سلام عليكم
قراءه ممتعه
انته كلبي ويا كلب بيك ابتليت
انته عمري وغيرك اني شحصليت
انته روحي لو رحت عني انتهيت
انته عيوني لو غبت انعميت
حاولت انساك مره وما نسيت
شنسه منك يالخذت كلبي ومشيت
____________
اليوم الجمعه
كعدت ب10 بكسل بقيت نايمه علئ الجربايه واباوع بالتليفون علئ الفيس اكلتلي نص ساعه بعده كمت غسلت ونزل شفت العشاق يتريكون صبحت عليهم وسويت الي ريوك بعده نظفت البيت وكعدت بالمطبخ يم ساره تطبخ ونسولف مواضيع عامه بعده كملنه تغدينه وغسلت المواعين وصعدت الغرفتي نمت
كعدت من النوم ب3 ونص طبيت سبحت لبست ثوب طويل برونزي اشتريته بعرس سيف خليت مكياج موالم لفيت الشال ونزلت جوه شفت سيف كاعد
سيف ' شنو هذا الكمر اليوم نازل عدنه
جمانه ' هوه يوميه نازل عدكم
سيف ' اي
جمانه ' وين ساره لعد
سيف ' فوك جهز بنفسه هسه تنزل
جمانه ' ها سيف ما انطول عدهم مو
سيف ' لا بس تخلص الحفله نرجع ما انطول
جمانه ' اي خوش
سيف ' ليش ما تردين انطول
جمانه ' اذا طولنه عدهم شي اكيد نرجع متاخرين شويه بين ما انسوي العشه ونكمل راح ادرس قليل وباجر ما الحك ادرس واستوعب زين
سيف ' ليش اليوم ما درستي انتي
جمانه ' لا ما درست خلصته نوم
سيف ' تبل احاول ما نتاخر حتئ تهتمين بدراستج
جمانه ' ماشي
شويه ونزلت ساره لابسه ثوب طويل لون احمر حلو عليه كلشي سيف صار يتغزل بيه اني اضحك بعده طلعنه ركبنه السياره ورحنه بيت اهل كيان اول ما طبيت للفرع حسيت رجعتلي الحياه ابتسمت ابتسامه بسيطه وبعده اخفيته
وصلنه يم الباب مالتهم شفت ولد عمامهم كلهم موجودين واكفين بره طبك السياره ونزلنه سيف راح سلم علئ الولد اجه كيان واحمد سلمو عليه اني سلمت عليهم وباركت ل احمد وبعده
طبينه جواه اني وساره طلعن البنات استقبلنه عرفتهن علئ ساره ورحت سلمت علئ خالتي شفت كل بنات عمهم وعماتهم جايات حتئ بيداء بقيت كاعده يم خالتي ونسولف
ام كيان ' بعدج درسين
جمانه ' اي
ام كيان ' اي عفيه اشوفين كيان بالجامعه مو
جمانه ' اي بس مو دائما لان ما اطلع من القاعه هواي ابقئ ادرس
ام كيان ' شلونه وياج كيان بالجامعه
