السلام عليكم
قراءه ممتعه
الميريدك عمر لا تشتري #لحظات
وانسة الي نساك وعيش #مرتاح
وانسة الذكريات الجانت #ويا
لو حبك صدك ماعافك #وراح
3764 كلمه
ادي صار هواي ما ناشره بس جان عندي ضرف ما خلاني اكتب اتمنه تعذروني
______________
الصبح
حسيت شخص يضربني على خدي بلطف فتحت عيوني شفت كيان وكال
كيان : يا كسوله شكلج اليوم ما ترحين للجامعه
جمانه : نعسانه
كيان : لا كومي كافي نوم
جمانه : بس شويه
كيان : لا ماكو يله
شلت الغطه وغطيت راسي جان يجر الغطه مني بساع كمزت وعدلت نفسي
جمانه : شلون جر الغطه هيج هااا
كيان : حتى تكومين بساع يله كومي
كمت رحت للحمام غسلت وطلعت اخذت ملابسي بدلت خليت مكياج خفيف ولفيت الشال سويت ريوك تريكنه وطلعنه وصلنه للجامعه صار وقت الدوام رحت للقاعه صارت الاستراحه ما شفت كيان و حنان ما جايه للدوام مريضه كعدت بالكافتيريه طلبت عصير وبقيت كاعده جان يجي يمي طالب ما شايفته بس هوه معضل اسمراني الابس بنطرون وقميص ابيض ابتسم الي وكال
... تنتظرين شخص لو لا
جمانه : لا كاعده بحدي
جان يسحب الكرسي وكعد بقيت اباوعله
جمانه : دا سوي انته منو الي سمحلك تكعد
... ترديني اعوف الكمر يكعد بحده شلون
كمت من مكاني جان يخزرني وكال
.. ارجعي بمكانج
رجعت كعدت اريد افهم فلمه شنو
جمانه : تفضل احجي شتريد
.. بالأول خل نطلب شي
طلب عصير وقدمو اله عصبت وضجت صبري نفس وهوه يسوي هيج
جمانه : عن اذنك عندي محاضره لازم اروح
.. بعد وكت انتي ما عندج محاضره هسه
بقيت صافنه شمدري ما عندي شرب من العصير شويه وكال
.. اني اسمي سالم ادرس هندسه عمري 21 عائلتي متكونه من أربع نفرات ام وأب وأخ واخت واني الخامس عندي بيت مسجل باسمي ما كاعد بي بس عن قريب اكعد اني وعروستي بي
جمانه : اي بالعافيه عليك شسويلك اني
سالم : ما تردين تعرفين عروستي
جمانه : لا ما اريد عن اذنك لازم اروح
سالم : يا كمر اكعد شويه خل نتفاهم
