هههههههههههه...😂😂😂😂😂
هادي كانت اصوات ضحك الطلبه ع رد عبدالقادر ع الأستاذة..
هي طارتلها اكثر واكثر...💢💢💢💢💢
آمنه : اطلع اطلع ومعاش نبي نشوفك تحضرلي محاضرة...
⚡عبدالقادر...
احممم..لحظه بس... ع ايسار صدري مدرسه هاوزر تدلف فدلف مش طبيعي...💓💓💓💓
لالالا....فحد لعب بإعداداتي...اني نلخبط مانتلخبطش...
"اطللللع قلت"..
انخلع واستاقظ...
ارتسمت ع وجهه ابتسامه وقعد يشوفلها بنظره مدهوشه..
خلت آمنه تتلخبط شويه..
آمنه :تعرف كان ماتطلعش توا نادي الأمن..
الطلبه قاعدين يتفرجوا ع المشهد...
فاروق:الحيوان يبي يلخبطها..
جلال بضحكه:عادته ولابيشريها ..
عبدالقادر بإبتسامه حك لحيته وقال: بليز ...ماي تتشر...اخر مرة 💓💓💓💓
امنه غمضت عيونها بنفاد صبر:بش تفهم انت قلت اطلع برا بعدي مايخش حد المحاضرة..
عبدالقادر بإبتسامه وهو يتسخف بعيونه: والنبي والنبي اخر مرة ياابله..
الطلبه : 😂😂😂😂😂😂
أمنه برفعة حواجب: اني مش عارفه كيف نماذج من امثالك قاعدين في الكليه هادي ..لكن بإذن الله مش حطول..
طلعت قائمة الحضور والغياب..
اسمك ياطالب...
"عبد القادر يابوعنب ضاق الحال عليا..
داوي حالي يابوعنب سيدي روف عليا"...
يغني ويقدملها لين وصل في الطاوله واتكا بإيديه ع الطاوله..
وهي تشوفله برفعة حاجب...
والطلبه ميتين بالضحك😂...
هو ابتسم وقعد يشوف في القائمه اللي قدامها: عبدالقادر الأمين..شبحلها وع وجهه نفس الإبتسامه..ليش..
امنه بحده:بنسقطلك الماده...
خطت جنب اسمه علامة x بالبيرو الاحمر..
حطت البيرو ومدت سبابتها لباب وهي مغمضه عيونها بشدة :اطلع برا بإحترامك..
كلهم سكتوا ويراقبوا في المشهد بإستمتاع...
هو وقف ع حيله وقعد يشوفلها...طلع نظاراته ولبسهم وهو يشوفلها...مط شواربه لداخل وهو رافع حواجبه...
ولف ماشي متوجه للباب..
آمنه: عليك نماذج ..
هو وين وصل في الباب ..سمع كلمتها تلفتلها...
فتح الباب وهو يشوفلها...
ركز ع ملامح الغضب اللي ع وجهها ابتسم..
هي شبحت للباب...
نزل نظاراته ع خشمه غمزلها..وصكر الباب..
آمنه تلخبطتت ووجها ولا احمر...بعدين شبحت للطلبه لقتهم يشوفولها...
امنه : احمم....نرجعوا للمحاضرة...😳
⚡⚡⚡⚡⚡⚡⚡⚡⚡
وهو طالع...قاعد يمشي وهو مش فاهم خيره...
في حاجه غريبه صارتله...
شعور مش مفهوم...
عبدالقادر: ايه والله مش مفهوم الحق...قصدي هي مش عارف كيف...في شي هكي...حاجه مافهمتش ...
جمان : ولااني والله 😂..
عبدالقادر بضحكه:ماهو انتي قلتيها شعور مش مفهوم...شن هو زعمه!؟؟
جمان : مانعرفش الحق ...😏
عبدالقادر حك راسه من الخلف وقعد يفكر...
لعند ما...
كااااااادر...
غمض عيونه بشده :ياإلهي...
فتح عيونه ورسم ع وجهه ابتسامه وتلفت :اوووو اكرام..
اكرام: اخصص..ياوحش...وينك وين ديارك معاش تبان يا زفتول..
⚡عبدالقادر:
احمم...لو تبوا عنوان لزهاق الكبد او دراه الكبد او القداد...
او اي شي من هالنوع...فهو اكراااام كولا....
"قصده لصقة الكولا"..
عبدالقادر بإبتسامه مصطنعه: اهو هايم في ملكوت الله..
اكرام:ياودييي..الو كيف حالك ساده....بكل مولي انت راهو معاش ادوور ..قدقودة...
⚡عبدالقادر:
غلطة عمري اني تعرفت عليها..نذكر وقتها كان عز الصيف وشكلي كليتها ضربة شمس ماكنه ع دماغي..
شبحلها من فوق للوطا....ضيق عيونه وقال...مش عارف شن شفت فيها..
اكرام بضحكه: اتلقا صدمه القرن...
رفع حاجبه الإيسار وقال بضحكه:صدمة القرن😅...
اكرام مدت يدها توريله فيها: انخبطتت..
عبدالقادر شاف الدبله طااار من الفرحه:الف مليون تريليون دزليون تشيليون مبروك...طيب فيك...عقبال الفرحه الكبيرة..ونشوفوا صغار صغاركم...وباالله سلميلي عليه..تشاووو..
ولف ومشي بسرعه🏃♂️...
اكرام: شكله انصدم...يستاهل...هو اللي ضيعني...😏
🌟🌟🌟🌟🌟🌟🌟🌟🌟🌟🌟🌟🌟🌟
كلية الإقتصاد...
روبين:مارقدتش امس واني نراجي فيه يتصل...
رتاج: اكيد تحشم مش من اول ليله بيكلمك..
روبين : باهي علاش اخته امس تقولي عصام يبي رقمك..
رتاج: ماهو ياغبيه هكي ولاهكي بيكلمك توا ولابعدين..
روبين تنهدت وقعدت ساكته...
رتاج: خيرك روبين..
روبين: مش عارفه خايفه مانتفاهمش اني وياه..فرق العمر مشكله..وهو تحسيه جاد زيادة عن اللزوم...
رتاج: غير مازال ماتعرفتوش ع بعض كويس..
روبين : تقولي هكي..
رتاج:ايه غير انتي معاش تفكري في حكاية فرق العمر بش ماديريش حواجز بينك وبينه..
روبين هزت راسها بإيجاب وهي تخمم...
🌟🌟🌟🌟🌟🌟🌟🌟🌟
الساعه11:00....
كان واقف قدام القاعه ومتكي ع العرصا بكتفه ويبربش فتليفونه...
انفتح الباب...
وبدوا يطلعوا الطلبه
هو مااستاقضش إلا بخبطه يد صاحبه ع كتفه...
فاروق :قدووو....
عبدالقادر التفت طول للباب...
شافها طالعه ...
فتح عيونه بصدمه
لما شافها كيف تمشي..
وشاده فيد شنطة اللاب والتانيه فيها التليفون اللي حاطاته ع وذنها وتتكلم...
لف راسه للجهة التانيه وهو يتبع فيها بعيونه...
جلال: واعرة لكن شرحها مليح..
فاروق بضحكه: نعترف اني ماحسيتش بالوقت ولأول مرة نركز في محاضرة هكي...
⚡عبدالقادر:
هما يتكلموا...والهاوزر اللي ع ايسار صدري داير حاله تقول محور عين زارة ايامات الحرب...
مش عارف والله ولا فاهم علاش هكي نحس...بس نبي نمشي نكلمها ...ومش عارف كيف....هيا ياقادر فكر ماتغلبش..
جمان : قصدي المفروض تخمم في حكاية اسقاط الماده😒
عبدالقادر ضحك بلمعة عيون: ايه والله صح 😍...
وطار يجري...
فاروق :خيره هدا 😞
جلال بضحكه :مصر يلخبطها...😂..
فاروق بضحكه:مستحيله المرة هادي😂..
🏃♂️🏃♂️🏃♂️🏃♂️
كان يجري ويتجاوز في هدا وهديكا...كله بش يوصل قبلها للقسم ...لانها كانت تمشي ع مهلها وتتكلم بالتيلفون..
وفعلا وصل للقسم..
⚡عبدالقادر وهو داهش:..
كان نعرف علاش ندير هكي بس...💓
قعد واقف يراجي...
لين جت خاشه....
امنه:حاضر يابوي..بعد نروح من الجامعه نجي حاضر...
باهي...السلام عليكم...صكرت...
تنهدت بضيق وقعدت تخمم....
قطع عليها تفكيرها...
"عفوا ماي تيتشر"..
صكرت عيونها بشده بعدين فتحتهم ورفعتهم فيه بنظره حاده....وفاتت من حداه....
⚡عبدالقادر..
لما تشبحلي هكي..اني مش عارف شن نحس..💓..
مشي وراها.. وحاول يكون مؤدب...
عبدالقادر: احمم...استاذة لوسمحتي ممكن ناخد من وقتك شويه بس...
⚡عبدالقادر..
...اناااا مش عارفني انا مين اناااا...
امنه ولامعبراته...
قدم كم خطوة وجي قدامها وقعد يمشي للخلف:لو سمحتي..شويه بس..
امنه وقفت وقالت بحده:نعم!!
عبدالقادر بإبتسامه وهو يحك فلحيته:نبي نحكي معاك في حكايه الاسقاط هادي...
امنه:معاش في كلام خلاص..وترا لوسمحت حول من قدامي..
عبدالقادر: غير صلي ع النبي استاذه..وماتكونيش سبب في دمار مستقبلي وتعطيل عجله حياتي..اني نبي نتخرج خلاص لأني فديت..ولحقت ع كل الأجيال..اجيال ورا اجيال قعدت نخرج فيهم...لو بنزيد سنة تانيه جماعة قسم الحيوان بياخدوني ويحنطوني ويحطوني في متحفهم ويسموني مومياء جامعة طرابلس..من عهد السروال الازرق بالمسحات..
امنه شبحتله شويه..بعدين شبحت القدام وفاتت من حداه..
عبدالقادر😕...
كملت تمشي ...وهو كمل وراها..
عبدالقادر؛نعطيك وعد نقعد عاقل نحضر المحاضرات اول بأول ونصفي الماده متاعك...بنتيجة الديتول..ارجوك..
ع جية استاذه فايزة..
فايزة: امنه حبيبتي..
ابتسمت امنه : اهلا استاده امنه..
هو لما ابتسمت...ابتسم معاها زي العبيط😁..
سلموا ع بعضهم وهو مركز ع امنه..منجذب ليها ومش عارف علاش..
⚡عبد القادر..
لاعارف...ملامحها قويه...وسمرا...وعيونها بالذات صح فيهم حزن لكن محليهم...
جمان:واااو طلعت شاعر😒
عبدالقادر بضحكه:اني بروحي انصدمت فنفسي...
فايزة:شن جو اول يوم معاك..
امنه بإبتسامه؛كويس لولا بعض المنغضات..
عبدالقادر رفع حواجبه..
فايزة شبحتله؛ايييه..عبدالقادر هدا منغص للقسم كامل.
عبدالقادر ضحك بصدمه؛بارك الله فيك..
فايزة بضحكه:من المعمرين في الكليه..
امنه شبحتله بطرف عينها وقالت: اللي نعرفه المستهترين في كلية العلوم مايقعدوش..مستغربه الحق...
فايزة : باك السنه هادي يديرها ويتوكل..
عبدالقادر ضحك بصدمه وقال: والله ماكنت نعرف انكم قالقين مني لهالدرجه...ع العموم ..اني ناويها بنتخرج خلاص.
لكن الأستاذة ربي يهديها تبي توقف في طريقي...
وقعد يحكي ويعيد ويزيد ونفخلهم روسهم...
لين في الأخير فايزة قنعت امنه تتراجع عن حكايه الإسقاط..
امنه :لكن وقسما بالله...تتكرر تصرفاته هادي ماني متراجعه لو يخش فيها العميد..
فايزة ضحكت...
عبدالقادر ضحك وبنظرة حلوة قال: ممنونك انا..
امنه وجهها ولا احمر ...
فايزة: هي مالا تسقد توا...
عبدالقادر ضحك برفعة حواجب: هاني متسقد وان شاء الله نتسقد من الكليه العام الجاي بش تتريحي انتي بالذات..
شبح لآمنه اللي كانت تشوفله بطرف عينها..
عبدالقادر بإبتسامه: فرصه سعيده Myteacher....ضيق عيونه وقال...What is your name...
شبحتله بحده..
فايزة بضحكه:امنه...استاده امنه...
عبدالقادر ابتسم ع جنب وقال:آمنه..
هي قعدت تشبح لفايزة ووجهها احمر من نظراته..
فايزة: هي شليك..
ضحك عبد القادر: مشليك...سلام....
شبح لآمنه...وبعدين لف ومشي..
تنهد وضحك...طلع من القسم..
فايزة: تعودي عليه تحسيه متروشق شويه لكن طيب..
امنه :ماعندي ماندير بطيبته غير يحترم نفسه ويحترمني ساد...
ضحكت فايزة...
ع جية الاستاذ عصام...
عصام :السلام عليكم..
ردوا الزوز :وعليكم السلام..
ردت آمنه وهي متفاجئة...
فايزة:هادي الأستاذة آمنه اللي حكيتلك عنها..
عصام ابتسم ومد يده : اهلا..
آمنه: اعذرني مانسلمش ...
عصام ابتسم بإحراج وحط يده فجيبه:اسف..
امنه ابتسمت : مافيش مشكله...
عصام بإبتسامه:معاك استاد عصام الشوال ندرس هني ليا 3سنوات...
امنه هزت راسها بإيجاب..
فايزة: من اكفأ اعضاء هيئة التدريس هني..
عصام بإحراج:هلبه هكي...
ابتسمت امنه...
فايزة بضحكه:ماقلت الا الحق...
رن تليفون امنه..وجهها تغير لإنها عارفه منو المتصل..
امنه: هي نستأذن اني توا..
فايزة : اذنك معاك...
عصام :فرصة سعيده.
امنه بإبتسامه : اني اسعد...السلام عليكم..
لفت ومشت وهما يردوا عليها في السلام.
وعصام يشوفلها كيف تمشي...
فايزة: عندها عيب خلقي فرجلها..
ابتسم عصام وقال:ماينشافش...قدام حاجات تانيه..
فايزة بإبتسامه:زي شنو...
عصام شبحلها:انتي قريتيها انتي ادرى...ابتسم وقال..عن اذنك...ومشي
ابتسمت فايزة...وكملت طريقها...
🌟🌟🌟🌟🌟🌟🌟🌟🌟🌟🌟🌟🌟
مشت امنه لحوش بوها...
اللي كان فيلا كبيرة اشبه بالقصر...
حالة بوها الماديه كويسه...
تزوج متاخر هلبه...مرته صغيرة وعنده منها ولد عمره12سنه..
ومرته كانت مااطيقش شبح وجهها...
اول ماخشت امنه...
مشت طول للصالون وقعمزت...
لين جتها مرت بوها وولدها معاها..
الهاديه: السلام عليكم..
امنه شبحتلها : وعليكم السلام...
حطت مرت بوها كتابات ولدها ع الطاوله..
الهاديه:حليله اسئلة المراجعات وفهميه كويس...قريه بقلب ورب خوك هدا....
امنه تجاهلتها مرغمه تجنبا للمشاكل...
الهاديه : برا حبيبي قعمز وركز كويس باهي..
ولدها معتز:باهي..
ومشت الهاديه...
وكانت امنه معاها بعيونها لين اختفت...تنهدت وشبحت لخوها..ابتسمت وباساته من خده:استاحشتك..
معتز :حتى اني....
ضحكت💓...
🌟🌟🌟🌟🌟🌟🌟🌟🌟🌟🌟
الساعه 3ظهرا...
عمرها حصلتلك دي...
تبقى لسا شايف حد
وانت لسا ماتعرفوش ايوه ماتعرفوش..
خش للكوجينه وهو يغني...
وحناه واقفه ع كسكاس العصبان تشوف فيه..
وصل فيها وحط يده في الكسكاس...
وتجيه قرصه باهيه...
طلعتله يده وهي تقرص فيها برا الكسكاس..
عبدالقادربضحكه: انااااا...بقى ..اااه..ههههههههه..
حناه:الحركه البايخه هادي بطلها..
قرب باس راسها..
ودخل يده التانيه في الكسكاس وخدي مصران...
بعد وقال:عصبانك ياحاجه هدا مانقدرش نقاومه..لااسطيييع والله..
وبدي ياكل في المصران..
حناها بصدمه :ريت السفتول..
وخر وقعد ياكل ويضحك..
تجديده:خلاص..تملك السو اللي كليته حصتك من المصارين..
عبدالقادر بضحكه وهوياكل: تي ياودي باهي باهي..
تجديده:وراس جدك ماواكل غيره..
عبدالقادر بضحكه:اممم..مادام حلفتي براس جدي اني مطمن..
تجديده بضحكه:يلي ماتحشم...امتى حلفت براس جدك وكذبت ..
عبدالقادر: اني اللي نعرفك ياجوجي..لما تبي تكذبي تحلفي براس جدي..
تجديده:ههههههههه...خزييي يامعفن..
عبدالقادر يضحك ومازال ياكل..
تجديده؛ايه اليوم بترفعني اني وخالتك حليمه للسوق..
عبدالقادر بلع ولقمته وقال:اييييييييييه علينا...
تجديده:مادخليش بيك زي ماخشيتلك في موضوع السيارة ترفعني للسوق..ياإما والله نعفسلك فيها..
⚡عبدالقادر..
ملاحظين ان العايله الكريمه تتفنن في استغلالي ولا!!
عبدالقادر: ياوديييي باهي باهي...لكن من توا حليمه النفاخه بتوصل فيا بنطول لساني ونولي قليل ادب...
وطلع من حداها..
وهو ماشي قال..
⚡عبدالقادر: من هي حليمه النفاخه!!؟
ضحك وقال :هادي البيست فرند متاع حناي..راسها وراسي مش عاجبها فيا شي..تعبي فراس حناي عليا..
مرة قالتلها ولد ولدك هدا مش طبيعي..اكيد ياخد في حاجه..
وقعدت حناي ديما مخنسه مني..لين في مرة ضبطها بالجرم المشهود تفتش في الدار...
ضحك وحرك راسه ايمين وايسار..وياااااما وياااما قالت عليا فوجهي وقفاي...
رفع سبابته وقال :المشكله ان عندها 10اولاد ..رفع كفوفه فوق...10 كل واحد ازفت من التاني...
صدق من قال الجمل مايشوفش لعوج رقبته..
وصل في داره وفتح الباب وقال...لكن توتشوف اليوم شن نديره فيها..
وصكر الباب فوجهي 😕😑...
🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟
الساعه 5عصرا...
بعد كملت لخوها اغلب مراجعات مناهجه...
طالعه بتروح...
وين وصلت في الباب شدها حديث سمعاته بين الهاديه وخوها اللي جي يزور فيها...
الهاديه: وليش ياكبدي ماطيح كان في العايبات..وحده ماتجيبش والتانيه عرجا...
سمير: انتي تعرفي اني نبي الصغار وبس وبنت راجلك انتي بروحك قلتي مايطق فبابها حد معناها حترضى بأي وضع تنحط فيه لو جاها موضوع زواج..
الهاديه:لالا فوتها..راهي فوق عيبها تحسها مريضه نفسيا ومعقده والله تكرهك فعيشتك..
سمير:نشوف فيها عاديه...
الهاديه:طياح سعدها..
سمير:تو انتي تبي تفتكي منها وقلتي بلسانك بوها حتى هو يبي يفتك من مسؤوليتها...خلاص معناها...
🍃هي معاش قدرت تتحمل تسمع اكثر من هكي...
طول طلعت ...وهي تحاول جاهده تتمالك نفسها..
وصلت في سيارتها بالسيف ركبت وهي ترعش ..
شغلت سيارتها وطول تحركت...
🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟
في الطريق ..
رافع حناه والبست فرند متاعها 😁...
فاتح زمزامات....ومعلي الصوت ويغني بأعلى صوته...
عبداالقادر:
وليد وحيد عمااار الدار...اللي عنده عشرة شن دار...
تجديده شادة ضحكتها..
وحليمه هدا فيسها 😒...
وهو منسجم ويلقح...
لين وصل في الزحمه..
وقفوا نقص الصوت....
حليمه:واااك مع الزحمه هادي امتى نوصلوا..
تجديده : نوصلوا نوصلوا ...
هو فتح الروشن..وطلع راسه من الروشن يشوف في الزحمه..
تأفف...شبح جنبه...جاي بيشبح القدام..
رجع شبح جنبه مرة تانيه...
حول نظاراته..وهو عيونها متوسعات...
شافها هي...
في السيارة...كانت تبكي...بكبرياء...
تبكي مرغمه لأنها مش قادرة تتحمل..
بس في نفس الوقت كانت تحاول
تتماسك....
هو حس بأنه موجوع عليها ...قال بضيق..
Oh...My teacher 💓
....يتبع...
بإذن الله...حنبدا نزلها ...يوم بعد يوم...😍😍😍
