ﺩﻭﺭﺍﺕ ﺍﻟﻮﻛﺖ ﻣﺎﻳﺸﺒﻊ ﻣﻦ ﺩﻣﻮﻋﻚ
ﻭﻧﻮﺑﺎﺕ ﺗﺸﻌﺮ ﺑﺎﻟﻪ ﻳﻢ ﻣﻮﺿﻮﻋﻚ
ﻋﻔﻴﻪ . ﺍﻟﺪﻧﻴﺎ ﻟﻮ ﻟﻔﺖ ﺑﻨﻲ ﺍﺩﻡ
ﺗﻮﻛﻌﻠﻚ ﻫﻄﺮ ﺣﺪ ﻛﺴﺮﺕ ﺿﻠﻮﻋﻚ
ﺍﺳﻴﻨﺎﺕ - ﺑﻘﻴﺖ ﻫﺎﻟﻔﺘﺮﻩ ﻣﺎﺍﻧﺰﻝ ﺭﻏﻢ ﺗﺼﻴﺦ ﻋﻠﻴﻪ ﺑﺲ ﻣﺮﺩﺕ ﺍﻣﺴﺮ ﺣﺠﺎﻳﻪ ﺣﻤﺰﻩ ﻭﺧﻔﺖ ﻟﺘﻮﻛﻊ ﺷﻲ ﻟﺦ ﺑﺮﺍﺳﻲ ﻭﺗﻮﺭﻃﻨﻲ . ﺑﺲ ﺗﺎﻟﻲ ﻣﻦ ﺧﻮﻓﻲ ﻣﻨﻬﺎ ﺿﻌﻔﺖ ﻭﻣﻦ ﺻﺎﺣﺖ ﺭﺩﻳﺖ
ﻧﻌﻢ ﺧﺎﻟﻪ
ﻣﺘﻨﺰﻟﻴﻦ ﺗﻨﻀﻔﻴﻦ ﺣﺘﻀﻠﻴﻦ ﻣﻘﻨﺰﻋﻪ ﻓﻮﻙ
ﺍﻱ ﺧﺎﻟﻪ
ﻧﺰﻟﺖ ﻧﻀﻔﺖ ﻭﻣﻠﻌﺒﺖ ﺑﻐﺮﻓﺘﻬﺎ
ﻭﻛﻠﺴﺎ ﺗﺒﺴﻤﺮ
ﺷﻮﻓﻲ ﺍﻟﺪﻧﻴﺎ ﺷﻮﻥ ﺗﻔﺘﺮ ﻭﺗﻄﻠﻊ ﺍﻟﺤﻮﺑﻪ .
ﺑﺎﻉ ﺍﻣﺞ ﻟﻔﺖ ﻋﻠﻰ ﺍﺑﻮﺝ ﺣﺪ ﻣﺎﺍﺧﺬﺗﻪ ﻣﻦ ﺑﻴﺘﻪ ﻭﺟﻬﺎﻟﻪ ﺗﺎﻟﻲ ﻫﺴﻪ ﺻﺮﺗﻲ ﺑﻴﺪﻱ ﺧﺪﺍﻣﻪ
ﻣﺪﺭﺗﻠﻬﺎ ﺑﺎﻝ
ﻭﺭﺩﺕ ﻛﺎﻟﺖ
ﺷﻄﻠﻌﺘﻲ
ﻧﺎﺟﺤﻪ ﺧﺎﻟﻪ
ﻭﺷﻨﻮ ﺗﺮﺩﻳﻦ ﺗﻜﻤﻠﻴﻦ ﺑﻄﻠﻲ ﺑﻄﻠﻲ ﺍﺑﻘﻲ ﺑﺎﻟﺒﻴﺖ ﺍﻭﻟﺘﺞ ﻭﺗﺎﻟﻴﺘﺞ ﻟﺨﺪﻣﻪ ﺍﻟﺒﻴﻮﺕ
ﺧﺎﻟﻪ ﺍﺫﺍ ﺍﺷﺘﻐﻠﺖ ﺑﻴﺖ ﺍﺑﻮﻳﻪ ﻫﺬﺫﺍ ﻣﻮ ﻋﻴﺐ ﺑﺲ ﻣﺴﺘﻘﺒﻠﻲ ﻣﺤﺪ ﻳﺘﺪﺧﻞ ﺑﻲ ﻭﺑﺎﺑﺎ ﻭﺣﻤﺰﻩ ﻳﺮﺩﻭﻧﻲ ﺍﻭﺻﻞ
ﺷﺘﻮﺻﻠﻴﻦ ﺟﻬﺎﺍ ﻳﺎ ﺍﻟﻠﻪ ﺑﺎﺑﺎ ﺍﻧﺘﻲ ﻏﺒﻴﻪ ﻣﺜﻞ ﺍﻣﺞ ﺭﻗﻴﻪ ﺍﻟﺬﻛﻴﻪ ﻋﺎﻓﺖ ﺩﺭﺍﺳﺘﻬﺎ ﻭﺑﻄﻠﺖ ﻭﺗﺰﻭﺟﺖ ﻓﺪﻭﻩ ﻟﻌﻴﻨﻬﺎ ﺍﻧﺘﻲ ﻫﻢ ﻳﻤﻪ ﺑﻄﻠﻲ ﺍﻟﻌﺎﻟﻢ ﻣﻦ ﺗﺸﻮﻑ ﺍﻟﺒﻨﻴﻪ ﺗﺮﻭﺡ ﻭﺗﺠﻲ ﺑﺎﻟﺸﺎﺭﻉ ﺍﻟﻌﻴﻦ ﺗﺼﻴﺮ ﻋﻠﻴﻬﺎ ﻳﻜﻮﻟﻮﻥ ﺍﺧﻮﺗﻬﺎ ﻫﺎﺩﻳﻬﺎ
ﺧﺎﻟﻪ ﺍﻧﻲ ﻣﺎﻣﺴﻮﻳﻪ ﺷﻲ ﻏﻠﻂ ﺣﺘﻰ ﻳﺨﺠﻠﻮﻥ ﻣﻨﻲ ﺍﺧﻮﺗﻲ
ﺍﻭﻭﻭﻱ ﺩﻛﻮﻣﻲ ﺣﺘﺼﻴﺮ ﺩﻛﺘﻮﺭﻩ ﺑﺮﺍﺳﻲ ﻛﻤﻠﺘﻲ
ﺍﻱ ﺧﺎﻟﻪ
ﺯﻳﻦ ﺗﺤﻴﻦ ﻭﻳﺎﻳﻪ ﺑﻴﺖ ﺍﺧﻮﻳﻪ ﻣﻮ ﺍﺧﻮﻳﻪ ﻭﻣﺮﺗﻪ ﻣﺴﺎﻓﺮﻳﻦ ﻭﻛﺎﻳﻠﻪ ﻟﺮﻗﻴﻪ ﺗﻌﺰﻝ ﺍﻟﺒﻴﺖ ﻛﺘﻠﻬﺎ ﺍﺟﻴﺒﻠﺞ ﺍﺧﺘﺞ ﻭﺍﺟﻲ
ﺑﻘﻴﺖ ﺻﺎﻓﻨﻪ ﻋﻠﻴﻬﺎ
ﺧﺎﻑ ﺑﺎﺑﺎ ﻳﺠﻲ ﻻ ﻣﺎﺍﻛﺪﺭ
ﺣﺘﻠﻮ ﺍﺟﻪ ﻫﺬﺍ ﻏﺪﻩ ﺟﺎﻫﺰ ﻣﺴﻮﻳﻪ ﺍﻧﻲ ﻭﻣﻦ ﻳﺠﻲ ﻳﺼﺐ ﻭﻳﺎﻛﻞ ﻫﺎ ﺗﺠﻴﻦ ﻣﻮ ﻫﺎﻱ ﺧﻄﻴﻪ ﻣﺘﻜﺪﺭ ﻭﺣﺪﻫﺎ
ﻣﺎﺷﻲ
ﺻﻌﺪﺕ ﺑﺪﻟﺖ ﻭﻧﺰﻟﺖ ﺟﻨﺖ ﻣﺎﺩﻳﺮ ﺑﺎﻝ ﻣﺎ ﺍﺗﻌﺐ ﻣﻦ ﺍﻟﺸﻐﻞ ﺑﺲ ﻛﻮﻥ ﺗﻬﺪﻩ ﻭﻳﺎﻳﻪ ﻫﻲ ﻭﺭﻗﻴﻪ ﻭﺍﻟﻠﻪ ﻣﺎﻋﺪﻱ ﺷﻲ ﻭﻳﺎﻫﻢ
ﻭﻃﻠﻌﺖ ﻭﻱ ﺧﺎﻟﻪ
ﻭﺻﻠﻨﺎ ﺑﻴﺖ ﺭﻗﻴﻪ ﺍﻟﺒﻴﺖ ﻳﺨﺒﻞ ﻓﺪ ﺣﻠﻮ ﻭﺟﺒﻴﺮ ﻧﻔﺲ ﺑﻴﻮﺕ ﺍﻟﺪﻳﻮﺍﻧﻴﻪ ﺑﺲ ﺣﺪﻳﺚ ﻛﻠﺶ
ﻭﺟﺒﻴﺮ ﻭﺑﻴﺖ ﺻﻐﻴﺮ ﺑﺒﻄﻨﻪ ﺑﺲ ﺍﻟﺼﻐﻴﺮ ﻫﺬﺍ ﻳﻄﻠﻊ ﺏ٢٠٠ ﻣﺘﺮ
ﻟﻜﻴﻨﺎ ﻗﺎﺳﻢ ﻧﺎﻳﻢ ﻫﻨﺎﻙ ﺑﻐﺮﻓﻪ ﻣﻦ ﺍﻟﻐﺮﻑ ﺗﻌﺠﺒﺖ ﻣﻨﻬﺎﻱ ﻣﻴﻌﺠﺒﻬﻢ ﻳﺠﻮﻥ ﻋﺪﻧﺎ
ﻛﻌﺪ ﻣﻦ ﺍﻟﻨﻮﻡ ﻳﻔﺮﻙ ﺑﻌﻴﻨﻪ
ﻫﺎﻳﻤﻪ ﺟﻴﺘﻲ
ﺍﻱ ﻳﻤﻪ ﺗﺎﻛﻞ ﻳﻠﻪ ﺍﺳﻴﻨﺎﺕ ﻛﻮﻣﻲ ﻋﺎﻟﺒﻴﺖ
ﺷﻨﻮ ﺍﺳﻮﻧﻪ ﻭﻳﺎﺝ
ﺍﺑﺘﺴﻢ ﻣﻦ ﻣﺪ ﺭﺍﺳﻪ ﻭﺍﻧﻲ ﺍﻧﺰﻉ ﺍﻟﺤﺠﺎﺏ ﺍﺑﺘﺴﻢ ﻋﺎﻛﺪ ﺣﺎﺟﺒﻪ . ﻫﺎﻱ ﺷﻌﺠﺐ ﺟﻴﺘﻲ ﻫﻨﺎ
ﺧﺨﺎﻟﻪ ﻛﻠﺘﻠﻲ
ﺍﺑﺘﺴﻢ ﺷﺎﻝ ﺍﻳﺪﻩ ﺍﺷﻮﻟﻲ ﺗﻌﺎﻱ
ﻳﺎﺑﻪ ﻛﻠﺒﻲ ﺷﻜﺒﺮﻩ ﺻﺎﺭ ﺗﻘﺮﺑﺖ ﻣﻨﻪ ﺑﺎﺳﻨﻲ ﻣﻦ ﺭﺍﺳﻲ ﺻﺎﺭ ﺷﻬﺮﻳﻦ ﻣﺸﺎﻳﻔﺘﻪ
ﺷﻮﻧﺞ ﻭﻟﺞ ﻛﺒﺮﺍﻧﻪ
ﺍﻱ ﻫﻪ ﻭﻧﺼﻴﺖ ﺧﺠﻼﻧﻪ ﺷﻨﻮ ﺟﺎﻳﻪ ﺗﺴﺎﻋﺪﻳﻦ ﺭﻗﻴﻪ
ﺍﻱ
ﻳﺎ ﺍﻟﻠﻪ ﺍﻟﻠﻪ ﻳﻬﺪﻳﻜﻢ
ﻧﺰﻟﺖ ﺭﻗﻴﻪ ﺟﺎﻧﺖ ﺗﻮﻫﺎ ﻛﺎﻋﺪﻩ ﺳﺎﻋﻪ١٢ ﺍﻟﻀﻬﺮ ﻻﺑﺴﻪ ﺗﺮﺍﻛﺴﻮﺩ ﺣﺼﺮ ﻭﺍﻟﺒﺪﻱ ﺍﺳﻘﻴﺎﺕ ﻓﺪ ﻳﻔﺸﻞ ﺷﻜﻠﻪ ﻛﺪﺍﻡ ﺍﻟﻮﻟﺪ
ﺑﻮﺳﺖ ﺍﻣﻬﺎ ﻭﺑﺎﻭﻋﺘﻠﻲ ﺑﻤﻠﻞ
ﺯﻳﻦ ﺳﻮﻳﺘﻲ ﺣﺒﺘﻴﻬﺎ ﻣﺒﻲ ﺣﻴﻞ ﻭﺣﺪﻱ ﻣﺎﻣﺎ ﻫﺎﻱ ﻣﺮﺕ ﺍﺧﻮﺝ ﺣﺎﺟﻴﻬﺎ ﺑﻄﻠﺖ ﺍﻟﺨﺪﺍﻣﻪ ﺑﻘﺖ ﺑﺲ ﻭﺣﺪﻩ ﺍﻧﻲ ﺑﻴﻪ ﺣﻴﻴﻞ
ﺍﻱ ﻳﻤﻪ ﻏﻴﺮ ﺍﻧﺘﻲ ﺑﻌﺪ ﻭﻳﺎ ﺍﻟﺨﺪﺍﻣﻪ ﺍﻟﺜﺎﻧﻴﻪ ﺗﺴﺎﻋﺪﻳﻬﺎ
ﺍﻫﻮﻭﻭ ﺍﻧﻲ ﺑﻴﻪ ﺣﻴﻞ
