سلام عليكم
قراءه ممتعه
كعدت العصريه ب4 من النوم كمت غسلت ولفيت الشال ونزلت جوه محد كاعد كله نايمه رحت للمطبخ فتحت الثلاجه وبقيت اباوع شريد لكيت تمن طلعته وحميته وطلعت روبه ويا وكعدت اكلت خلصت وغسلت المواعين ورحت للحديقة شي نص ساعه انفتح باب البيت وطب كيان تقدم الي وكمت من مكاني
كيان : أهلي كاعدين
جمانه : لا كله نايمه
كيان : وانتي شوكت كعدتي
جمانه : ما صارلي ساعه تقريبا من كعدت انته ماكل شي
كيان : اي اكلت بره اذا انتي جوعانه اكلي
جمانه : لا اني هم اكلت بس سألتك حتى إذا ما ماكل اسويلك
كيان : لا اكلت بره اني ليش كاعده هنا انتي
جمانه : لعد وين اروح الكل نايم
كيان : تابعين فلم لو لا
جمانه : اي بس شنو نوع الفلم
كيان : اكشن
جمانه : اي ميخالف لعد راح اسوي شاميه
طبينه للبيت سوت جدر شاميه سويت طاستين كزاز وصعدت فوك انطيته الطاسه اله وكعدنه نباوع على الفلم مركزين عليه واني مندمجه وياه احجي وسوي رد فعل واذا تعاركو اصير احجي وغلط عليهم كيان عصب وكال
كيان : هسه شلون اريد افهم الفلم
جمانه : والله يحركون الأعصاب شوف هذا الغبي راح يكتبه من وره وهوه واكف
كيان : هذا تمثيل مو حقيقه خل اكمل الفلم من دون صوت ولغوه زايده
جمانه : اي ماشي
بقينه على نفس الوضع حد ما خلص الفلم
جمانه : عندك بعد قرص
كيان : ليش تردين بعد فلم
جمانه : اي
كيان : عندي بس رعب تردين
جمانه : لا ما اريد لان اخاف من أفلام الرعب
كيان : تره هوه تمثيل مو حقيقه
جمانه : حتى لو اخاف
كيان : اي على راحتج
جمانه : اني راح انزل تريد شي
كيان : لا
اخذت المواعين ونزلت جوه غسلتهن شويه ونزلت داليا
داليا : جوعانه
جمانه : اكو تمن و روبه
داليا : اي راح اكل
جمانه : شنو اسوي عشه
داليا : دخل نتغده وبعدين نتعشه
جمانه : اي
