎ ﻏﻤﻀﺖ ﻛﺎﻡ ﺣﻤﻮﺩﻱ ﻭﺟﺎﺏ ﺟﺮﺟﻔﻒ ﺧﻔﻴﻒ ﻏﻄﺎﻫﺎ ﻭﺑﺎﻭﻋﻠﻬﺎ
ﺷﻴﻮﺟﻌﺞ ﻳﻤﻪ
ﻣﺎﻳﻮﺟﻌﻨﻲ ﻳﻮﻡ ﻣﺎﺑﻴﻪ
ﻣﻠﻴﻜﻪ ﺗﻜﺪﺭﺕ ﻭﺍﻓﺘﺮﺕ ﺧﻠﺖ ﺭﺍﺳﻬﺎ ﺑﺤﻀﻨﻲ ﻋﻜﺲ ﺭﺍﺱ ﺍﻣﻬﺎ ﻭﺭﻓﻌﺖ ﺭﺍﺳﻬﺎ ﺗﻀﺤﻚ ﺍﺑﺘﺴﻤﺘﻠﻬﺎ ﻭﻛﻌﺪﺕ ﺍﻣﺴﺪ ﺑﺮﺍﺳﻬﺎ ﻫﻤﻴﻦ ﺍﻳﺪ ﻣﻨﺎ ﻭﺍﻳﺪ ﻣﻨﺎ
ﺣﺒﻲ ﻭﻛﻠﺒﻲ ﺑﺤﻀﻨﻲ ﺑﺎﻭﻋﺖ ﻻﺣﻤﺪ
ﻋﺪﻙ ﻫﻴﺞ ﺭﺍﺣﻪ
ﺭﺑﻲ ﻳﺨﻠﻴﻬﻢ ﻭﻳﺨﻠﻴﻚ ﺍﻟﻨﺎ ﻳﺎﺑﻪ
ﻓﺪﻭﻩ ﻟﺤﻠﻜﻚ ﺍﺑﻮ ﺷﻬﺎﺏ
ﺟﻨﺖ ﺍﺻﻔﻦ ﻋﻠﻴﻪ ﻏﺮﻳﺐ ﻭﺍﻟﻠﻪ ﺍﻟﻌﻀﻴﻢ ﻻﻓﺪ ﻳﻮﻡ ﺗﻨﺎﻛﺮ ﻭﻱ ﺍﺧﺘﻪ ﻻ ﻓﺪ ﻳﻮﻡ ﺗﺼﺎﻟﻒ ﻭﻱ ﺍﺣﺪ ﺑﺎﻟﺒﻴﺖ ﻟﻮ ﺑﺮﻩ ﺍﻟﺒﻴﺖ ﻳﺎ ﺍﻟﻠﻪ ﺧﺎﻑ ﻳﻄﻠﻊ ﺟﺒﺎﻥ ﻭﺗﺬﻛﺮﺕ . ﺭﻭﺣﻲ ﺍﻧﻲ ﺟﻨﺖ ﻫﻴﺞ ﻟﻴﺶ ﺍﺳﺘﻐﺮﺏ ﻫﺎﻱ ﺍﻟﺒﺤﻀﻨﻲ ﺍﻟﺼﻐﻴﺮﻩ ﺍﻭﻛﺢ ﻣﻨﻪ ﻭﺗﺘﻌﺎﺭﻙ ﻭﻳﺎﻩ ﺍﺫﺍ ﻋﺎﻁ ﺑﻴﻬﺎ ﻭﻳﺴﻜﺖ ﻋﻨﻬﺎ ﻳﻌﻮﻓﻬﺎ ﺭﺍﺳﻦ ﻭﻧﻔﺲ ﺍﻟﻮﻛﺖ ﺗﺨﺎﻑ ﻣﻦ ﺯﻋﻠﻪ ﻻﻳﺰﻋﻞ ﻻﻥ ﺍﺫﺍ ﻃﻨﻜﺮ ﻫﺎﻫﻲ ﺑﻌﺪ ﺍﻣﺮ ﻣﻦ ﺍﺑﻮ
ﺍﻳﺎﻡ . ﺍﻟﺤﺮﺏ ﻭﺍﻟﻀﺮﺏ .
ﻭﺍﺷﺘﺪ ﺍﻟﻀﺮﺏ ﻭﺍﻧﻲ ﺍﻋﻠﻲ ﺻﻮﺗﻲ ﺣﺘﻰ ﻳﻨﺘﺒﻬﻮﻥ ﻭﻳﺎﻳﻪ . ﻭﺍﻗﺺ ﺑﻬﺎﻟﻘﺼﺺ ﻭﻳﻮﻣﻴﻪ ﻣﻠﻴﻜﻪ ﺗﺨﺘﺎﺭ ﻗﺼﻪ ﺟﺪﻳﺪﻩ ﺑﺎﺑﺎ ﺍﺣﺠﻴﻠﻨﺎ ﻗﺼﻪ ﻧﺒﻲ ﺍﺩﻡ ﺍﻛﻮ ﻭﺍﺣﺪ ﻳﺘﺰﻭﺝ ﺍﺧﺘﻪ
ﻭﻣﻨﻮ ﻛﺎﻝ ﺍﺧﺘﻪ ﻳﺎﺑﺎ
قصص حسين العراقي ﺍﺣﻤﺪ - ﻳﺎﺑﻪ ﻫﻮ ﻣﻮ ﺍﻛﻮ ﻋﺪﻩ ﺍﺣﺎﺩﻳﺚ ﺍﻧﺖ ﻣﺮﻩ ﺣﺠﻴﺘﻠﻴﺎﻫﺎ
ﺍﻱ ﻳﺎﺑﻪ ﺍﻱ
ﻭﺍﺷﺘﺪ . ﺍﻟﻀﺮﺏ
ﺍﺳﻤﻌﻮ ﺑﺎﻭﻋﺖ ﻟﺼﺒﺤﻪ ﺭﻓﻌﺖ ﻋﻴﻨﻬﺎ ﺑﺎﻭﻋﺘﻠﻲ ﺗﺴﻤﻊ ﻭﺍﻣﻲ ﺗﺒﺎﻭﻋﻠﻬﺎ ﺑﻘﻠﻖ ﺻﺎﻓﻨﻪ ﻋﻠﻴﺖ ﺍﻟﻼﻟﻪ ﻭﺣﺠﻴﺖ
ﺍﻟﻨﺒﻲ ﺍﺩﻡ ﻋﻠﻴﻪ ﺍﻟﺴﻼﻡ ﻭﺗﺼﻴﺖ ﻋﻠﻰ ﻣﻠﻴﻜﻪ ﺍﻟﺼﻐﻴﺮﻩ ﺗﺒﺴﻤﺖ ﻛﺮﺻﺘﻬﺎ ﻣﻦ ﺍﺭﺗﺒﻪ ﺍﻧﻔﻬﺎ ﺟﺮﺕ ﺍﻳﺪﻱ ﻭﺑﺎﺳﺘﻬﺎ
ﺍﻛﻮ ﺍﺣﺎﺩﻳﺚ ﺛﻨﻴﻦ ﺑﺎﻭﻋﺖ ﻻﺣﻤﺪ ﺍﻛﻮ ﺣﺪﻳﺚ ﺗﻔﺴﻴﺮ ﻻﺑﻦ ﻛﺜﻴﺮ
ﻭﺍﻛﻮ ﺗﻔﺴﻴﺮ ﻟﻼﻣﺎﻡ ﺍﻟﺒﺎﻗﺮ . ﻋﻠﻴﻪ ﺳﻼﻡ ﺍﻟﻠﻪ
ﻭﺍﺣﻨﺎ ﻣﻜﻨﻨﺎ ﺑﺰﻣﻨﻬﻢ ﻟﺬﻟﻚ ﻧﺘﻘﺒﻞ ﺍﻟﺮﺍﻳﻴﻦ ﻭﻧﺤﺎﻭﻝ ﻧﺘﻘﺒﻠﻬﻢ . ﺍﺑﻮﻳﻪ ﺍﻟﻠﻪ ﻳﺮﺣﻤﻪ ﻳﻜﻮﻝ . ﻛﻠﻤﻦ ﺩﺍﺭﺱ ﻭﻣﻔﺴﺮ . ﻭﺍﻟﺮﺍﻳﻴﻦ ﻣﻘﺒﻮﻝ ﺑﻔﻘﻬﺎﺀ ﺍﻟﺪﻳﻦ
ﺍﻻﻣﺎﻡ ﺍﻟﺒﺎﻗﺮ ﻋﻠﻴﻪ ﺍﻟﺴﻼﻡ ﺷﻴﻜﻮﻝ
ﻳﻜﻮﻝ ﻛﻠﻤﺎ ﻛﺎﻧﺖ ﺣﻮﺍﺀ ﺗﺨﻠﻒ ﻭﻟﺪ ﻳﻨﺰﻟﻪ ﺍﻟﻠﻪ ﻣﻦ ﺍﻟﺤﻮﺭ ﺍﻟﻌﻴﻦ ﺯﻭﺟﻪ ﺍﻟﻪ ﺣﺘﻰ ﻳﺘﻢ ﺍﻟﺘﺰﺍﻭﺝ ﻭﻫﻜﺬﺍ ﺗﻜﺎﺛﺮﻭ
ﻭﺍﺑﻦ ﻛﺜﻴﺮ ﺷﻴﻜﻮﻝ ﻳﻜﻮﻝ ﻛﻞ ﻣﺎﻛﺎﻧﺖ ﺣﻮﺍﺀ ﺗﺤﺒﻞ ﺗﺤﺒﻞ ﺑﻮﻟﺪ ﻭﺑﻨﻴﻪ . ﻓﻜﺎﻥ ﻳﺘﺰﺍﻭﺟﻮﻥ ﺍﻟﻮﻟﺪ ﻣﻦ ﻫﺎﻟﺒﻄﻦ ﻳﻌﻨﻲ ﺷﻚ ﺍﻟﺘﻮﻡ ﻭﻱ ﺗﻮﺍﻣﻪ ﺍﻟﺒﻄﻦ ﺍﻟﻠﻲ ﺑﻌﺪﻫﺎ ﻭﻫﻴﺞ ﺗﻢ ﺍﻟﺘﻜﺎﺛﺮ
ﻣﻠﻴﻜﻪ - ﻳﺎﺑﻪ ﻟﻌﺪ ﻋﻠﻴﺶ ﻛﺘﻞ ﺍﺧﻮ
ﻳﺎﺑﻪ ﻣﻮ . ﺍﻛﻮ ﺭﻭﺍﻳﺘﻴﻦ
ﺍﻱ ﻳﺎﺑﻪ ﻓﻬﻤﺖ ﻭﺍﻟﻠﻪ
ﻭﺷﺒﻴﺞ ﺑﺎﺑﺎ ﻫﻬﻬﻬﻪ
ﻣﻮ ﺩﺍﺭﺩ ﺍﻋﺮﻑ
ﺍﻱ ﻫﺴﻪ ﺭﺍﺡ ﺍﻓﻬﻤﺞ ﻫﻬﻬﻬﻪ ﺣﻀﻨﺘﻬﺎ ﺟﺮﺕ ﺭﻭﺣﻬﺎ ﻣﻨﻲ ﺿﺎﻳﺠﻪ ﻭﺣﺠﻴﺖ ﺟﺎﻧﻮ ﺧﺎﻳﻔﻴﻦ ﻣﺘﻮﺗﺮﻳﻦ ﻭﺍﻧﻲ ﻭﻣﺤﺎﻭﻻﺗﻲ ﺑﺎﻟﺘﺨﻔﻴﻒ ﻭﺍﻻﻟﻬﺎﺀ ﻓﺸﻠﺖ ﺑﺲ ﺍﺳﺘﻤﺮﻳﺖ ﺑﺎﻟﻘﺼﻪ .
ﻳﻜﻠﻮﻥ ﻟﻤﻦ ﺣﻤﻠﺖ ﺣﻮﺍﺀ ﺑﻘﺎﺑﻴﻞ ﺣﻤﻠﺖ ﺑﺘﻮﺍﻡ ﺍﻟﻪ ﺍﺳﻤﻬﺎ ﺗﺮﻙ ﺍﻟﺤﻮﺭﺍﺀ ﻫﻴﺞ ﻛﺎﻥ ﺍﺳﻤﻬﺎ
ﺍﻱ
ﻛﺎﻟﺘﻬﺎ ﻭﺻﺎﺭﺕ ﺿﺮﺑﻪ ﻓﺰﻳﺖ ﺑﺎﻭﻋﺖ ﻟﻠﺪﺭﺝ ﺗﺴﺎﻗﻂ ﻣﻨﻪ ﺭﺫﺍﺫ ﺍﻟﺘﺮﺍﺏ ﻏﻤﻀﺖ ﻭﻫﻤﺴﺖ ﺑﺪﺍﺧﻠﻲ ﺩﺧﻴﻠﻚ ﺭﺑﻲ ﺍﺣﻤﺪ ﻟﻒ ﺍﻳﺪﻩ ﻋﻠﻴﻬﺎ ﺑﺎﻭﻋﺘﻠﻪ ﻣﻠﻴﻜﻪ . ﻣﺘﻔﺎﺟﺎﻩ ﻳﻤﻜﻦ ﺍﻭﻝ ﻣﺮﻩ ﻳﺴﻮﻳﻬﺎ ﺑﺎﻭﻋﺘﻠﻪ ﺑﻔﺨﺮ ﺍﺑﺘﺴﻢ ﻫﻤﺲ
ﻛﻤﻞ ﺣﺠﻲ ﻛﻤﻞ ﺍﻣﻲ ﺧﺎﻳﻔﻪ ﺗﺒﺎﻭﻉ ﻫﻤﺴﺖ
ﺳﻠﻤﺎﻥ ﺧﺎﻑ ﻳﻨﻬﺪ ﺍﻟﺒﻴﺖ ﻋﻠﻴﻨﺎ
ﻛﻮﻟﻲ ﻳﺎ ﺍﻟﻠﻪ ﺣﺠﻴﻪ
ﺑﺎﻭﻋﺘﻠﻲ ﻣﻠﻴﻜﻪ
ﻛﻤﻞ ﺑﺎﺑﺎ ﺣﺘﻰ ﻣﺎﺧﺎﻑ
ﺻﺎﺭ ﻣﻠﻮﻛﻪ
ﺍﻭﻝ ﻣﺮﻩ ﺣﻤﻠﺖ ﺑﻘﺎﺑﻴﻞ ﻭﺗﺮﻙ ﺍﻟﺤﻮﺭﺍﺀ ﺑﻌﺪﻳﻦ . ﻭﻭﺭﺍﻫﺎ ﺣﻤﻠﺖ ﺑﻬﺎﺑﻴﻞ ﻭﺗﻮﺍﻣﻪ ﺟﻬﻴﻨﻪ ﺍﻟﻠﻲ ﻛﺎﻧﺖ ﻣﻦ ﺍﺟﻤﻞ ﺟﻤﻴﻼﺕ ﺍﻻﺭﺽ ﻭﺍﻟﺴﻤﺎﺀ
ﻭﺍﻟﺮﻭﺍﻳﻪ ﺍﻟﺜﺎﻧﻴﻪ ﺗﻜﻮﻝ ﺍﻧﻪ ﻣﻮﺗﻨﺰﻝ ﻭﻱ ﻛﻞ ﻭﻟﺪ ﺣﻮﺭﻳﻪ ﺗﻜﻮﻥ ﺍﺧﺘﻪ ﻧﺰﻟﺖ ﻭﻱ ﻗﺎﺑﻴﻞ ﺗﺮﻙ ﺍﻟﺤﻮﺭﺍﺀ ﻭﻧﺰﻟﺖ ﻭﻱ ﻫﺎﺑﻴﻞ ﺟﻬﻴﻨﻪ
ﻓﺒﻌﺪ ﻓﺘﺮﻩ ﻣﻦ ﻛﺒﺮﻭ ﺧﺎﻑ ﻋﻠﻴﻬﻢ ﺍﻟﻨﺒﻲ ﻣﻦ ﺍﻟﻔﺘﻨﻪ ﻓﻜﺎﻝ ﻟﻘﺎﺑﻴﻞ ﺍﻧﻲ ﻗﺮﺭﺕ ﺍﺯﻭﺟﻚ ﻣﻦ ﺟﻬﺎﻧﻪ ﻭﺍﺯﻭﺝ ﻫﺎﺑﻴﻞ ﻣﻦ ﺍﺧﺘﻚ ﺗﺮﻙ ﺍﻟﺤﻮﺭﺍﺀ
ﻭﻗﺎﺑﻴﻞ ﺭﻓﺾ ﻛﻠﻪ ﺗﺰﻭﺝ ﺍﺧﺘﻲ ﺍﻟﺠﻤﻴﻠﻪ ﺍﻟﻪ ﻭﺗﻨﻄﻴﻨﻲ ﺍﺧﺘﻪ ﺍﻟﻘﺒﻴﺤﻪ ﻓﺎﻟﻨﺒﻲ ﻛﻠﻬﻢ . ﻫﺬﺍ ﺳﻬﻤﻴﻦ ﻭﻫﺬﺍ ﻣﻮﺿﻊ ﺍﻟﺴﻬﻢ ﻭﺍﺣﺪ . ﺑﺎﺳﻢ ﺍﺟﻬﺎﻧﻪ ﻭﻭﺍﺣﺪ ﺑﺎﺳﻢ ﺗﺮﻙ ﺍﻟﺤﻮﺭﺍﺀ ﺍﻟﻠﻠﻲ ﻳﺨﻠﻲ ﺍﻟﺴﻬﻢ ﻳﺎﺧﺬ ﺍﻻﺳﻢ ﺍﻟﻴﻄﻠﻌﻠﻪ
ﻭﺗﺰﻭﺝ ﻫﺎﺑﻴﻞ ﺗﺮﻙ ﺍﻟﺤﻮﺭﺍﺀ ﻻﻥ ﺍﺻﺎﺏ ﺍﻟﺴﻬﻢ ﺑﺎﻣﺮ . ﺍﻟﻠﻪ ﺍﻟﻠﻪ ﺭﺍﻳﺪ ﻫﺎﻟﺸﻲ
ﺑﺲ ﻣﻜﺘﻠﻪ
ﺻﺒﺮ ﻳﺎﺑﻪ
ﺍﻱ ﻳﺎﺑﻪ ﺩﻛﻠﻠﻲ ﻣﻮﺗﻌﺒﺖ ﺍﺭﻳﺪ ﺍﻋﺮﻑ
ﻫﻬﻬﻬﻪ ﺧﻠﻲ ﻳﺼﻴﺮ ﻋﺪﺝ ﺻﺒﺮ ﻳﺎﺑﻪ ﺑﺎﻭﻋﻠﺖ ﻟﺼﺒﺤﻪ ﻧﺎﻣﺖ ﻣﺮﺟﻴﻪ ﺭﺍﺳﻬﺎ ﻋﻠﻰ ﺩﺑﻪ ﺍﻟﻄﺮﺷﻲ ﺍﻟﻠﻲ ﻋﻠﻴﻬﺎ ﺍﻟﻜﻮﺷﻪ ﻣﺎﻝ ﺧﺒﺰ ﻏﻄﻴﺘﻬﺎ ﻭﺟﺮﻳﺖ ﻧﻔﺲ ﻭﺟﻬﻪ ﺣﻴﻞ ﺗﻌﺒﺎﻥ ﻭﻛﻤﻠﺖ ﺑﻨﻐﻪ ﻣﻠﻴﻜﻪ ﺍﻟﺼﻐﻴﺮﻩ ﺍﻟﻲ
ﻳﺎﺑﻪ ﻳﺎﺑﻪ
ﻫﺎ ﻳﺎﺑﻪ ﺍﻱ ﻭﺍﻛﻮ ﺭﻭﺍﻳﻪ ﺍﺧﺮﻯ ﺗﻜﻮﻝ ﺍﻟﻨﺒﻲ ﻛﻠﻬﻢ ﻗﺪﻣﻮ ﻗﺮﺑﺎﻥ ﻟﻠﻪ ﻭﺍﻟﻠﻲ ﻳﺘﻘﺒﻞ ﺍﻟﻠﻪ ﻗﺮﺑﺎﻧﻪ ﻳﺎﺧﺬ ﺗﺮﻙ ﺍﻟﺤﻮﺭﺍﺀ
ﻗﺎﺑﻴﻞ ﻛﺎﻥ ﻣﺰﺍﺭﻉ
ﻭﻫﺎﺑﻴﻞ ﺭﺍﻋﻲ
ﺷﺴﻮﻩ ﻫﺎﺑﻴﻞ
ﺷﺴﻮﻩ ﻳﺎﺑﻪ
ﻧﻄﻪ ﺍﻏﻠﻰ ﺷﻲ ﺑﺎﻏﻨﺎﻣﻪ ﻭﺍﺣﺴﻨﻬﺎ ﻗﺮﺑﺎﻥ ﻟﺮﺏ ﺍﻟﻌﺎﻟﻤﻴﻦ
ﻗﺎﺑﻴﻞ ﻧﻔﺴﻴﺘﻪ ﻣﻮ ﻧﻀﻴﻔﻪ ﻧﻄﻪ ﺍﺭﺧﺺ ﺷﻲ ﺑﺎﻟﺰﺭﻉ ﻣﺎﻟﺘﻪ ﺷﻌﻴﺮ ﻓﺎﺳﺪ
ﺍﻟﻠﻪ . ﺑﺎﺫﻧﻪ ﺣﺮﻙ ﺷﻌﻴﺮﻩ ﺑﻨﺎﺭ ﻧﺰﻟﻬﺎ ﻣﻦ ﺍﻟﺴﻤﺎﺀ
ﻭﺗﻘﺒﻞ . ﻗﺮﺑﺎﻥ ﻫﺎﺑﻴﻞ ﻻﻥ ﻧﻴﺘﻪ ﺳﻠﻴﻢ ﻣﻮﻻﻥ ﺍﻓﻀﻞ ﺷﻲ ﻻ ﺑﺲ ﺍﻟﻨﻴﻪ ﺍﻟﺴﻠﻴﻤﻪ ﺍﻟﻠﻲ ﻳﺮﻳﺪ ﻳﻨﻄﻲ ﺍﺣﺴﻦ ﺷﻲ ﻟﺮﺏ ﺍﻟﻌﺎﻟﻤﻴﻦ
ﺍﻱ ﻳﺎﺑﻪ
ﻓﺘﻘﺒﻞ ﻗﺮﺑﺎﻧﻪ
ﺍﻟﺤﺴﺪ ﺧﻠﻪ ﺍﺥ ﻳﻘﺘﻞ ﺍﺧﻮ ﻫﺎﺑﻴﻞ ﻣﺮﺿﻪ ﻛﻠﻪ ﺍﺫﺍ ﻣﺪﻳﺖ ﺍﻳﺪﻙ ﺗﺮﻳﺪ ﺗﻜﺘﻠﻨﻲ ﺍﻧﻲ ﻣﺎﺍﻣﺪ ﺍﻳﺪﻱ ﻭﺍﻛﺘﻠﻚ ﺗﺎﻟﻲ ﻗﺘﻠﻪ ﻭﺿﻞ ﺷﺎﻳﻠﻪ ﻳﻔﺘﺮ ﺑﻲ ﻣﻴﻌﺮﻑ ﺷﻴﺴﻮﻱ ﻣﺤﺪ ﻣﻴﺖ ﻗﺒﻠﻪ ﻭﺩﺍﻓﻨﻲ ﻣﻴﻌﺮﻓﻮﻥ ﻋﺎﺩ ﺷﺎﻑ ﻏﺮﺍﺏ ﻳﺪﻓﻦ ﻏﺮﺍﺏ ﻣﻴﺖ ﻭﺳﻮﻩ ﻣﺜﻠﻪ
ﻛﻤﻠﺖ ﻭﺻﺎﺭﺕ ﺿﺮﺑﻪ ﻛﻠﺶ ﻗﻮﻳﻪ ﻛﺴﺮﻩ ﺍﻟﺠﺎﻡ ﻟﻤﻴﺘﻬﻢ ﻟﺠﻮﻩ ﺍﻟﺪﺭﺝ ﻭﻫﺪﺍﺕ ﺗﻘﺮﻳﺐ ﺍﻟﻌﺸﺮ ﺩﻗﺎﻳﻖ ﺩﻛﺖ ﺍﻟﻐﺎﺭﻩ ﺗﻌﻠﻦ ﺍﻧﺘﻬﺎﺀ ﺍﻟﻀﺮﺏ ﻭﺗﻤﺪﺩﻧﺎ ﻭﺍﺣﺪ ﺑﺼﻒ ﺍﻟﻠﺦ ﺍﻟﻒ ﻣﺮﻩ ﻗﺮﻳﺖ ﺍﻟﺤﻤﺪ ﻭﻧﻤﺖ ﺳﺎﻋﻪ ﺍﻛﻞ ﺑﺮﻭﺣﻲ ﺍﻣﻮﻝ ﻟﻴﺶ ﻣﺮﺣﺖ ﻟﻠﺨﺎﻟﺺ ﻭﻱ ﺭﺍﺟﺢ . ﺳﺎﻋﻪ ﺍﻛﻮﻝ ﻻ ﻣﺎﻋﻮﻑ ﻭﻳﻦ ﺍﺭﻭﺡ ﺑﻜﻞ ﻣﻜﺎﻥ ﺣﺮﺏ ﺍﻣﻲ ﻣﻨﺎﻣﺖ ﺑﺲ ﺍﺳﻤﻊ ﻫﻤﺲ ﻗﺮﺍﻧﻬﺎ
ﺣﺴﻴﺖ ﺍﻟﻔﺠﺮﻳﻪ ﻭﻱ ﺍﻟﻮﺫﺍﻥ ﻭﺍﺑﺎﻭﻉ ﺻﺒﺤﻪ ﻣﻘﺮﻓﺼﻪ ﻛﻤﺖ ﺻﻠﻴﺖ ﺧﻔﺖ ﺍﻛﻌﺪﻫﺎ ﺷﺘﻐﺮﺑﺖ ﻣﻜﻌﺪﺕ ﺑﺲ ﻛﻠﺖ ﺧﻠﻴﻬﺎ ﻣﺮﺗﺎﺣﻪ ﺧﻄﻴﻪ ﺗﻮﻩ ﺧﻒ ﻭﺟﻌﻬﺎ . ﻧﺎﻣﺖ ﺩﺍﺻﻠﻲ ﺍﻟﺘﻔﺘﺖ ﻣﻠﻜﻴﺘﻬﺎ ﺷﻔﺘﻬﺎ ﻃﺒﺖ ﺍﻟﻐﺮﻓﻪ ﻭﻫﻢ ﻣﺼﻠﺖ ﺗﻤﺪﺩﺕ ﺑﻔﺮﺍﺷﻬﺎ
ﺭﺣﺖ ﻳﻤﻬﺎ
ﺻﺒﻮﺣﻪ ﻋﻴﻮﻧﻲ ﺷﺒﻴﺞ ﻣﺘﺼﻠﻴﻦ
ﻻﻻ ﺍﺭﻳﺪ ﺍﻧﺎﻡ
ﻫﺎ ﻛﻴﻔﺞ
ﺟﻴﺖ ﺍﻧﺎﻡ ﻳﻤﻬﺎ ﻫﻤﺴﺖ
ﺭﻭﺣﻲ ﻳﻢ ﺍﻟﺠﻬﺎﻝ ﺧﻄﻴﻪ ﻳﺨﺎﻓﻮﻥ
ﻭﺍﻋﻮﻓﺞ ﻭﺣﺪﺝ ﺍﻣﺸﻲ . ﻳﻤﻨﺎ
ﻣﺎﺟﺎﻱ ﺍﺭﺗﺎﺡ ﻋﺎﻟﻜﺎﻉ ﻣﻌﻠﻤﻪ ﻋﺎﻟﺪﻻﻝ ﻣﻌﻠﻤﻪ ﻋﺎﻟﺠﺮﺑﺎﻳﻪ ﺳﻠﻤﺎﻥ
ﺍﺑﺘﺴﻤﺖ ﻧﺼﻴﺖ ﺑﺴﺘﻬﺎ ﻣﻦ ﺭﺍﺳﻬﺎ ﺣﺴﻴﺖ ﻛﺼﺘﻬﺎ ﺛﻠﺞ
ﺻﺒﺤﻪ ﺷﺪﺗﺤﺴﻴﻦ
ﻣﺎﺟﺎﻱ ﺍﺣﺲ ﺑﺸﻲ
ﻛﺼﺘﺞ ﺛﻠﺞ ﻏﻄﻴﺘﻬﺎ ﻭﺍﺑﺎﻭﻋﻠﻪ ﺗﺮﺟﻔﻴﻦ ﺻﺒﺤﻪ
ﺍﻱ ﺷﻮﻱ ﻛﺎﻣﺸﺘﻨﻲ ﺍﻟﺒﺎﺭﺩﻩ
ﻟﻔﻴﺘﻬﺎ ﺑﺤﻀﻨﻲ ﻛﺮﻣﺸﺖ ﺟﻔﻮﻧﻬﺎ
ﻫﻤﺴﺖ
ﺍﻭﻝ ﻋﺸﻚ ﻣﺮ ﺑﻄﻮﺍﻳﻒ ﺭﻭﺣﻲ
ﺍﻭﻝ ﻧﻀﺮﻩ ﺧﻠﺘﻨﻲ ﺍﺳﻬﺮ ﺍﻟﻠﻴﻞ
ﺍﺑﺘﺴﻤﺖ
ﺣﺘﺨﻠﻴﻨﻲ ﺍﺷﻮﻁ ﺗﺮﻩ ﺩﻳﺮ ﺑﺎﻟﺞ ﻣﻨﻲ ﻭﻟﻔﻴﺘﻬﺎ ﺍﻗﻮﻯ ﻭﺍﺑﻮﺱ ﺑﺮﺍﺳﻬﺎ
ﺍﻧﻪ ﺑﺲ ﺍﺭﺩ ﺍﺷﻮﻓﻦ ﺍﻧﻪ ﺷﺴﻮﻳﺖ ﻭﺍﻟﻠﻪ ﻋﻄﺎﻙ ﻟﻴﻪ
ﻧﻴﺘﺞ ﺻﺎﻓﻴﻪ
ﻳﻌﻨﻲ ﻟﻮﻥ ﺿﺎﻟﻪ ﻋﺪ ﺍﺑﻮﻱ ﻣﺎﺟﺎﻥ ﺻﺮﺕ ﻧﻔﺲ ﺍﻭﺧﻴﺘﻲ ﺗﺪﺭﻱ ﺍﻧﻪ ﺧﻠﻴﻔﻪ ﻋﻠﻴﻬﺎ
ﺷﺴﺸﺶ
ﻭﺍﻟﻠﻪ ﺧﺎﻳﻔﻪ ﻋﻠﻴﻬﺎ ﻣﻦ ﺑﺎﺟﺮ ﺧﺎﻳﻔﻪ ﺗﻜﻒ ﺑﻴﻦ ﺍﻳﺪﻳﻦ ﺭﺏ ﺍﻟﻌﺒﺎﺩ ﻭﻫﻲ ﻣﻔﺘﺸﻠﻪ ﺳﻠﻤﺎﻥ ﺷﻠﻮﻥ
ﺣﺒﻴﺒﺘﻲ ﻋﺪﻫﺎ ﻋﻘﻞ ﻭﺗﻔﻜﺮ ﺑﻲ
ﺷﻜﺪ ﻛﺘﻠﻬﺎ ﻭﺗﻮﺳﻠﺖ ﺑﻴﻬﺎ ﻓﺪ ﺗﻬﺰ ﺭﺍﺳﻬﺎ ﻣﺎﻋﺎﺟﺒﻬﺎ
ﺍﻟﻠﻪ ﻛﺮﻳﻢ
ﺗﺤﺠﻲ ﻭﺗﺮﺗﺠﻒ ﻏﻄﻴﺘﻬﺎ ﻏﻄﻪ ﻟﺦ
ﺳﻠﻤﺎﻥ ﺍﻧﻪ ﺻﺮﺕ ﺑﻨﻴﺘﻚ ﻭﺣﺒﻴﺒﺘﻚ ﻭﻣﺮﻳﺘﻚ ﺗﻌﺮﻑ ﻟﻴﻠﻴﻪ ﺍﺫﻛﺮ ﺍﺑﻮ ﻋﻠﻲ ﺍﺑﻮ ﺍﻟﻤﻠﻚ ﺑﺼﻼﻩ ﺍﻟﻠﻴﻞ ﻋﺒﻦ ﻋﺪﻩ ﺗﻌﺮﻓﺖ ﻋﻠﻴﻚ
ﺍﻧﻪ ﺗﻌﺮﻓﺖ ﻋﻠﻴﺞ ﺑﻄﻴﻔﻲ
ﻋﺎﺩ ﺍﻧﺖ ﻃﻴﻔﻚ ﻭﻻﻳﻐﻠﻂ
ﻫﻤﺴﺘﻬﺎ ﻭﻟﺰﻣﺖ ﻭﺟﻬﻲ ﻭﻋﺼﺮﺕ ﺭﻭﺣﻬﺎ
ﺷﻴﻮﺟﻌﺞ ﺍﺑﻮﻳﻪ ﻟﺘﺨﺒﻠﻴﻨﻲ
ﻻ ﻣﺎﻣﺶ ﻭﻛﺎﻣﺖ ﻓﺎﺗﺖ ﻟﻠﺤﻤﺎﻡ ﺷﻮﻱ ﻭﺭﺟﻌﺖ ﺟﻨﺖ ﺍﺣﺴﻬﺎ ﺗﻤﺸﻲ ﺑﺒﻄﺎ
ﺣﺒﻴﺒﻪ ﻟﻴﺶ ﻫﻴﺞ ﺗﻤﺸﻲ
ﺣﺘﻰ ﻣﺎﻳﻮﻋﻮﻥ ﻋﻠﻲ
ﻭﺭﺟﻌﺖ ﻧﺎﻣﺖ ﻳﻤﻲ ﻏﻔﻴﻨﺎ ﻭﺍﺣﺲ ﻛﻞ ﺷﻮﻱ ﺗﺘﻘﻠﺺ ﺑﺤﻀﻨﻲ ﻭﺗﺮﺟﻊ ﺗﻔﻚ ﻭﺗﺮﺟﻊ ﺗﻨﺎﻡ ﺻﺒﺎﺡ ﺍﻟﻴﻮﻡ ٨ - ﻛﻌﺪﺕ ﺍﻟﺼﺒﺢ ﺭﻭﺣﻲ ﻣﻠﺒﻮﺟﻪ ﻭﺻﺒﺤﻪ ﻧﺎﻳﻤﻪ ﻏﻄﻴﺘﻬﺎ ﺯﻳﻦ ﺗﺬﻛﺮﺕ ﻣﻦ ﺑﺪﺍﻳﻪ ﺯﻭﺍﺟﻨﺎ ﺍﻋﻮﻓﻬﺎ ﺩﻓﻴﺎﻧﻪ ﻭﺍﻃﻠﻊ ﻭﻃﻠﻌﺖ ﺍﺟﻴﺐ ﺩﺑﺲ ﻣﻠﻴﻜﻪ ﻗﺒﻞ ﻳﻮﻡ ﻭﺻﺘﻨﻲ ﻭﺍﻣﻬﺎ ﻣﺴﻮﺕ ﻫﺎﻟﺼﻴﻒ ﻭﻣﻠﺤﻜﺖ ﺗﻜﺒﺲ ﺑﺴﺒﺐ ﻣﺮﺿﻬﺎ ﺍﺷﺘﺮﻳﺖ ﻭﺭﺟﻌﺖ ﻃﺒﻴﺖ ﺣﻀﺮﺕ ﺍﻟﺮﻳﻮﻙ ﻭﺣﻤﻮﺩﻱ ﻭﻳﺎﻳﻪ ﻳﺴﺎﻋﺪﻧﻲ ﻣﻠﻴﻜﻪ ﻭﺍﻧﻲ ﻭﺻﺒﺤﻪ ﻧﺎﻳﻤﻴﻦ ﺭﻭﺣﻲ ﺗﺮﺟﻒ ﻣﺪﺭﻱ ﺷﺒﻴﻪ ﺍﺷﺘﻐﻞ ﻭﺑﺎﻟﻲ ﻳﻤﻬﺎ
ﻫﺴﻪ ﺍﻓﻮﺕ ﺍﻭﻋﻴﻬﺎ
ﻫﺴﻪ ﺍﺻﻴﺤﻬﺎ ﺗﺎﻛﻞ ﻭﻳﺎﻧﺎ ﻭﺍﺯﻳﻦ ﺑﺎﻟﻤﺎﻋﻮﻥ ﺍﻟﺒﻴﺾ ﻭﺍﻟﺒﺘﻴﺘﻪ ﻫﻲ ﺗﺤﺒﻪ ﻫﺴﻪ ﺗﻜﻴﻒ ﻣﻦ ﺗﺸﻮﻑ ﺍﻟﺼﻴﻨﻴﻪ
ﻛﻤﻠﺖ ﻭﻛﻌﺪ ﺍﺣﻤﺪ ﺍﺧﺘﻪ ﻭﺑﺒﻴﺘﻪ ﻭﺍﻧﻲ ﻃﺒﻴﺖ
ﺻﺒﻮﻭﺡ
ﺻﺒﻮﺣﻪ ﻛﻮﻣﻲ ﺳﻮﻳﺘﻠﺞ ﺭﻳﻮﻙ ----
ﻳﺘﺒﻊ
ﺍﺷﺮﻓﺖ ﺷﻤﺲ ﻗﺼﺘﻲ ﺑﺎﻟﻤﻐﻴﺐ ﻟﻜﻦ ﻣﺎﺍﻥ ﺗﻐﻴﺐ ﺣﺘﻰ ﺗﺸﺮﻕ ﻏﻴﺮﻫﺎ ﻏﺪﺍ
ﺍﺍﻻﻳﺎﻡ ﺍﻟﺠﺎﻳﻪ ﻧﺎﺧﺬ ﻛﺎﻣﺮﺗﻨﺎ ﻭﻧﺴﺎﻓﺮ ﻟﻠﻤﻨﻄﻘﻪ ١٣ ﻓﺘﻬﻴﺎﻭ ﻟﻠﺴﻔﺮﻩ
ﻣﻨﻜﻢ ﻭﺍﻟﻴﻜﻢ ﻣﺮﻳﻢ ﺍﻟﺴﻌﺪﻱ
