🍂بنت_صحراء🍂 ( مكتملة )

الجزء 1

الأم....يامنتي بلقيس. تعطلناااا. اعجلي

البنت .. مايا(مي). والله كون غير عفيتيني من هاد الحضور

الأم...الا وينتى لهي تمي گاعدة بين اربع الحيوط. زيد هادي رفيقتي. لالة ام سلطان. ال هاشم. رفيقة من. سنين. وسنين. مهبطات لعيون. ونهار جات تعدل دي العرضة مانحضروها حشومة وعيب

خرجاااات. البنت عند امهاااا. لابسة ملحفة. من توب الرفيع. في الأزرق ملكي. ومرشوش. الزقلي. دهبي ديال الحضور. بنت تكون عندهاا ديك 19 عام. ولكن عامرة. تبركلاه وزينة. تشوفهااا تنهت. زينها زين صحروااا خدااات. من عندهم جمال الشعر وجمال. العيون. وشكل. ..بشرتها القمحية .. الحنة في يدهااا سودا نقش صحراوي. من دكشي. ..

شافتهااا الأم وقالت. بصوت مرتااافع قااااصدة تسمع. لودنين لي على الباب كيتصنتو ...يا وني بيها شوفة مشاااء الله. بمنت الصحراااء ما خلات البيضة ما تقول

نترت الأم من خزنتهااا. اكسوار ديال دهب باين غالي ورفيع ولبساتو لها مفتاااخرة بزين منتها حيت عارفة. عندهااا نقرة صااافية. ... گراي يامنتي گراي على راسك القرأن

ضحكات. بلقيس. وقالت ..يا مايا (مي ) لا تزدي فيه. معندي جمال عبلة

الأم...عندك جمال. بنت صحراااء. يخلي عبلة. تنهد

كملو لبسهم وحدة تنسيك في الأخرى متفرق لا بين الأم ولا بين بنتهاا ...مهلين في راسهم ..

خرجو عند الباب فين كان واقف الشيفور كيتسنااااهم ...هزات الأم عنيها على غفلة. في ديور لي فوق منهااا لقاتهم ..ضريرتهااا كيطولو. ويحنزو في بلقيس

الأم... بهمس. شافوك يامنت بعين الرحمة

دار كانت. على شكل عمارة الطبقة الأولة ديال. ام. بلقيس. وتانية. لزوجة. التانية. لي من داخل التالثة لزوجة تالتة. سودانية الأصل. ...

رددت بنت سودانية الخامية... زهر ولمن عطاه الله.

قالت الزوجة التانية لي من داخل. ...عندهاا الزهر كيطيح الحجر ولدت اعباد الله غير بنت ودير ليها. مسعود (زوجهم) كيف الماء القليل وانا وياك يا ولية ولدنااا ولاد. وزهر متكعد ليناااا

يتبع🌺