السلام عليكم
قراءه ممتعه
احس الكلب يوكف من تكلمه
وراح انطيك كلبي وانت كلمه
بعد ما اكدر اسكت هيه كلمه
اااحبك حته لو تزعل عليه
______________
مر اسبوع علئ الدوم واني اتبعد من كيان ما اريد اتقربله ونظراته الي بعده مستمره بس ما يحجي شي بيني وبينه بس السلام لا اكثر
اليوم لبست تنوره نيليه كلوشه وبدي ابيض ساده لبست وياه كلاده ولفيت الشال ورحت للجامعه شفته من بعيد بساع غيرت الطريق مشيت من الجه الثانيه وصلت للقسم مالتي وكعدت على واحد من المقاعد الموجوده طلعت موبايلي وبقيت اسمع اغاني هادئه شويه واجه كعد يمي اخذ وحده من السماعات ولبسه باوعت عليه وعكدت حواجبي وكلتله
جمانه : شنو اسمي تصرفك هاا
كيان : اسكتي عجبتني الاغنيه
جمانه : كيان شتريد مني
كيان : كلتلج اسكتي
سكتت وبقينه نسمع الاغنيه سويه ماكو شخص بالكليه بس احنه وبعيدين خلصت الاغنيه وطفيت التليفون وخرت السماعه من اذاني هوه هم وخر السماعه وكال
كيان : خطوبة احمد الاسبوع الجاي
جمانه : اي الف مبروك ربي يسعده
كيان : انشالله وانتي معزومه على الخطوبه
جمانه : ما أكدر اجي باركله انته بدالي
كيان : ليش ما تكدرين
جمانه : يمكن سيف ما يقبل وهم الطريق بعيد عليه انشالله اجي بيوم العرس
كيان : اذا على سيف سهله اني اليوم احجي وياه
جمانه : انته ليش مهتم الجيتي الكم
كيان : لا ما مهتم على راحتج تجين او لا
جمانه : اي
بقينه كاعدين وساكتين شويه واجوي كرم و حنان بقينه نسولف مواضيع عامه وبعده بالش الدوام بقيت ادرس اشوف كيان بالاستراحة بس ما انسولف اني من جه وهوه من جهه خلص الدوام طلعت ماشفت سيف طلعت التليفون وخابرت عليه
سيف : الو جمانه
جمانه : وين انته شو ماكو
سيف : عندي كروه وهم بعيد عليج اخذي تكسي وارجعي للبيت
جمانه : اي ماشي
سيف : عندج فلوس للتكسي
جمانه : اي عندي لا تخاف يله بيباي
سيف : باي
سديته منه ومشيت ياهوه الي اوكفه ما يروح لو يطلبون هواي رحت للشارع العام شويه وكفت يمي سياره بيضه عاليه دنكت شفت كيان اشرلي بحاجبه عود اصعد اشرتله براسي بعلامة الرفض بقيت واكفه صار يدك هورن واني واكفه اخر شي طلع من السياره وفتح الباب الي وكال
